Morgunblaðið - 28.12.2004, Síða 22

22 ÞRIÐJUDAGUR 28. DESEMBER 2004 MORGUNBLAÐIÐ
MINNSTAÐUR
Fundarboð
Skipstjórnarmenn
Norðurlandi
Sameiginlegur fundur sjómannasamtakanna
um kjara- og lífeyrismál verður haldinn á Skipagötu 14
(Alþýðuhúsinu), Akureyri, þann 29. desember nk.
og hefst kl. 10:30.
Félag skipstjórnarmanna.
SUÐURNES
ÍBÚUM hefur fjölgað í öllum sveit-
arfélögunum á Suðurnesjum á
þessu ári. Þar eru nú 17.092 íbúar,
samkvæmt bráðabirgðatölum Hag-
stofu Íslands sem miðast við 1. des-
ember,160 fleiri en fyrir ári þegar
þeir voru 16.932. Fjölgunin er rétt
innan við 1% eða sú sama og á land-
inu öllu að meðaltali.
Reykjanesbær er langstærsta
sveitarfélagið. Þar eru nú 10.954
íbúar, fjölgaði um 47, fleiri en áður
í sögu bæjarins. Á síðustu árum hef-
ur fækkað í Reykjanesbæ og virðist
sú þróun hafa snúist við.
Íbúum fjölgar verulega í hinum
sveitarfélögunum, eins og raunar
hefur verið hin almenna regla und-
anfarin ár. Mest fjölgaði í Grinda-
vík, um 58 íbúa, en þeir 39 sem
bættust við íbúafjöldann í Garði eru
þó hlutfallslega fleiri. Dregið hefur
úr fjölgun í Vatnsleysustrandar-
hreppi þar sem ör fólksfjölgun hef-
ur verið undanfarin ár. Samt er
fólksfjölgun þar á þessu ári svipuð
og að meðaltali á landinu öllu.


 




 



2#$
$!
234
23
3
2!#

 

 

/) 5 1
2 " ##3 ( ##$
L 7#( -;
 :#
2 * %
2)% 
?  7 4
23

 " 7



!"#$%&
 
'#
(
")

