Morgunblaðið - 04.06.2004, Síða 12

FRÉTTIR
12 FÖSTUDAGUR 4. JÚNÍ 2004 MORGUNBLAÐIÐ
Í FYRRA féllu til um það bil 35
tonn af kjöti við vísindaveiðar á
hrefnu og um fjögur tonn af rengi
en þeir aðilar sem keyptu kjötið og
rengið áttu enn óseld um 23 tonn af
kjötinu og um 900 kíló af renginu.
Þetta kom fram í svari sjávarút-
vegsráðherra, Árna M. Mathiesen, í
miðjum síðasta mánuði, við fyrir-
spurn Jóhanns Ársælssonar.
Í svari ráðherra kom einnig fram
að Félag hrefnuveiðimanna, sem sá
um veiðarnar undir stjórn Hafrann-
sóknastofnunar, hefði fengið allar
afurðirnar í sinn hlut og selt smásöl-
um og að kjötbirgðirnar væru í eigu
Ferskra kjötvara hf. en rengið í
eigu verslunarinnar Svalbarða.
Líklegt að veiðimenn sjái sjálf-
ir um að koma kjötinu í neyslu
Gunnlaugur Konráðsson í Félagi
hrefnuveiðimanna segir félagið vera
að skoða söluna á hrefnukjötinu,
ekki sé ólíklegt að félagið reyni að
sjá sjálft um að koma kjötinu í
neyslu. Það sé hugmyndin. Ekki sé
um mikið magn að ræða og menn
hafi ekki trú á öðru en hægt sé að
koma kjötinu í umferð vandræða-
laust ef skynsamlega sé að því stað-
ið og það selt nógu víða. En menn
þurfi vitaskuld tíma til að undirbúa
slíkt.
Gunnlaugur segir að í fyrra hafi
félagið verið smeykt við að taka að
sér kjötið svona seint og beint inn í
sláturtíðina og því hafi verið ákveðið
að selja allt kjötið fyrir fram svo að
menn gætu einbeitt sér að veiðun-
um. Gunnlaugur segir að markaðs-
setning hjá smásalanum sem hafi
keypt kjötið virðist hafa brugðist al-
gerlega og kjötið verið selt við allt
of háu verði. Hann telur að verðið
megi ekki vera meira en 500–600
krónur út úr búð en í fyrra hafi það
verið selt á allt yfir 1.000 krónur, á
sama tíma og staðan á kjötmarkaði
almennt hafi verið mjög erfið.
Leifur Þórsson, framkvæmda-
stjóri Ferskra kjötvara, segir rúm-
lega 20 tonn af hrefnukjöti vera
óseld. „Við höfum verið að selja svo-
lítið af þessu hér innanlands en það
hefur gengið frekar hægt en við er-
um að leitast eftir að selja þetta er-
lendis.“
Leifur bendir á að fyrirtækið
Pelastikk hafi verið búið að fá út-
flutningsleyfi frá ráðuneytinu hér til
að selja kjötið til Kína. „Við vorum
búnir að selja allt magnið til Kína
þegar kom undirskrifað bréf frá
ráðuneytinu þar sem leyfið var aft-
urkallað. Það eru forkastanleg
vinnubrögð og ég veit ekki betur en
Pelastikk ætli í mál út af þessu.“
Leifur segir ekki fullreynt hvort
selja megi allt kjötið innanlands en
það myndi væntanlega kosta mikið í
markaðssetningu. Meginástæðan
fyrir dræmri sölu í fyrra hafi verið
að staðan og verðlagning á kjöt-
markaði hafi verið skelfileg og þessi
viðbót því komið á versta hugsan-
legum tíma.
Spurður um framhaldið segist
Leifur ekki vera „farinn á taugum
út af þessum birgðum, ég sel þetta“.
Meira en 20 tonn af
hrefnukjöti enn óseld
Félag hrefnuveiðimanna segir að
ekki eigi að vera vandamál að koma
kjötinu út ef rétt er að málum staðið
Morgunblaðið/Árni Sæberg
Kjötið smakkað: Hrefnukjöt eldað í verslun Hagkaupa í fyrrahaust.
