Morgunblaðið - 19.12.2004, Síða 4

4 SUNNUDAGUR 19. DESEMBER 2004 MORGUNBLAÐIÐ
FRÉTTIR
MIKIÐ annríki hefur verið hjá
Tryggingastofnun ríkisins (TR) að
undanförnu vegna endurreiknings á
lífeyrisgreiðslum og bótarétti fyrir
árið 2003. Á þriðja þúsund manns
hefur komið í þjónustumiðstöðina
síðustu vikur og leitað skýringa og á
fjórum dögum bárust stofnuninni 11
þúsund símtöl.
Nú í vikunni verða endurgreiddar
inneignir til 24 þúsund lífeyrisþega
en rukkanir vegna ofgreiðslu bóta
eru um 11 þúsund talsins.
Alls er verið að endurreikna líf-
eyrisgreiðslur til um 42 þúsund líf-
eyrisþega og samkvæmt upplýsing-
um frá TR hafa borist 320 formlegar
athugasemdir við endurreikning,
eða frá um 0,8% allra lífeyrisþega.
Að sögn Gunnars Salvarssonar, upp-
lýsingafulltrúa TR, liggur ekki fyrir
hvers eðlis þessar athugasemdir eru
en þær verða teknar til sérstakrar
umfjöllunar eftir áramót.
„Okkur sýnist að ákaflega vel hafi
tekist til með þessa framkvæmd alla,
sem sést hvað best á því hversu afar
fáir gera formlegar athugasemdir,
en auðvitað eru nokkur dæmi um
einstaklinga sem nýta andmælarétt
sinn og þau mál verða öll könnuð ít-
arlega á nýju ári,“ segir Karl Steinar
Guðnason, forstjóri Tryggingastofn-
unar, í tilkynningu frá stofnuninni.
Með lögum frá árinu 2002 var
ákveðið að taka upp nýtt fyrirkomu-
lag við útreikning og greiðslu tekju-
tengdra bóta lífeyristrygginga.
Verða bæturnar framvegis ákveðnar
út frá tekjuáætlunum bótaþega og
síðan endurreiknaðar þegar álagn-
ing opinberra gjalda liggur fyrir árið
eftir.
Mikið annríki hjá Tryggingastofnun
Þúsundir heim-
sókna og símtala og
320 athugasemdir
Morgunblaðið/Árni Torfason
NETIÐ er langöflugasti upplýs-
ingamiðill erlendra ferðamanna um
Ísland. Ríflega helmingur þeirra
sem hingað koma segjast nota Net-
ið við upplýsingaöflun um landið.
Þetta kemur fram í niðurstöðum
sumarkönnunar Ferðamálaráðs
sem gerð var sl. sumar. Í fyrstu
könnuninni sem gerð var árið 1997
var hlutfall þeirra sem notuðu Net-
ið til að afla upplýsinga um Ísland
innan við 20 af hundraði. Bækling-
ar eða handbækur eru nú næstmest
notaði upplýsingamiðillinn en álíka
margir nefndu einnig ferðaskrif-
stofur í eigin landi. Af þeim erlendu
gestum sem sóttu upplýsingar á
Netið voru Bandaríkjamenn og
Bretar duglegastir að nýta þennan
nýja upplýsingabrunn.
Sumarkönnun Ferðamálaráðs
2004 fór fram í Leifsstöð og á Seyð-
isfirði frá júníbyrjun til ágústloka.
Á þessu tímabili fóru um 175 þús-
und erlendir gestir úr landi og var
spurningalistum dreift af handa-
hófi til 3.139 gesta og bárust 2.507
nothæfir svarlistar til baka.
Netið öflugasti
upplýsinga-
miðillinn
ÞAÐ sem af er þessu ári hefur
sýslumaðurinn á Keflavík-
urflugvelli lagt hald á rúmlega
5.000 e-töflur, um 14,5 kíló af hassi,
tæplega 2,4 kíló af kókaíni og um
1,3 kíló af amfetamíni. Þetta er um-
talsvert meira af fíkniefnum en í
fyrra.
Í átta tilvikum var fíkniefnunum
smyglað innvortis og bar sá stór-
tækasti um hálft kíló af kókaíni í
iðrum sínum.
Stærsta hasssendingin á þessu
ári vó um átta kíló og fannst hún í
febrúar í tréöskjum sem komu frá
Nepal. Í fyrra komu um tvö kíló af
hassi með trégrímum frá sama
landi. Fyrr í mánuðinum fundu
skúringakonur á Keflavíkur-
flugvelli um þrjú kíló af hassi á einu
af salernum flugstöðvarinnar. Lík-
lega hefur einhver taugaóstyrkur
fíkniefnasmyglari ekki þorað með
þau í gegnum tollhlið og ákveðið að
skilja þau þar eftir.