*
+ 3 H+*  ),  -&%-*%$ 
Fjölgar í öllum
sveitarfélögunum
AKUREYRI
Grindavík | Fólk sem fylgdist með
þróun mála í Grindavík á jóladag tel-
ur sumt hvert að mikill viðbúnaður
lögreglunnar hafi espað upp ung-
mennin og átt þátt í því að málin fóru
úr böndunum um kvöldið. Þá var
reynt að kveikja í brennu við Salt-
fisksetrið, kveikt í áramótabálkesti
Grindvíkinga og síðan í bálkesti í sól-
arvéinu en það hefur verið gert á
jóladagskvöld á hverju ári undanfar-
in ár þrátt fyrir að lögreglan hafi
reynt að koma í veg fyrir það.
Spenna hefur verið milli hóps ung-
menna í Grindavík og lögreglunnar á
jóladagskvöld undanfarin ár vegna
brennu í sólarvéinu. Ungur maður
sem hefur fylgst með öll árin segir að
málið hafi byrjað árið 1999 eða 2000,
þegar ekki fékkst leyfi til að opna
skemmtistaðina eftir miðnætti á
jóladagskvöld eins og fólk hefði gert
ráð fyrir. Þá hefði verið auglýst á út-
varpsstöð að kveikt yrði í brennu í
sólarvéinu. Ásatrúarmaður hlóð sól-
arvéið fyrir mörgum árum og í því er
eldstæði. Ungi maðurinn segir að
lögreglan hafi reynt að koma í veg
fyrir brennuna og gengið mjög hart
fram í því. Árið eftir hafi ungmennin
hins vegar fengið að fara sínu fram.
Kveikt hafi verið í lítilli brennu og
lögreglumenn fylgst með samkom-
unni sem hafi farið vel fram.
Það hefur síðan orðið að árlegum
viðburði að ungmenni hafa safnast
saman við sólarvéið og lögreglan
reynt að koma í veg fyrir að kveikt
væri í bálkestinum.
Lögreglan hafði óvenjumikinn við-
búnað nú. Upp úr hádeginu var
stjórnstöðvarbíl lögreglunnar lagt á
áberandi stað í bænum, komið upp
kösturum og myndavélum og lög-
reglubílar voru á ferð um bæinn.
Maður sem fylgdist með þróun-
inni, um daginn og kvöldið og á strák
sem var í ungmennahópnum, sagði
greinilegt að viðbúnaður lögreglunn-
ar hefði espað krakkana upp. Þetta
hefði virkað sem besta auglýsing fyr-
ir væntanlega brennu. SMS-skilaboð
hefðu þá þegar byrjað að berast á
milli farsíma og krakkarnir boðaðir
með þeim hætti á svæðið. Ætlunin
hefði verið að kveikja í brettum við
Saltfisksetrið vegna viðbúnaðar lög-
reglunnar við sólarvéið en það ekki
tekist. Þá hefði einhver kveikt í ára-
mótabrennunni sem er utan við bæ-
inn. Þegar fréttir bárust um það
hefði fólkið farið þangað ásamt lög-
reglunni og þá hefðu menn gripið
tækifærið og kveikt í brettum í sól-
arvéinu. Áramótabálkösturinn fuðr-
aði upp og lítið var eftir af honum
þegar leið á nóttina.
Maðurinn sagðist hafa fylgst með
allt kvöldið. Hann viðurkenndi að
málið hefði farið út böndum. Nefndi í
því sambandi að ekki hefði átt að
kveikja í áramótabrennunni því það
bitnaði á öllum Grindvíkingum og
ekki síst börnunum ef engin brenna
yrði á gamlárskvöld. En hann sagði
einnig að lögreglan hefði tekið full-
harkalega á unglingum og sjálfur
sagðist hann hafa gert athugasemdir
við að lögreglumaður hefði sprautað
piparúða yfir hóp saklausra áhorf-
enda.
Málið verður rannsakað
Ljóst er að skiptar skoðanir eru
um málið í Grindavík. Slökkviliðs-
stjórinn og lögreglan eru ósátt við
þróun mála, eins og fram kom í
blaðinu hér í gær. Á annað hundrað
manns safnaðist þarna saman og lög-
regla og slökkvilið átti í erfiðleikum
með að vinna sitt starf. Karl Her-
mannsson, yfirlögregluþjónn hjá
Lögreglunni í Keflavík, segir að mál-
ið verði rannsakað með yfirheyrslum
yfir meintum gerendum og vitnum
með það að markmiði að gera þá
menn ábyrga sem stóðu fyrir þessu,
jafnt brennufólkið og þá sem hindr-
uðu lögreglu og slökkvilið við störf
sín. Þetta væri grafalvarlegt mál.
Samkvæmt upplýsingum blaðsins
hefur umræðan í Grindavík þróast
þannig meðal ungmennanna að útlit
er fyrir að enn verði reynt að kveikja
varðeld að ári. Strákurinn sem vitn-
að er til hér að framan segir að eina
ráðið til að koma í veg fyrir vandræði
sé að gefa krökkunum leyfi til að
kveikja lítinn eld á jóladagskvöld og
skemmta sér í friði. Þetta væri í raun
og veru lítið mál sem búið væri að
gera að stórmáli.
Faðir benti á að bæjaryfirvöld
gætu einnig lagt sitt af mörkum með
því að hafa eitthvað við að vera fyrir
krakkana þetta kvöld.
Hópamyndun ungmenna fór úr böndunum í Grindavík á jóladagskvöld
Segja viðbúnað lögreglunnar
hafa espað upp ungmennin
Morgunblaðið/Brynjar Gauti
