Morgunblaðið - 05.09.2004, Blaðsíða 2

FRÉTTIR
2 SUNNUDAGUR 5. SEPTEMBER 2004 MORGUNBLAÐIÐ
YFIR 300 GÍSLAR FÉLLU
Á fjórða hundrað líka höfðu fund-
ist í gær í skóla bæjarins Beslan í
rússneska sjálfstjórnarlýðveldinu
Norður-Ossetíu eftir að sérsveit-
armenn réðust inn í bygginguna á
föstudag til að frelsa um þúsund
gísla úr höndum hryðjuverkamanna.
Er þetta mannskæðasta gíslataka í
sögu Rússlands. Á meðal þeirra sem
létu lífið voru 155 börn.
Farið var með á sjöunda hundrað
á sjúkrahús og meðal þeirra sem
særðust voru 283 börn. 26 gíslatöku-
menn og tíu sérsveitarmenn féllu í
átökum í skólanum.
Rússnesk yfirvöld telja að Shamil
Basajev, illræmdur tétsenskur
stríðsherra, hafi skipulagt gíslatök-
una. Hryðjuverkamennirnir hófu
undirbúning hennar í júlí þegar þeir
földu vopn í kjallara skólans.
Netárátta vaxandi vandi
Tölvufíkn er vaxandi vandi meðal
ungra karlmanna að því er fram
kemur í Tímariti Morgunblaðsins í
dag. Sálfræðingar sem rætt er við
líkja fíkninni, sem einkum tengist
fjöldaþátttökuleikjum, við vímuefna-
fíkn og segja afleiðingar þær sömu.
Landamæralaus raforka
Norrænir ráðherrar orkumála
stefna að landamæralausum raf-
orkumarkaði á Norðurlöndum. Telja
ráðherrarnir að betri aðstæður til
fjárfestinga auki öryggi dreifing-
arkerfis á raforku á Norðurlöndum.
Nýtt sjónvarpsfyrirtæki
Forstjóri Símans segir hugsanlegt
að stofnað verði sérstakt fyrirtæki
um útsendingar sjónvarpsefnis um
breiðvarpið. Hann segir kaup Sím-
ans á rúmum 26% hlut í Skjá einum
gerð með það fyrir augum að dreifa
efni þess á fjarskiptaneti Símans á
stafrænu formi.
Y f i r l i t
Í dag
Sigmund 8 Auðlesið efni 48
Fréttaskýring 8 Dagbók 50/52
Sjónspegill 26 Myndasögur 50
Umræðan 30/36 Staður og stund 52
Forystugrein 32 Menning 53/61
Reykjavíkurbréf 32 Af listum 54
Bréf 37 Leikhús 54
Eru þeir að fá ’ann 37 Bíó 58/61
Brids 43 Sjónvarp 62/63
Hugvekja 44 Veður 63
Minningar 44/47 Staksteinar 63
* * *
Kynningar – Morgunblaðinu í dag
fylgir auglýsingablað frá Smith&
Norland
Morgunblaðið Kringlunni 1, 103 Reykjavík. Sími 5691100 Innlendar fréttir frett@mbl.is Ágúst Ingi Jónsson, aðstoðarfréttaritstjóri, aij@mbl.is Sigtryggur Sigtryggsson, aðstoðarfréttaritstjóri, sisi@mbl.is Erlendar fréttir Ásgeir Sverrisson, fréttastjóri,
asv@mbl.is Viðskipti vidsk@mbl.is Ólafur Stephensen, aðstoðarritstjóri, olafur@mbl.is Úr verinu Hjörtur Gíslason, fréttastjóri, hjgi@mbl.is Daglegt líf Guðbjörg Guðmundsdóttir, gudbjorg@mbl.is Menning menning@mbl.is Orri Páll Ormarsson, ritstjórnarfull-
trúi, orri@mbl.is Skarphéðinn Guðmundsson, skarpi@mbl.is Umræðan|Bréf til blaðsins Magnús Finnsson, fulltrúi ritstjóra, magnus@mbl.is Hallur Þorsteinsson, hallur@ .is Minningar minning@mbl.is Hilmar P. Þormóðsson, Stefán Ólafsson Dagbók|Kirkjustarf
Ellý H. Gunnarsdóttir, elly@mbl.is Íþróttir sport@mbl.is Sigmundur Ó. Steinarsson, fréttastjóri, sos@mbl.is Útvarp|Sjónvarp Andrea Guðmundsdóttir, andrea@mbl.is mbl.is netfrett@mbl.is Guðmundur Sv. Hermannsson fréttastjóri gummi@mbl
KVIKMYNDAHÁTÍÐ í Reykjavík
var síðast haldin haustið 2001 en
eftir það var hún aflögð. Í nóv-
ember komandi verður gefinn for-
smekkur að nýrri kvikmyndahátíð
í Reykjavík að sögn Hrannar Mar-
inósdóttur, framkvæmdastjóra
hinnar nýju hátíðar.