HOLLIÐ sem opnaði Norðurá lauk
veiðum um hádegi í gær og hafði þá
landað fjórum löxum. Eins og fram
hefur komið veiddust þrír á fyrstu
klukkustundinni á þriðjudags-
morgninum en einn fiskur náðist í
gær. Sá tók á Stokkhylsbrotinu. Þá
settu veiðimennirnir í nokkra laxa
sem sluppu. Að sögn Guðmundar
Viðarssonar, matsveins í veiðihús-
inu við Norðurá, hefur lax sést víða
í ánni á síðustu dögum. Þrír stórir
laxar fóru upp Glanna í gær, sem er
óvenjulegt svo snemma sumars, og
fullyrtu þeir sem sáu fiskana að
einn hefði verið meira en 18 pund.
Urriðaveiðin í Staðartorfu og
Múlatorfu í Laxá í Aðaldal hófst
fyrsta júní, þar sem veitt er á tvær
stangir á hvorum stað, og fór vel af
stað eins og veiðin ofar í ánni, í
Laxárdal og Mývatnssveit. Þeir sem
voru að veiðum fyrsta og annan
júní létu vel af sér og sögðust hafa
fengið fínan afla, urriða sem voru á
bilinu 1,5 til 3 pund en fátt um fiska
þar yfir. Bjart veður var fyrri dag-
inn en veiðin gekk betur þann síð-
ari en þá var meiri dumbungur og
fékkst aflinn að langmestu leyti á
straumflugur.
Góð veiði á Arnarvatnsheiði
Veiði á norðanverðri Arn-
arvatnsheiði hófst í síðustu viku, og
að sögn heimildarmanns er var að
veiðum síðustu daga og sneri heim
með 21 fisk, voru margir að fiska
vel, ekki síst efst í Austurá sem
rennur úr Arnarvatni stóra. Erfitt
hefur þó reynst að fá fisk til að
taka, þar sem hann er stútfullur af
æti, flugum og hornsílum. Best
gekk að setja í fisk með litlum kúlu-
púpum, en einnig gáfu beita og
spúnn nokkuð.
Theodór Pálsson veiðivörður
segir fiskinn vera að stækka í vatn-
inu og þakkar hann það skipulegri
grisjun veiðibænda sem veiða ár-
lega mikið magn af fiski í net. Mikið
af fiskinum sem veiðimenn voru að
fá síðustu daga er á bilinu eitt til
þrjú pund, en þó eru stærri fiskar
innanum. Bleikjan er í miklum
meirihluta. Veiðileyfi á svæðið selja
Þorsteinn Helgason á Fosshóli og
Staðarskáli.
Veiði á Þingvöllum hefur verið
ágæt að undanförnu eftir hlýindi og
hafa menn sem til þekkja gert góða
veiði, fyrst og fremst á Lambahaga-
num en einnig undan Vatnskoti.
Verr hefur gengið innar með landi
þjóðgarðsins, þ.e. í átt að Vatnsvik-
inu, enda gefur bleikjan sig yfirleitt
seinna þar.
Morgunblaðið/Sigurður Sigm.
Bjarni Freyr Þórðarson og Kristján
Stefánsson við Arnarvatn stóra.
Ágæt sil-
ungsveiði
nyrðra
ERU
ÞEIR AÐ
FÁ’ANN?
JÓN Kristjánsson heilbrigðisráð-
herra hefur sent læknum tækni-
frjóvgunardeildar Landspítala –
háskólasjúkrahúss (LSH) bréf þar
sem hann tilkynnir þá ákvörðun
sína að veita læknunum heimild til
einkarekstrar í tæknifrjóvgun utan
spítalans. Nokkur skilyrði eru sett
fyrir leyfinu, m.a. um gerð þjón-
ustusamnings og samkomulags við
Landspítalann um kennslu, notkun
S-merktra lyfja, eftirmeðferð á
spítalanum ef með þarf og geymslu
okfruma og fósturvísa þar til að ný
deild tekur til starfa í haust. Að
lokinni gerð þjónustusamnings seg-
ist ráðherra gefa út endanlegt leyfi.
Að sögn Jóns eru þau skilyrði
einnig sett að farið verði eftir
reglugerðum varðandi verð og
þjónustu. Ríkið muni áfram taka
þátt í kostnaðinum vegna tækni-
frjóvgana, leyfið feli ekki í sér
breytingar á greiðsluþátttöku. Með
þjónustusamningi verði kostnaðin-
um skipt milli spítalans og
læknanna.
