Morgunblaðið - 01.09.2004, Blaðsíða 34

FRÉTTIR
34 MIÐVIKUDAGUR 1. SEPTEMBER 2004 MORGUNBLAÐIÐ
VEFUR Morgunblaðsins, mbl.is, verður opn-
aður í dag með nýju sniði sem færa á not-
endum meiri upplýsingar og möguleika en áð-
ur, og með aðgengilegri hætti. Vefurinn hefur
verið forritaður algerlega upp á nýtt og er nú
hraðvirkari og liðlegri í notkun. Útlit vefjarins
hefur að sama skapi tekið nokkrum breyt-
ingum. Ekki er þó um neina byltingu að ræða
og ættu notendur mbl.is að eiga auðvelt með
að venjast nýrri uppsetningu.
Ein helsta breytingin er sú að vefurinn fær
fasta breidd í stað þess að breikka eða mjókka
eftir skjáupplausn. Megininnihald síðunnar
miðast við 800x600 díla skjá, en heildar-
viðmiðið er 1024x768 dílar. Í samræmi við
óskir fjölmargra lesenda er nú unnt að
stækka letrið á síðunni með því að smella á
hnappa sem eru efst í vinstra horninu á öllum
vefjunum.
Breytt efnisskipan á forsíðu
Á forsíðu mbl.is blasa helstu fréttir við um
leið og komið er inn á síðuna, en þar fyrir neð-
an eru fréttaflokkarnir betur afmarkaðir en
áður og fréttir birtar undir borða með nafni
og lit viðkomandi vefjar. Sem fyrr er hægt að
smella á alla vefi í borða efst á síðunni, en þar
er nú einnig boðið upp á fleiri möguleika,
meðal annars að senda efni til birtingar á
vefnum eða í blaðinu.
Tenging við Gagnasafn Morgunblaðsins er
aukin, þannig að með efni úr Morgunblaðinu
sem birtist á fréttavef mbl.is koma upp tíu
áhugaverðar greinar úr Gagnasafninu um
hliðstætt efni. Eru þær sýndar fyrir neðan
fréttina þegar hún er skoðuð.
Lesendur geta nú stillt veðurupplýsingar
eftir eigin þörfum. Hver notandi getur valið
sex borgir og birtast þá sjálfkrafa upplýsingar
um veðrið þar á forsíðunni, auk þess sem unnt
er að fá upplýsingar um veður í þrjátíu borg-
um víðsvegar um heim sem fyrr.
Þá er hægt að nálgast uppskriftir að fljót-
legum réttum í hægri dálki á forsíðunni. Nýj-
ar uppskriftir birtast tvisvar í viku í samvinnu
við Nóatún. Stjörnuspá og atburði í Stað og
stund er einnig unnt að nálgast í hægri dálk-
inum.
Forsíðan á prentútgáfu Morgunblaðsins er
nú aðgengileg í vinstri dálki á forsíðu vefj-
arins og innan tíðan kemst á enn frekari teng-
ing við blað dagsins. Auk borða með hnöppum
fyrir alla vefina er nú að finna ýmsar upplýs-
ingar neðst á forsíðunni, meðal annars um
áskriftir og netföng.
Viðskiptaupplýsingar
í samstarfi við KB banka
Á Viðskiptavefnum eru nú birtar mun viða-
meiri upplýsingar en áður um hvert fyrirtæki
í Kauphöllinni, og er það gert í samstarfi við
KB banka. Þá er hægt að skoða viðskipti inn-
an dagsins. Önnur gögn sem unnt verður að
skoða í samvinnu við KB banka eru kröfur og
líftími skuldabréfa, gengisvísitala íslensku
krónunnar og norrænar vísitölur.
Nýr liður er í vinstri dálki undir titlinum
Dagbók, þar sem birtar eru upplýsingar frá
degi til dags um atburði tengda viðskiptalíf-
inu. Í hægri dálk er kominn handhægur mynt-
breytir, sem gerir notendum kleift að reikna
út fjárhæðir í tíu myntum á fljótlegan hátt.
Á Íþróttavefnum eru fréttir og upplýsingar
aðgengilegri en áður var. Deildarfréttir eru
birtar í hægri dálki og hægt er að sjá allar
upplýsingar strax, svo sem um stöðu, síðustu
og næstu leiki. Einnig er nú að finna viðameiri
upplýsingar í Dagbók í vinstri dálki.
Unnt að skrá atburði
Á vefnum Fólkið er sem fyrr að finna frétt-
ir um kvikmyndir, tónlist og fleira, auk til-
kynninga um ýmsa atburði í dálkinum Staður
og stund. En nú geta notendur jafnframt
sjálfir skráð inn viðburði í Stað og stund og
tengt myndir við, svipað og verið hefur á
Smáauglýsingavefnum. Starfsmenn Morg-
unblaðsins fara yfir allar skráningar og heim-
ila birtingu efnis. Þá er hægt að leita í Stað og
stund með ýmsum hætti.