Átta hafa smygl-
að fíkniefnum
innvortis
ENN hefur ekki fengist niðurstaða
varðandi nám og starfsendurhæfingu
fyrir geðsjúka á vegum Fjölmenntar
og Geðhjálpar, að því er fram kemur
á heimasíðu Ástu R. Jóhannesdóttur
alþingismanns en viðræður um það
hafa staðið yfir milli þessara aðila og
menntamálaráðuneytisins.
„Ég skora á félagsmálaráðherra,
heilbrigðisráðherra og menntamála-
ráðherra að taka höndum saman við
aðra ráðherra – að þeir tali sig saman
á næsta ríkisstjórnarfundi og tryggi
að námið hefjist á tilsettum tíma í jan-
úar og að allir sem óska eftir því geti
fengið þessa þjónustu sem mikil þörf
er á í samfélaginu,“ segir Ásta Ragn-
heiður á heimasíðu sinni.
Hún sagði í samtali við Morgun-
blaðið að um ófremdarástand væri að
ræða þar sem fjárveiting væri ekki
fyrir hendi eftir áramót. Það yrði því
að hætta allri kennslu og alger óvissa
ríkti um það sem við tæki og það væri
fólki mjög erfitt.
Ásta rifjaði upp að hún hefði tekið
upp málið upp á Alþingi 8. desember
síðastliðinn og þá hefði menntamála-
ráðherra sagt að hann vildi gjarnan
leysa þetta mál en það hefði ekkert
gerst ennþá. Heilbrigðisráðherra
hefði líka tekið þátt í umræðunni og
sagst gjarnan vilja leysa þetta en
málið væri í rauninni á hendi mennta-
málaráðherra.
„Þetta eru það litlar fjárhæðir að
það er alveg óþarfi að láta þennan hóp
bíða svona í óvissu,“ sagði Ásta Ragn-
heiður ennfremur.
Fram kom að 140–150 manns sóttu
um að komast í námið í haust en að
ekki var hægt að taka inn nema tvo
þriðju hluta vegna fjárskorts en þá
fengust sex milljónir króna til verk-
efnisins.
Ásta R. Jóhannesdóttir um starfsendurhæfingu fyrir geðsjúka
Framhald eftir ára-
mót enn ekki tryggt
STÖÐUMÆLAVERÐIR hafa í nógu að snúast þessa
dagana enda margmenni í miðbænum. Aðrir starfs-
menn borgarinnar fara einnig víða, þó í öðrum til-
gangi, t.d. þeir sem sjá um að hreinsa upp rusl og
ryk við götur og gangstéttir. Ólíklegt er að stöðu-
mælavörðurinn hafi verið að sekta ökumann
hreinsibílsins, líklegra er að þeir hafi verið að spjalla
saman.
Morgunblaðið/Kristinn
Sópurinn sektaður?
ÁSKRIFTARVERÐ Stöðvar 2
hækkar frá og með 5. janúar 2005
um 6,4% hjá almennum áskrif-
endum og um 4,7% hjá M12-
áskrifendum, en flestir áskrifenda
eru í hópi M12-áskrifenda.
Í tilkynningu frá Íslenska út-
varpsfélaginu kemur fram að
áskriftarverð Stöðvar 2 hafi síðast
hækkað fyrir tæpum tveimur árum.
Hækkunin nú sé í takt við almennar
verðlagsbreytingar frá þeim tíma.
Almennt verð mun því verða 4.672
krónur en 4.286 krónur fyrir M12-
áskrifendur frá og með 5. janúar á
næsta ári.
Stöð 2 hækkar
áskriftarverð
TILBOÐ á vegum Ríkiskaupa í allt
að 80 bifreiðir fyrir ríkisstofnanir
verða opnuð þriðjudaginn 21. des-
ember. Stærstu kaupendur öku-
tækjanna eru Vegagerðin og rík-
islögreglustjóri en um er að ræða
kaup og/eða rekstrarleigukjör á
bifreiðum af ýmsum stærðum og
gerðum í samræmi við lýsingar á
einstökum flokkum. Óskað er eftir
tilboðum í flestar gerðir bifreiða
s.s. fólksbíla, jeppa, sendibíla, pall-
bíla og fólksflutningabifreiðar.
Að sögn Magnúsar Sigurgeirs-
sonar hjá Ríkiskaupum er um að
ræða árlegt útboð hjá Ríkis-
kaupum.
Ríkið kaupir
allt að 80 bíla
Morgunblaðið/Júlíus
TÖLUVERÐUR erill var hjá lög-
reglunni í Reykjavík aðfaranótt
laugardags vegna ölvunar bæði í
miðborginni og í heimahúsum.
Samkvæmt upplýsingum varðstjóra
voru engar stórar uppákomur en
nokkuð um að menn væru að kýla
hver annan. Þá var töluvert um út-
köll vegna hávaða í heimahúsum.
Erill hjá lögregl-
unni í Reykjavík