„Ég vil kappkosta að þessi þjón-
usta verði áfram fyrir hendi og
læknarnir geti komið sér fyrir á
nýjum stað án þess að slíta á þenn-
an streng. Ég vildi líka eyða þeirri
óvissu sem starfsmenn deildarinnar
og notendur þjónustunnar hafa ver-
ið í. Þar með vonast ég að friður
hafi skapast um starfsemina,“ segir
Jón en að óbreyttu hefði þessi
starfsemi lagst niður í sumar þar
sem starfsmenn deildarinnar hafa
allir sagt upp störfum sínum eða
verið sagt upp á Landspítalanum.
Niðurstöðunni fagnað
Guðmundur Arason, læknir á
tæknifrjógvunardeild, sagðist í
samtali við Morgunblaðið fagna
niðurstöðu heilbrigðisráðherra.
Áframhaldandi starfsemi hafi verið
tryggð og mikilvæg skref stigin í
átt til nýrra tíma í heilbrigðisþjón-
ustunni hér á landi. Niðurstaðan
marki einnig tímamót varðandi at-
vinnufrelsi lækna. Guðmundur
leggur áherslu á að starfsemin
haldi óbreytt áfram, þótt hún fari
fram utan spítalans. Boðið verði
upp á betri aðstöðu, bæði fyrir
starfsmenn og þá sem fara í þessa
meðferð. Stefnt sé að því að eyða
biðlistum eftir tæknifrjóvgun, en
um 200 manns hafa verið á slíkum
listum undanfarið. Að sögn Guð-
mundar verða allir starfsmenn
deildarinnar ráðnir á nýjum stað og
starfsemin hefjist vonandi í sept-
ember eða október nk. Lágmarks-
starfsemi verður á Landspítalanum
næstu vikurnar vegna sumarleyfa.
Niðurstaða heilbrigðisráðherra í máli tæknifrjóvgunardeildar LSH
Læknar fá heimild til
einkarekstrar utan spítala
MEISTARAFÉLAG húsasmiða fagnar í dag
hálfrar aldar afmæli sínu með pomp og prakt.
Baldur Þór Baldvinsson, húsasmíðameistari og
formaður félagsins, segir að mikið verði um
dýrðir í kvöld. „Við ætlum að bjóða fé-
lagsmönnum, samstarfsmönnum öllum og vel-
unnurum ásamt mökum til veislu í Sóltúninu.
Þar ætlum við að vera með ýmis skemmti-
atriði.“
Baldur bætir því við að lag félagsins verði
frumflutt í flutningi Aldísar Ólafsdóttur, við
texta eftir föður hennar. Í veislunni í kvöld er
einnig fyrirhugað að undirrita samning við Suð-
urlandsskóga vegna gróðursetningar á 215.000
plöntum í Kiðabergi í Grímsnesi þar sem fé-
lagsmenn eiga sumarbústaðalóðir.
Stærsta atvinnu-
rekendafélag landsins
Félagsmenn eru 320 talsins og er félagið
stærsta atvinnurekendafélag landsins að sögn
Baldurs. Varðandi þróun á meðal húsasmíða-
meistara segir Baldur að hún hafi verið veruleg
í gegnum tíðina, „Ég er búinn að vera starfandi
húsasmíðameistari síðan 1980,“ og segist hann
vera á sjötta ári sem formaður félagsins, og
hafði þar áður verið í stjórn félagsins í 10 ár.
„Okkar menn hafa verið mjög duglegir að til-
einka sér allar þær nýjungar sem í boði hafa
verið. Allir stærstu byggingameistarar í
Reykjavík eru hér innandyra.“ Baldur talar
einnig um mikla blöndun meðal félagsmanna,
bæði stóra og smáa aðila. Hann segir að það
hafi verið minna um nýliðun í félaginu nú á tím-
un en verið hafi á árum áður. „Það hefur ekki
gengið nógu vel að fá nýja menn í félagið, það
er kannski meira og minna vegna þess að nú er
félagsaðild öll sömul frjáls, og það eru bara svo
margir sem gjarnan vilja nýta sér alla þá þjón-
ustu sem þeir vilja fá en taka ekki þátt í því að
greiða.“
Baldur segir að sú staða hafi stundum komið
upp að menn, sem eru ekki skráðir í nein félög,
hafi lent í vandræðum sem lítið hafi verið hægt
að gera í. Því sé æskilegast að menn séu í
skráðir í félagasamtök ef upp komi óvænt atvik.
Meistarafélag húsasmiða fagnar í dag 50 ára afmæli félagsins
Duglegir að tileinka sér allar nýjungar
Morgunblaðið/Eggert
Baldur Þór Baldvinsson gegnir formennsku í
Meistarafélagi húsasmiða á afmælisárinu.