Morgunblaðið - 08.02.2005, Qupperneq 14

14 ÞRIÐJUDAGUR 8. FEBRÚAR 2005 MORGUNBLAÐIÐ
ERLENT
S
koðanakannanir sem birtar voru í
Danmörku í gær gefa til kynna að
stjórn borgaralegu flokkanna haldi
velli í þingkosningunum sem fram
fara í dag. Dregið hefur saman með
stjórn og stjórnarandstöðu og hefur óvænt
spenna því hlaupið í kosningarnar þótt líkleg-
ast sé, ef marka má kannanir, að stjórnarflokk-
arnir, Venstre og Íhaldsflokkurinn, haldi meiri-
hluta sínum með stuðningi Danska
þjóðarflokksins.
Dagblaðið Jyllandsposten birti í gær skoð-
anakönnun sem unnin var á sunnudag. Í henni
tóku þátt 1.805 kjósendur sem er helmingi
stærra úrtak en tíðkast hefur hjá Rambøll-
fyrirtækinu sem gerir kannanir blaðsins.
Tapa fimm þingsætum
Samkvæmt þessari könnun fá stjórnarflokk-
arnir og Þjóðarflokkurinn 93 menn kjörna.
Flokkar þessir fengu samtals 98 þingmenn í
kosningunum 2001 og myndu því tapa fimm
þingmönnum. Stjórnarandstaðan fengi nú 82
menn kjörna, hafði 77, en 179 fulltrúar sitja á
þingi Dana. Þeir fjórir fulltrúar, sem upp á
vantar til að fylla töluna 179, koma frá Fær-
eyjum og Grænlandi, tveir frá hvoru landi.
Stjórnarmeirihlutinn yrði því tæpur og ein-
ungis þyrfti sveiflu sem skilaði sex þingmönn-
um til að stjórnarandstaðan gæti gert sér vonir
um meirihluta með stuðningi þingmanna Fær-
eyinga og Grænlendinga.
Könnun Jyllandsposten er um flest í sam-
ræmi við þær sem birtar voru um liðna helgi.
Samkvæmt þeim flestum fær stjórnin og stuðn-
ingsflokkur hennar 92 til 93 menn en stjórn-
arandstaðan 79 til 83 fulltrúa á Þjóðþinginu.
Samkvæmt könnun Jyllandsposten mælist
fylgi við jafnaðarmenn 27,3%. Reynist könn-
unin rétt tapar flokkurinn um 2% en nið-
urstaðan verður ekki sú algjöra niðurlæging
sem fyrri kannanir gáfu til kynna að flokkurinn
og leiðtogi hans, Mogens Lykketoft, ættu í
vændum. Kannanir undanliðinna vikna hafa
gefið til kynna að fylgi við jafnaðarmenn sé hið
minnsta frá árinu 1973. Slík niðurstaða myndi
trúlega kosta Lykketoft embætti flokks-
leiðtoga.
Venstre áfram stærsti flokkurinn
Venstre, flokkur Anders Foghs Rasmussens
forsætisráðherra, heldur fylgi sínu frá 2001.
Kvaðst 31,1% aðspurðra ætla að kjósa Venstre.
Flokkurinn, sem er frjálslyndur og hægri sinn-
aður þrátt fyrir nafnið, yrði eftir sem áður
stærsti flokkur Danmerkur.
Íhaldsflokkurinn bætir við sig tæpu pró-
sentustigi og mælist fylgið nú 9,9% samkvæmt
könnun Jyllandsposten. Danski þjóðarflokk-
urinn missir hins vegar fylgi, fær nú 10,4% en
fékk 12% í síðustu kosningunum.
Sigurvegari kosninganna, samkvæmt könn-
un þessari, verður Det Radikale Venstre, sem
er miðjuflokkur þrátt fyrir nafnið. Flokkurinn
fær nú 9% atkvæða en fylgið við hann var 5,2%
árið 2001.
Um 18% þátttakenda í könnun blaðsins
kváðust enn ekki hafa gert upp hug sinn á
sunnudagskvöld.
Dagblaðið Berlingske Tidende birti í gær
könnun Gallup. Hún er um flest samhljóða
könnun Jyllandsposten. Stjórnarflokkarnir og
Danski þjóðarflokkurinn fá 92 menn. Venstre,
flokkur Foghs Rasmussens, tapar tveimur
mönnum, fær nú 54 en hafði 56. Íhaldsflokk-
urinn bætir hins vegar við sig tveimur mönnum
og fær 18. Danski þjóðarflokkurinn fær 20
menn en hafði 22. Jafnaðarmenn tapa þremur
fulltrúum samkvæmt könnun Berlingske Ti-
dende, fylgið mælist 27% og þeir fá 49 menn
kjörna.
„Stjórnarandstaðan þarf að vinna fimm til
sex sæti til viðbótar, á að giska 100.000 at-
kvæði, til að fara með sigur af hólmi í kosning-
unum,“ sagði danski stjórnmálafræðingurinn
Hans Jörgen Nielsen í samtali við AFP-
fréttastofuna í gær. „Hinir óákveðnu, sem eru
um fimmtungur kjósenda, munu skipta sköp-
um, sérstaklega konur,“ sagði hann. Nielsen
sagði að í kosningunum haustið 2001 hefði mikil
þátttaka (87,1%) komið stjórnarflokkunum og
Danska þjóðarflokknum vel. „Skili stuðnings-
menn þessara flokka sér ekki, ef til vill vegna
