Morgunblaðið - 08.07.2004, Síða 16

MINNSTAÐUR
16 FIMMTUDAGUR 8. JÚLÍ 2004 MORGUNBLAÐIÐ
Álfkonuhvarf 63-67
- Sérinngangur af svölum
- Frábært útsýni
- Frábær staðsetning með óbyggðu svæði í nánd við blokkina.
- Náttúrukyrrð
- Glæsilegar íbúðir með vönduðum innréttingum.
- Traustur byggingaraðili = Vandaðar íbúðir
Ármúla 1, sími 588 2030 – fax 588 2033
www.borgir.is
LANDIÐ
Vestmannaeyjar | Vestmanna-
eyingar og gestir minntust þess um
helgina að hinn 3. júlí var 31 ár frá
því gosi lauk á Heimaey. Þó
Heimaeyjargosið hafi raskað miklu,
eyðileggingin verið óskapleg hafa
Eyjamenn fyrir margt að þakka.
Bærinn reis úr öskunni og mannlíf
komst aftur í eðlilegt horf þó marg-
ir sakni gömlu góðu daganna fyrir
Heimaeyjargosið sem enn er notað
sem tímamælir í Eyjum þegar
Eyjamenn tala um fyrir og eftir
gos.
Að þessu sinni viðraði þokkalega
til hátíðarhalda. Dagskrá var fjöl-
breytt fyrir aldursflokka, frá því á
föstudag. Segja má að hátíðin hafi
náð hápunkti á laugardagskvöldið
þegar fólk stormaði í Skvísusund.
Eymannafélagið, Lalli og co., Árni
Johnsen og félagar og Harm-
onikkufélagið skemmtu fólki. Þarna
var saman kominn mikill fjöldi
fólks og var komið fram á morgun
þegar látum linnti. Þarna sannaðist
að fáir standa Eyjamönnum á
sporði þegar kemur að því að
skemmta sér og öðrum. Skvísu-
sundið með sínar gamalgrónu krær
eða veiðarfærahús, skapa skemmt-
uninni góða umgjörð og gerir það
svo skemmtilegt að sýna sig og sjá
aðra.
Morgunblaðið/Sigurgeir
Skemmtu sér fram á
morgun í Skvísusundi
AKUREYRI
VINNA stendur nú yfir við gerð tveggja hring-
torga á Hlíðarbrautinni, fjölfarinni götu sem
tengir Brekkuna og Glerárhverfi og liggur
meðfram Gleránni. Framkvæmdir hófust fyrir
skömmu og lýkur í sumar.
Annað torgið verður rétt austan við efstu
Glerárbrúna. Þar er um að ræða gatnamót
Hlíðarbrautar og Hlíðarfjallsvegar; fólk þekkir
þau sem gatnamótin þar sem beygt hefur verið
úr bænum áleiðis upp að skíðasvæðinu í Hlíð-
arfjalli, eins og nafnið bendir með sér, en einn-
ig m.a. að Gúmmívinnslunni, Norðurorku, end-
urvinnslunni og upp í hesthúsahverfið þar fyrir
ofan og upp að Lögmannshlíðarkirkju. Myndin
er einmitt af þeim gatnamótum, tekin úr hús-
næði Norðurorku að Rangárvöllum.
Þess má geta að í fyrr og hittifyrra var að-
koma að skíðasvæðinu í Hlíðarfjalli endurbætt
og mestur hluti Hlíðarfjallsvegar endur-
byggður og lagður bundnu slitlagi.
Hitt hringtorgið er nokkru austar, á gatna-
mótum Hlíðarbrautar og Merkigils en sú gata
er aðalleiðin inn í Giljahverfið.
Skv. upplýsingum Vegagerðarinnar fara 8 til
9 þúsund bílar á sólarhring um Hlíðarbraut og
sú tala framreiknuð er talin geta orðið 12.000
bílar á sólarhring árið 2020, háð öðrum aðgerð-
um í gatnakerfinu. Áætluð umferð um Merkigil
árið 2020 verður um 5.000 bílar á sólarhring og
um Hlíðarfjallsveg um 4.000 bílar á sólarhring.
