Morgunblaðið - 04.06.2004, Page 23
SUÐURNES
MORGUNBLAÐIÐ FÖSTUDAGUR 4. JÚNÍ 2004 23
Dagskrá í Sandgerði | Dagskrá
sjómannadagsins í Sandgerði hefst
með sjómannamessu í Hvals-
neskirkju klukkan 11 á sunnudag.
Skrúðganga fer af stað frá Björg-
unarstöðinni klukkan 13.30 og
klukkan 14 hefjast hátíðarhöldin við
Vitatorg. Þar verður dagskrá í til-
efni dagsins með heiðrunum, ræðu-
höldum og skemmtiatriðum. Ým-
islegt annað verður um að vera í
Sandgerði um helgina, í tilefni dags-
ins. Hátíðahöldunum lýkur með
grillveislu á Vitatorgi þar sem bæj-
arfulltrúar glóða mat fyrir gesti.
Grindavík | Viðamikil dagskrá er
alla sjómannadagshelgina í Grinda-
vík. Þar er að vanda haldin sjó-
manna- og fjölskylduhátíðin Sjóar-
inn síkáti.
Setningarhátíðin er í íþróttahús-
inu í kvöld, klukkan 19 til 22. Þar
verða tónleikar dönsku stúlkna-
hljómsveitarinnar Favelachic og
hnefaleikakeppni. Síðan verður
skrallball fram á nótt.
Á morgun, laugardag, verða leik-
ir, tónlist og skemmtiatriði allan
daginn og sjómannaball í Festi um
kvöldið.
Dagskráin heldur áfram á sunnu-
dag, sjálfan sjómannadaginn. Sjó-
mannamessa verður í Grindavík-
urkirkju klukkan 13 og síðan gengið
að minnisvarða um drukknaða og
týnda. Hátíðahöld hefjast við höfn-
ina klukkan 14 og síðan verður sjó-
mannadagskaffi í Festi. Um kvöldið
verða tónleikar í Grindavíkurkirkju.
Á föstudag og laugardag verða al-
menningsvagnar í förum milli
Grindavíkur og Reykjanesbæjar.
Fjölbreytt dagskrá
á Sjóaranum síkáta
Reykjanesbær | Haldin verður
kaffihátíð í Reykjanesbæ dagana
11. til 13. júní næstkomandi. Sýn-
ingin verður opnuð á afmæli
Reykjanesbæjar, föstudaginn 11.
júní.
Menningar-, íþrótta- og tóm-
stundasvið Reykjanesbæjar stendur
að kaffihátíðinni og hefur verið
unnið að undirbúningi í samstarfi
við miðbæjarsamtökin Betri bæ,
Kaffitár og fleiri aðila. Kaffitár er
með kaffiframleiðslu í Njarðvík og
öllum sem flytja inn eða selja kaffi
hefur verið boðið að taka þátt.
Markmið hátíðarinnar er að vekja
athygli á kaffimenningunni en kaffi
er önnur helsta neysluvaran í heim-
inum – næst á eftir olíu.
Ýmis tilboð á kaffi og kaffivörum
verða á veitingastöðum og í versl-
unum bæjarins og boðið upp á
kaffidrykki og rétti. Einhvers stað-
ar verður spáð í bolla.
Byggðasafn Reykjanesbæjar
opnar 25 ára afmælissýningu í nýj-
um sýningarsal sínum, Gryfjunni, í
Duushúsum á laugardag. Í tilefni
kaffihátíðarinnar verður þar sér-
stakt kaffihorn með ýmsum munum
sem tengjast kaffidrykkju.
Spáð í bolla
á kaffihátíð
Garður | Við afgreiðslu reikninga
sveitarfélagsins Garðs fyrir árið
2003 vakti fulltrúi H-listans athygli
á því að mikill halli væri á rekstri
sveitarfélagsins. Meirihlutinn sagði
að uppbyggingin kostnaði verulega
fjármuni en hún muni skila sér síð-
ar.
Reikningar ársins 2003 voru sam-
þykktir samhljóða á fundi bæjar-
stjórnar í vikunni. Fulltrúi F-listans
segir í bókun að hallinn á rekstri
ársins sé um 48 milljónir kr. og hafi
aukist. Það tákni að ekki sé til
króna til annarra verka og afborg-
ana, allt verði að taka að láni. Um-
hugsunarefni sé að útgjöld hafi auk-
ist mun meira en tekjur. Verið sé að
ganga á eigur sveitarfélagsins í
stórum stíl og flytja bagga á kom-
andi kynslóð. „Virðist nú vera full
þörf á því að skoða rekstur Garðsins
og hvernig ná má jafnvægi í gjöld-
um og tekjum,“ segir í bókuninni.
Fulltrúar F-listans, sem eru í
meirihluta, vöktu athygli á því að
mikil uppbygging hefði átt sér stað í
Garðinum. „Íbúum hefur fjölgað
jafnt og þétt og við höfum þá trú að
fjárfestingin muni skila sér síðar.“
Fram kemur að auknar kröfur
hafi verið gerðar um þjónustu sveit-
arfélaga en ríkisvaldið stuðlað að
því að tekjur þeirra hafi minnkað.
Nauðsynlegt sé að skapa sveitar-
félögunum tekjustofna til að þau
geti staðið við skuldbindingar sínar.
Halli á
rekstri sveit-
arfélagsins
Sandgerði | Opnuð hefur verið í
Fræðasetrinu í Sandgerði sýning á
verkum eftir Erlu Reynisdóttur
Van Dyck. Á sýningunni eru ofin
veggteppi, hraðskissur og málverk.
