Morgunblaðið - 08.02.2005, Blaðsíða 10
10 ÞRIÐJUDAGUR 8. FEBRÚAR 2005 MORGUNBLAÐIÐ
FRÉTTIR
SIGURÐUR Kári Kristjánsson og
fjórtán aðrir þingmenn Sjálfstæðis-
flokks hafa lagt fram á Alþingi frum-
varp til breytinga á útvarpslögum
þess efnis að sjónvarpsstöðvar megi
sýna beint frá
íþróttaviðburðum
án þess að því
þurfi að fylgja tal
eða texti á ís-
lensku.
Sigurður Kári
segir í samtali við
Morgunblaðið að
núgildandi út-
varpslög feli í sér
mismunun og
ójafnræði gagn-
vart þeim sem stunda sjónvarps-
rekstur á Íslandi. Megintilgangur
frumvarpsins sé að bregðast við því.
Tilefni frumvarpsins er bókun út-
varpsréttarnefndar, frá því í síðustu
viku, um að beinar útsendingar sjón-
varpsstöðvarinnar Skjás eins á knatt-
spyrnuleikjum með lýsingu á ensku
brytu í bága við útvarpslög. Beindi út-
varpsréttarnefnd því til sjónvarps-
stöðvarinnar að taka leikina af dag-
skrá, ef þeim fylgdi ekki tal eða texti á
íslensku.
Í greinargerð frumvarpsins er bent
á að útvarpsréttarnefnd byggi niður-
stöðu sína m.a. á þeim göfuga tilgangi
útvarpslaga að efla og vernda ís-
lenska tungu. „En hvort sem fallist er
á þær röksemdir sem útvarpsréttar-
nefnd byggir niðurstöðu sína á eða
ekki, er ljóst að ákvæði núgildandi út-
varpslaga þjóna ekki tilgangi sínum
enda heimila núgildandi lög dreifingu
erlends sjónvarpsefnis án þess að
slíkum útsendingum fylgi íslensk
textun, íslensk lýsing, kynning eða
endursögn á atburðum, svo lengi sem
slík dreifing er viðstöðulaus og felur í
sér óstytt og óbreytt endurvarp heild-
ardagskrár erlendra sjónvarps-
stöðva.
Gerir núgildandi löggjöf því ráð
fyrir að heimilt sé að dreifa ótextuðu
erlendu sjónvarpsefni og án þess að
íslenskt tal fylgi í heild, en ekki að
hluta. Telja flutningsmenn frum-
varpsins að slíkt fyrirkomulag leiði til
mismununar og ójafnræðis milli
þeirra aðila sem stunda sjónvarps-
rekstur á Íslandi.“
Setningu bætt við útvarpslögin
Í áttundu grein núgildandi útvarps-
laga segir m.a.: „Efni á erlendu máli,
sem sýnt er á sjónvarpsstöð, skal
jafnan fylgja íslenskt tal eða texti á ís-
lensku eftir því sem við á hverju sinni.
Það á þó ekki við þegar fluttir eru er-
lendir söngtextar eða þegar dreift er
viðstöðulaust um gervitungl og mót-
tökustöð fréttum eða fréttatengdu
efni sem sýnir að verulegu leyti at-
burði sem gerast í sömu andrá.“
Sigurður Kári og meðflutnings-
menn hans leggja til að önnur setning
áttundu greinarinnar falli á brott og
að í hennar stað komi eftirfarandi
setning: „Það á þó ekki við þegar
fluttir eru erlendir söngtextar eða
þegar dreift er viðstöðulaust um
gervitungl og móttökustöð fréttum,
fréttatengdu efni og íþróttaviðburð-
um sem sýna að verulegu leyti atburði
sem gerast í sömu andrá.“ Því er
m.ö.o. bætt við að beinum útsending-
um frá íþróttaviðburðum þurfi ekki að
fylgja íslenskt tal eða texti.
Meðflutningsmenn Sigurðar Kára
eru Birgir Ármannsson, Guðlaugur
Þór Þórðarson, Bjarni Benediktsson,
Einar K. Guðfinnsson, Drífa Hjart-
ardóttir, Guðjón Hjörleifsson, Gunn-
ar I. Birgisson, Arnbjörg Sveinsdótt-
ir, Pétur H. Blöndal, Kjartan
Ólafsson, Einar Oddur Kristjánsson,
Guðmundur Hallvarðsson, Ásta Möll-
er og Sólveig Pétursdóttir.
