Morgunblaðið - 28.04.2004, Side 28

UMRÆÐAN
28 MIÐVIKUDAGUR 28. APRÍL 2004 MORGUNBLAÐIÐ
BORGARSTJÓRI verðskuldar
þakkir fyrir að svara grein minni sem
birtist í Morgunblaðinu þriðjudaginn
13. apríl. Fyrir hönd fundarbjóðenda
þakka ég honum einnig fyrir að hafa
mætt EINN og AÐEINS EINN
borgarstjórnenda á
opnum borgarafundi
vegna yfirvofandi flutn-
ings Hringbrautar.
Nennir nokkur að
lesa ritdeilur?
Tel ekki ástæðu að
svara borgarstjóra lið
fyrir lið. Þó get ég ekki
annað en hnotið um orð
eins og ranghugmyndir
Dóru, ómálefnanlegir
útúrsnúningar Dóru,
afflutning forsvars-
manns fundarboðanda
(þetta hlýtur að þýða rangtúlkun
mína á orðum borgarstjóra.) Þeim
sem hafa áhuga get ég bent á að bera
saman grein mína sem birtist í Morg-
unblaðinu 13. apríl sem m.a. inniheld-
ur spurningar til borgarstjóra og svar
hans sem birtist í Morgunblaðinu
fimmtudaginn 15. apríl.
Nokkrar stokkaborgir
sem ekki eru milljónaborgir
Borgarstjóri segist hafa sagt að
stokkar væru ekki nema í millj-
ónaborgum. Gott og vel. Ef hann tel-
ur sig hafa viðhaft þau orð voru nægi-
lega mörg eyru á borgarafundinum
sem heyrðu ekki milljónaborgir
nefndar. Var borgarstjóri vísvitandi
að útiloka Oslóborg með 512.589 íbúa
og fjóra stokka alla setta í jörð til að
kljúfa ekki byggðina. Sama á við um
Aveiro borg á vesturströnd Portúgal
með tæplega 50.000 íbúa og tvo
stokka. Boston er með tæplega
800.000 íbúa og stofnbrautir sem nú
er verið að leggja. Þetta eru ekki
milljónaborgir.
Verðmæti lands
Það sem gleður mig mjög í svari
borgarstórans er að borgaryfirvöld
eru í fyrsta sinn að viðurkenna verð-
mæti landsins þótt okkur greini á
með upphæðir. Hins
vegar er sorglegt að
lesa álit borgaryfirvalda
um hversu létt þau
meta ábyrgð sína á
skattfé okkar Reykvík-
inga að í lagi sé að
leggja sex akreina nýja
Hringbraut strax, án
knýjandi nauðsynjar og
síðar megi grafa hana
niður, eins og borg-
arstjóri lýsti yfir í svari
sínu. Hvers kyns að-
ferðafræði er þetta?
Tvíverknaður gatna-
gerðar, gatanagerðar sem enn eru
engin haldbær rök fyrir? Hvers kon-
ar bruðl og vitleysa viðgengst hjá
þessum hópi sem er í meirihluta að-
stöðu á þessu kjörtímabili?
Eftirfarandi texti er tekinn af vef
Vegagerðarinnar: „Megintilgangur
framkvæmdarinnar er að sameina
Landspítalalóðina og færa meg-
instrauma umferðar frá Landspít-
alanum – háskólasjúkrahúsi.
Varðandi LHS þá virðast ekki vera
til 40 milljarðar til uppbyggingar
spítalans við Hringbraut. Þar vísa ég
til samdráttar í heilbrigðiskerfinu.
Einnig er alls óvíst hvernig uppbygg-
ing LHS verður við Hringbraut. Væri
ekki líka rétt að bíða ákvörðunar um
staðarval þar til heildarlausn finnst,
hvort heldur við Hringbraut, Fossvog
eða annars staðar á höfuðborg-
arsvæðinu? Ýmsir, m.a. erlendir ráð-
gjafar, hafa bent á að fljótlegra og
ódýrara yrði að byggja við Fossvog.