Í miðjudálki vefjarins eru birtar upplýs-
ingar um tónlist og kvikmyndir. Þar má sjá
stjörnugjöf við nafn myndar, disks eða tónlist-
arviðburðar og tenging er við gagnrýni sem
birst hefur í Morgunblaðinu, með þeim hætti
að þegar smellt er á nafn myndar eða disks
birtist síðasta línan í gagnrýninni. Unnt er að
skoða gagnrýnina í heild sinni með áskrift eða
kaupum á stökum greinum.
Bættir leitarmöguleikar
Á Fasteignavefnum eru helstu breyting-
arnar þær að nú er boðið upp á ítarleit, þar
sem hægt er að leita með fleiri skilyrðum en
áður. Notendur sem koma inn á vefinn geta
þó byrjað á því að nota einfalda leit.
Eignir sem búið er að skoða eru merktar
sérstaklega og unnt er að sjá staðsetningu
eigna á loftmyndum. Þegar stök eign er skoð-
uð birtast um hana viðameiri upplýsingar en
áður, til dæmis um hversu oft sé búið að skoða
hana.
Fá má nákvæmar upplýsingar um fast-
eignir fá Fasteignamati ríkisins með því að slá
inn heimilisfang í dálkinum Fasteignin mín.
Ýmsar grafupplýsingar og markaðsfréttir eru
einnig birtar í samstarfi við Fasteignamat rík-
isins.
Einnig má minna á Draumaeignina, sem
notið hefur mikilla vinsælda, en með því að
skrá upplýsingar um æskilega staðsetningu,
stærð o.s.frv. geta notendur fengið sendar
upplýsingar um eignir sem svara þeim skil-
yrðum um leið og þær koma inn á vefinn.
Atvinnuvefurinn er með svipuðu sniði og
verið hefur, en um miðjan mánuðinn verður
hægt að bóka atvinnuauglýsingar beint á Net-
inu. Þær munu birtast í blaði og á vefnum. Í
Gagnasafninu hefur útliti á leitarsíðum verið
breytt til þæginda fyrir notendur og jafn-
framt er leit í Myndasafni nú auðveldari en
áður.
Ný ásýnd á mbl.is
SAMÞYKKT var á félagsfundi Veiði-
félags Norðurár í fyrrakvöld að taka
tilboði sem stjórn Stangaveiðifélags
Reykjavíkur hafði lagt á borð stjórn-
ar nokkru áður og var svar SVFR við
því að Veiðifélag Norðurár hafði boð-
að útboð árinnar nú í sumar.
SVFR verður með Norðurá til árs-
ins 2010 samkvæmt nýja samkomu-
laginu. Leiguverð sem hefði orðið 52
milljónir 2005, síðasta sumri SVFR,
fer í 58,5 milljónir 2006 sem er fyrsta
ár hins nýja samnings.
Bjarni Ómar Ragnarsson formað-
ur SVFR sagðist himinlifandi að
samningar væru í höfn og nú væri
góður vinnufriður framundan. Góður
meirihluti vildi taka tilboði SVFR,
eða 22 á móti 10, en 4 sátu hjá. Bjarni
sagði einnig að samningurinn væri á
„svipuðum nótum“ og nýlegir samn-
ingar sem gerðir hefðu verið milli
landeigenda við Grímsá og Þverá/
Kjarrá annars vegar og leigutaka
þeirra áa hins vegar. Bjarni bætti við
að fyrirsjáanlegar væru hækkanir á
veiðileyfum í Norðurá í framtíðinni
líkt og í framangreindum ám, en í
hönd færi mikil vinna þar sem leitað
yrði leiða til að draga úr hækkunum
sem frekast væri kostur.
Mýrarkvísl springur út
Mýrarkvísl náði að fara í á fjórða
hundrað laxa um helgina og þar er
góð veiði flesta daga. Áin hefur ekki
náð að rjúfa 300 laxa múrinn síðan
sumarið 1992. Þetta kemur fram á
vefsíðu Fossa, félagsskapar sem leig-
ir ána. Þar kemur fram að enn gangi
nýr lax í ána og veiði sé jöfn og góð á
öllum svæðum. Fimm merktir laxar
hafa veiðst í sumar, laxar sem veiðst
hafa og verið merktir í Laxá í Aðaldal
fyrr um sumarið, en Mýrarkvísl
rennur í Laxá við Heiðarenda, þar
sem áin fellur út í Mýrarvatn hjá
Laxamýri. Í fyrra veiddist einn slíkur
fiskur í ánni og sumarið áður a.m.k.
fjórir.
Veiðitalan í Víðidalsá misritaðist í
Morgunblaðinu á dögunum er hún
var sögð komin yfir 1.400 laxa. Ragn-
ar Gunnlaugsson á Bakka sagði það
hafa verið 200 löxum of há tala, hins
vegar væri áin að „potast í 1.300 laxa“
nú. Eigi að síður frábær heildartala.
Ragnar sagði ennfremur að afar góð
veiði hefði verið á silungasvæði árinn-
ar í sumar, nýverið hefðu þrír félagar
sem deildu tveimur stöngum fengið
þar 3 laxa og 107 bleikjur sem flestar
voru 1 til 3 pund, en þær stærstu 4
pund.
SVFR með Norðurá til 2010
Morgunblaðið/Golli
Norðurá opnuð 1. júní sl.
ERU
ÞEIR AÐ
FÁ’ANN?