Morgunblaðið - 28.12.2004, Page 6

6 ÞRIÐJUDAGUR 28. DESEMBER 2004 MORGUNBLAÐIÐ
FRÉTTIR
ÍS
LE
N
SK
A
A
U
G
L†
SI
N
G
A
ST
O
FA
N
/S
IA
.I
S
U
RV
2
68
88
1
2/
20
04
www.urvalutsyn.is
2 vikur
Verð frá:
59.900 kr.*
M.v. tvo í íbúð í 14 nætur
Enska ströndin - Montemar
1 vika
Verð frá:
44.900 kr.*
M.v. tvo í íbúð í 7 nætur
*Innifalið: Flug, gisting, íslensk fararstjórn
og flugvallarskattar.
Verð m.v. að bókað sé á netinu.
Ef bókað er símleiðis eða á skrifstofu
bætist við 2.000 kr. bókunar- og
þjónustugjald á mann.
Brottfarir
5., 12. og 26. janúar - Aukaflug
19. janúar - Örfá sæti laus
Fáðu ferðatilhögun, nánari upp-
lýsingar um gististaðina og reiknaðu
út ferðakostnaðinn á netinu!
UMBOÐSMAÐUR Alþingis telur í nýju áliti að synj-
un fangelsisyfirvalda á umsókn fanga um dagsleyfi
hafi ekki verið í samræmi við lög. Er þeim tilmælum
beint til dómsmálaráðuneytisins að það gæti í fram-
tíðinni þeirra sjónarmiða sem fram koma í álitinu við
meðferð sambærilegra mála.
Afplánunarfangi á Litla-Hrauni kvartaði til um-
boðsmanns Alþingis í júlí sl. yfir úrskurði dómsmála-
ráðuneytisins þar sem staðfest var synjun Fangels-
ismálastofnunar á umsókn hans um dagsleyfi.
Byggðist niðurstaða ráðuneytisins á verklagsreglu
stofnunarinnar sem gerir ráð fyrir að eigi fangi ólokið
máli þar sem ljóst þykir að hann hlýtur óskilorðs-
bundna fangelsisrefsingu til viðbótar áður dæmdri
refsingu, verði honum ekki veitt dagsleyfi.
Umboðsmaður telur að umrædd verklagsregla
gangi lengra en samrýmist geti lagaákvæðum um
leyfi til dvalar utan fangelsis í að afnema það ein-
staklingsbundna mat sem stjórnvöldum sé falið.
Dregur umboðsmaður þá ályktun af skýringum
dómsmálaráðuneytisins að verklagsreglan hafi í raun
ráðið ákvörðun ráðuneytisins um að staðfesta synjun
fangelsisyfirvalda á umsókn fangans. Því hafi ekki
farið fram mat á því hvort aðstæður hans fullnægðu
skilyrðum laga fyrir veitingu dagsleyfis.
Ekki farið að stjórnsýslulögum
Umboðsmaður telur jafnframt að dómsmálaráðu-
neytið hafi ekki gætt ákvæða stjórnsýslulaga þegar
fanganum var ekki kynnt efni umsagnar Fangels-
ismálastofnunar. Í umsögninni hafi komið fram ný at-
riði sem gefa hafi átt fanganum kost á að tjá sig um.
Í bréfi dómsmálaráðuneytisins til umboðsmanns
19. nóvember sl. kemur fram að fanginn afpláni dóm
sinn hjá Vernd og hafi síðan þetta mál kom upp fengið
dagsleyfi. Telur umboðsmaður sig því ekki hafa tilefni
til að beina tilmælum til ráðuneytisins að taka mál
fangans til endurskoðunar.
Umboðsmaður Alþingis um úrskurð dómsmálaráðuneytisins
Synjun á leyfi ekki
í samræmi við lög
LÖGREGLAN í Hafnarfirði hefur enn
ekki fundið veski sem stolið var af móður
langveiks barns í verslun Bónuss við
Helluhraun í Hafnarfirði á miðvikudag. Í
veskinu voru ómetanlegt læknisgögn
vegna barns hennar sem var á leið til
Bandaríkjanna á sjúkrahús.