sigurvissu, er hugsanlegt að stjórnarandstaðan
vinni kosningarnar,“ sagði Nielsen.
„Ég er bjartsýnn þegar ég lít yfir skoð-
anakannanirnar en ég er einnig varfærinn,“
sagði Fogh Rasmussen aðspurður um stöðuna í
dönskum stjórnmálum.
Deila um Írak ræður tæpast úrslitum
Kosningabaráttan þykir hafa verið heldur
óspennandi enda njóta Danir velgengni nú um
stundir. Þótt flokkar lengst til vinstri hafi gert
andstöðu við stuðning Dana við innrásina í Írak
að helsta kosningamáli sínu gefa kannanir ekki
til kynna að það mál ráði úrslitum þegar kjós-
endur gera upp hug sinn. Hér ræðir um Ein-
ingarlistann og Sósíalíska þjóðarflokkinn.
Raunar eykur Einingarlistinn fylgi sitt sam-
kvæmt Gallup-könnun gærdagsins og fær 4%
atkvæða en fékk 2,4% árið 2001. Verði nið-
urstaðan þessi fær flokkurinn 7 menn en hafði
4. Fylgisaukning Einingarlistans er hins vegar
aðeins 0,9% samkvæmt könnun Jyllands-
posten. Sósíalíski þjóðarflokkurinn tapar
manni og fær 11 fulltrúa kjörna samkvæmt
Gallup.
Vísa megi ungum innflytjendum úr landi
Málefni innflytjenda hefur borið einna hæst í
kosningabaráttunni. Stjórnin þykir fylgja af-
dráttarlausri stefnu í þeim efnum og kannanir
gefa til kynna að stuðningur við hana sé al-
mennur. Halda ýmsir því fram að stefna
dönsku ríkisstjórnarinnar sem miðar að því að
hefta straum innflytjenda til landsins sé sú
harkalegasta sem fylgt er í Evrópu nú um
stundir.
Lene Espersen, dómsmálaráðherra Dan-
merkur, kynnti á sunnudag ný áform sem
stjórnin hyggst hrinda í framkvæmd haldi hún
velli í kosningunum í dag. Í ráði er að breyta
lögum á þann veg að vísa megi ungum innflytj-
endum, sem komast í kast við lögin, úr landi um
aldur og ævi. Espersen sagði í viðtali við AFP-
fréttastofuna að stjórnvöld yrðu að bregðast
við þeim vanda sem „ungir, erlendir glæpa-
menn“ sköpuðu í samfélaginu. Þarna ræddi um
hópa ungra manna sem sýndu umhverfi sínu
fyrirlitningu og bæru enga virðingu fyrir lög-
unum.
Sagðist Espersen ætla að leggja til laga-
breytingu þess efnis að dómstólum yrði heim-
ilað að svipta unga glæpamenn úr röðum inn-
flytjenda landvistarleyfi í Danmörku um alla
sína daga. Gert væri ráð fyrir að þessum
ákvæðum laga mætti beita við annað brot við-
komandi. Hugsanlegt væri að ákvæði þetta
yrði látið gilda um aðra glæpi en þá sem telja
mætti meiriháttar. Þannig kæmi til greina að
þessi refsing vofði yfir þeim sem gerðust sekir
um vopnað rán. Hún tiltók ekki hver lágmarks-
aldurinn yrði en samkvæmt núgildandi lögum
er hægt að vísa innflytjendum, 18 ára og eldri,
úr landi um alla sína daga gerist þeir sekir um
vopnað rán, eiturlyfjasölu, mansal og stórfellda
líkamsárás.
Sagði ráðherrann þessar ráðstafanir nauð-
synlegar til að bregðast við glæpagengjum
ungra innflytjenda sem væru vaxandi vandi í
samfélaginu.
Lítil kjörsókn
gæti orðið stjórn
Foghs að falli
Fréttaskýring | Stjórn Anders Foghs Rasmussens heldur
velli í kosningunum í Danmörku í dag ef marka má skoð-
anakannanir gærdagsins. Stjórnarandstaðan hefur hins
vegar aldrei notið meira fylgis í kosningabaráttunni og
meirihlutinn gæti verið í hættu.
Reuters
Mogens Lykketoft, leiðtogi danskra jafnaðarmanna, dreifði rauðum rósum í Kaupmannahöfn í
gær. Flokkur hans tapar fylgi, ef marka má kannanir, þótt algjört hrun blasi ekki lengur við.
Reuters
Anders Fogh Rasmussen, forsætisráðherra Danmerkur, ávarpar háskólanema í Kaupmanna-
höfn í gær. Skoðanakannanir hafa allt þar til í gær bent til þess að stjórn hans haldi örugglega
velli. Fogh Rasmussen er vinsælastur danskra stjórnmálamanna.
'    %&     ( 
$ )   )   *+%   


         

,%&   
 !"!
#"$"%&'(
)""$!(*++,
&/%' 5
% ""
=!" !
,  
)  %!#  '!.4
M"  F45
% ""
-.
/
,%&  )  
6 ".!""
-4 7%7  F4 %$
-
8"%"'
8!2

 - 
P' %!
=!" ! 0
> " "#5
%  "" /
’Fylgissveifla upp á um100.000 atkvæði gæti tryggt
stjórnarandstöðunni sigur.‘