Sigurður Kári Kristjánsson, þingmaður Sjálfstæðisflokks
Enska boltanum þurfi ekki að
fylgja íslenskur texti eða tal
Morgunblaðið/Árni Torfason
Enska knattspyrnan á Skjá einum var rædd á Alþingi í gær og 15 þingmenn Sjálfstæðisflokksins hafa lagt fram
frumvarp til breytinga á útvarpslögum. Á myndinni undirbýr Snorri Már Skúlason útsendingu síðastliðið haust.
Núgildandi lög
fela í sér mis-
munun, segir
þingmaðurinn
Sigurður Kári
Kristjánsson
FÉLAGSMÁLARÁÐHERRA, Árni
Magnússon, hefur lagt fram á Al-
þingi lagafrumvarp um að stjórn Ut-
anverðunesslegats í Sveitarfélaginu
Skagafirði fái heimild til að selja
kristfjárjörðina Utanverðunes ábú-
anda hennar. Er lagt til að verð jarð-
arinnar, mannvirkja og ræktunar á
henni fari eftir því sem um semjist.
Að öðrum kosti skuli það ákveðið af
dómkvöddum matsmönnum.
Í athugasemdum frumvarpsins
segir að kristfjárjarðir svokallaðar
hafi verið hluti af fátækrafram-
færslu sveitarfélaga fyrr á öldum.
„Jarðirnar voru gefnar í því skyni að
fátæklingar í viðkomandi hreppi
mættu njóta afgjalds eftir þær um
aldur og ævi. Upphaflega voru þess-
ar jarðir í umsjá kirkjunnar, en frá
19. öld hafa kirkjuleg yfirvöld al-
mennt haft lítil afskipti af þeim. Hef-
ur umsýsla kristfjárjarða frá þeim
tíma almennt verið í höndum við-
komandi sveitarstjórna og hefur af-
gjald þeirra a.m.k. stundum runnið í
sveitarsjóð.“
Jörðin Utanverðunes var gefin
Rípurhreppi með gjafabréfi, dag-
settu 31. janúar 1838. „Gefandinn
var Hólmfríður Benediktsdóttir sem
lést á 14. aldursári. Faðir hennar,
Benedikt Vigfússon, prófastur á
Hólum, undirritaði gjafabréfið. Gjöf-
inni skyldi varið í þágu mun-
aðarlausra barna í hreppnum. Stofn-
aður var sjóðurinn
Utanverðunesslegat um gjöfina og
er jörðin eign sjóðsins. Afgjald
vegna jarðarinnar hefur runnið til
sjóðsins.“
Í athugasemdum er einnig skýrt
frá því að afla verði lagaheimilda til
að selja kristfjárjarðir. Er jafnframt
greint frá því að Alþingi hafi ávallt
sett það skilyrði að söluandvirði
verði varið í samræmi við fornan til-
gang kristfjárjarðarinnar. „Í þessu
tilviki þykir það standa næst hugsun
kristfjárgjafans að andvirði jarð-
arinnar verði varið í þágu barna frá
efnalitlum heimilum í sveitarfé-
laginu,“ segir í fylgiskjali frum-
varpsins.
Kristfjárjörðin
Utanverðunes
verði seld
GEIR H. Haarde fjármálaráðherra
sagði á Alþingi í gær að hann teldi
það varla vera í þágu versl-
unarkeðjunnar Iceland Plc. að skrá
vörumerkið Iceland hjá
Vörumerkjastofnun Evrópusam-
bandsins. (OHIM).
„Ég veit ekki betur en að utan-
ríkisráðuneytið hafi þegar gripið til
viðeigandi ráðstafana til að reyna
að koma í veg fyrir þessa skrán-
ingu sem er auðvitað mjög blekkj-
andi,“ sagði hann og bætti því við
að hún væri einnig varla í þágu
fyrirtækisins. Vonaðist hann til
þess að það myndi takast að stýra
málinu í höfn.
Steingrímur J. Sigfússon, for-
maður Vinstrihreyfingarinnar –
græns framboðs, tók málið upp í
fyrirspurnartíma, og benti m.a. á
að frestur til að andmæla umsókn
verslunarkeðjunnar um útvíkkun á
einkaleyfi fyrirtækisins til að nota
vörumerkið Iceland rynni út í þess-
um mánuði. Minnti hann einnig á
að eignarhald keðjunnar væri að
færast í hendur innlendra aðila og
velti því upp hvort stjórnvöld gætu
haft áhrif á málið með viðræðum
við þá. Iceland Plc. tilheyrir Big
Food Group, sem Baugur Group og
fleiri aðilar eru að kaupa.
Varla í þágu
Iceland Plc.