Vitað er að þjófurinn er kona, sem sást í
eftirlitsmyndavél verslunarinnar, en lög-
reglan þekkir ekki til viðkomandi. Hefur
lögreglan leitað ítarlega í nágrenni við
Bónus í þeirri von að þjófurinn hafi fleygt
frá sér því sem hann teldi ekki verðmæti
þar með talið umræddum gögnum, en án
árangurs. Er skorað á þjófinn að skila þó
ekki væri nema þessum hluta þýfisins.
Veski með læknis-
gögnum ófundið
MIKILL erill var hjá lögreglunni í Reykja-
vík í fyrrinótt vegna ölvunar og háreysti í
samkvæmum sem stóðu langt fram á nótt.
Frá því á miðnætti og fram til klukkan sex í
gærmorgun var lögreglan kölluð 11 sinn-
um út til að róa samkvæmisglatt fólk og
stilla til friðar þar sem háreysti var við
íbúðarhús. Auk mikillar ölvunar voru lagð-
ar fram tvær kærur vegna líkamsárása.
Um nóttina varð einnig fjöldi árekstra
vegna hálku sem myndaðist þegar hitastig
féll og fór niður fyrir frostmark. Var nóttin
að þessu leyti eins og meðaldagur hvað
varðar fjölda árekstra en þeir urðu ellefu
talsins. Ekki urðu þó alvarleg slys á fólki í
þessum óhöppum.
Þá var talsverður erill hjá lögreglunni í
Keflavík í fyrrinótt. Voru þrír menn hand-
teknir á skemmtistöðum bæjarins vegna
ölvunar og óláta og gisti einn fanga-
geymslu.
Einnig voru tvær líkamsárásir til-
kynntar. Á skemmtistaðnum Paddy’s hafði
stúlka slegið aðra stúlku inni á salerni stað-
arins og brotnaði klósett í átökunum. Í
Stapa tilkynnti maður að stúlka hefði hent
glasi í andlitið á honum. Var hann með
sýnilega áverka og leitaði sér læknis.
Mikil ölvun á fólki
LÖGREGLAN í Vestmannaeyjum rann-
sakar nú tildrög þess að jólatré bæjarins
við Stafkirkjuna í miðbænum var rifið upp
með ljósaseríu og varpað í sjóinn þar
steinsnar frá. Tréð er 3–4 metra hátt og
var fjarlægt á jólanótt. Fannst það síðar í
höfninni, vestan við Skansinn. Mun þetta
ekki vera í fyrsta sinn sem jólatré á þess-
um stað er rifið upp en ekki hefur það
hent áður að því hafi verið kastað í sjóinn.
Jólatré rifið
upp í Eyjum
FYRSTU útsölurnar hófust í gær
og búast má við að fleiri fyrirtæki
sláist í leikinn á næstu dögum og
að útsölurnar fari síðan á fullan
skrið strax eftir áramótin.
Sigurður Jónsson, fram-
kvæmdastjóri Samtaka verslunar-
og þjónustu, segir að hér áður
fyrr hafi útsölurnar almennt hafist
seinna en núna fari þetta fyrr af
stað og nokkur hópur fyrirtækja
hefji útsölur núna milli jóla og ný-
árs. Nokkur ár séu frá því að þessi
þróun hafi hafist. „Það er vaxandi
tilhneiging í þessa veru og þetta
er þar með að nálgast það sem
gerist erlendis þar sem útsölur
byrja jafnvel á aðfangadag.“
Sigurður segir að breytingin sé
einnig sú að verslunareigendur
séu farnir að kaupa gagngert
vörur inn til þess að setja á útsöl-
ur. Það séu ekki bara restar eins
og hafi verið hér áður fyrr. Sig-
urður segist telja að þessar breyt-
ingar leggist vel í neytendur.
