Morgunblaðið - 01.09.2004, Blaðsíða 23
MINNSTAÐUR
MORGUNBLAÐIÐ MIÐVIKUDAGUR 1. SEPTEMBER 2004 23
LANDIÐ HÖFUÐBORGARSVÆÐIÐ
Hofsós | „Farkennslan svaraði fyrst
kalli tímans um almennt barna-
skólahald,“ sagði Þorgerður Katrín
Gunnarsdóttir menntamálaráðherra
í ávarpi þegar minnisvarði um þann
þátt grunnmenntunar barna á Ís-
landi sem nefndist farkennsla var af-
hjúpaður. Minnisvarðinn er áletrað-
ur steinn sem stendur við gamla
skólahús Óslandshlíðinga í Skaga-
firði, Hlíðarhúsið.
Átthagafélag Óslandshlíðar, en
formaður þess er Ari Sigurðsson,
stóð fyrir framkvæmdinni.
Þorgerður Katrín sagði í ávarpi
sínu frá upphafi farskólanna og
sagði að farkennslan hefði fyrst
svarað kalli tímans um almennt
barnaskólahald og tiltölulega jöfn
tækifæri íslenskra barna til grunn-
menntunar. „Blómaskeið þessarar
kennslu fellur vel saman við sögu
farkennslunnar hér í Óslandshlíð
þar sem hún hófst árið 1903 og stóð
eftir því sem best er vitað hvað
lengst hér á landi eða allt til ársins
1967. Menntamálaráðuneytinu er
það ánægja að hafa fengið tækifæri
til að leggja framtaki Átthagafélags
Óslandshlíðar lið. Því framtaki sem
felst í gerð minnisvarða um far-
kennsluna sem óvíða er minnst að
verðleikum, en á sér hér nú óbrot-
gjarnan stein í blóma og friðsæld
þess lands sem hún spratt úr – og
þar sem hún að lokum hneig.“
Að loknu ávarpi fékk ráðherra frú
Gerði Sigurðardóttur, kennara frá
Sleitustöðum, sem er einn af elstu
núlifandi kennurum landsins, til
þess að afhjúpa með sér stuðla-
bergsdranginn, sem er áletraður og
með myndum frá gamla farskól-
anum í Hlíðarhúsinu.
Að afhjúpun lokinni ávarpaði
Skúli Skúlason rektor Hólaskóla
gesti og ræddi um gildi þess að eiga
aðgang að menntun, sérstaklega á
þeim tíma sem samgöngur voru í
lágmarki, hvar sem var á landinu.
Minnisvarði um farskólana afhjúpaður
við Hlíðarhúsið í Óslandshlíð
Morgunblaðið/Björn Björnsson
Afhjúpun: Gerður Sigurðardóttir kennari aðstoðaði Þorgerði Katrínu
Gunnarsdóttur menntamálaráðherra við að afhjúpa minnisvarðann.
Farkennslan
svaraði kalli tímans
Seltjarnarnes | Í tilefni 30 ára kaup-
staðarafmælis Seltjarnarnesbæjar
var bæjarbúum boðið á uppsetningu
Leiklistarfélags bæjarins á Sauma-
stofunni eftir Kjartan Ragnarsson.
Verkinu er leikstýrt af Bjarna
Ingvarssyni og var frumsýnt síðast
liðið vor við góðar undirtektir og að
sögn talsmanna leiklistarfélagsins
komust færri að en vildu.
Seltjarnarnesbær bauð upp á
þrjár sýningar og var uppselt á þær
allar og stemningin góð.
Gestaleikarar í sýningunni eru
ekki alls óþekktir í samfélagi Sel-
tirninga en þar eru á ferðinni bæj-
arstjórinn, Jónmundur Guðmarsson
og sóknarpresturinn, Sigurður Grét-
ar Helgason. Þykja þeir standa sig
ágætlega í hlutverkum sínum en
þeir ku leika einstaklinga sem eru
talsvert ólíkir þeim sjálfum.
Fleiri sýningar á Saumastofunni
eru áformaðar með haustinu.
Ljósmynd/Óskar J. Sandholt
Félagar í Leiklistarfélagi Seltjarnarness voru að vonum ánægðir bæði með leikritið og góðar viðtökur bæjarbúa.
Seltirningum boðið á
leikritið Saumastofuna
Ljósmynd/Óskar J. Sandholt
Ekki hætta samt í dagvinnunni: Jónmundur Guðmarsson bæjarstjóri brá
undir sig betri fætinum og þótti standa sig með prýði í hlutverki sínu.
Eyrarbakki | Verið er að endurreisa
Eggjaskúrinn svokallaða á Eyrar-
bakka. Þar verður eggja- og fugla-
safn til sýnis ásamt öðrum nátt-
úrugripum Byggðasafns Árnesinga.
Þar verður einnig aðstaða til að
kynna fuglafriðlandið.
Peter Nielsen, verslunarstjóri hjá
Lefolii á Eyrarbakka í lok 19. aldar
og fram á þá tuttugustu, var mikill
náttúruunnandi. Hann var víða
þekktur meðal fræðimanna fyrir vís-
indalegar veðurathuganir og rit-
gerðir um dýrafræði, einkum um ís-
lenska fugla og lífshætti þeirra.
Til þess að geta sinnt rannsóknum
sínum, þar sem hann gat blásið úr
eggjum og stoppað upp fugla ásamt
geymslu náttúrugripa sinna, lét
hann reisa lítið hús á lóð Hússins
(kaupmannshússins) og var það í
daglegu tali kallað Eggjaskúrinn.
Verið er endurbyggja þetta hús á
grunni þess gamla.
Náttúrugripasafn sitt gaf Nielsen
Barnaskólanum á Eyrarbakka þeg-
ar hann lét af störfum og er það að
mestu varðveitt ennþá.
Morgunblaðið/Óskar Magnússon
Í smíðum: Egg og fuglar verða til sýnis í nýja Eggjaskúrnum.
Nýr Eggjaskúr á
gömlum grunni
ÁLFKONUHVARF - 203 KÓPAVOGI -
VIÐ ELLIÐAVATN - MEÐ SÉRINNGANGI
4RA HÆÐA LYFTUHÚS - GLÆSILEGAR ÍBÚÐIR MEÐ BÍLSKÝLI
Vorum að fá í sölu íbúðir í lyftuhúsi með sérinngangi við Álfkonuhvarfi í Kópavogi. Íbúðirnar afhend-
ast fullbúnar án gólfefna með glæsilegum innréttingum frá HTH og AEG-raftækjum. Val er um innrétt-
ingar, hurðir og flísar. Stæði í bílageymslu fylgir öllum íbúðum, innangegnt er í bílageymslu úr húsinu.
Húsið afhendist fullbúið að utan og lóð frágengin - FRÁBÆRT ÚTSÝNI YFIR ELLIÐAVATN,
BLÁFJÖLLIN OG HEIÐMÖRK - STUTT Í LEIKSKÓLA OG SKÓLA
• Verð á 3ja herbergja 96 fm. íbúðum með bílskýli er frá 16,6 m.
• Verð á 4ra herbergja 128,5 fm. íbúðum með bílskýli er frá 19,9 m.