Morgunblaðið - 04.06.2004, Blaðsíða 17

ERLENT
MORGUNBLAÐIÐ FÖSTUDAGUR 4. JÚNÍ 2004 17
A› s‡na vináttu kemur af sjálfu sér egar Júlía er annars vegar, heillandi og ægilegur
fimm sæta ra›sófi, framleiddur af Natuzzi me› áherslu á ítalska hönnun, gæ›i og handbrag›.
Natuzzi, sem er lei›andi á heimsvísu í le›ursófum, gefur ér tækifæri á a› velja sófa, hvíldarstóla
og fylgihluti í samræmdri heild. %ú finnur lausnina sem hentar ínum lífsstíl best í Natuzzi versluninni.
Júlía ra›sófinn
kostar frá 471.800 kr. í le›ri
og frá 352.000 kr. í Dreamfibre
Júlía fæst í le›ri og í ofurmíkróefninu, Dreamfibre,
í þriggja sæta sófa og þriggja sæta sófa með tungu.
Heimsending er innifalin á höfu›borgarsvæ›inu
www.natuzzi.com
Natuzzi verslunin - SMÁRALIND 201 Kópavogur - Sími 564 4477 - Verslunin er einnig opin á sunnudögum 13 til 18.
It’s how you live
TIL ÞESS AÐ GERA VEL VIÐ AÐRA
VERÐUR ÞÚ AÐ GERA VEL VIÐ ÞIG
ÞÓTT hart hafi verið deilt á George
Tenet og bandarísku leyniþjón-
ustuna, kom afsögn forstjóra CIA í
gær mönnum heldur á óvart vestra.
Margir töldu að Tenet hefði staðið
af sér verstu orrahríðina en CIA
hefur sætt harðri gagnrýni fyrir að
hafa brugðist hlutverki sínu á sviði
hryðjuverkavarna og upplýsinga-
öflunar fyrir herförina gegn stjórn
Saddams Husseins í Írak.
Tenet er 51 árs gamall og hafði
gegnt embætti forstjóra CIA frá
árinu 1997 er Bill Clinton, þáver-
andi forseti, fól honum starfið.
Raunar hefur aðeins einn maður
gegnt embætti forstjóra CIA leng-
ur en Tenet.
Tenet bar fyrir sig „persónulegar
ástæður“ er hann greindi George
Bush forseta frá ákvörðun sinni í
gær. Líklegt þótti þó í Bandaríkj-
unum að afsögn hans yrði sett í
samhengi við framgöngu stofnun-
arinnar sem hann stýrði.
Stöðug varnarbarátta
CIA hefur mátt þola stöðuga
gagnrýni frá árás hryðjuverka-
manna á Bandaríkin 11. september
2001 og ekki bætti úr skák þegar í
ljós kom að ýmsar fullyrðingar
stofnunarinnar, einkum varðandi
meinta gjöreyðingavopnaeign
Íraka, reyndust hafa verið byggðar
á afar hæpnum forsendum. Tenet
sat að baki Colins Powells utanrík-
isráðherra 3. febrúar 2003 þegar
hann gerði öryggisráði Sameinuðu
þjóðanna grein fyrir upplýsingum
þeim sem hann kvað Bandaríkja-
menn búa yfir og sanna að Írakar
réðu yfir gjöreyðingarvopnum.
Líkt og alkunna er hafa engin slík
vopn fundist í Írak og sérstök rann-
sóknarnefnd vinnur nú að því að
fara yfir upplýsingar þær sem
leyniþjónustan byggði mat sitt á.
Hið sama gildir um upplýsingar
þær sem CIA bjó yfir fyrir árás
hryðjuverkamanna á New York og
Washington 11. september 2001.
Stjórnvöld hafa jafnan haldið því
fram að engin gögn hafi legið fyrir
sem bent hafi getað til þess að
flugumenn hryðjuverkaforingjans
Osama bin Ladens hefðu uppi
áform um slíkan verknað. Á þetta
hafa nú verið bornar brigður og
m.a. verið upplýst að opinberar
stofnanir hafi haft margvíslegar
upplýsingar er vörðuðu hryðju-
verkamennina sem árásina frömdu.
Í apríl komst opinber rannsóknar-
nefnd að þeirri niðurstöðu að CIA
hefði ekki búið sig nógu vel undir
hugsanlegar aðgerðir hryðjuverka-
manna og gagnrýndi stjórnarhætti
Tenets.
Nú er óháð rannsóknarnefnd að
fara öðru sinni yfir árásina 11. sept-
ember og mun hún skila skýrslu
sinni í júlímánuði. Vangaveltur
voru á kreiki í Washington í gær
þess efnis að setja bæri afsögn
Tenets í samhengi við þá skýrslu.
