Morgunblaðið - 21.08.2004, Qupperneq 54

54 LAUGARDAGUR 21. ÁGÚST 2004 MORGUNBLAÐIÐ
Sérstök tónlistarblogg hafa aðundanförnu notið sívaxandivinsælda. Þau einkennast af
því að þar er öðru fremur skrifað um
tónlist, sem síðan er hægt að hlusta á
í gegnum mp3-skjöl. Blogg af þessu
tagi eru þó alls ólík stórum vefjum
þar sem hægt er að hlaða niður tón-
list því tónlistin lifir einungis í um 4–7
daga á síðunum.
Árni Þór Jónsson, útvarpsmaður
og leikstjóri, er með bloggið syrdurr-
jomi.blogspot.com þar sem hann deil-
ir tónlist með öðrum. Hann kynntist
tónlistarbloggunum á síðasta ári og
byrjaði sjálfur að blogga í maí.
Hann segir bloggin gefa gott tæki-
færi til að kynnast tónlist sem annars
geti farið framhjá manni. „Þú finnur
ekki Britney Spears þarna eða Met-
allicu. Þetta er allt índí- eða fram-
úrstefnumúsík. Það er aðallega verið
að kynna til sögunnar nýja tónlist,“
segir hann.
Árni segir að líka sé hægt að finna
gamla sjaldæfa tónlist á bloggunum.
„Til dæmis sérhæfir ein síða sig í því
að setja inn lög af vínylplötum, sér-
staklega þeim sem hafa aldrei verið
endurútgefnar á geisladiski,“ segir
hann og á annarri síðu er bara gömul
danstónlist og enn annarri einungis
„koverlög“.
Kapphlaup með hið ferskasta
„Það er ákveðin samkeppni í gangi
meðal bloggaranna að finna nýja og
betri tónlist. Yfirleitt eru þessir
bloggarar ekki að blogga sama lagið
eða flytjandann á sama tíma því það
er verið að keppast um hver er með
það ferskasta. Svo vísa þeir á milli
hver í annan,“ segir hann en helsta
einkennið er sem sagt að bloggin eru
sérhæfð.
Hann segir að bloggin geti líka
virkað eins og tónlistardagbók fyrir
þann sem heldur úti bloggi. „Það er
hægt að fara aftur í tímann og finna
út hvaða músík maður var að hlusta á
fyrir tveimur árum,“ segir hann, sem
er kostur. „Maður gleymir því á hvað
maður var á hlusta í febrúar 2002.“
Eins og áður segir lifir tónlistin
stutt á bloggunum en annað einkenni
er að á þeim er oftast að finna hlekki
á hvar sé hægt að kaupa viðkomandi
tónlist. „Þessir bloggarar eru alveg
með samvisku. Þeir vita að í raun er
þetta ekki löglegt en mjög margir
bloggarar hlekkja á síður útgáfufyr-
irtækja og þeim berast kynning-
arplötur frá útgáfufyrirtækjum, al-
veg eins og útvarpsstöðvar fá,“
útskýrir hann.
Þrífst ekki í útvarpi
Árni segir að blogg af þessu tagi
séu ekki síst orðin vinsæl út af því að
sú tónlist sem þarna þrífst fái ekki
spilun í útvarpi. Í því sambandi er
ekki síst átt við Bandaríkin.„Þetta er
því alveg nýr markaður. Mér finnst
mp3-bloggin þó enn vera kaotísk, það
á eftir að komast meiri regla á þetta,“
segir Árni en það er ekki skrýtið þar
sem tónlistarblogg af þessu tagi hafa
aðeins verið í gangi síðustu tvö ár.
„Ég hugsa að það séu til um
hundrað síður núna. Bloggin þrífast
ekki bara í Bandaríkjunum heldur
líka í Bretlandi, Þýskalandi og á
Norðurlöndunum,“ segir hann og
ljóst er að þeim getur enn fjölgað
mjög eftir því sem fleiri frétta af
þessu.
Árni, sem stundum er kallaður
Árni zúri, hefur verið með útvarps-
þáttinn Sýrðan rjóma frá árinu 1993,
þegar hann hóf göngu sína á Útrás.
Sem stendur er þátturinn í sumarfríi,
var tekinn út af dagskrá Rásar 2, og
var það hvatinn að því að Árni ákvað
sjálfur að stofna tónlistarblogg. „Ég
sló til því ég vil halda einhverjum
vettvangi uppi í sambandi við þetta
nafn, Sýrðan rjóma. Ég setti þetta
upp í gamni en fékk góð viðbrögð. Ég
ætlaði bara að blogga tvisvar í viku,“
segir Árni en hann bloggar sem
stendur þrisvar til fimm sinnum í
viku, allt eftir því hversu upptekinn
hann er í öðrum verkefnum.
Lesningin er að hluta til eins og að
lesa tónlistartímarit en stóri plúsinn
er að hafa beinan aðgang að tónlist-
inni um leið. „Tangiers er ágætt kan-
adískt band. Það er í senn mjög
poppað, sækir efnivið sinn í nýrokk
frá árunum 1979–82 og jafnvel í gar-
agerokk, minnir stundum á The Stro-
kes nema hvað að mér finnst þeir
miklu betri en það tískuruslband. Ný
plata hefur litið daxins ljós frá Tang-
iers og nefnist hún Never Bring You
Pleasure. Stútfull af forvitnilegum
popplögum og mun heilsteyptari en
frumraunin,“ segir í nýjustu færslu
Árna og er að sjálfsögðu hægt að
hlusta á lög með hljómsveitinni á síð-
unni.
Árni segir að bæði Íslendingar og
útlendingar skoði bloggið hans. „Ég
er búinn að fá fimmþúsund heim-
sóknir síðan í maí og hafa þær aukist
mjög undanfarið. Ég fæ svona 60–
100 heimsóknir á dag, misjafnt eftir
því hvað ég set inn.“
Árni segir að framtíðarhorfur
Sýrðs rjóma séu ekki alltof góðar á
Rás 2 sem stendur. „Það lítur mjög
illa út en ég fæ ekkert að vita strax.
Það er kannski möguleiki að hann
byrji aftur í september en ef ekki
held ég bara áfram og vonast eftir að
geta farið á einhverja aðra stöð,“ seg-
ir hann.
„Ég hef gaman af þessu ennþá þó
ég hafi minni tíma en áður,“ segir
Árni, sem var staddur í Prag að gera
auglýsingu „fyrir Satan sjálfan,
McDonald’s“, þegar viðtalið fór fram
en hann hefur verið í kvikmyndagerð
síðustu sex ár.
Bloggið hans Árna er í raun blogg
Sýrðs rjóma og hefur hann fylgt tón-
listarstefnu þáttarins á blogginu.
Hann hefur þó varla sett neina ís-
lenska tónlist inn enn en býst við að
breyting verði á. „Sérstaklega þegar
það er eitthvað af viti að koma út,“
segir hann og nefnir Singapore Sling
í þessu sambandi. „Ef hljómsveitir
vilja komast að þá er sjálfsagt að láta
mig fá eitthvað. Ég útiloka ekkert að
setja það inn,“ segir Árni, sem hefur
ekki enn fengið efni sent sérstaklega
til birtingar þó hann fái enn plötur
frá útgáfufyrirtækjum heima og er-
lendis vegna þáttarins.
Hann segir að tónlistarbloggin hafi
haft áhrif á sig og að mörg lesningin
og hlustunin sé fræðandi. Bloggið
Newflux er í uppáhaldi en síðan sú
fær um 4.000 heimsóknir á dag og er
aðsóknin alltaf að aukast. Tónlist-
arbloggin hafa fengið athygli í er-
lendum blöðum í sumar og er því
þessi menning að færast nær yf-
irborðinu.
„Newflux er langbestur og er alltaf
Tónlist | Ný tegund af tónlistar-
bloggum sprettur upp
Ástin á
tónlistinni
Árni Þór Jónsson er útvarpsmaður, kvikmyndagerðarmaður og nú síðast tónlistarbloggari.
EINI THX LÚXUSSALUR LANDSINS
Miðasala opnar kl. 15.30
Sýnd kl. 5.20, 8 og 10.40. B.i. 14 ára.
Mjáumst
í bíó!
T
o p
p
myndin
á íslandi
Uppáhalds köttur allrar
fjölskyldunnar er kominn í bíó!
Sjáið frábæra
gamanmynd
um frægasta,
latasta og
feitasta kött
í heimi!

