Morgunblaðið - 05.09.2004, Blaðsíða 44

MINNINGAR
44 SUNNUDAGUR 5. SEPTEMBER 2004 MORGUNBLAÐIÐ
Hún var dálítið furðu-leg – en um leiðáhugaverð – sagan aftyggigúmmíkless-unni sem mikið var í
fjölmiðlum á dögunum. En þannig
er málum háttað að einhver kvaðst
hafa eignast jórturleður sem ný-
lega átti að hafa verið í munni
frægrar og vinsællar bandarískrar
poppsöngkonu og nú var það kom-
ið á uppboðssvæðið eBay, falt
hæstbjóðanda. Og er þar enn eftir
því sem ég best veit.
Þetta leiðir hugann óneitanlega
að náskyldu efni, falsguða- og hé-
gómadýrkun samtímans.
Umrædd söngkona er Britney
Spears er fyrst náði verulegri at-
hygli eða „sló í gegn“ sem það heit-
ir, árið 1998 með laginu „Baby One
More Time“, þá einungis 17 ára
gömul. Í janúar 2003 leiddu rann-
sóknir í ljós að hún væri orðinn
þekktasti einstaklingur heims. Í
fyrstu gerði hún út á sakleysi og
heilbrigt líferni sitt, klæddist t.d.
iðulega eins og skólastelpa, en
þegar harðna fór á dalnum, sam-
keppni að aukast, við t.a.m. æsku-
vinkonuna Christinu Aguilera,
voru þær spjarir látnar fjúka og
reynt í staðinn að gera allt til að
laða fram kynþokkann. Nektin tók
völdin. Svo náði örvæntingin á
henni tökum og þeim stöllum,
Madonnu og henni, tókst að ná sér
í óskipta athygli pressunnar með
hinu fræga kossaatriði á MTV-
tónlistarhátíðinni í fyrra. Þetta
sýndi hve illa var fyrir þessari
ungu dís komið; hún var gjör-
samlega búin að missa fótanna. Og
ýmislegt annað staðfesti það í kjöl-
farið, m.a. bráðræðisgifting henn-
ar og Jasons Allen Alexander,
e.t.v. gerð í ölæði, í kapellu í Las
Vegas í ársbyrjun 2004. Það hjóna-
band var ógilt tveimur dögum síð-
ar. Allt er þetta fremur dapurlegt.
Aðdáendahópur Spears var í
fyrstu á aldrinum 7–17, eða þar um
bil, og eitthvað hækkaði talan að
líkindum við breyttar áherslur og
þó kannski ekki. A.m.k. mátti lesa í
Morgunblaðinu 27. janúar síðast-
liðinn, eftirfarandi:
Undanfarið hefur borið mjög á því að popp-
söngkonur leggi allt upp úr kynþokkanum
og klæðist sem efnisminnstu flíkum í tónlist-
armyndböndum… Ekki þykir þó víst að
meiri nekt poppsöngkvenna auki sölu á tón-
listarafurðum þeirra. Rannsóknir hafa nefni-
lega sýnt að nekt eigi hreint ekki lengur upp
á pallborðið. Poppstjörnurnar skemmti sér
eins og enn sé árið 1999, en heimurinn hafi
breyst og útlitið svartara eftir 11. september
2001. Miðlungssala á plötum Britney Spears,
Pink og annarra svipaðra listamanna virðist
staðfesta að nekt höfðar ekki til tónlistar-
kaupenda nú um stundir.
Terry Pettijohn, doktor í félagssálfræði við
háskóla Pennsylvaníu, segir að þegar svart-
sýni gæti og lægð sé í efnahagsmálum… séu
neytendur ginnkeyptari fyrir listamönnum
sem sýni andlegan þroska. Sé þetta rétt at-
hugað hjá Pettijohn er hugsanlegt að um-
boðsmenn ýmissa poppstjarna séu að eyði-
leggja feril þeirra með því að leggja til að
þær komi fram eins og fatafellur.
En út af fyrir sig er þetta auka-
atriði. Stjörnur fæðast og deyja,
eins og flest annað og nýjar koma í
þeirra stað. Og í heimi glamúrsins
er þetta æði hraðfara ferli. Hitt er
öllu verra að á meðan þær ljóma
hvað skærast geta áhrif þeirra
verið mikil, og í dæmi Spears (og
raunar margra annarra, s.s.