„Maður heyrir jafnvel talað um að
fólk fái jólagjafir í formi gjafa-
korta eða peninga til þess að
versla fyrir á útsölunum.“ Morgunblaðið/Árni Sæberg
Útsölurnar byrja strax eftir jól
LÖGREGLAN í Hafnarfirði
lagði hald á rúmlega 20 grömm
af hvítum fíkniefnum auk
kannabisefna um helgina. Um
var að ræða tvö ótengd mál þar
sem í öðru þeirra var lagt hald
á 17 grömm af ætluðu kókaíni
og nokkur grömm af amfeta-
míni. Þá var í hinu málinu lagt
hald á 4–5 grömm af hvítum
efnum. Þá var einn maður í
fangageymslu á jólanótt í
þriðja fíkniefnamálinu. Málin
eru í rannsókn og að mestu
upplýst að sögn lögreglu.
Þá voru þrjú innbrot til-
kynnt lögreglu. Á jólanótt var
brotist inn í bílapartasölu og
fatahreinsun í Hafnarfirði og
annan jóladag var tilkynnt um
innbrot í sólbaðsstofu í Garða-
bæ.
Hörð fíkni-
efni tekin í
Hafnarfirði
STARF skrifstofustjóra Alþingis
var auglýst laust til umsóknar 8.
desember sl. og rann umsóknar-
frestur um embættið út 22. des-
ember sl.
Umsækjendur eru þrír: Einar
Farestveit, lögfræðingur á skrif-
stofu Alþingis; Helgi Bernód-
usson, aðstoðarskrifstofustjóri Al-
þingis, og Þórhildur Líndal,
umboðsmaður barna.
Friðrik Ólafsson, skrifstofu-
stjóri Alþingis, hefur óskað eftir
að láta af störfum frá 20. jan. 2005
en hann verður sjötugur síðar í
mánuðinum.
Þrír sóttu um starf
skrifstofustjóra Alþingis
„APPELSÍNUGULI
liturinn hefur fengið
nýja merkingu,“ sagði
Arna Schram blaða-
maður í samtali við
Morgunblaðið í gær-
kvöldi en hún er stödd
í Kænugarði (Kíev),
höfuðborg Úkraínu.
Appelsínugulur er ein-
kennislitur stuðnings-
manna Víktors Jústsj-
ensko en allt bendir til
þess að hann hafi sigr-
að í forsetakosningun-
um sem fram fóru í
fyrradag.
„Fólk streymir
hérna niður í miðborgina til þess að
fagna úrslitum kosninganna. Annar
hver maður ber eitthvað appels-
ínugult, t.d. trefil, fána, húfu eða
borða. Margir bílar eru með appels-
ínugula borða á loftnetunum. Götu-
sölumennirnir selja appelsínugulan
varning og það er jafnvel hægt að
kaupa appelsínugul kanínueyru og
appelsínugular rósir,“ sagði Arna
og bætti við að þrátt fyrir mann-
fjöldann væri stemmningin róleg og
mikið um ræðuhöld.
Arna sagði eftirtektarvert að á
öllum krám og veitingahúsum væru
sjónvörpin stillt á stöð
fimm en það er einka-
stöð og einn af fáum
fjölmiðlum sem hafa
gefið Jústsjenko tæki-
færi til að koma sínum
sjónarmiðum á fram-
færi. „Það er meira að
segja sjónvarpað á
tjald hér úti á götu.
Maður getur fylgst
með fréttatímanum og
barnatímanum og öllu
saman.“
Arna sagðist ekkert
verða vör við stuðn-
ingsmenn Janúkovítsj
en í kosningabaráttunni einkenndu
þeir sig með bláum lit. Kænugarður
er hins vegar í vesturhluta Úkraínu
en Janúkóvítsj sækir stuðning sinn
meira til austurhlutans. Arna sagði
því líklegt að ástandið væri öðruvísi
annars staðar í landinu. „Fólkið
hérna er ánægt og það væntir
greinilega mikils af sigrinum og af
Jústsjenko. Hvort þær væntingar
eigi eftir að standast þarf tíminn að
leiða í ljós. Það er náttúrulega mikil
fátækt hérna og ég hugsa að fólk
vonist til þess að það verði ein-
hverjar breytingar á efnahags-
ástandi og að lífskjör fólks muni
batna,“ sagði Arna.
Appelsínugulur
með nýja merkingu
Arna Schram