Erla er fædd í Reykjavík 1950.
Hún stundaði nám við Myndlistar-
og handíðaskóla Íslands og síðan
við Emerson-háskólann í Englandi,
var við Eurythmy Peredur-lista-
miðstöðina og hjá Jeremy Gale.
Hún hefur sýnt á fjölda sýninga hér
á landi og í Bretlandi.
Hún hefur kennt veflist við skóla
hér á landi, í Bretlandi og Ástralíu
og starfar nú í Bretlandi.
Verkin verða uppi út ágústmán-
uð. Fræðasetrið er opið alla virka
daga frá klukkan 9 til 17 og frá kl.
13 til 17 um helgar.
Sýning: Erla Reynisdóttir Van Dyck við veggteppið Rósamundu.
Sýnir verk sín
í Fræðasetrinu
Njarðvík | „Ég sá mikla möguleika í
þessu húsnæði og auk þess fannst
mér leiðinlegt að sjá það í niður-
níðslu,“ sagði Ævar Ingólfsson, sem
rekur Toyotaumboðið í Reykja-
nesbæ, í samtali við Morgunblaðið,
en hann vinnur nú að endurbótum á
„gamla Toppnum“ við Njarðarbraut.
Íbúar í Reykjanesbæ og vegfar-
endur um Reykjanesbraut hafa veitt
endurbótunum á sexhyrnda glerhús-
inu við Fitjar athygli og mikið hefur
verið rætt um hvað það eigi að hýsa í
framtíðinni. Blaðamaður Morg-
unblaðsins tók hús á Ævar Ingólfs-
syni í Toyotasalnum í vikunni, en
hann festi kaup á húsinu fyrir
nokkru og hóf að umbylta því.
Ævar sagði að í fyrstu hefði staðið
til að austurrísk verslanakeðja fengi
inni í húsinu en þegar fyrirtækið
ákvað að fresta opnun á Íslandi um
nokkurt skeið hefði hann ákveðið að
leigja það eða selja. „Þannig var að
eiginkona mín, Helga Steinþórs-
dóttir, hafði augastað á austurrískri
verslunarkeðju, sem hún vildi fá um-
boð fyrir hér á landi. Hún hafði verið
í sambandi við fyrirtækið og það tek-
ið jákvætt í málið, en síðan varð
raunin sú að þeir vildu fresta þessu
um tvö ár. Við vorum þá búin að
kaupa húsið og byrjuð að láta hanna
endurbætur, enda sáum við mikla
möguleika í því. Þetta er alveg frá-
bært verslunarhúsnæði upp á tæpa
þúsund fermetra og nú er bara
spurning hvort einhver önnur versl-
anakeðja eða fyrirtæki hafi áhuga á
húsnæðinu.“
Fleiri vildu á Fitjar
Svili Ævars, arkitektinn Gusta
Novak, hannaði breytingarnar, sem
meðal annars fela í sér að allt gler
hefur verið tekið úr grind hússins,
þakið klætt og útveggir hækkaðir.
Og það eru einmitt útveggirnir sem
gefa húsinu skemmtilega möguleika.
„Útveggirnir verða glerjaðir þannig
að hægt verður að horfa inn í húsið
allt um kring. Ég sé fyrir mér að
hægt verði að hafa útstillingar allan
hringinn og fólki gefist kostur á að
labba umhverfis húsið og skoða það
sem er í boði.“
Ævar hefur alltaf haft mikla trú á
þessu svæði fyrir verslun og þjón-
ustu og nú þegar umhverfið allt í
kring hefur tekið miklum stakka-
skiptum er Ævar hinn ánægðasti.
Segja má að hann hafi verið einn af
frumherjunum í uppbyggingu svæð-
isins. „Það höfðu nú ekki margir trú
á því að bílasalan myndi ganga þeg-
ar ég sótti um lóð undir Toyota-
salinn hér á Fitjunum. Menn hér á
Suðurnesjum hristu bara hausinn og
héldu að ég væri orðinn galinn, en
menn á höfuborgarsvæðinu, meðal
annars Toyotaumboðið, lýstu yfir
ánægju með staðsetninguna. Mér
sýnist svo að ekki líði á löngu þar til
við hér verðum bara orðin mið-
svæðis, miðað við þá íbúabyggð sem
er og mun rísa bæði við Grænás og í
Innri-Njarðvík.“
Þegar Toyotasalurinn var opn-
aður í janúarbyrjun 1998 var aðeins
tvö fyrirtæki fyrir við Fitjar, Frum-
herji og Hagkaup. Nú eru fyr-
irtækin á annan tug og gæti enn átt
eftir að fjölga. „Þetta hefur gengið
vel hér frá fyrsta degi og viðtökur
verið góðar. Enda var það svo að
þegar hinar bílasölurnar í bænum
sáu sölutölur frá okkur eftir flutning
þá fóru þær að huga að húsnæði
hér,“ sagði Ævar Ingólfsson að lok-
um.
Toppurinn tekur stakkaskiptum í höndum nýrra eigenda
Sá möguleika í húsnæðinu
Morgunblaðið/Svanhildur Eiríksdóttir
Toppurinn: Ævar Ingólfsson vinnur nú að endurbótum á sexhyrnda glerhýsinu við Njarðarbraut og sér fyrir sér
að í framtíðinni muni það hýsa verslun, eina eða fleiri. Hægt verður að hafa útstillingar allan hringinn.