Morgunblaðið - 28.12.2004, Blaðsíða 20
Höfuðborgin | Akureyri | Suðurnes | Austurland
Minnstaður
Höfuðborgarsvæðið Brjánn Jónasson, brjann@mbl.is, sími 569-1100. Suðurnes Helgi
Bjarnason, helgi@mbl.is, sími 569-1310 og 669-1310. Akureyri Margrét Þóra Þórsdóttir,
maggath@mbl.is og Kristján Kristjánson, krkr@mbl.is, sími 461-1600. Vesturland Ásdís
Haraldsdóttir, asdish@mbl.is, sími 898-5258. Austurland Steinunn Ásmundsdóttir, aust-
urland@mbl.is, sími 669-1115. Árborgarsvæðið og Landið Helgi Bjarnason, helgi@mbl.is,
sími 569-1310 og 669-1310 og Guðrún Aðalsteinsdóttir, frett@mbl.is, sími 569-1290.
Mínstund frett@mbl.is
Árið hefur verið Austur-Húnvetningum
viðburðaríkt. Sveitarfélög hafa sameinast.
En þrátt fyrir það erum við enn ósamstæð.
Einn stærsti atburður ársins var bruninn í
Votmúla þar sem húsnæði þriggja fyr-
irtækja eyðilagðist. Eignatjón var mikið en
ekki urðu slys á fólki. Enn er óráðið um
uppbyggingu tveggja fyrirtækja en fram-
leiðsla hafin hjá matvælavinnslu Vilko ann-
ars staðar í bænum.
En vonir leynast engu að síður og
draumar hafa ræst. Til að komast af í hörð-
um heimi hámarksarðsemi er aðeins eitt
ráð, þolinmæði og þrautseigja. Þeir sem lifa
í ógnarhraða lífsgæðakapphlaupsins og há-
markshagnaðar hafa þörf fyrir okkur sem
enn þraukum í byggðum fjarri höfuðborg-
arsvæðinu, byggðum þar sem ræturnar
liggja.
Í dag þegar þessi pistill birtist er sam-
kvæmt ritúalinu Barnadagur, dagur um
saklausu börnin í Betlehem, dagur sem
Heródes konungur mikli lét taka af lífi sam-
kvæmt frásögn Matteusarguðspjalls öll
sveinbörn tveggja ára og yngri til að koma í
veg fyrir ógnun manns sem við flest byggj-
um jólahátíðina á.
Þegar þessi pistill birtist ykkur, þegar
jólasveinar snúa aftur til síns heima, situr
enn keimur af jólum í sálum okkar. Ekki er
ráðlegt að sitja hnípin þetta árið og gráta
hið liðna þegar ár er í rjúpur. Óskir flestra
óháð aldri hafa verið uppfylltar. Allir hafa
fengið eitthvað fallegt í það minnsta og svo
framvegis.
Jólin eru hátíð barnanna, jólin eru hátíð
þeirra sem þreyttir eru, jólin eru hátíð
þeirra sem hafa gleðina að leiðarljósi – jólin
koma og fara, jólin eru allra. Jólin eru í des-
ember þá sól fer hækkandi á himni eftir 21.
desember. Jólin koma ár hvert og er undir
hverjum og einum komið hvernig úr rætist.
Í huga þess sem þessar línur ritar eru jólin
uppgjör hverrar sálar við sína nánustu og
líka hátíð hinnar hækkandi sólar þar sem
framtíðin er falin. Jólin eru samfagnaður,
umburðarlyndi, og mökkur af ættingjum
sem maður hefur allt of sjaldan séð.
Framundan er ár sem enginn veit hvað
ber í skauti sér en það er ósk þes sem þess-
ar línur ritar að árið sem bíður handan við
hornið verði ár réttlætis, umburðarlyndis,
ár kærleika og friðar.
Úr
bæjarlífinu
BLÖNDUÓS
EFTIR JÓN SIGURÐSSON FRÉTTARITARA
Sveitarfélagið Fjarða-byggð hefur áhugaá að reisa stórt fjöl-
nota íþróttahús á Reyð-
arfirði. Viðræður standa
yfir milli Fjarðabyggðar,
Alcoa og Bechtel um hugs-
anlega þátttöku tveggja
síðarnefndu aðilanna í
kostnaði við gerð slíks
húss.
Íþrótta- og tóm-
stundanefnd hefur unnið
að málinu. Þegar ljóst
varð að Alcoa og Bechtel
hygðust reisa íþrótta-
aðstöðu fyrir starfsfólk
sitt og verja til þess sam-
eiginlega tæpum 100 millj-
ónum króna, kom upp sú
hugmynd að fjármagnið
gengi inn í byggingu var-
anlegs fjölnotahúss á
staðnum. Slíkt hús gæti
kostað um 500 milljónir
króna. Ákvörðunar Alcoa
og Bechtel er að vænta í
kringum áramót og gæti
hluti hússins verið kominn
í gagnið nk. sumar.
Fótboltahöll
HeilbrigðisstofnunÞingeyinga hefurtekið í notkun
nýtt hjartaþolspróftæki
sem notað er til greiningar
og eftirlits með hjartasjúk-
lingum. Verðmæti tækisins
er um tvær milljónir kr.
Svala Hermannsdóttir, for-
maður Styrktarfélags
Heilbrigðisstofnunarinnar,
afhenti Ásgeiri Böðv-
arssyni lækni gjafabréf
fyrir tækinu.