Christinu Aguilera) ekki öll já-
kvæð á ungar og lítt mótaðar en
jafnframt galopnar og þyrstar sál-
ir. Ábyrgðin er því gríðarleg.
Ef goðin bregðast á þennan hátt
sem góðar fyrirmyndir og hollar
er bara eitt til ráða: foreldrar
verða að grípa inn í og útlista fyrir
börnum sínum og ungmennum
hvað er um að vera til að hin
brenglaða mynd verði þeim ekki
eðlileg. Og það ætti ekki að vaxa
neinum í augum því svo mikið er í
húfi.
Ágæt dæmi um þennan áhrifa-
mátt eru Bítlarnir og frjálslegur
hárvöxturinn upp úr því, Twiggy
og megrunaræðið sem gekk yfir
heimsbyggðina á seinni helmingi
20. aldar, og af íslenskum toga
mætti nefna poppsöngvara einn,
nú kominn á aldur, en sem á þeim
tíma varð til þess að stór hluti
þjóðarinnar gekk um með hálf-
brotna framtönn, skælbrosandi, og
þótti fínt.
Svo mikið getur ruglið orðið. Og
þetta með tyggjóklessuna, sem ég
gat um í upphafi, er af sama meiði,
alveg ótrúlega vitlaust.
Freysteinn Jóhannsson skrifaði
í Morgunblaðið 19. nóvember
2003:
Stundum flögrar það að mér, að allt of marg-
ir nenni ekki lengur að skyggnast undir yf-
irborð hlutanna og leita að kjarnanum. Það
er svo miklu auðveldara að láta yfirborðið
blekkja sig. Drekka í sig glansheiminn og
ímynda sér, að hann sé raunveruleikinn.
Falla í stafi þegar hávaðinn hellist yfir…
Það er einmitt þetta sem ég er
að tala um.
Í samfélagi 21. aldar er gott að
hafa traustan klett undir fótum,
öruggan punkt til viðmiðunar, svo
maður týni ekki áttum. Jesús
kenndi okkur að þessi tilvera, sem
við þekkjum og sjáum í kringum
okkur, væri ekkert nema ófull-
komin byrjun eins og reikandi
spor lítils barns og að við þörfn-
uðumst leiðbeiningar og stuðnings
til að komast á réttan áfangastað
sem er Guðs ríki. Þá leiðsögn get-
ur meistarinn einn veitt og hefur í
raun gert það með lífi sínu, dauða
og upprisu.
En tíminn líður þó svo óskap-
lega hratt að mannsævin er öll
fyrr en varir. Þess vegna er hollt á
unglingsárum að temja sér að
horfa rannsakandi augum á lífið
svo að dýrmætum augnablikum
þess verði ekki kastað í fánýta
hluti. Og gangi það ekki hjálp-
arlaust verða hinir reyndari að
taka að sér að beina ungdómnum í
rétta átt.
Stjörnurnar
Reuters
sigurdur.aegisson@kirkjan.is
Sumt fólk er þekktara
en annað og hefur tölu-
verð áhrif á þá sem um-
hverfis eru eða á horfa.
Stundum er þau jákvæð,
stundum neikvæð.
Sigurður Ægisson hugar
í dag að stjörnum yngri
kynslóðarinnar og út-
gangspunkturinn er frétt
úr blöðum liðinnar viku.
Fyrri hluti
✝ Oddný EstherMagnúsdóttir Cer-
isano fæddist í Bolung-
arvík 31. maí 1936.
Hún lést í Houston í
Texas 28. júlí síðastlið-
inn. Foreldrar hennar
voru Rósinkransa
Jónsdóttir, f. 9. maí
1907, d. 6.október
1987, og Magnús
Valdimar Guðbrands-
son, f. 5. júní 1901, d. 9.
nóvember 1989. Oddný
Esther var næstelst
þriggja barna þeirra
Rósinkrönsu og Magnúsar en
bræður hennar eru: 1) Hörður
Magnússon, f. 25. júlí 1930, maki
Hjördís Elinórsdóttir. Börn þeirra
eru: a) Kristinn Guðbrandur, maki
Helga Hansdóttir, synir þeirra eru
Theodór Magnús og Dagur Elinór.
b) Ragnhildur Hanna, maki Kári
Helgason, synir þeirra eru Hörður
Örn, Brynjar Karl og Elvar Þór. 2)
Grétar Jón Magnússon, f. 18. ágúst
1940, maki Gréta Ágústsdóttir,
börn þeirra eru: a) Ágúst, börn
hans eru Thelma Dögg, Jóhann
Grétar, María Björk og Sandra
Dögg. b) Rósa Maggý, maki Bjarni
Gunnarsson, synir þeirra eru Uggi
Gunnar og Oddi Grétar. c) Magnús,
maki Malen Dögg
Þorsteinsdóttir, dótt-
ir þeirra er Dagbjört
Lilja.