Morgunblaðið/Skapti Hallgrímsson
Tvö hringtorg gerð á Hlíðarbraut
NÍTJÁN ára stúlka hefur í Héraðsdómi
Norðurlands verið dæmd í eins mánaðar
fangelsi fyrir að stela íþróttafatnaði og
matvælum úr tveimur verslunum á Ak-
ureyri. Fyrra brotið var framið í desember
2002 og janúar 2003 en þá losaði stúlkan
þjófavarnarmerki úr verslun með tæki sem
hún hafði stolið. Alls hafði hún á brott
þrennar íþróttabuxur, tvennar íþróttapeys-
ur, íþróttatopp, vindjakka og tvenna skíða-
hanska.
Seinna brotið var framið í nóvember sl.
en þá stal stúlkan einum lítra af gosdrykk,
ís, snakkpakka og einum lítra af mjólk úr
matvöruverslun. Stúlkan var dæmd til að
borga íþróttavöruversluninni tæpar 44 þús-
und krónur í bætur auk alls sakarkostn-
aðar. Fullnustu fangelsisrefsingar hennar
var frestað um þrjú ár og haldi hún skil-
orðið fellur refsingin niður eftir þrjú ár.
Stal fötum og mat-
vælum úr verslunum
TVÍTUGUR maður hefur verið
dæmdur í tveggja mánaða fangelsi fyr-
ir að slá mann í andlitið á skemmtistað
á Akureyri í október. Tvær tennur
brotnuðu. Maðurinn var auk þess
dæmdur til að borga þeim sem fyrir at-
lögu hans varð tæpar 519 þúsund
kr.auk vaxta og 109 þúsund í
lögmannskostnað hans. Þá var hann
dæmdur til að borga allan sakarkostn-
að, þar með talin 90 þús. kr. málsvarn-
arlaun skipaðs verjanda síns. Hnefa-
höggið kostaði ákærða því a.m.k. 718
þúsund krónur auk vaxta og ótil-
greinds sakarkostnaðar. Hann krafð-
ist sýknu. Fullnustu refsingar hans var
frestað um þrjú ár og fellur hún niður
að þeim tíma haldi hann skilorðið.
Tveggja mánaða
fangelsi fyrir
högg í andlit
ÍSLENDINGAR eru duglegir að
taka á í líkamsræktinni, að sögn,
ekki síst eftir jólin en í góða veðr-
inu á sumrin er alltaf mun rólegra
á heilsuræktarstöðvunum. Sér-
staklega þegar veðrið er gott eins
og á Akureyri í vikunni. Heilsu-
ræktin Átak stendur við Strand-
götuna og þar var verið að dytta að
og snurfusa utandyra þegar ljós-
myndarann bar að. Meðal annars
að mála og hreinsa merkingar ut-
an á húsinu. Engin hætta er þó á
að Akureyringar leggi heilsurækt
sínar niður – þótt merkingin hafi
verið lögð niður tímabundið.
Heilsu-
rækt lögð
niður?
Morgunblaðið/Skapti Hallgrímsson
Myndlist | Sýning verður opnuð í Ket-
ilhúsinu í dag kl. 17. Þar sýna Jón Hlíf
Halldórsdóttir, Baldvin Ringsted, Ville-
Veikko Viikilä og Anne Törmä frá Lathi,
vinabæ Akureyrar í Finnlandi.
Útilistaverk | Verk eftir Aðalstein Þórs-
son myndlistarmann verður afhjúpað kl.
17.30 milli Ketilhúss og Listasafnsins á
Akureyri. Kristján Pétur Sigurðsson og
félagar flytja nokkur lög Tom Waits við
athöfnina.
Djass | Heitur fimmtudagur í Deiglunni í
kvöld kl. 21.30. Kvintett Guðlaugar
Ólafsdóttur söngkonu. Með henni eru Ás-
geir Ásgeirsson á gítar, Vignir Þór Stef-
ánsson á píanó, Róbert Þórhallsson á
kontrabassa og Jóhann Hjörleifsson á
trommur.
  
Morgunblaðið/Skapti Hallgrímsson
Myndlist: Fjórmenningarnir sem opna
sýningu í Ketilhúsinu í Listagilinu í dag.
Listasumar