„Stofnað hefur verið félag um
starfsemina sem ber heitið Alþjóð-
leg kvikmyndahátíð í Reykjavík,“
segir Hrönn. „Hátíðin verður
styrkt bæði af ríki og borg og
markmiðið er að koma á vandaðri
dagskrá sem höfðar til sem flestra
kvikmyndaáhugamanna.“ Hrönn
segir að hátíðinni verði ætlað að
sýna nýlegar myndir sem koma
alla jafna ekki til landsins, gera
áhrifamiklum kvikmyndaleikstjór-
um góð skil, tímabilum í kvik-
myndasögunni og margt fleira.
Hátíðin er almenn og munu mynd-
irnar koma hvaðanæva.
Fyrsta stóra hátíðin 2005
Forsmekkurinn í nóvember
verður í formi undirbúningshátíðar
þar sem m.a. verður haldið mál-
þing um gildi kvikmyndahátíða
fyrir samfélög með tilliti til fé-
lagslegra og efnahagslegra þátta.
Fyrsta stóra hátíðin verður svo
haldin árið 2005.
Kvikmyndahátíð
í Reykjavík end-
urreist í haust
„ÞAÐ hefur ekkert samband verið haft við okk-
ur,“ segir Sigurður Jónsson, framkvæmdastjóri
Samtaka verslunar og þjónustu, um það sem
fram kom í tilkynningu frá
heilbrigðis- og trygginga-
málaráðherra í fyrradag um
að lækka ætti lyfjaverð í smá-
sölu. „Samtökin og apótekin
hafa algjörlega verið hunsuð í
öllu þessu ferli þótt það hafi
auðvitað bein áhrif á afkomu
þeirra þegar verið er að semja
um breytingar á lyfjaverði,“
segir Sigurður.
Hann segir að apótekin hafi
í gegnum árin reynt að veita öryrkjum, ellilíf-
eyrisþegum og öðrum sem nota lyf að staðaldri
afslátt, en þau sjái fram á að erfitt verði að halda
því áfram. „Lyfjagreiðslunefnd ákveður inn-
kaupsverð, smásöluverð og hlut sjúklinga í lyfja-
kostnaði þannig að það má segja að öll ráð apó-
tekanna séu á hendi hins opinbera. Apótekin
hafa ósköp lítið svigrúm til að breyta verði. Það
segir sig sjálft að þegar innkaupsverð lækkar þá
lækka tekjur apótekanna. Þau þurfa engu að síð-
ur að standa undir föstum kostnaði,“ segir Sig-
urður.
Að sögn hans hafa samtökin, fyrir hönd lyf-
sala, þrýst á um að fá aðkomu að endurskoðun á
lyfjalögum en það hafi gengið erfiðlega. Meðal
tillagna sem smásalar vilja koma á framfæri við
yfirvöld er endurskoðun á ákvæðum um starfs-
skilyrði apóteka. Til dæmis sé það bundið í lög
hérlendis að á hverjum tíma skuli vera tveir
lyfjafræðingar á vakt í apóteki, en Sigurður
bendir á að í Danmörku sé talið nægjanlegt að
einn lyfjafræðingur og einn lyfjatæknir afgreiði
lyfseðilsskyld lyf út úr apótekum. Slíkar reglur
gætu lækkað fastan kostnað lyfsala.
Hann segir vel hafa verið tekið í sumar af til-
lögum lyfsala en ekkert gerst ennþá. „Við von-
um að í þeim viðræðum sem ráðherra boðar nú
fáum við að taka þátt.“
Sigurður segir síður en svo standa á lyfsölum
að ganga til viðræðna við heilbrigðisyfirvöld um
lyfjaverð. „Það hefur frekar verið á hinn veginn,
að ekki hefur verið hlustað á apótekin. Við höf-
um sífellt verið að knýja á um að fá að koma að
ákvörðunum og viljað hafa samráð við ráðuneyt-
ið um breytingar. En við höfum þurft að hamra
mikið á til að fá áheyrn.“
Klárt að lyfjaverð í smásölu lækkar
Sigurður segir ljóst að lyfjaverð í smásölu
muni lækka í kjölfar lækkunar á innkaupaverði.