Ásamt Styrktafélagi
Heilbrigðisstofnunar Þing-
eyinga eru gefendur meðal
annars Lionsklúbbur
Húsavíkur og hagyrðinga-
félagið Kveðandi sem stóðu
fyrir skemmtisamkomu í
fjáröflunarskyni til þessara
tækjakaupa. Þá eru einnig
sjö kvenfélög í Þingeyj-
arsýslu meðal gefenda
ásamt ýmsum velunnurum
Heilbrigðis-stofnunar
Þingeyinga.
Morgunblaðið/Hafþór Hreiðarsson
Hjartatæki afhent
Spáð var stórhríð áNorðurlandi yfirjólin, eins og varð.
Friðrik Steingrímsson í
Mývatnssveit orti af því
tilefni:
Úti dimm þótt ógni hríð
ekki er þörf að kvarta,
inni jólabirtan blíð
býr í hverju hjarta.
Eins og við mátti búast
rækir Friðrik þann góða
sið að setja vísu í jóla-
kortin. Undirrituðum
barst:
Inn í sálir sérhvers manns
sælustundir leita,
megi fæðing frelsarans
frið og gleði veita.
Í höfuðstöðvum Íslands-
banka á Kirkjusandi báðu
nágrannar starfsmenn
bankans að fjarlægja
tómar kókflöskur úr
gluggum á Þorláksmessu.
Eftir það orti Þórður V.
Oddsson:
Þó daginn út og daginn inn
við drekkum kókakóla.
Fólkið nýtur friðs um sinn
og flöskulausra jóla.
Vísa í kort
pebl@mbl.is
Ísafjörður | Skautaíþróttir voru
mikið stundaðar á Ísafirði á ár-
um áður en nú þykir næstum
tíðindum sæta ef einhver sést á
skautum á götum bæjarins. Sig-
ríður Þrastardóttir hár-
greiðslumeistari fékk skauta í
jólagjöf og tók þá fljótlega í
notkun og renndi sér eftir göt-
unni. Sonur Sigríðar, Kristófer
Albert Lúðvík Lárusson, fór
með til að kenna henni listina.
Morgunblaðið/Halldór Sveinbjörnsson
Jólagjöfin komin í gagnið
Skautar
Ísafjarðarbær | Gert er ráð fyrir að 292
milljónir króna fari í fjárfestingar og til
sérstakra rekstrarverkefna á vegum Ísa-
fjarðarbæjar á næsta ári að því er fram
kom við fyrri umræðu um fjárhagsáætlun.
Helstu framkvæmdir verða við Grunn-
skólann á Ísafirði, við byggingu nýs
íþróttahúss á Suðureyri, lagður verður
göngustígur meðfram Skutulsfjarðar-
braut auk þess að keypt verður ný
slökkvibifreið.
Hvað hafnarframkvæmdir varðar er
stefnt að því að byrja á 2. áfanga end-
urbyggingar Ásgeirsbakka, keyptur verð-
ur ný hafnsögubátur og dýpkað verður í
Sundahöfn og innsiglingunni í höfninni á
Suðureyri. Þá er áætlað fyrir snjóflóða-
og sjóvarnargörðum, vatnsveitu- og frá-
veituframkvæmdum, ýmsum smærri
verkefnum ásamt viðhaldi gatna og fast-
eigna og endurnýjun tækja og búnaðar.
Samkvæmt frumvarpi að fjárhagsáætl-
un eru heildarrekstrartekjur, skatttekjur
og aðrar tekjur áætlaðar ríflega 2 millj-
arðar króna fyrir bæjarsjóð og stofnanir
hans Heildarrekstrarútgjöld eru áætluð
2.168 milljónir króna. Afborganir lána á
næsta ári nema 244 milljónum króna og
eigin fjármögnun og nýjar lántökur 323
milljónum króna. Fræðslumál taka mest
til sín þegar að málaflokkum kemur, 643
milljónir, æskulýðs- og íþróttamál 140
milljónir, félagsþjónustan 79 milljónir,
umhverfis og almannavarnir 145 milljónir,
menningarmál 52 milljónir og sameigin-
legur kostnaður nemur 160 milljónum
króna.
Tæpar 300
milljónir í
framkvæmdir
Ísafjörður | Fjögur skip sem skráð eru í
Ísafjarðarbæ fá hámarkshlut af byggða-
kvóta sjávarútvegsráðuneytisins, 15 tonn,
sem útlit er fyrir að Fiskistofa úthluti
vegna þess að bæjarráð Ísafjarðarbæjar
hefur vísað frá sér að skipta 210 lesta kvóta
sem kemur í hlut byggðarlagsins. Skipin
eru Júlíus Geirmundsson, Páll Pálsson,
Fjölnir og Stefnir.
Samkvæmt upplýsingum í frétt á vef
bb.is fengju skip sem gerð eru út frá Ísa-
firði, rúm 75 tonn, í hlut Suðureyrar kæmu
tæp 52 tonn, til skipa á Flateyri tæp 43
tonn, liðlega 21 til Þingeyrar og 18 til
Hnífsdals.
Fjögur skip fá
hámarkskvóta
MEÐLAGSGREIÐENDUR!
Gerið skil hið fyrsta
og forðist vexti og kostnað
INNHEIMTUSTOFNUN SVEITARFÉLAGA
Lágmúla 9 - 108 Reykjavík - Kt. 530372 0229 - www.medlag.is
Banki 0139-26-4700 - Sími 590 7100 - Fax 590 7101
♦♦♦