Morgunblaðið - 04.01.2005, Qupperneq 24

24 ÞRIÐJUDAGUR 4. JANÚAR 2005 MORGUNBLAÐIÐ
DAGLEGT LÍF
Munið að slökkva
á kertunum
❄
❄
❄
❄
❄
❄
Slökkvilið
Höfuðborgarsvæðisins
❄
❄
❄
Eldspýtur og kerti eru ekki
barna meðfæri.
❄
❄
❄
❄
❄
❄
KÓPAVOGSFYRIRTÆKIN Saga, heilsa og
spa ehf. á Nýbýlavegi og HS-bólstrun í Auð-
brekku hafa gert með sér samstarfssamning
um sérfræðiþjónustu hjá fyrirtækjum og stofn-
unum. Samstarfið lýtur að bættri vellíðan
starfsmanna og telja forsvarsmenn fyrirtækj-
anna, þeir Guðmundur Björnsson endurhæfing-
arlæknir og Hafsteinn Sigurbjarnason bólstrari
að vel þess virði sé að reyna. Fyrirtækin tvö
geti, þó ólík séu, stutt hvort annað í þeirri við-
leitni að fækka veikindadögum og auka afköst
og vinnugleði starfsmanna.
Liður í þjónustu Sögu, heilsu og spa hefur
verið mat á vinnuaðstöðu, fræðsla og ráðgjöf
sjúkraþjálfara um vinnustellingar og atvinnu-
tengd álagseinkenni. HS-bólstrun býr hins-
vegar yfir þekkingu á hönnun og framleiðslu á
skrifstofustólum. Fyrirtækið hefur sérhæft sig í
stillingum, viðgerðum og endurbótum á flestum
tegundum skrifstofustóla, sem hér eru á mark-
aði. Þorsteinn Guðnason, sem starfað hefur við
skrifstofustólaviðgerðir hjá Pennanum til fjölda
ára, er nú kominn til samstarfs við HS-bólstrun.
Stilla stólana rétt
„Tiltölulega stutt er síðan við ákváðum að
fara út í formlegt samstarf,“ segir Guðmundur,
„en segja má að okkar leiðir hafi legið saman í
fyrirtækjum, þar sem við í Sögu, heilsu og spa
vorum að huga að svokallaðri vinnuvistfræði,
sem felur í sér m.a. almenna heilsuvernd, vinnu-
stellingar, lýsingu og loftræstingu og rákumst
við á starfsmenn HS-bólstrunar sem voru að
stilla og gera við skrifstofustólana.“ Hafsteinn
bætir við að hér sé Guðmundur að vísa til heim-
sókna í Sjóvá-Almennar. „Við vorum fengnir til
að yfirfara stóla fyrirtækisins sem höfðu valdið
sliti á parketi með þeim afleiðingum að slípa
hafði þurft upp öll parketgólfin. Þegar betur var
að gáð kom í ljós að hjólin undir stólunum voru
röng enda þarf að setja sérstök parkethjól undir
stóla, sem eiga að vera á parketi. Að tillögu
tryggingafræðings innan Sjóvár-Almennra,
sem hafði trú á að samstarf fyrirtækjanna kynni
að leiða gott af sér, höfðum við samband við
Sögu, heilsu og spa, sem lengi hefur verið í sam-
starfi við Sjóvá-Almennar varðandi heilsuvernd
og heilsueflingu starfsmanna. Á meðan sjúkra-
þjálfarar og hjúkrunarfræðingar fyrirtækisins
vinna með fólkið, yfirförum við stóla og still-
ingar og sjáum til að þeir virki samkvæmt þörf-
um notenda. Aðalatriðið er að stilla stólinn rétt
og í samræmi við þarfir líkamans.
Hæfilegur stuðningur við mjóbak
Fjölmargar stólategundir eru hér á markaði
og segjast þeir Guðmundur og Hafsteinn ekki
vilja mæla með einni tegund umfram aðra.
Hinsvegar sé því ekki að leyna að verð á skrif-
stofustólum sé allt frá þrjú þúsund krónum og
upp í tvö hundruð þúsund. Það segi sig sjálft að
því dýrari sem stólarnir eru, því betri séu þeir.
„Verðmunurinn liggur einnig í hönnun stólanna,
en við mælum auðvitað með því að fólk og fyr-
irtæki séu ekki að fjárfesta í einnota stólum,
eins og ég orða það svo gjarnan, fyrir utan það
að ekki eru til neinir varahlutir í slíka stóla.
