Morgunblaðið - 19.06.2004, Qupperneq 17

ERLENT
MORGUNBLAÐIÐ LAUGARDAGUR 19. JÚNÍ 2004 17
SAMTÖK forræðislausra feðra í
Bretlandi efndu í gær til mikillar
göngu í London til að leggja
áherslu á þá kröfu sína, að um-
gengnisréttur þeirra við börnin
yrði aukinn. Hafa þeir farið nokkuð
mikinn að undanförnu og má sem
dæmi nefna, að í síðasta mánuði
voru það menn úr þeirra hópi, sem
köstuðu verju með fjólubláu hveiti
að Tony Blair forsætisráðherra, er
hann var í ræðustól í þinginu.
Reuters
Krefjast aukins umgengnisréttar
TVEIR vísindamenn við
tækniháskólann í Hong Kong,
þeir Walid Daoud og John Xin,
hafa nú fundið aðferð til að
væta bómull í efnablöndu sem
getur brotið niður lífræn efni
þegar útfjólublátt sólarljós
lendir á henni, að sögn breska
tímaritsins Nature. Er fullyrt
að sjálfhreinsandi fatnaður sé
því skrefi nær en áður.
Efnablandan nefnist títan-
díoxíð. Örlitlar agnir af því
setjast í efnið og sólarbirtan
kemur af stað efnabreyting-
unni sem brýtur niður kolefn-
ismólekúlin í óhreinindum. Þau
umbreytast í örlítið af loftteg-
undinni koldíoxíði og vatn.
Bómullinni er dýft í blönd-
una í hálfa mínútu, síðan er
bómullin þurrkuð og loks hituð
í allt að 97 gráður á celsius í
ofni. Hún er loks soðin í vatni í
þrjár stundir til að dreifa efna-
blöndunni jafnt um allt fata-
efnið.
Hrein föt
að eilífu?
TVEIR sænskir unglingar, sem
voru sakaðir um að hafa ætlað að
myrða fjölda manna í framhalds-
skóla, sem þeir sóttu, voru sýkn-
aðir í gær af þeirri ákæru fyrir
dómstól í Stokkhólmi. Var niður-
staða hans sú, að þeir hefðu ekki
haft getu til að láta af morðunum
verða.
Drengirnir, Jacob Roya og Nik-
las Ekberg, báðir 17 ára, voru
handteknir snemma í maí en bekkj-
arfélagar þeirra og kennarar
sögðu, að þeir ætluðu að koma
vopnaðir í skólann, myrða þar nem-
endur og kennara og sprengja síð-
an skólann upp.
Í áliti dómarans segir, að dreng-
irnir hafi ekki haft getu til að láta
af þessu verða og enga almennilega
áætlun heldur. Sagði hann, að
Roya, sem var sagður skipuleggj-
andinn, hefði aðeins átt einn veiði-
riffil en engin skotfæri og bætti
við, að vangavelturnar hefðu verið
afleiðing vonbrigða í ástum.
Ekki nóg
sprengiefni
Saksóknarar bentu á, að í fórum
drengjanna hefði fundist efni til
sprengjugerðar en dómarinn taldi,
að það hefði ekki verið nóg til að
sprengja upp skólann. Hann dæmdi
þá hins vegar til nokkurra mánaða
fangelsisvistar, skilorðsbundið, fyr-
ir önnur afbrot, þar á meðal þjófn-
aði og rán og ólöglega vopnaeign.
Saksóknarar segja, að drengirnir
hafi ætlað að láta til skarar skríða
20. apríl á næsta ári en þá verða
liðin sex ár frá fjöldamorðunum í
Columbine-skólanum í Bandaríkj-
unum. Þá myrtu tveir ungir menn
12 nemendur og kennara og fyr-
irfóru sér að því búnu.
Sýknaðir
af samsæri
um fjölda-
morð
Tveir sænskir ung-
lingar voru sagðir
hafa ætlað að myrða
skólafélaga sína
og kennara
Stokkhólmi. AP.
KJELL Magne Bondevik, for-
sætisráðherra Noregs, gerði í gær
nokkrar breytingar á minnihluta-
stjórn sinni.
Dagfinn Høybråten tekur við
nýju „ofurráðuneyti“ félags- og at-
vinnumála. Ansgar Gabrielsen sem
verið hefur viðskiptaráðherra tek-
ur við heilbrigðisráðuneytinu en
Børge Brende hverfur úr umhverf-
isráðuneytinu og tekur við við-
skiptaráðuneytinu. Morten Andr-
eas Meyer fyrrverandi
atvinnumálaráðherra verður ráð-
herra nútímavæðingar.
Þau Ingjerd Schou og Einar
Steensnæs verða á ný óbreyttir
þingmenn en þau hafa farið með
ráðuneyti félagsmála og olíu- og
orkumál.
Mesta athygli vekur að hinn 31
árs gamli Knut Arild Haareide tek-
ur við umhverfisráðuneytinu en
hann er varaformaður Kristilega
þjóðarflokksins, flokks Bondeviks
forsætisráðherra. Thorhild Wild-
vey, sem er 48 ára gömul, tekur við
olíu- og orkuráðuneytinu. Hún
kemur úr Hægriflokknum.
Þörf á nýju blóði
Margar breytinganna komu
stjórnmálaskýrendum í opna
skjöldu, að sögn norska dagblaðs-
ins Aftenposten. Þannig hafði helst
verið við því búist að Svein Ludvig-
sen sjávarútvegsráðherra og Ans-
gar Gabrielsen yrðu látnir víkja en
báðir halda ráðherrastólum sínum,
Ludvigsen situr áfram sem sjáv-
arútvegsráðherra en Gabrielsen
verður heilbrigðisráðherra.
Bondevik sagðist í gær hafa talið
nauðsynlegt að gera breytingar á
stjórn sinni. Þörf hefði verið á nýju
blóði en fylgi við stjórnina hefur
farið ört minnkandi ef marka má
skoðanakannanir. Bondevik hefur
lýst yfir því að hann hyggist ekki
bjóða sig fram til þings á ný en
kosningar fara næst fram í Noregi í
september á næsta ári. „Ég á hins
vegar margt ógert sem forsætis-
ráðherra,“ sagði Bondevik.
Stjórn Bondeviks tók við haustið
2001 og er þetta fyrsta stóra breyt-
ingin sem gerð er á henni að því
frátöldu að Victor D. Norman
sagði af sér embætti atvinnu-
málaráðherra í vetur.
Reynt að sporna við fylgistapi í könnunum
Bondevik breytir
ríkisstjórn sinni
AUGLÝSINGADEILD
netfang: augl@mbl.is eða sími 569 1111