„Það er alveg klárt að lyfjaverð í smásölu lækk-
ar því innkaupsverð lækkar og það er ekki heim-
ilt að hækka álagningu.“
Ekki sé þar með sagt að hlutur sjúklinga
lækki. „Ríkið hefur verið að draga úr sinni þátt-
töku í lyfjaverði og þess vegna hefur hlutur
sjúklinga verið að hækka. Það er fyrst og fremst
ríkið sem er að spara en ekki sjúklingarnir.“
Lyfsalar leggja, að sögn Sigurðar, á það mikla
áherslu að fá að koma sínum sjónarmiðum á
framfæri við heilbrigðisyfirvöld sem fyrst. „Við
hjá Samtökum verslunar og þjónustu vitum af
reynslunni að ef við komumst ekki að vinnunni
snemma í ferlinu þá komum við ekki að athuga-
semdum þegar málið er komið til þingnefnda.
Það er nánast tímasóun að leita til þingnefnda
því þar fæst engu breytt,“ segir Sigurður.
SJÖ dómarar Hæstaréttar fóru sl. föstudag í vettvangs-
ferð um hin umdeildu svæði í gamla Biskupstungna-
hreppi vegna málaferla ríkisins gegn landeigendum í
Bláskógabyggð í þjóðlendumálinu svokallaða. Landeig-
endur unnu málið fyrir óbyggðanefnd og í Héraðsdómi
Suðurlands en ríkið áfrýjaði til Hæstaréttar.
„Þetta var mikil og góð för,“ sagði Ólafur Björnsson,
lögmaður landeigenda, sem fylgdi dómurunum ásamt
bændum og fulltrúa ríkislögmanns, Einari Karli Hall-
varðssyni, undir leiðsögn Arnórs Karlssonar, fyrrver-
andi bónda í Arnarholti. Lagði hópurinn af stað rétt eftir
klukkan átta um morguninn og lauk ferðinni ekki fyrr
en um klukkan 19.
„Vettvangsferð felst í því að Hæstiréttur kynnir sér
þann vettvang sem málið fjallar um; kynnir sér staðhætti
og málsaðilar kynna kröfulínur,“ sagði Ólafur. Hópurinn
hefði áttað sig á staðháttum og örnefnum á þessu svæði í
fylgd heimamanna. Ferðin hefði verið gagnleg til að átta
sig betur á kortum sem lægju frammi í málinu.
„Veðrið var alveg ljómandi. Það var smáskúraveður
en alltaf þegar við stoppuðum þar tók upp. Við vorum
bara í björtu og fögru veðri,“ sagði Ólafur Björnsson.
Morgunblaðið/Kári Jónsson
Hæstiréttur í vettvangsferð
LÖGREGLAN í Kópavogi lagði
hald á nær fjögur hundruð grömm
af fíkniefnum við húsleit í Kópavogi
á föstudagskvöld. Að mestu leyti
var um að ræða kannabisefni,
ásamt lítilræði af amfetamíni og
e-töflum, skv. upplýsingum frá lög-
reglunni.
Karl og kona á þrítugsaldri voru
handtekin í tengslum við málið. Við
yfirheyrslu játaði karlmaðurinn að
eiga efnin og að hafa ætlað þau til
sölu. Málið telst upplýst, að sögn
lögreglu, og báðum hefur verið
sleppt.
Að sögn lögreglu hlýtur málið
„venjubundna afgreiðslu“, eins og
það er orðað, og líklegt að gefin
verði út ákæra á hendur mann-
inum.
Fíkniefni fundust
við húsleit í
Kópavogi
KARLMAÐURINN sem grunaður
er um að hafa kveikt í sex bílum í
Hafnarfirði í vikunni hefur verið
úrskurðaður í gæsluvarðhald til 15.
september nk.
Tjón vegna eldsins nemur millj-
ónum króna. Engin slys urðu á
fólki.
Maðurinn er 21 árs og hefur áður
komið við sögu lögreglu.
Karlmaður
úrskurðaður í
gæsluvarðhald
Sigurður Jónsson, framkvæmdastjóri SVÞ, gagnrýnir stjórnvöld vegna lyfjamála
Algjörlega hunsuð í þessu ferli
Sigurður Jónsson