Morgunblaðið - 15.10.2004, Blaðsíða 6

6 FÖSTUDAGUR 15. OKTÓBER 2004 MORGUNBLAÐIÐ
FRÉTTIR
Þeir sem gerast áskrifendur
að Frjálsri verslun fyrir
1. nóv. nk. fá nýju bókina,
300 stærstu, og þrjú næstu
tölublöð á aðeins 2.000 kr.
Í lausasölu kostar þessi
pakki tæplega 5.200 kr.
Sparaðu 3.200 kr. og
pantaðu áskrift að Frjálsri
verslun fyrir 1. nóv. nk.
á www.heimur.is.
Nánari upplýsingar
á www.heimur.is
eða í síma 512-7575
EINSTAKT
ÁSKRIFTARTILBOÐ
KRISTJÁN Gunnarsson, formaður
Verkalýðs- og sjómannafélags
Keflavíkur og nágrennis, var í gær
kjörinn formaður Starfsgreinasam-
bandsins til næstu tveggja ára á árs-
fundi sambandsins.
Þá var Björn Snæbjörnsson, for-
maður Einingar-Iðju á Akureyri,
kjörinn varaformaður SGS til næsta
ársfundar að ári.
Kosið var í formannsvalinu á milli
Kristjáns og Signýjar Jóhannesdótt-
ur, formanns verkalýðsfélagsins
Vöku á Siglufirði. Hlaut Kristján
64,5% atkvæða og Signý 35,5%.
Halldór Björnsson, sem verið hef-
ur formaður SGS frá stofnun sam-
bandsins árið 2000, gaf ekki kost á
sér til endurkjörs.
Signý kvaddi sér hljóðs á fund-
inum þegar úrslitin lágu fyrir, óskaði
Kristjáni til hamingu og sagði að það
yrði mikill styrkur fyrir hann í starfi
formanns að hafa verið réttkjörinn í
það embætti í kosningum, sem fram
hefðu farið.
Björn Snæbjörnsson vara-
formaður með 67,5% atkvæða
Þegar úrslit í formannskosning-
unum voru orðin ljós lagði kjörnefnd
til að Björn Snæbjörnsson yrði kjör-
inn varaformaður sambandsins til
eins árs, en tíu fulltrúar verkalýðs-
félaga á ársfundinum lögðu til að
Signý Jóhannesdóttir yrði næsti
varaformaður. Fór því fram skrifleg
kosning á milli þeirra tveggja.
Úrslitin urðu þau að Björn sigraði
og hlaut 67,5% atkvæða en Signý Jó-
hannesdóttir hlaut 32,5% atkvæða.
Forsendum
kjarasamninga ógnað
„Ég tel mig taka við góðu búi af
Halldóri. Ljósmóðurstarfi Halldórs
Björnssonar er nú lokið og afkvæm-
ið komið talsvert á legg,“ sagði
Kristján í samtali við Morgunblaðið
eftir að úrslit lágu fyrir í gær.
„Starfsgreinasambandið hefur
verið á góðri siglingu inn á við. Við
höfum styrkt okkur, sameinað félög
og félögin í sambandinu eru orðin
öflugri í alla staði.
Það sem helst brennur á okkur
þessa dagana er sú atlaga að verka-
lýðshreyfingunni sem hefur verið
gerð norður á Akureyri. Það brenn-
ur mjög á okkur. Þá ógnar efnahags-
stefna ríkisstjórnarinnar stöðugleik-
anum og forsendum kjarasamninga.
Við þurfum að hafa tal af ráðamönn-
um um það,“ sagði Kristján.
Hann sagði einnig að mikilvægt
verkefni, sem framundan væri á
næstu mánuðum, væri að eiga tal við
félagsmenn, efla baráttuandann,
þétta raðirnar og berja í brestina.
Spurður hvort enn væri uppi
ágreiningur á milli Flóabandalags-
félaganna annars vegar á suðvest-
urhorninu og landsbyggðarfélag-
anna hins vegar, sem stundum hefur
borið á, sagðist Kristján vera þeirra
skoðunar að þar væri að gróa um
heilt. „Þessi mörk milli Flóa og
landsbyggðar eru orðin ógreinilegri.
