Morgunblaðið - 28.12.2004, Page 4

4 ÞRIÐJUDAGUR 28. DESEMBER 2004 MORGUNBLAÐIÐ
FRÉTTIR
ÞRÍR voru fluttir á slysadeild eftir
árekstur á mótum Kringlumýrar-
brautar og Suðurlandsbrautar um
klukkan 11 í gærmorgun. Var ekki
talið að þeir væru alvarlega slasaðir.
Þá valt bíll út í skurð við Sléttuveg
um tíuleytið í gærmorgun. Enginn
slasaðist en kalla þurfti til Slökkvilið
höfuðborgarsvæðisins til að ná fólk-
inu út úr bílnum. Bíllinn skemmdist
töluvert.
Þrír fluttir á
slysadeild
TVÍVEGIS var keyrt á ljósastaura
á Reykjanesbraut síðdegis í gær en
engin slys urðu á fólki. Bílar
skemmdust hins vegar í báðum til-
vikum. Bæði áttu óhöppin sér stað
við Seylubraut, hið fyrra klukkan
14.54 en hið síðara kl. 15.22. Slæmt
veður var á svæðinu að sögn lög-
reglunnar í Keflavík.
Tveir óku á
ljósastaura í gær
ÍSLENSK stjórnvöld ákváðu í
gær að veita þegar í stað fimm
milljónir króna til mannúðar- og
neyðaraðstoðar á þeim svæðum
sem verst hafa orðið úti í náttúru-
hamförunum við Indlandshaf.
Fjárveitingin er veitt Rauða
krossi Íslands, sem mun sjá um að
stuðningurinn komist til skila.
Fjársöfnun Rauða krossins er
enn í gangi hér á landi, þar sem
hægt er að hringja í 907 2020 og
leggja til eitt þúsund krónur af
viðkomandi símreikningi. Að sögn
Þóris Guðmundssonar, talsmanns
RKÍ, höfðu safnast með þessum
hætti um þrjár milljónir króna í
gærkvöldi og því hringingar bor-
ist frá um þrjú þúsund manns.
Einnig er hægt að styðja hjálp-
arstarfið á flóðasvæðunum með
því að leggja framlag inn á banka-
reikning númer 1151-25-12, kt.
530269-2649.
Veita 5 milljónir
til neyðaraðstoðar
ALLS er talið að hér á landi búi um
1.250 manns sem eiga uppruna frá
löndunum sem orðið hafa hvað verst
úti í náttúruhamförunum í Asíu; Taí-
landi, Indónesíu, Indlandi og Sri
Lanka, þar af um 750 frá Taílandi.
Fjölmargar fyrirspurnir hafa borist
Alþjóðahúsinu og Rauða krossinum í
gær og fyrradag frá áhyggjufullum
aðstandendum hér á landi sem ekki
hafa náð símasambandi út. Sam-
kvæmt upplýsingum frá Rauða
krossinum náðu margir sambandi í
gær en eftir því sem næst verður
komist bíða enn þrír aðstandendur
milli vonar og ótta um að heyra af af-
drifum ástvina sinna á flóðasvæð-
unum.
Enginn mætti hins vegar á kynn-
ingarfund sem Rauði kross Íslands,
RKÍ, boðaði í húsakynnum Reykja-
víkurdeildarinnar í gærkvöldi vegna
náttúruhamfaranna við Indlandshaf.
Sigrún Árnadóttir, framkvæmda-
stjóri RKÍ, sagði þetta vonandi vera
góðs viti um að engir hérlendir íbúar
með uppruna frá hamfarasvæðunum
hefðu misst ástvini sína.
Sigrún vildi minna á að fólki sem
ekki hefði tekist að hafa uppi á ást-
vinum sínum gefst kostur á að skrá
nöfn þeirra hjá leitarþjónustu Rauða
krossins. Hægt er að hringja í
Hjálparsíma Rauða krossins, 1717,
sem er opinn allan sólarhringinn.
Að sögn Sigrúnar hefur RKÍ sent
upplýsingar til aðalstöðva Rauða
krossins í Genf um 19 Íslendinga af
veraldarvaktinni svonefndu sem eru
reiðubúnir nú þegar að fara utan til
hjálparstarfa með stuttum fyrirvara,
verði þess óskað.
Um 1.250 manns frá flóðasvæðunum búa hér á landi
Morgunblaðið/Kristinn
Sigrún Árnadóttir, framkvæmdastjóri Rauða kross Íslands, upplýsir fréttamenn um stöðuna á fundi í gærkvöldi.
Margir hafa áhyggjur
af ástvinum sínum
ÓVÍST var um ferðir 20 Íslendinga í
Suð- og Austur-Asíu í gærkvöldi eft-
ir flóðbylgjuna sem fylgdi í kjölfar
jarðskjálftans vestur af Súmötru í
fyrradag. Listi þeirra Íslendinga
sem ekki hafði heyrst til eftir hin
mannskæðu flóð var upphaflega mun
lengri, eða um 55 manns, og saxaðist
verulega á listann fram eftir degi í
gær. Að sögn Péturs Ásgeirssonar,
skrifstofustjóra hjá utanríkisráðu-
neytinu, hafa þó engar vísbendingar
komið fram um að Íslendingar hafi
særst eða farist í hamförunum.