Þess vegna spyr ég: „Eru ekki meg-
inrökin fyrir færslu Hringbrautar
brostin?“
Framtíðarsýn og ábyrgð
borgaryfirvalda
Í dag eru fjölmargir þættir óljósir um
framtíð Vatnsmýrarinnar þegar flug-
völlurinn verður lagður niður og um
framtíðarstaðsetningu LHS. Hvers
vegna vilja ekki borgaryfirvöld sýna
ábyrgð á fjármunum sem þeim er
treyst fyrir og bíða með breytingu
Hringbrautar þar til framtíðarsýn
verður aðeins skýrari?
Fyrirhuguð breyting á Hringbraut
er stórmál sem á eftir að skipta sköp-
um fyrir framtíð Reykjavíkur og allra
landsmanna. Ef borgaryfirvöld keyra
áfram á sama hátt og jafnsjálf-
umglöð, sitja þau uppi með alvarlega
ábyrgð á umhverfis- og skipulagsslysi
í Reykjavík sem komandi kynslóðir
eiga eftir að sakfella þau um. Er þessi
gjörningur þau minningarorð sem
borgaryfirvöld vilja hafa á legsteini
sínum?
Íbúalýðræði
Enn og aftur spyrjum við, sem erum
algjörlega andvíg fyrihuguðu skipu-
lagsslysi. Hvað þarf að gerast til að
núverandi borgaryfirvöld samþykki
að Reykvíkingar fái að kjósa um
þetta stórmál vonandi samhliða vænt-
anlegum forsetakosningum 26. júní?
Spurning okkar í væntanlegri
kosningu er svohljóðandi. „Ert þú
samþykk(ur) því að frestað verði
framkvæmd á færslu Hringbrautar
Já / Nei“
Reykvíkingar og íbúar höfuðborg-
arsvæðisins sem aðild eiga að átaks-
hópnum gegn færslu Hringbrautar
óska fyrst og fremst eftir að sam-
göngu- og borgaryfirvöld bíði með
framkvæmdina þar til ákveðnari línur
verði dregnar um framtíð þessa dýr-
mæta svæðis. Slíkt gefur rúm til öfl-
ugrar kynningar á málinu, nánari
skipulags- og fjárfestingaáætlana,
meiri framsýni, betri ákvarðana um
hvar fjármunir nýtist best, bæði um
íbúabyggð í Vatnsmýri, staðarvali
LSH, umferðarskipulagi á Hring-
brautar- og Vatnsmýrarsvæði og –
ekki síst, ég endurtek, – hvort fjár-
munir nýtist betur með:
1. Skiptingu fjármuna og hag-
væmni í framtíðarstaðarvali LSH
2. Eflingu miðborgarkjarna
Reykjavíkur og kostum íbúð-
arbyggðar í Vatnsmýri
3. Heildar- en EKKI búta-áætlun
um framtíðarlegu Hringbrautar.
Byggið ekki á 34 ára „framtíð-
arsýn, gefið íbúum Reykjavíkur og
höfuðborgarsvæðisins alls, tækifæri
til áhrifa á eigin framtíð.
Umhverfisvernd Reykja-
víkur og Reykvíkinga
Dóra Pálsdóttir svarar efnis-
legum svörum borgarstjóra ’Fyrirhuguð breyting áHringbraut er stórmál
sem á eftir að skipta
sköpum fyrir framtíð
Reykjavíkur og allra
landsmanna.‘
Dóra Pálsdóttir
Höfundur er kennari.
Hringbraut í stokk og samfelld byggð frá Reykjavíkurhöfn að Nauthólsvík.
Raunveruleiki 6 akreina stofnbrautar. Skeifan og Smáíbúðahverfið að-
skilin + 100 metra óbyggilegt svæði til sitt hvorrar hliðar við brautina.
HS Bólstrun ehf.
www.bolstrun.is/hs
M
EI
ST
AR
AF
ÉLAG BÓLSTRA
R
A
STOFNAÐ 1928
Í GREIN eftir Hjálmar Árnason
alþingismann, sem birtist í Frétta-
blaðinu 10. apríl sl., fer hann rang-
lega með staðreyndir um þróun at-
vinnuleysisbóta. Hann gerir mikið
úr hækkun sem stjórnvöld hafa lofað
að verði á atvinnuleysisbótum núna
á næstunni og kallar það risastökk,
ef þær fara upp í 89 þúsund krónur.