SV MBL


ÓÖH DV
Myrkraöflin eru með okkur!
Mögnuð ævintýra-spennumynd!
Myrkraöflin eru með okkur!
Mögnuð ævintýra-spennumynd!
kl.3,5.20, 8 og 10.40.
Sýnd kl. 6. ísl tal.Sýnd kl. 10.20. B.i. 14 ára.
Sýnd kl. 8 og 10. Sýnd kl. 5.45 og 8.
Sýnd kl. 8 og 10.30. B.i. 12 ára.
Mjáumst
í bíó!
T
o p
p
myndin
á íslandi
Tvær vikur á toppnum !
Sýnd kl. 2, 4 og 6. ísl tal. / Sýnd kl. 2, 4, 6, 8 og 10. Enskt tal.
Sýnd kl. 2, 4, 6, 8 og 10.
Sjáið frábæra gamanmynd um frægasta,
latasta og feitasta kött í heimi!
Sýnd bæði með íslensku og ensku tali.



Ó.H.T Rás2
„Myndir á borð við þessar segja
meira en þúsund orð.“




HJ. MBL



S.K., Skonrokk
„Drepfyndin“
Ó.Ö.H. DV
Í Stepford er eitthvað undarlegt á seyði
Frábær gamanmynd með toppleikurum
CHRISTOPHER
WALKEN
BETTE
MIDLER
FAITH
HILL
CLENN
CLOSE
NICOLE
KINDMAN
MATTHEW
BRODERICK
Þetta var ekki hennar heimur..
en dansinn sameinaði þau!
Sjóðheit og seiðandi skemmtun!
Sýnd kl. 2. B.i. 12 ára.