Oddný Esther gift-
ist 2. júlí 1960 eftirlif-
andi manni sínum
Vincent P. Cerisano,
f. 27. apríl 1936. For-
eldrar hans voru Julia
Mary LoCasio, f. 18
desember 1910, d. 4.
mars 1999 og Francis
Eugene Cerisano, f.
19. ágúst 1906, d. 16.
október 1984.
Börn Oddnýjar og Vincent eru:
1) Rósa Margrét, f. 19. desember
1956, maki Daniel P. Hunt, dætur
þeirra eru Danielle Marie, Lauren
Oddný og Nicole Payson. 2) Linda
Guðbjörg, f. 22. maí 1962, maki
Michael Bernstein, börn þeirra eru
Rakel Nina, Jacob Vincent og Cody
Lester. 3) Robert Jón, maki Jody
Michelle, synir þeirra eru Ian Ro-
bert og Alex Jón. 4) Aleta Dagga, f.
10. febrúar 1968, maki Christopher
Lee Parrack, börn þeirra eru Julia
Rose og Christopher Jón.
Minningarathöfn um Oddnýju
Esther verður haldin í Aðvent-
kirkjunni í Reykjavík í dag og hefst
hún klukkan 13.30.
Til að heiðra elskulega eiginkonu
og móður erum við enn einu sinni öll
komin til Íslands, þangað sem hún
kallaði að fara heim. Hún kom svo oft
með okkur hingað að við lítum einnig
á Ísland sem okkar heimili. Nú þegar
við erum komin til að kveðja langar
okkur líka til að þakka henni fyrir
yndislegt líf í faðmi ástríkrar fjöl-
skyldu. Hún kenndi okkur mikilvægi
fjölskyldunnar og það er eingöngu
fyrir loforð, gefið og dyggilega varð-
veitt af hennar elskandi eiginmanni,
föður okkar Vinny, sem við erum hér.
Við þökkum henni fyrir fórnirnar sem
hún og pabbi færðu svo við gætum
heimsótt Ísland eins oft og við gerð-
um og við þökkum henni fyrir að
treysta fjölskylduböndin þannig að
ættingjar okkar og vinir hér eru ekki
aðeins fólk sem við þekkjum af mynd-
um heldur eru að eilífu hluti af okkar
lífi. Við lofum því að þessi bönd munu
aldrei bresta.
Nú er liðinn rétt rúmlega mánuður
síðan Guð gaf henni hvíld frá krabba-
meininu sem hrjáði hana. Þessar vik-
ur hafa verið erfiðar. Sorgin íþyngir
hjarta okkar og augun eru sífellt vot
af tárum. En 5. september mun verða
dagur fagnaðar þegar við uppfyllum
loforð okkar til hennar – hennar ein-
lægustu ósk – og gefum hana aftur
fjölskyldu, vinum og móðurjörðinni.
3. ágúst kvöddum við í Houston og
sögðum goodbye, nú segjum við á
hennar tungu: Vertu blessuð.
Með ástarkveðju frá börnum henn-
ar og eiginmanni,
Rósa Margrét, Linda Guð-
björg, Robert Jón, Aleta
Dagga og Vinny.
Í dag er ég komin til Íslands til að
kveðja mína bestu vinkonu hana elsku
Oddnýju mína.
Nú er hún farin úr þessum heimi og
er búin að fá hvíldina eftir mikil og
erfið veikindi. Barátta hennar var
mikil en aldrei gafst hún upp við þenn-
an illvíga sjúkdóm sem bar hana of-
urliði að lokum.
Minningarnar hlaðast upp.
Leiðir okkar lágu saman í Houston
í Texas fyrir 27 árum.
Með okkur Oddnýju hófst mikill
vinskapur, ekki bara milli okkar
tveggja, heldur líka fjölskyldna okkar
bæði í Houston og heima á Íslandi.
Hún var ekki bara vinkona mín
heldur eins og systir og móðir, því að
vera svona langt í burtu frá fjölskyldu
og vinum á Íslandi var oft erfitt og
leituðum við ráða og huggunar hvor
hjá annarri.
