Morgunblaðið - 08.02.2005, Blaðsíða 12

Lögreglan girti af svæðið við mastur Nesradíós, sem brotnaði í óveðrinu.
TJÓN varð í hvassviðri sem gekk yfir
Neskaupstað í fyrrinótt og gærmorg-
un. Verst var veðrið á hafnarsvæðinu
þar sem stór frystigámur hóf sig á
loft um klukkan hálfsjö og fauk til og
frá um athafnasvæði loðnubræðslu
Síldarvinnslunnar með tilheyrandi
tjóni.
Gámurinn tók m.a. ofan á dæluhús
vatnsveitu Norðfjarðar með þeim af-
leiðingum að íbúar eru nú beðnir um
að spara vatn eins og hægt er. Segja
starfsmenn á vakt í loðnubræðslunni
að það sé bara heppni að enginn skuli
hafa slasast. Gámurinn skemmdi
m.a. dráttarvélina Gamla rauð og
fleiri muni er prýddu lóð bræðslunn-
ar.
Einnig urðu skemmdir á golfskál-
anum í Neskaupstað, m.a. brotnuðu
rúður og einhverjir gámar sem þar
voru staðsettir fóru af stað.
Fjarskiptamastur
brotnaði niður
Þá varð töluvert tjón þegar fjar-
skiptamastur Nesradíós sem stendur
yst í bænum hreinlega brotnaði í
miklum vindi. Að sögn Grímkels Arn-
ljótssonar, varðstjóra Vaktstöðvar
siglinga, töpuðust nokkrir sendar við
þetta tjón en öflugir sendar annars
staðar á landinu eru notaðir á meðan
verið er að laga skemmdir.
Samkvæmt vindmæli Veðurstof-
unnar fóru hviður mest í rúmlega 30
m/sek í Neskaupstað í fyrrinótt, en á
vindmælum báta sem lágu í vari úti á
firði mældust vindhviður allt upp í 50
m á sekúndu.
Gámur fauk fram og
aftur um hafnarsvæðið
Dæluskúr og
fjarskipta-
mastur illa farið
Morgunblaðið/Kristín Ágústsdóttir
„Gamli Rauður“ fór illa í veðrinu, en dráttarvélin hefur prýtt lóð bræðsl-
unnar í Neskaupstað um árabil. Einnig má sjá frystigám sem tókst á loft.
Neskaupstað. Morgunblaðið.
12 ÞRIÐJUDAGUR 8. FEBRÚAR 2005 MORGUNBLAÐIÐ
FRÉTTIR
FULLTRÚAR IFP Holdings Ltd.,
sem er eignarhaldsfélag um fjár-
festingar SH í Bretlandi, Íslands-
banki hf. og Landsbanki Íslands hf.
hafa undirritað sambankalánssamn-
ing að fjárhæð 53 milljónir sterl-
ingspunda, 6,3 milljarða íslenzkra
króna. Lánið er til 7 ára og mun
IFP Holdings Ltd. nota fjárhæðina
til endurfjármögnunar vegna kaupa
á Seachill Ltd. og Cavaghan &
Gray á síðasta ári. Íslandsbanki er
umsjónarbanki lánsins.
IFP Holdings Ltd. gekk frá
kaupum á 80% hlut í Seachill Ltd. í
júlí 2004 fyrir um 37 milljónir
punda, 4,4 milljarða króna. Fjár-
festingin var upphaflega fjármögn-
uð með brúunarláni til skamms
tíma. Seachill er sérhæft í fram-
leiðslu ferskra sjávarafurða og er
Tesco langstærsti viðskipavinur
þess. Velta félagsins á árinu 2004
nam um 90 milljónum punda, 10,6
milljörðum króna.
Í nóvember sl. fjárfesti IFP
Holdings Ltd. í sjávarafurðafram-
leiðslu Cavaghan & Gray. Við kaup-
in mun framleiðsla dótturfélaga
IFP Holdings Ltd. á kældum sjáv-
arafurðum aukast um 40 milljónir
punda eða 4,7 milljarða króna.
Kaupverð nam um 13 milljónum
punda, 1,5 milljörðum króna, sem
einnig var fjármagnað með brúun-
arláni til skamms tíma.
„Með lántökunni er fjármagns-
skipan dótturfélaga okkar í Bret-
landi komin í það horf sem við ger-
um ráð fyrir til lengri tíma. Unnið
er að frekari endurskipulagningu
og hagræðingu á starfsemi félag-
anna í Bretlandi og munum við
greina nánar frá því á næstu mán-
uðum,“ segir Gunnar Svavarsson,
forstjóri SH.
SH hagræðir
í Bretlandi
Íslandsbanki og Landsbanki lána
saman 6 milljarða króna til félagsins
BRÆLA hefur hamlað loðnuveiðum
upp á síðkastið og í gær voru loðnu-
skipin ýmist í vari inni á fjörðum
eða við bryggju. Afli íslenzku skip-
anna er orðinn tæp 200.000 tonn frá
áramótum, en ríflega 240.000 tonn
ef sumarveiðin er talin með.
