Morgunblaðið - 19.12.2004, Side 26

26 SUNNUDAGUR 19. DESEMBER 2004 MORGUNBLAÐIÐ
L
augarásbíó hefur á
undanförnum árum
gengið í endurnýjun
lífdaga hvað búnað
og innréttingar
snertir og nú síðast
var stóri A-salurinn
formlega tekinn í
notkun fyrir röskri viku. Þar var sæt-
um fækkað og þau nýju höfð stærri og
þægilegri en hin gömlu og hallinn í
salnum aukinn.
„Það eru að því er ég best veit
hvergi betri sæti í bíósal en í A-sal
Laugarásbíós. Kröfurnar eru orðnar
svo miklar hjá fólki, það vill hafa það
betra í bíó en heima hjá sér,“ segir
Magnús Gunnarsson, einn þeirra
þriggja sem reka Laugarásbíó. Á sín-
um tíma létu þeir byggja nýtt fordyri
við bíóið og þannig mætti telja. Fyrir
öllu þessu standa auk Magnúsar tví-
burabróðir hans Gunnar og Snorri
Hallgrímsson, en auk rekstrar Laug-
arásbíós reka þeir fyrirtækin Mynd-
form og Heimamynd. Líklega hefur
þá viðskiptafélaga ekki órað fyrir því
á sjöunda og áttunda áratugnum hver
áhrif þeir ættu eftir að hafa í lífi Ís-
lendinga hvað afþreyingu snertir.
Tvíburabræðurnir ólust upp á Garða-
holti með fjórum systkinum sínum,
faðir þeirra stundaði útgerð, var við
grásleppuveiðar en rekur nú kjúk-
lingabú. Garðaholt var á þeim tíma að
sögn bræðranna ekki beinlínis nafli
heimsins.
Vikubið ef þeir misstu af strætó
„Við fórum með skólabíl í skólann
og það var oft mikið mál í illri færð og
svo kom strætisvagn á Álftanesið á
fimmtudögum – og ef við misstum af
honum urðum við að bíða með bæj-
arferðina í viku,“ segir Magnús.
Snemma hófu þeir þó rekstur
myndbandaleigu og í þeim rekstri
kynntust þeir Snorra Hallgrímssyni,
sem einnig rak myndbandaleigu.
„Snorri hafði unnið við sjónvarpsstöð
í Bandaríkjunum, hann var og er afar
vel heima í bandarískri kvikmynda-
framleiðslu og upp úr samræðum um
það efni kom hugmynd um að við fær-
um allir til Cannes á kvikmyndahátíð
með öflun sýningarréttar á myndum
og fjölföldun efnis í huga. Sú ferð
reyndist giftudrjúg og varð fyrir-
rennari fjölmargra slíkra ferða. Síðan
höfum við farið saman á helstu kvik-
myndahátíðir heimsins og tryggt
okkur sýningarrétt á miklum fjölda
mynda,“ segja þeir bræður.
Þeir geta þess að ekki hafi verið
spáð vel fyrir fyrirtækjarekstrinum í
upphafi. Fyrst var það gervihnatta-
diskar sem taldir voru ógna mynd-
bandaleigum en nú er Netið talið
helsta ógnin af úrtölufólki. Þetta hef-
ur þó ekki gengið eftir og enn er
Myndform í viðskiptum við allar
myndbandaleigur á landinu en þær
eru um hundrað alls.
Þeir félagar hafa lifað góðu lífi á
fyrirtækjarekstrinum fram á þennan
dag við vaxandi gengi. Þess má geta
að þeir Gunnar og Snorri búa í Garða-
bæ en Magnús á Álftanesi. Fjölskyld-
ur bræðranna vinna nokkuð við fyr-
irtækin, þ.á m. eiginkonur þeirra.
Tvíburabræðurnir voru að eigin
sögn „rétt skriðnir úr skóla“ þegar
þeir hófu samstarfið við Snorra, sem
er tíu árum eldri en þeir, fæddur 1951
og starfar einn sinna ættmenna við
fyrirtæki hans og bræðranna Gunn-
ars og Magnúsar Gunnarssona.
Blaðamaður frétti þetta allt saman
á fundi sem hann átti með viðskipta-
félögunum þremur í húsnæði Mynd-
forms við Trönuhraun í Hafnarfirði.
„Myndform starfar í eigin húsnæði
og sama máli gegnir um aðra starf-
semi sem við erum með, nema hvað
við leigjum Laugarásbíó af Sjó-
mannadagsráði, einnig á Myndform
þriðjung í Borgarbíói á Akureyri á
móti Skífunni,“ segir Gunnar.
Í fararbroddi við að texta á
íslensku og talsetja barnamyndir
„Á fyrstu myndbandaleigunni okk-
ar urðum við fljótlega varir við að það
skorti myndir með íslenskum texta og
tali. Við vildum koma til móts við
þessa þörf og lögðum áherslu á að
texta og talsetja myndir. Í raun varð
þessi vöntun á textuðu og talsettu efni
til þess að við stofnuðum útgáfu- og
fjölföldunarfyrirtækið Myndform
1984 og höfum verið í fararbroddi í
þeim efnum síðan,“ segir Magnús.
„Við byrjuðum á að kaupa 140
myndir og urðum að koma þeim ein-
hvern veginn út,“ segir Snorri og
brosir.
