Morgunblaðið - 10.06.2004, Qupperneq 27

LISTIR
MORGUNBLAÐIÐ FIMMTUDAGUR 10. JÚNÍ 2004 27
Finnski karlakórinn
Wasa Sångargille
flytur tónverkið
Jónas - frelsari gegn vilja sínum,
eftir Kaj-Erik Gustafsson
við texta Lars Huldén
í Langholtskirkju
í kvöld kl. 20.00
Stjórnandi Stefan Wikman
ANDRÉS Önd varð sjötugur í gær.
Vaka-Helgafell, útgefandi hans á Ís-
landi, heldur af því tilefni afmæl-
isveislu honum til heiðurs í Kringl-
unni 12. og 13. júní.
Bókasafn Kópavogs
Þá verður haldið upp á afmælið í
Bókasafni Kópavogs og Lindasafni
alla vikuna. Þar er í gangi verð-
launagetraun fyrir 8–12 ára börn og
fyrir yngri börnin er litakeppni.
Hægt er að rekja spor Andrésar um
söfnin. Fram á föstudag verður þrjú-
bíó í báðum söfnunum og þar sýndar
Disneymyndir. Öll þátttaka í hátíða-
höldunum er ókeypis.
Sjá nánar á heimasíðu safnsins:
www.bokasafnkopavogs.is.
Afmælis-
veisla
Andrésar
BORGFIRÐINGAHÁTÍÐ stendur
nú fyrir dyrum og eru tónleikar
fyrir opnunina orðnir fastur liður í
sumardagská Borgarfjarðar. Að
þessu sinni halda þær Eygló Dóra
Davíðsdóttir fiðluleikari og Jónína
Erna Arnardóttir, píanóleikari,
tónleika í Borgarneskirkju kl. 21 í
kvöld. Þær flytja m.a. verk eftir
Bach, Mozart, Lalo og Brahms.
Listrænn stjórnandi Borgfirð-
ingahátíðar frá upphafi hefur verið
Jónína Erna Arnardóttir, píanó-
leikari í Borgarnesi.
Jónína Erna Arnardóttir og Eygló
Dóra Davíðsdóttir.
Forleikur að
Borgfirð-
ingahátíð
♦♦♦
HRÓKUR alls fagnaðar stendur
fyrir trúðanámskeiði dagana 21.–25.
júní með hinum kunna trúði Julien
Cottereau í Galleríi Skugga að
Hverfisgötu 39.
Julien Cottereau hefur meðal
annars unnið sem höfuðtrúður Sól-
arsirkussins (Cirque du Soleil).
Hann starfar einnig með „Trúðum
án landamæra“ sem fara sem sjálf-
boðaliðar á svæði þar sem ríkir
stríðsástand eða nýafstaðnar hörm-
ungar. Markmiðið er að létta líf
barna sem búa við erfiðar aðstæð-
ur, hjálpa þeim að hlæja og gleyma
um stund köldum veruleikanum.
Julien er búsettur í París þar sem
hann starfar sem leikari og trúður
á sviði og í kvikmyndum. Hann lék
meðal annars í kvikmyndinni Hertu
upp hugann eftir Sólveigu Anspach.
Á námskeiðinu fær nemandinn
tækifæri til að kynnast sínu sérsviði
og þroska það undir handleiðslu
Julien. Fjöldi þátttakenda takmark-
ast við 12 og fer kennsla fram fram
á ensku.
Upplýsingar gefur Mireya Samp-
er, mireya@hrokurinn.is og Birg-
itta Jónsdóttir, birgitta@hrokur-
inn.is.
Trúðanám-
skeið í
Skugga