Leyfilegur kvóti er tæp 760.000
tonn og því eru óveidd um 518.000
tonn. Erlend skip hafa landað hér
um 20.000 tonnum frá áramótum og
því hafa verksmiðjurnar tekið á
móti ríflega 217.000 tonnum. Afli
norskra skipa er orðinn 69.500
tonn, en aðeins fjögur skip eru nú
innan landhelginnar. Ólíklegt er að
norsku skipin nái kvóta sínum, sem
er ríflega 78.000 tonn. Meginganga
loðnunnar er komin suður fyrir
Pappaey, en sunnar en það mega
norsku skipin ekki fara.
Mestu af loðnu hefur nú verið
landað hjá Síldarvinnslunni í Nes-
kaupstað, 36.700 tonnum. 32.000
tonn hafa borizt til Síldarvinnsl-
unnar á Seyðisfirði og Eskja á Eski-
firði er með 31.600 tonn. BH Grandi
á Vopnafirði er með 22.200 tonn og
Loðnuvinnslan á Fáskrúðsfirði er
með 21.600 tonn.
Morgunblaðið/Þorgeir Baldursson
Loðnuveiðar Ásgrímur Halldórsson á leið í land í brælunni.
Bræla hamlar loðnuveiðum
ÞORBJÖRN Fiskanes hf. seldi á
liðnu ári fiskafurðir fyrir tæpa 4 millj-
arða króna. Í frystiskipum félagsins
voru framleiddar afurðir fyrir um 1,7
milljarða og í fiskvinnslum þess í
landi fyrir meira en 1,7 milljarða og
er það 21% aukning frá árinu 2003.
Frá þessu er greint á heimasíðu fé-
lagsins. Þar segir: „Í landvinnslum
félagsins var unnið úr 7.000 tonnum
af ferskum fiski. Af einstökum af-
urðaflokkum voru verðmæti frystra
afurða 1,9 milljarðar króna, saltfisk-
afurða liðlega 1200 milljónir króna og
verðmæti ferskra afurða um 800
milljónir króna. Þorskafurðir voru
verðmætastar ef litið er á einstakar
tegundir, bæði frystar, ferskar og
saltaðar eða um 2 milljarðar króna.
Mikilvægustu markaðslönd fyrir-
tækisins eru eins og áður Bretland,
Bandaríkin, Spánn og Japan. Verð á
erlendum mörkuðum hækkaði nokk-
uð á árinu í erlendri mynt í einstaka
afurðaflokkum, en þar sem íslenska
krónan styrktist verulega [...] náðu
verðhækkanir erlendis ekki að auka
verðmæti afurðanna í krónum talið.“
Mikið unnið
hjá Þorbirni
Fiskanesi
ÚR VERINU
GREIÐSLUMAT til íbúðarkaupa er
ókeypis hjá Íslandsbanka, Lands-
banka Íslands og SPRON. Hjá KB
banka kostar hins vegar einstaklings-
mat 3.000 kr. og 4.000 kr. fyrir hjón.
Það er óháð því hvort um viðskipta-
vini bankans er að ræða eða ekki.
SPRON er í samstarfi við Íbúða-
lánasjóð um lánveitingu en hægt er að
fara á vef Íbúðalánasjóðs og gera
greiðslumatið sjálfur. Íbúðalánasjóð-
ur veitir lán mest upp á 14,9 milljónir
og bætir SPRON við lánið á öðrum
veðrétti, það sem eftir stendur.
SPRON býður upp á íbúðalán einn og
sér en þá setur bankinn þau skilyrði,
ef greiðslumatið er unnið hjá bank-
anum, að viðkomandi sé í viðskiptum
hjá SPRON.
Íbúðalánasjóður sagði upp samn-
ingi sínum við banka og sparisjóði um
framkvæmd greiðslumats í hinu op-
inbera íbúðalánakerfi sl. haust.
Ástæðan var gjörbreytt staða á
íbúðalánamarkaði, með tilkomu
íbúðalána bankanna að sögn Guð-
mundar Bjarnasonar, forstjóra
Íbúðalánasjóðs.
Greiðslumat er forsenda umsóknar
um íbúðalán Íbúðalánasjóðs og hefur
svo verið frá fyrstu árum húsbréfa-
kerfisins í byrjun tíunda áratugar síð-
ustu aldar.
Markmiðið með greiðslumati er að
leggja raunhæft mat á mögulega lán-
töku vegna fyrirhugaðrar fjárfesting-
ar og veita ráðgjöf sem dregur úr lík-
um á offjárfestingu og
greiðsluerfiðleikum.
Flestir bankar bjóða upp
á ókeypis greiðslumat
Hreyfing í
frumbernsku

þjálfun fyrir börn
allt frá meðgöngu
og fram til
grunnskólaaldurs
á morgun