Margir ættingjar hringdu í neyðar-
síma utanríkisráðuneytisins vegna
hamfaranna til að tilkynna um að
þeir hefðu ekki heyrt til ættingja
sinna en Pétur Ásgeirsson segir þó
ekki mikinn áhyggjutón í mörgum.
„En sumir eru orðnir áhyggjufullir,“
segir hann. Pétur segir að ekki hafi
saxast eins hratt á listann og vonast
var til. Hann bætir við að margir hafi
bæst á listann í gær jafnhliða því
sem aðrir fóru út af honum um leið
og til þeirra spurðist.
„Við höfum ekki fengið neinar
upplýsingar sem benda til þess að Ís-
lendingar hafi farist eða særst,“ seg-
ir Pétur.
Danska utanríkisþjónustan
aðstoðar Íslendinga
Í gær náði ráðuneytið sambandi
við danska utanríkisráðuneytið sem
hefur tekið að sér að huga að Íslend-
ingum um leið og dönskum ríkis-
borgurum. Jafnframt náðist í fyrra-
kvöld samband við danska sendi-
herrann í Bangkok sem staðfesti að
hann hefði fengið fyrirmæli frá
danska utanríkisráðuneytinu um að
aðstoða Íslendinga. Er þetta gert á
grundvelli samnings ríkjanna um
gagnkvæma aðstoð Norðurland-
anna. Þessu til viðbótar fór einn af ís-
lensku ræðismönnunum sem búa í
Bangkok til taílenska ferðamanna-
bæjarins Phuket og hefur hann verið
beðinn um að setja sig í samband við
dönsku áfallamiðstöðina þar í bæ.
Pétur segir mjög mismunandi hvað
íslenskir ferðamenn í Asíu hyggist
gera í framhaldi hamfaranna.
„Margir virðast ætla að halda áfram
í fríum sínum og fara heim þegar þar
að kemur,“ segir hann og bætir við
að flestir hafi verið fjarri þeim stöð-
um sem urðu verst úti.
Óvíst um ferðir 20 Íslendinga
ALÞÝÐUSAMBAND Íslands, ASÍ,
gefur neikvæðar umsagnir um at-
vinnuleyfi fyrir 150 kínverska verka-
menn, sem Impregilo hefur sótt um
til Vinnumálastofnunar vegna fram-
kvæmda við Kárahnjúkavirkjun. Kín-
verjarnir áttu að mestu að koma í stað
þeirra Portúgala sem hættu störfum
við virkjunina fyrir jól og héldu heim
á leið. Óskað hefur verið eftir fundi í
byrjun janúar hjá sérstakri sam-
starfsnefnd sem m.a. er ætlað að
fjalla um álitamál við útgáfu atvinnu-
leyfa.
Ingvar Sverrisson, lögfræðingur
ASÍ, segir að leikreglur séu skýrar í
þessum efnum og verkalýðshreyfing-
in vilji fara eftir þeim. Sú krafa sé
gerð að Impregilo og stjórnvöld geri
slíkt hið sama. Fyrr verði þessi at-
vinnuleyfi ekki afgreidd.
„Við viljum veita aðhald í því að far-
ið verði eftir lögum og þeirri máls-
meðferð fylgt sem kveðið er á um í
lögum frá Alþingi um atvinnuréttindi
útlendinga,“ segir Ingvar en að mati
ASÍ er einkum þrennt ábótavant við
umsóknir Impregilo fyrir Kínverjana.
Störfin ekki auglýst
Í fyrsta lagi séu starfsmennirnir
ekki með fullgild vinnuvélaréttindi,
sem krafa sé gerð um samkvæmt ís-
lenskum reglum. Í öðru lagi hafi
Impregilo ekki auglýst umrædd störf
til umsóknar hér á landi, og ekki
skráð þau hjá Vinnumiðlun eða á
sameiginlegum evrópskum markaði,
EURES. Í þriðja lagi hafi fyrirtækið
ekki leitað eftir starfsmönnum á
mörkuðum nýrra aðildarríkja Evr-
ópusambandsins, sem eigi að hafa
forgang á störf umfram starfsmenn
utan Evrópska efnahagssvæðisins.
Impregilo hefur áður verið með
nokkra Kínverja við virkjunarfram-
kvæmdirnar en Ingvar segir fyrir-
tækið hafa auglýst þau störf áður. Nú
virðist sem einhver örvænting hafi
gripið um sig og Impregilo geri kröfu
til stjórnvalda um að flytja inn þá kín-
versku nánast fyrirvaralaust „á einu
bretti“.
Í fyrrnefndri samstarfsnefnd, sem
boðuð hefur verið til fundar eftir ára-
mót, eiga sæti fulltrúar Vinnumála-
stofnunar, Útlendingastofnunar, ASÍ
og Samtaka atvinnulífsins.
Ekki náðist í talsmann Impregilo
vegna þessa máls í gær en samkvæmt
frétt Ríkisútvarpsins hafa Kínverj-
arnir verið að störfum fyrir Impregilo
í Gulafljóti í Kína og þykja sérlega
harðgerir og duglegir.
Neikvæðar umsagnir ASÍ um atvinnuleyfi fyrir 150 Kínverja við Kárahnjúka
„Leikreglur skýrar og við
viljum fara eftir þeim“