Hún var mín fyrirmynd í lífi og
starfi og gaf mér alltaf góð heilræði,
traustari vinkonu var ekki hægt að
eiga og var hún mér ómetanleg í gegn-
um tíðina.
Nú vantar einhvern í hennar stað
fyrir mig til að halda við íslenskunni,
því símtölin okkar á kvöldin, þegar all-
ir aðrir voru löngu sofnaðir, voru not-
uð til þess að halda við móðurmálinu.
Hún Oddný mín var Íslendingur í
húð og hár þrátt fyrir langa búsetu er-
lendis, enda kom hún reglulega heim
ásamt sínum elskulega eiginmanni,
honum Vinnie og börnum og síðar
barnabörnum og ferðuðust þau öll um
landið og alltaf komu þau til Bolung-
arvíkur, þar sem hennar æskuslóðir
lágu.
Við Oddný töluðum svo oft um að
koma heim saman til að njóta Íslands
því það var alltaf okkar kæra land,
þótt við værum búsettar erlendis, því
við áttum báðar mjög sterkar rætur
til lands og þjóðar, svo Oddný mín, nú
er ég að fylgja þér heim í síðasta sinn.
Öll fjölskyldan hennar stóð við hlið
hennar bæði dag og nótt síðustu vik-
urnar. Eiginmaður hennar, hann
Vinnie þessi trausti og góði maður
sem hún var búin að vera gift í yfir 40
ár og öll börnin voru viðstödd þegar
hún kvaddi þennan heim.
Kæru Vinnie, Rósa, Dan, Linda,
Michael, Robert, Jody, Aleta, Chris,
barnabörn, bræður og allir aðrir að-
standendur, megi algóður Guð styrkja
ykkur í sorginni og geyma minning-
arnar um einstaka konu.
Þín einlæg vinkona
Jónína Karlsdóttir Winter,
Houston, Texas.
Hér mætast vinir sem helst vilja gefa,
hugga og lækna og binda um sár,
fyllast af kvíða og angist og efa,
er ástvinur nákominn deyr fyrir ár.
Hvert á að leita og hvers á að spyrja?
Hvar er sú von er svo snögglega brást?
Hvernig skal lifa og hvar á að byrja?
Hvers vegna eru svo margir sem þjást?
Unnt er að græða með huga og höndum
heluna þína í mannlegri sál,
tengja og vefja með vináttuböndum
viðkvæma strengi um hugsjónarmál.
Láta þá finna sem lifa í skugga
leið til að bera sinn þungbæra harm,
bjóða sig fram til að hjálpa og hugga
harmþrungna vini með tárvotan hvarm.
Kærleikans máttur er aflið sem eyðir
andvökustundum um heldimma nótt,
mildir og styrkir og laðar og leiðir,
lífgar og nærir og veitir oss þrótt,
umbreytist ekki þótt brunnin sé borgin,
brostin sé vonin og lífið sé kvöl.
Kemur sem engill er sverfur að sorgin,
sameinar hjörtu og læknar allt böl.
(Höf. ók.)
Það kom okkur ekki á óvart þegar
okkur barst fréttin um andlát Odd-
nýjar frænku. Hún var fædd hér í Bol-
ungarvík.
ODDNÝ ESTHER
MAGNÚSDÓTTIR
CERISANO
Blómastofa Friðfinns,
Suðurlandsbraut 10,
sími 553 1099, fax 568 4499.
Opið til kl. 19 öll kvöld
Kransar • Krossar • Kistuskreytingar
Kársnesbraut 98 • Kópavogi
564 4566 • www.solsteinar.is
Sími 551 3485 • Fax 551 3645
Áratuga reynsla í umsjón útfara
Önnumst alla þætti
Davíð Osvaldsson
útfararstjóri
Sími 896 8284
Eyþór Eðvarðsson
útfararstjóri
Sími 892 5057
Vaktsími allan sólarhringinn
Ástkær faðir okkar, tengdafaðir, afi, langafi og
langalangafi,
HAUKUR NÍELSSON
bóndi,
Helgafelli,
verður jarðsunginn frá Lágafellskirkju fimmtu-
daginn 9. september kl. 15.00.
Níels Hauksson og fjölskyldur,
Marta Hauksdóttir og fjölskyldur,
Helgi Sigurðsson og fjölskylda.
HUGVEKJA