Ég spyr: Hverjir hafa
haldið bótunum svo
lágum undanfarin ár
að það þurfi risastökk
til að koma þeim upp í
89 þúsund krónur og
hverjir eru ábyrgir fyr-
ir þessari ósvinnu? Ef
þú veist það ekki,
Hjálmar, þá eru það
framsóknarmennirnir
Páll Pétursson og Árni
Magnússon. Fram-
sóknarflokkurinn hef-
ur haft þennan mála-
flokk síðan 1995.
„Risastökkið“
Á árunum frá 1990 til 1995 héldust
lágmarkslaun verkafólks og atvinnu-
leysisbætur nokkurn veginn í hend-
ur, þó voru bæturnar aðeins hærri.
Sem dæmi má nefna að 21. febrúar
1995, rétt áður en Framsókn tók við
félagsmálunum, hækkuðu atvinnu-
leysisbæturnar í kr. 50.036 á mánuði
en ekki í kr. 43.000 eins og Hjálmar
fullyrðir í grein sinni. Þá voru lág-
markslaun verkafólks kr. 46.838 (sjá
meðfylgjandi töflu). Eftir að Fram-
sóknarflokkurinn kom inn í rík-
isstjórn vorið 1995 hættu bæturnar
að fylgja launaþróun og síðan þá
hafa þær stöðugt dregist meira og
meira aftur úr. Þeim
sögulegu staðreyndum
verður ekki breytt.
Réttur samanburður
á lágmarkslaunum og
atvinnuleysisbótum frá
1995 sýnir allt aðra
mynd en Hjálmar
dregur upp í fyrr-
nefndri grein. Risa-
stökkið sem hann talar
um, dugar hvergi nærri
til að jafna þann mikla
mun sem orðinn var.
Þó svo að bæturnar
hækki nú þegar í kr.
88.767 eins og félagsmálaráðherrann
hefur lofað, þá verða þær samt
12,65% lægri en lágmarkslaun í
landinu.
Fullyrðingar Hjálmars Árnasonar
alþingismanns og Árna Magn-
ússonar félagsmálaráðherra um
mikla hækkun atvinnuleysisbóta frá
1995 eru því alrangar og í raun sögu-
fölsun. Hið sanna er að bæturnar
eru og hafa undanfarin ár verið
langt undir lágmarkslaunum og í
stað þess að hæla sér af því ætti
Hjálmar og allur Framsóknarflokk-
urinn að skammast sín fyrir það.
Hærri bætur
Árið 1991 voru atvinnuleysisbætur
7,59% hærri en lægstu launataxtar
verkafólks, en nú á árinu 2004 eru
þær 12,65% lægri en lágmarkslaun,
þó svo að þær hækki í tæplega 89
þúsund krónur. Þetta verður að laga
sem fyrst. Alþingi verður að taka
rögg á sig og lögfesta að atvinnu-
leysisbætur verði aldrei lægri en
lágmarkslaun og fylgi launaþróun í
landinu. Með því yrði komið í veg
fyrir að upphæð bótanna sé háð geð-
vonskuköstum einstakra ráðherra
eins og verið hefur tvö síðastliðin
kjörtímabil og það sem af er þessu.
Um „risastökkið“ sem hann
Hjálmar segir að atvinnuleysisbæt-
urnar hafi tekið vil ég segja þetta:
Svo lengi má trassa og treina,
tefja og setja í bið,
að risastökk reynist það eina
sem réttir hlutina við.
„Risastökkið“ hans Hjálmars
Sigurður T. Sigurðsson skrifar
um atvinnuleysisbætur ’Hið sanna er að bæt-urnar eru og hafa und-
anfarin ár verið langt
undir lágmarkslaun-
um …‘
Sigurður T. Sigurðsson
Höfundur er starfsmaður
hjá Vlf. Hlíf.
Sendum til fyrirtækja
í hádeginu • Magnafsláttur
Upplýsingar í síma
552 2028 og 552 2607
www.graennkostur.is
flísar
Stórhöfða 21, við Gullinbrú,
sími 545 5500.
www.flis.is
netfang: flis@flis.is
Allt fyrir baðherbergið