Brenna Á annað hundrað manns tók þátt í eða fylgdist með brennustríðinu
í Grindavík aðfaranótt annars dags jóla. Myndin er annars staðar frá.
„ÉG hef mikla trú á þessu verkefni,“
sagði Valgerður Sverrisdóttir iðn-
aðarráðherra þegar undirritaður var
samningur milli Impru nýsköpunar-
miðstöðvar, Iðntæknistofnunar og
Byggðastofnunar um svonefnd
klasaverkefni á Eyjafjarðarsvæðinu,
en það byggist m.a. á samstarfi
fyrirtækja á svæðinu sem starfa í
sömu atvinnugrein og eru að öðru
leyti í samkeppni. Slíkir klasar hafa
myndast víðs vegar um heim og náð
góðum árangri.
„Ég hef trú á að þetta verkefni
geti orðið til þess að fjölga störfum á
svæðinu og auka framleiðni,“ sagði
Valgerður Sverrisdóttir.
Við sama tækifæri var kynntur
nýr bæklingur um efnið, Klasar,
samstarf í samkeppni, sem þeir Karl
Friðriksson og Sævar Kristinsson
skrifuðu. Í honum er fjallað almennt
um klasa, nytsemi þeirri og ávinning
auk þess sem komið er inn á helstu
þætti sem nauðsynlegt er að varast
við myndun klasa. Ástæða þess að
ráðist er í útgáfu bæklingsins er m.a.
að hvetja til aukins samstarfs fyrir-
tækja til að efla getu þeirra og bæta
samkeppnishæfni.
Morgunblaðið/Kristján
Klasar Valgerður Sverrisdóttir,
iðnaðar- og viðskiptaráðherra, með
höfundum skýrslunnar, Sævari
Kristinssyni og Karli Friðrikssyni.
Hef trú á þessu verkefni
TÍU ungir og efnilegir íþróttamenn
hafa fengið styrk frá Menningar-
og viðurkenningarsjóði Kaupfélags
Eyfirðinga, KEA, að upphæð 250
þúsund hver. Styrkurinn sem um
ræðir tekur til ungra afreksmanna
á sviði mennta, lista, íþrótta eða
viðurkenninga fyrir sérstök afrek,
t.d. á sviði björgunarmála. Þeir sem
hlutu styrk að þessu sinni voru
Kristinn Ingi Valsson, skíðamaður
á Dalvík, Árni Þór Sigtryggsson,
handknattleiksmaður í Þór á Ak-
ureyri, Magnús Stefánsson, hand-
knattleiksmaður í KA, Akureyri,
Rakel Rós Snæbjörnsdóttir, frjáls-
íþróttakona úr HSÞ, Salome Tóm-
asdóttir, skíðakona úr Skíðafélagi
Akureyrar, Bjarni Konráð Árnason
og Ólafur Halldór Torfason, körfu-
knattleiksmenn í Þór á Akureyri,
Þorsteinn Ingvarsson, frjáls-
íþróttamaður úr HSÞ, Björgvin
Björgvinsson, skíðamaður úr
Skíðafélagi Dalvíkur, og Arnór Þór
Gunnarsson, handknattleiksmaður
úr Þór á Akureyri.
Morgunblaðið/Kristján
Íþróttafólk Á myndinni eru einstaklingarnir og eða fulltrúar þeirra sem hlutu styrki, ásamt fulltrúum KEA.
Ungir og efnilegir fá styrk
KARLMAÐUR á þrítugsaldri hefur
í Héraðsdómi Norðurlands eystra
verið dæmdur til að sæta 12 mánaða
fangelsi vegna kynferðisbrots. Þá
var hann dæmdur til að greiða hálfa
milljón króna í miskabætur.
Maðurinn var ákærður fyrir að
hafa í desember fyrir tveimur árum
haft samræði við tvær stúlkur, en
þær voru yngri en 14 ára er atburðir
gerðust og hann sjálfur tvítugur.
Maðurinn neitaði sök og krafðist
sýknu af sakargiftum. Dómnum
þótti eigi að síður nægilega sannað
hvað annað tilvikið áhrærir og
studdist þá m.a. við frásögn vitna,
meðferðaraðila og sérfræðilæknis,
að maðurinn hefði gerst sekur um at-
hæfi það er honum var gefið að sök.
Frásögn stúlkunnar þótti einnig trú-
verðug og nákvæm, en mannsins aft-
ur á móti reikul og ótrúverðug. Hvað
hitt tilvikið varðar þótti dómnum
staðhæfing standa gegn staðhæf-
ingu, stúlkan hélt því fram að um
kynmök hefði verið að ræða en mað-
urinn að hann hefði hætt við þegar
hann komst að aldri hennar.
Eins árs fang-
elsi fyrir
kynferðisbrot
Fyrirlestur | Eyþór Ingi Jónsson,
organisti og kórstjóri í Akureyrar-
kirkju, flytur fyrirlestur á vegum
Tónlistarfélags Akureyrar í kvöld,
28. desember kl. 20.30. þar sem
hann fjallar um
tónlist barokk-
tímans. Fyrir-
lesturinn er í
tengslum við
barokktónleika í
Akureyrarkirkju
á miðvikudags-
kvöldið þar sem
Hymnodia,
kammerkór
Akureyrar-
kirkju, flytur
ásamt hljómsveit
tónlist eftir
franska barokk-
tónskáldið Marc-
Antoine Charpentier. Meðal annars
verður flutt Miðnæturmessa, Messe
de minuit, verk sem samið er til
flutnings um miðnætti á aðfanga-
dagskvöld. Með tónleikunum er
minnst þrjú hundruð ára ártíðar
tónskáldsins sem lést í París 1704.
Einsöng á tónleikunum syngur Hel-
ena Bjarnadóttir sópran og kór-
félagar fara með einsöngskafla í
verkum Charpentiers. Tónleikarnir
hefjast klukkan 20.30 í Akureyrar-
kirkju.