Hún yrði með öðrum orðum erfið
CIA og forstjóranum. Margir höfðu
spáð því að gagnrýnin vegna 11.
september myndi kosta Tenet
starfið. En honum tókst að standa
hana af sér enda dyggilega studdur
af þeim Bush forseta og Dick Chen-
ey varaforseta.
Embættismenn í Hvíta húsinu
sögðu í gær að Tenet hefði ekki ver-
ið þvingaður til að segja af sér. Ekki
voru allir sammála. Stansfield
Turner, fyrrum forstjóri CIA, benti
á að forsetakjör færu fram vestra
eftir einungis fimm mánuði. „Ég tel
að annaðhvort sé verið að reka
hann eða gera hann að blóraböggli.
Forsetinn telur að hann þurfi að
koma sökinni yfir á einhvern og það
gerir hann óbeint með því að biðja
Tenet um að segja af sér.“
Afsögn Tenets
kemur á óvart
Hefur stýrt CIA á miklum erfið-
leikatímum og sætt harðri gagnrýni
George Tenet, forstjóri CIA, kom
í marsmánuði fyrir þingnefnd
sem falið var að rannsaka árás
hryðjuverkamanna á Bandaríkin.
Reuters
ALÞJÓÐLEGU hjálparsamtökin
Læknar án landamæra hafa afráðið
að hætta tímabundið starfsemi sinni í
Afganistan. Þessi ákvörðun kemur í
kjölfar þess að fimm menn á vegum
samtakanna voru drepnir. Norskur
sérfræðingur segir að ástandið gerist
sífellt ótryggara í landinu. Vickie
Hawkins, talsmaður Lækna án landa-
mæra, sagði að ákveðið hefði verið að
fresta frekara hjálparstarfi í Afgan-
istan.
Á miðvikudag létu þrír starfsmenn
samtakanna og tveir aðstoðarmenn
þeirra lífið í árás sem gerð var á bif-
reið þeirra í Baghdis-héraði í norður-
hluta landsins. Þetta svæði hefur ver-
ið talið fremur öruggt fram til þessa.
Þau sem týndu lífi voru Helene de
Beir frá Belgíu, norski læknirinn Egil
Kristian Tynæs, Hollendingurinn
Willem Kvint, Fasil Ahmad, afgansk-
ur túlkur þeirra og bílstjórinn sem
hét Besmillah. Norðmaðurinn hafði
verið í tvo mánuði í landinu, belgíska
konan fimm og Hollendingurinn var
að ljúka sex vikna dvöl.
Árásarmennirnir beittu hríðskota-
rifflum og svo virðist sem hand-
sprengju hafi einnig verið varpað að
bifreiðinni. Maður sem kvaðst vera
talsmaður talibana, sem stjórnuðu
landinu þar til að þeir voru hraktir frá
völdum eftir hryðjuverkin í Banda-
ríkjunum í september 2001, lýsti yfir
ábyrgð á árásinni og nafngreindi
þorpið þar sem hún fór fram. Lýsti
hann og yfir því að frekari árásir yrðu
gerðar þar sem „alþjóðlegir hjálpar-
starfsmenn [störfuðu í landinu] í þágu
Bandaríkjamanna“.
„Í stríði gegn öllu og öllum“
Kristian Berg Harpviken, sérfræð-
ingur í málefnum Afganistans við
Norsku friðarrannsóknastofnunina
(PRIO), sagði í samtali við dagblaðið
Aftenposten að öryggisástandið yrði
sífellt erfiðara í landinu. Auk norska
læknisins var norskur hermaður
drepinn skammt fyrir utan höfuð-
borgina, Kabúl, fyrir tíu dögum.
Harpviken vísaði til þess að hjálpar-
starfsmennirnir hefðu verið myrtir á
svæði sem fram til þessa hefði verið
talið sæmilega öruggt og svo virtist
sem viðleitni til að tryggja öryggi
nærri Kabúl væri að mistakast. Hins
vegar væri á engan veg unnt að bera
ástandið í Afganistan saman við það
sem ríkti í Írak nú um stundir.
Aðspurður kvaðst Harpviken telja
að árásir undanliðinna daga kynnu að
tengjast kosningum sem fram eiga að
fara í landinu í haust. Er hann var
spurður hvaða tilgangi það gæti þjón-
að í huga ódæðismannanna að ráðast
gegn starfsfólki hjálparsamtaka sagði
hann: „Einstakir andspyrnuhópar
hafa lýst yfir stríði gegn öllum og öllu
því sem tengist friðarviðleitni og rík-
isstjórninni í Kabúl.“
Hjálparstarfsmenn myrtir í Afganistan
Talibanar hóta
frekari árásum
Norskur sérfræðingur segir
ástandið gerast sífellt ótryggara