Pressan - 17.09.1992, Blaðsíða 23
FIMMTUDAGUR PRESSAN 17. SEPTEMBER 1992
23
\]c%W\a4*4*
Við notum yfirleitt meiri farða á vet-
urna en sumrin, því flestar konur hafa
misst litinn sem þær náðu yfir sumarið.
Sérstaklega nota konur meiri andlits-
farða, sem er mjög gott til að verja
húðina gegn kuldabiti og æðasliti. Fólk
er því oft hissa þegar það sér kafmál-
aða konu uppi á fjöllum, en í raun er
hún að verja húðina betur en margur
annar. Pað eru auðvitað til ýmis krem
til verndar húðinni en þetta er ekki
verri leið. Kona sem ætlar að stunda
vetraríþróttir og vill verja andlit sitt á
að setja á sig frostvörn, andlitsfarða óg
púður og hefur þá klætt andlit sitt eins
og líkama sinn...
Ef konur vilja farða burt æðaslit, sem
getur verið það áberandi að venjulegur
farði nær ekki að hylja það, dugar ekk-
ert annað en „græna kremið" svokall-
aða. Það er borið á rauðu dílana og
andlitsfarði síðan settur yfir. Varast skal
að setja of mikið af kreminu á sig því
það myndar nokkurs konar litleysu.
Reglan sem best er að fylgja er sú að
ekki má sjást rauður litur af slitinu en
alls ekki grænn litur heldur. Ef rétt leið
er farin á að myndast nokkurn veginn
grár tónn. Á eftir er andlitsfarðinn sett-
ur á. Hann á ekki að bera á andlitið
eins og venjulega því þá getur „græna
kremið" dregist til og best að „dúmpa"
farðanum varlega ofan á...
Margar konur eru meo bauga og ráða
ekkert við þá tilfinningu að láta þá fara
í taugarnar á sér. Það finnst þó ráð við
þessu eins og svo mörgu öðru og er
sérstakt baugakrem notað til að gera þá
minna áberandi. Konur setja kremið
gjarnan undir andlitsfarðann en það er
alrangt. Pað á að setja það eftir á, ann-
ars er hætt við að kremið dragist í
burtu þegar andlitsfarðinn er settur á.
Sem sagt, „dúmpa" baugakreminu var-
lega á eftir að andlitsfarðinn er kom-
inn...
HAFNARSTRÆTI15
REYKJAVÍKSÍMI13340
BETRA ÚTLIT
kti+áA’
Undirstaða góðrar augnförðunar er að
eiga góða pensla. Eru marðarhár-
spenslar það besta sem völ er á, en í
þeim eru náttúruleg hár. Þetta eru
sömu penslar og myndlistarmenn nota
í vatnslitamyndir og þeir mýkstu sem
til eru, og annað á ekki að nota á hið
viðkvæma svæði í kringum augun. Það
á til að mynda alls ekki að nota
svampa eða gervihársbursta, sem yfir-
leitt fylgja augnskuggum. Marðarhár-
spenslar eru töluvert dýrir en duga
endalaust og góðir penslar eyðileggjast
ekki. Margir förðunarpúðar eru til en
þeir sem vert er að eiga í snyrtivöru-
safninu eiga að vera þannig að hægt sé
að bleyta þá. í „kökumeik" er sérstak-
lega gott að nota blautan meikpúða...
Ef dekkja á augabrúnir má benda á að ekki er æskilegt að nota blýanta til þess
arna og ekki vænlegt til árangurs. Betra er að nota dökka, matta augnskugga og
bera þá á með pensli. Ef konur eru að mála sig á annað borð er fallegt að setja
aðeins á augabrúnirnar til að skerpa þær örlítið, en þær eiga að vera mun
dekkri en háralitur að því tilskildu að þær séu Ijóshærðar. Dökkhærðar konur
þurfa engar áhyggjur að hafa...