ÞINGFUNDUR Alþingis hefst
kl. 13.30 í dag. Að loknum at-
kvæðagreiðslum eru 24 mál á
dagskrá. Meðal annars verður
fjallað um dómstóla, áfengis-
lög, upplýsingalög og fleiri
þingmál.
ERINDI borgarlögmanns um heim-
ild til eignarnáms á Selásbletti 2a og
3a, sem eru lönd í Norðlingaholti á
mótum Suðurlandsvegar og Breið-
holtsbrautar, var frestað á fundi
borgarráðs á fimmtudaginn var.
Verða gerðar frekari tilraunir til að
ná samkomulagi um kaupverð lands-
ins, en mikið ber á milli í þeim efnum
þar sem Reykjavíkurborg hefur boð-
ið um 50 milljónir króna fyrir landið
en eigandinn, sem er Kjartan Gunn-
arsson, framkvæmdastjóri Sjálf-
stæðisflokksins, vill fá 133 milljónir
króna fyrir það.
Gunnar Eydal, borgarlögmaður,
sagði að borgin hefði átt í samninga-
viðræðum við landeigendur á þessu
svæði. Búið væri að gera samninga
við nánast alla, en eftir væri að ganga
frá samningum við Kjartan Gunn-
arsson, eins og komið hefði fram í
fréttum. Þreifingar hefðu staðið yfir
í nokkur misseri, en svo mikið bæri á
milli að hann hefði ekki talið aðra leið
færa en fara eignarnámsleiðina og
því hefði hann lagt það til við borg-
arráð. Kjartan hefði hins vegar látið í
sér heyra að nýju innan þess frests
sem gefinn hefði verið og óskað eftir
því að málið yrði skoðað frekar og því
hefði málinu verið frestað á borgar-
ráðsfundi á fimmtudaginn var.
Gunnar sagði að eignarnám væri
lagalegt úrræði sem sveitarfélögin
hefðu í sambandi við skipulagsmál.
„Ég mat það nú svo að það bæri það
mikið á milli að það væru ekki líkur á
að við næðum saman, en ef það eru
einhverjir nýir fletir er sjálfsagt að
skoða það,“ sagði Gunnar.
Hann sagði að þeir teldu sig hafa
boðið verð sem væri í samræmi við
það sem öðrum landeigendum á
svæðinu hefði verið boðið. Hins veg-
ar væru alltaf ýmis álitamál í þessum
efnum, t.a.m. hvernig meta bæri
gömul hús, trjágróður eða eitthvað
slíkt.
Kjartan Gunnarsson sagði að-
spurður að hann teldi samningaleið-
ina ekki fullreynda í þessum efnum.
„Ég tel að þau sjónarmið sem hafa
verið sett fram af minni hálfu hafi
verið í stíl og anda þess sem hefur
verið samið um við aðra þarna,“
sagði hann.
Sanngjarnt verð
Hann bætti því við að verðið væri í
samræmi við það sem verið væri að
borga fyrir þetta, ekki síst þegar litið
væri til þess verðs sem Reykjavík-
urborg sjálf væri að fá í útboðum sín-
um á lóðum. Núna væri þetta verð
sjálfsagt orðið frekar lágt því þetta
hækkaði nánast ársfjórðungslega.
Kjartan benti á að hann hefði ekki
verið að sækja á að selja landið held-
ur hefði borgin sótt á að kaupa það.
Að hans dómi væri hann að fara
fram á sanngjarnt verð fyrir landið „í
samræmi við verð sem ég þekki sem
hafa verið greidd fyrir lönd og rétt-
indi á þessum slóðum og í öðrum
sveitarfélögum í nágrenninu,“ sagði
Kjartan.
Hann benti á því til viðbótar að
sérstaklega ef horft væri á stærð
landsins og hversu stór hluti það
væri af því heildarlandsvæði sem
verið væri að skipuleggja þarna að
horfa þá til þess verðs sem Reykja-
víkurborg sjálf hefði verið að fá fyrir
lóðir sem hún hefði selt, hvort sem
væri til íbúða- eða atvinnubygginga.
Eignarnámsheimild í
Norðlingaholti frestað
Lóðirnar á Selásbletti 2a og 3a á loftmynd frá landupplýsingadeild borg-
arinnar. Þær liggja meðfram Suðurlandsvegi og Breiðholtsbraut og sést
hringtorgið á gatnamótunum en hinum megin vegarins er Rauðavatn.
Meira en helmingsmunur á verðhugmynd eiganda og borgarinnar
♦♦♦
Selásblettur 3A
Selásblettur 2A