Við megum aldrei gleyma því að
samningsrétturinn liggur hjá félög-
unum en ekki hjá sambandinu og
það er sjálfsákvörðunarréttur hvers
félags hvernig það fer með sín kjara-
mál og hvar það vistar forystuna í
þeim málum. Það verðum við að
virða og við verðum bæði að virða þá
stóru sem þá litlu. Sambandið á að
gegna því hlutverki að vera þjón-
ustuaðili fyrir báða aðila. Það tókst
ágætlega í síðustu kjarasamningum,
menn gengu samstiga til þeirra
verka og ég kvíði engu,“ sagði Krist-
ján.
Morgunblaðið/ÞÖK
120 einstaklingar eru kjörnir þingfulltrúar á ársfundinum.
Kristján Gunnarsson
kjörinn formaður SGS
Morgunblaðið/ÞÖK
Signý Jóhannesdóttir óskar Kristjáni Gunnarssyni til hamingju þegar úrslit í formannskjörinu höfðu verið lesin.
Miklar umræður urðu um efnahags- og kjaramál á ársfundi Starfsgreinasambandsins í gær. Halldór Björnsson, fráfarandi formað-
ur SGS, sagðist í setningarræðu ekki vera of bjartsýnn á að nýgerðir kjarasamningar héldu. Erfiðar samningaviðræður væru í
gangi við ýmsa hópa opinberra starfsmanna og gagnrýndi hann fjárlagafrumvarpið fyrir að gera ráð fyrir meiri verðbólgu en verð-
lagsforsendur samninga byggðust á. Kristján Gunnarsson var kjörinn nýr formaður SGS og Björn Snæbjörnsson varaformaður.
GANGI fjárlagafrumvarp ríkis-
stjórnarinnar eftir stefnir í að verð-
lagsforsendur kjarasamninga haldi
ekki því þar er gert ráð fyrir meiri
verðbólgu á árinu 2005 en kveðið er
á um og því virðist sem ríkisstjórnin
hafi hreinlega misskilið kjarasamn-
ingsforsendurnar. Þetta kom fram í
ræðu Grétars
Þorsteinssonar,
forseta ASÍ, á
ársfundi Starfs-
greinasambands-
ins. Grétar vék
sérstaklega að
málefnum út-
lendinga á ís-
lenskum vinnu-
markaði og sagði
þau eitt af mik-
ilvægustu við-
fangsefnum verkalýðshreyfing-
arinnar á næstu árum. Tryggja
þyrfti að þeir sætu við sama borð og
annað launafólk á Íslandi auk þess
sem tryggja þyrfti stöðu þeirra að
öðru leyti, s.s. er varðar húsnæði,
tungumálakennslu og félagslega
stöðu.
„Okkur ber að gera allt sem við
getum til að stuðla að því að þeir
sem hingað koma samlagist sam-
félaginu og að þeim líði sem best. Í
sumum nágrannalöndum er komin
fram önnur kynslóð innflytjenda
sem býr við bága stöðu. Þetta ber
okkur með öllum tiltækum ráðum að
koma í veg fyrir að gerist hér,“
sagði Grétar.
Hann nefndi einnig að dæmi væri
um að ráðist hefði verið að lág-
marksákvæðum kjarasamninga á
undanförnum vikum: „Ég veit ekki
hvort menn gera sér almennt grein
fyrir því að hér er verið að takast á
um grundvallaratriði. Ég ætla ekki
að hafa um þetta mörg orð en lýsa
þeirri skoðun minni að það er ótrú-
legt að við skulum árið 2004 vera að
glíma við sömu mál og við töldum að
væri löngu búið að afgreiða [...],“
sagði Grétar m.a.
Virðast hafa
misskilið samn-
ingsforsendur
Grétar
Þorsteinsson
RÍKISSTJÓRNIN virðist annað-
hvort hafa misskilið síðustu kjara-
samninga á almennum vinnumark-
aði eða hún kærir sig kollótta um
frið á vinnumarkaðinum. Þetta kom
fram í ræðu Halldórs Björnssonar,
fráfarandi formanns Starfsgreina-
sambandsins, á ársfundinum í gær.
Halldór tók fram
að hann vonaði
að þetta væri
misskilningur af
sinni hálfu en
sagðist engu að
síður ekki of
bjartsýnn á að
samningarnir
myndu halda.
„Samningarnir
byggjast á tveim-
ur forsendum.
Þeir byggjast annars vegar á hóf-
legri verðbólgu á samningstím-
anum og að aðrir samningar á
vinnuamarkaði verði sambærilegir.
Fari verðbólga fram úr því sem
samningarnir kveða á um, getum
við sagt þeim upp í lok næsta árs
eða við lok ársins 2006.