Hinsvegar eru framleiddir varahlutir í vandaða
stóla og þá geta þeir orðið mjög lífseigir, segir
Hafsteinn.
Þegar Guðmundur er spurður út í kosti góðs
skrifstofustóls, svarar hann því til að góður stóll
veiti hæfilegan stuðning við mjóbakið. Sömu-
leiðis sé góður stóll stöðugur og formaður út til
hliðanna eftir bakinu. Mikilvægt er að geta velt
setunni svo að hægt sé að breyta afstöðunni
milli lærleggja og hryggjar til að létta bæði á
fótum og hrygg. Stóllinn þarf einnig að vera
léttur og meðfærilegur svo auðvelt sé að færa
hann eftir gólfinu, segir Guðmundur og Haf-
steinn bætir við að ekki megi gleyma stellinu
undir stólnum. Það þurfi að vera vandað og
varahlutir til. „Allt of algengt virðist vera að
gömlum rándýrum stólum sé hent á haugana
fyrir nýtt útlit, en með smá yfirferð má gera
þessa stóla sem nýja með nýjum pumpum, nýj-
um svampi og nýju áklæði. Við höfum t.d. verið
að kaupa gamla „dýra“ stóla, gera þá upp og
selja síðan aftur á hálfvirði með fullri ábyrgð.
Bakmeiðsl og vöðvabólga
Að sögn Guðmundar eru stoðkerfisvandamál,
svo sem bakmeiðsl og vöðvabólga, meðal al-
gengustu heilsukvilla á vinnustöðum. „Stóllinn
skiptir því miklu máli fyrir vellíðan starfsmanna
og ég held að samstarfið geti orðið til þess að
bæta ástandið víða enda eru forsvarsmenn fyr-
irtækja í vaxandi mæli farnir að átta sig á mik-
ilvægi vellíðunar starfsmanna sinna. Það bætir
svo um betur að sjá árangur í formi færri veik-
indadaga, minni fjarvista, meiri afkasta, og auk-
innar starfsánægju.“
 HEILSA | Vandaðir skrifstofustólar endast jafnvel í áratugi með góðu viðhaldi
Rétt stilltur stóll
forsenda vellíðunar
Sérfræðingar Sögu, heilsu og spa og HS-bólstrunar
hafa sameinað krafta sína í því augnamiði að bæta að-
búnað á vinnustöðum. Þeir segja að vinnuumhverfið
skipti miklu þegar starfsánægja er annarsvegar.
Morgunblaðið/Jim Smart
Fyrirtækin geta stutt hvort annað í þeirri viðleitni að fækka veikindadögum, auka afköst og
vinnugleði, segja Guðmundur Björnsson læknir og Hafsteinn Sigurbjarnason bólstrari.
join@mbl.is
SAMKVÆMT norskri könnun er
nú orðið algengara að fólk reyki af
og til eða bara við sérstök tæki-
færi. Þeir sem það gera eru betur
menntaðir en þeir sem reykja dag-
lega og búa frekar í borgum. Þetta
kemur m.a. fram í Aftenposten.
Þegar reykingar urðu út-
breiddar upp úr miðri síðustu öld
voru það vel menntaðir menn í
góðum stöðum sem aðallega
reyktu. Smám saman tóku aðrir
hópar upp sama sið, en þeir vel-
menntuðu vissu þá um heilsufars-
ógnina sem stafaði af reykingum.
„Nú virðast þeir vel menntuðu
vera að búa til nýtt reykinga-
mynstur sem snýst frekar um
sjálfsmyndina, nautn og afþrey-
ingu, en um nikótínfíkn og reyk-
ingaþörf,“ segir vísindamaðurinn
Ragnhild Hovengen við Aftenpost-
en.
Hún segir að það sem kalla má
félagslegar reykingar fari vaxandi
meðal ungs fólks og ef ekkert verði
gert í málunum, festist þær í sessi
sem nýjar reykingavenjur. Þeir
sem reykja af og til líta ekki á
sjálfa sig sem reykingamenn og því
getur verið að kannanir gefi ekki
rétta mynd þegar fjallað er um
hversu margir reykja.
Hovengen telur að þeir sem
reykja af og til hafi ekki fengið
næga athygli vísindamanna, þenn-
an hóp þurfi að rannsaka betur
m.t.t. skaðsemi slíkra reykinga og
þess hvernig hægt er að fyrir-
byggja reykingar.
Morgunblaðið/Ómar
Félagslegar reykingar
færast í aukana
 HEILSA
Fáðu úrslitin
send í símann þinn