„Fyrstu fyrirtækin sem við fengum
myndir hjá voru Lorimar og ABC-
sjónvarpsstöðin. Fyrst vorum við ein-
göngu í myndabandaútgáfu og leigu,
við rekum raunar enn fyrstu leiguna
okkar inni á Langholtsvegi, en síðan
þróaðist þetta, við bættum við tölvu-
leikjum og á seinni árum erum við
komnir út í DVD-framleiðslu og loks
auglýsingagerð. Sem og erum við að
byrja á að vinna í þrívídd og erum líka
með allar bíómyndaauglýsingar fyrir
Skífuna, Myndmark og fleiri aðila.
Við erum því með mörg járn í eld-
inum. Hjá okkur starfa að jafnaði um
fimmtíu manns.
Við þrír skiptum þannig með okkur
verkum að Snorri sér að mestu um
tæknimálin og fjölföldun, Snorri og
Gunnar hafa séð um rekstur Laug-
arásbíós saman, Gunnar hefur verið
lykilmaður í erlendum viðskiptum en
ég hef sinnt markaðsmálunum. Öll
réttindin eru keypt inn af Myndformi
og í seinni tíð kaupum við í ríkari mæli
sýningarrétt á tilteknum myndum
fyrir Norðurlöndin og endurseljum
hann svo þar. Sýningarréttur á
myndum gildir í ákveðinn tíma,
kannski tíu ár, en fellur svo niður,“
segir Magnús.
Lykillinn að velgengninni
En hver er lykillinn að velgegni
þeirra félaga?
„Við ákváðum frá upphafi að skuld-
setja ekki fyrirtækið. Við byrjuðum
smátt, svo hefur umfangið vaxið,
þessari stefnu höfum við haldið. Eig-
infjárstaða fyrirtækja okkar er mjög
góð. Þetta er þó hart viðskiptaum-
hverfi, fyrir nokkrum árum voru sjö
eða átta fyrirtæki í þessum geira nú
er aðeins fjögur eftir, hin komust í
þrot.
Við keyptum sýningarrétt á mörg-
um myndum og sýndum þær í kvik-
myndahúsum sem aðrir ráku. Þeirri
stefnu höfum við fram haldið þótt við
séum sjálfir með bíórekstur í Laug-
arásbíói, margar myndir sem við höf-
um keypt sýningarrétt á eru ekki
sýndar þar, heldur aðeins í öðrum
bíóhúsum.“
Kvikmyndahúsreksturinn
býður upp á meiri möguleika
En hvers vegna hófu þeir bíórekst-
ur?
„Það gefur meiri möguleika. Þegar
maður hefur sjálfur yfir kvikmynda-
húsi að ráða er hægt að sýna þær
myndir sem maður vill. Ef við trúum
t.d. á mynd sem aðrir vilja ekki sýna
getum við sett hana í bíó hjá okkur.
Við kaupum einnig myndir inn fyr-
ir sjónvarp, við öflum sýningarréttar
á a.m.k. 100 til 130 myndum á ári.“
Þeir félagar eru sammála um að
allgóður rekstrargrundvöllur sé fyrir
hendi hér á landi hvað kvikmyndahús
áhrærir.
„Við höfum í það minnsta alltaf ver-
ið réttu megin við núllið,“ segja þeir.
„Við höfum þrefaldað aðsóknina að
Laugarásbíói, hún var 58 þúsund
gestir 1993 en er nú um 180 þúsund
gestir,“ segir Gunnar.
„Við byrjuðum á að setja nýtt
hljóðkerfi, vegna hljóðkerfisins hefur
Laugarásbíó verið vinsælt hjá ung-
lingum. Einnig keyptum við nýjar
sýningarvélar. – En myndirnar
skipta auðvitað höfuðmáli.
Við kaupum flestallar myndir fyr-
irfram, vitum hver er leikstjóri, get-
um lesið handritið og vitum hverjir
eru aðalleikarar – en við vitum ekkert
hvernig hver og ein mynd kemur til
með að heppnast, – það er bara um að
gera að veðja á réttu fyrirtækin,“
segja þeir Magnús og Snorri.
Allir eru þeir sammála um að þetta
séu áhættusöm viðskipti.
Blaðamaður spyr um evrópskar
myndir.
„Það er venjulega fyrirfram tap á
þeim, ein af hverjum tíu skilar
ágóða,“ segir Snorri. Þeir segjast þó
áhugamenn um að kynna nýjar evr-
ópskar myndir eftir föngum.
Myndform er með 20% markaðs-
hlutdeild í dreifingu mynda, en áhorf
sveiflast mjög til frá ári til árs.
„Næsta ár lítur vel út, þá koma
framhaldsmyndir Mask 2 og Zorro 2
og tvær Spielbergmyndir, The War of
the Worlds og fleiri stórmyndir. The
War of the Worlds er önnur Spiel-
bergmyndin okkar, með Tom Cruise í
Farsæll rekstur í t
Myndform heitir fyrirtæki
sem lengi hefur séð Íslend-
ingum fyrir margvíslegri
afþreyingu. Guðrún Guð-
laugsdóttir ræddi við
bræðurna Gunnar og
Magnús Gunnarssyni og
Snorra Hallgrímsson sem
eiga saman fyrirtækin
Myndform, rekstur Laug-
arásbíós og Heimamynd. Snorri Hallgrímsson, Salma Hayek og Magnús Gunnarsson. Sean Connery og Gunnar Gunnarsson.
Morgunblaðið/Golli
Hin nýju og þægilegu sæti í endurnýjuðum A-sal Laugarásbíós.
Magnús Gunnarsson, Andy Garcia, Kurt Wellejus og Edward Burnes.
Skólavörðustíg 8 - 101 Reykjavík
Sími 551 8600 - Fax 551 9680
www.halligullsmidur.is
Flöskustatíf
margar gerðir
Starfsstéttir
Íþróttir
Járnstytturnar
vinsælu