[-] Ég er satt að segja ekkert of
bjartsýnn á að þessir samningar
haldi. Þar kemur margt til. Það eru
erfiðar samningarviðræður í gangi
við ýmsa hópa opinberra starfs-
manna og ekki útséð um það hvern-
ig þeim reiðir af. Síðan er fjárlaga-
frumvarp ríkisstjórnarinnar með
þeim hætti að ekki eykst bjartsýnin.
Þar er hreinlega gert ráð fyrir
meiri verðbólgu en verðlags-
forsendur samnings gera ráð fyr-
ir,“ sagði Halldór. Hann sagði einn-
ig að fyrirhugaðar skattalækkanir
sem næmu 15–22 milljörðum króna
myndu bitna á almannatrygg-
ingakerfinu að óbreyttu. Skattarnir
stæðu undir velferðarkerfinu og
því yrði að skera einhvers staðar
niður. „Við hljótum [...] að krefjast
þess að fyrirhugaðar skattalækk-
anir skerði á engan hátt almanna-
tryggingakerfið.“
Ekki bjart-
sýnn á að samn-
ingar haldi
Halldór
Björnsson
ÞAÐ ERU ekki bara erlend verk-
takafyrirtæki sem reyna að snið-
ganga verkalýðshreyfinguna og
kjarasamninga hennar. Íslenskt
flugfélag hefur ekki löngun til að
semja við íslenskar flugfreyjur og
ætlar að framselja þær til Bretlands
og fréttir berast um að útgerðarfyr-
irtæki hafi gert kjarasamning við
áhöfn á skipi sínu
með þeim áskiln-
aði að áhafnar-
meðlimir megi
ekki vera félagar
í stéttarfélagi.
Þetta sagði
Ingibjörg Sólrún
Gísladóttir, vara-
formaður Sam-
fylkingarinnar,
við setningu árs-
fundar Starfs-
greinasambandsins.
„Gleymd er sú staðreynd að fé-
lagafrelsið var baráttumál verka-
lýðshreyfingarinnar. Í félagafrels-
inu fólst að launafólk gæti bundist
samtökum til að semja um og vernda
kaup sitt og kjör. Þegar launafólki
er beinlínis bannað að vera í stétt-
arfélagi er verið að svipta fólk því
frelsi sem verkalýðshreyfingin sótti
í upphafi síðustu aldar með blóði,
svita og tárum.“ Hún sagði verka-
lýðshreyfinguna eiga það inni hjá
stjórnvöldum og atvinnurekendum
að þeir styddu hana með ráðum og
dáð. Verkalýðshreyfingin hefði átt
stærstan þátt í því að skapa þá festu,
starfsumhverfi og stofnanamenn-
ingu sem fyrirtækin þrifust í.
Verið að svipta
fólk frelsi
Ingibjörg Sólrún
Gísladóttir
ÍSLENDINGAR hafa ekki farið var-
hluta af alþjóðavæðingunni og
frjálsu flæði fjármagns á und-
anförnum árum. Því fylgja vissu-
lega bæði kostir og gallar. Öflug
fyrirtæki hafa kraft til umfangs-
mikillar útrásar og afkomutölur
sumra þeirra eru
sannarlega þess
eðlis að ástæða
er til að sam-
gleðjast eig-
endum þeirra.
En því miður
hefur dregið lítið
úr atvinnuleysi
þrátt fyrir mik-
inn hagvöxt og
uppgang í at-
vinnulífinu.
Þetta kom fram í ávarpi Árna
Magnússonar félagsmálaráðherra
en hann ræddi þar sérstaklega um
félagslega ábyrgð fyrirtækja. Hann
benti á að stjórnvöld hefðu dregið
úr hömlum, auðveldað fyrirtækjum
að hasla sér völl í útlöndum, tekið
þátt í að opna þeim nýja markaði og
aukið frelsi þeirra til athafna. „Og
nú er spurt um það hvernig at-
vinnurekendur ætli að fara með
aukið frelsi og að standa undir þeim
væntingum sem til þeirra eru gerð-
ar. Með öðrum orðum hver sé fé-
lagsleg ábyrgðartilfinning þeirra,
ef svo má að orði komast,“ sagði
Árni Magnússon félagsmálaráð-
herra m.a. í ávarpi sínu á ársfundi
Starfsgreinasambandsins í gær.
Spurt um félags-
lega ábyrgðar-
tilfinningu
Árni
Magnússon