Morgunblaðið - 09.02.2005, Blaðsíða 6

6 MIÐVIKUDAGUR 9. FEBRÚAR 2005 MORGUNBLAÐIÐ
SJÓSLYSIÐ
JÖKULFELL fórst í fyrrakvöld um
57 sjómílur (105 km) norðaustur af
Færeyjum (63,02°N, 4,55°W). Fimm
af ellefu manna áhöfn skipsins var
bjargað lifandi úr sjónum um borð í
þyrlu danska varðskipsins Vædderen
sem flutti skipbrotsmennina um borð
í varðskipið. Ætlunin var síðan að
sigla með þá til Þórshafnar. Hinna
sex var leitað í gær og höfðu lík fjög-
urra þeirra fundist þegar leit var hætt
undir myrkur.
Sjóslysið leiðir hugann að tveimur
öðrum sjóslysum þegar íslensk farm-
skip, Dísarfell og Suðurland, fórust á
hafsvæðinu austan Íslands og norðan
Færeyja. Í báðum tilvikum fórst hluti
áhafnar en hinum var bjargað með
þyrlum.
Dísarfellið fórst um 100 sjómílur
(185 km) suðsuðvestur af Hornafirði,
aðfaranótt 9. mars 1997. Skipinu
hvolfdi í vonskuveðri, 8 vindstigum og
8–10 m ölduhæð, eftir að leki kom að
því. Um borð var tólf manna áhöfn og
4.100 lestir af sjávarafurðum.
Skipverjar klæddust björgunar-
búningum og lentu í sjónum þar sem
þeir biðu björgunar í um tvær
klukkustundir. Áhöfn þyrlu Land-
helgisgæslunnar, TF-LÍF, bjargaði
tíu skipverjum á lífi. Tveir fórust með
skipinu og náðist lík annars um borð í
þyrluna en áhöfn togarans Hegraness
SK náði líki hins. Flutti þyrlan skip-
brotsmennina til Reykjavíkur, en
millilenti á Höfn í Hornafirði.
Átta komust í björgunarbát
Flutningaskipið Suðurland fórst á
jólanótt 1986 í hafinu milli Íslands og
Noregs, um 290 sjómílur (537 km)
austnorðaustur af Langanesi. Um
borð var ellefu manna áhöfn og var
skipið á leið til Murmansk með salt-
síldarfarm. Á þessum slóðum voru þá
9–10 vindstig af suðaustri.
Suðurland fékk á sig brotsjó og
sendi út neyðarkall.
Skömmu fyrir miðnætti á aðfanga-
dagskvöld yfirgáfu skipverjar skipið
og komust átta þeirra í gúmbjörgun-
arbát við illan leik. Björgunarbátur-
inn laskaðist og þurftu skipbrots-
mennirnir að standa í sjó um borð í
bátnum og velkjast þannig um í 10–11
klukkustundir. Þá var kastað til
þeirra óskemmdum björgunarbáti úr
breskri Nimrod-þotu.
Um kl. 13 á jóladag kom björgunar-
þyrla frá danska varðskipinu Vædd-
eren að björgunarbátnum og kl. 13.50
hafði tekist að bjarga fimm skipverj-
um um borð í þyrluna. Þrír höfðu þá
látist um borð í björgunarbátnum.
Skipverjarnir voru fluttir í varðskipið
þar sem hlúð var að þeim á sigling-
unni til Þórshafnar í Færeyjum.
Þrjú sjóslys –
þrjár þyrlu-
bjarganir
FLUGVÉL Landhelgisgæslunnar,
TF-SYN, leitaði í gær á um 500 fer-
kílómetra svæði í kringum staðinn
þar sem Jökulfellið sökk, en fann
ekki annað en björgunarhring,
björgunarvesti og brak frá skipinu,
enda skilyrði til leitar erfið.
„Við sáum talsvert af braki, eina
þrjá eða fjóra gáma og talsvert af
pallettum og öðru slíku. Við sáum
líka einn björgunarhring og eitt
björgunarvesti,“ segir Auðunn F.
Kristinsson, stýrimaður og leiðang-
ursstjóri vélarinnar. Danska varð-
skipið Vædderen fór á þá staði þar
sem brak sást og þar sem hring-
urinn og vestið fannst, og staðfesti
að þar var enginn maður.
Skilyrði til leitar voru ekki góð á
leitarsvæðinu í gær, skyggnið var
þokkalegt en mikill sjór, 8–10
metra ölduhæð þegar verst var,
ókyrrt veður og vindur allt að 30
m/s. Auðunn segir erfitt að finna
menn í sjónum þegar sjólag er
svona. „Ef við sjáum brak og annað
reynum við að þrengja svæðið í
kringum það. Okkar hlutverk er að
grófleita og finna heita staði, og svo
fara skipin og leita betur, og þyrlur
ef þær eru á vettvangi.“
Ólíklegt að finna
einhvern á lífi
Því lengri tími sem líður frá því
menn lenda í sjónum, því stærra
verður leitarsvæðið og vonin um að
finna menn á lífi minnkar. „Það
minnka líkurnar með hverjum
klukkutímanum sem líður og veðrið
var þannig í dag [í gær] að ef menn
eru ekki í bát þá eru ansi hverfandi
líkur á því að einhver finnist á lífi,“
segir Auðunn.
TF-SYN lagði af stað kl. 8:30 í
gærmorgun og lenti aftur í Reykja-
vík kl. 17:30. Upphaflega var áætl-
unin að lenda í Færeyjum, en hætt
var við það vegna veðurs. Auðunn
segir ekki ljóst hvort vélin fari aft-
ur til leitar í dag, aðstoð hafi verið
boðin en það sé færeyskra björg-
unaraðila að meta hvort þörf sé
fyrir aðstoðina.
Sáu björgunarvesti
en engan mann
Morgunblaðið/Golli
Flugvél Landhelgisgæslunnar leitaði á 500 ferkílómetra hafsvæði í gær, en erfiðar aðstæður hömluðu leit.
þegar þeir fundust, og þeir menn
sem fundist hafa hingað til voru í
sjónum, ekki um borð í björg-
unarbátum, samkvæmt upplýs-
ingum frá Björgunarmiðstöðinn í
Færeyjum.
TVEIR björgunarbátar úr Jökul-
fellinu hafa fundist á reki eftir að
skipið sökk, annar var tekinn um
borð í færeyska varðskipið Brimil
en hitt um borð í rússneskan tog-
ara. Enginn var um borð í bátunum
Morgunblaðið/Golli
Fundu mannlausa
björgunarbáta
LÍK fjögurra skipverja af sex af
flutningaskipinu MS Jökulfelli, sem
leitað hefur verið frá því skipið
fórst í fyrrinótt, fundust á floti í
sjónum í gær. Hætta varð leit síð-
degis í gær vegna versnandi veðurs
og þess að birtu var mjög tekið að
bregða. Ávörðun um framhald leit-
arinnar verður tekin í dag.
Talið er að slysið hafi borið svo
brátt að, að skipverjunum hafi að-
eins gefist tóm til að ýta á svokall-
aðan DSC-neyðarhnapp. Með DSC-
hnappnum er hægt að tiltaka hvers
konar neyð er um ræða, s.s. hvort
skipið sé að sökkva, það hafi
strandað o.s.frv. Skipverjarnir
höfðu ekki ráðrúm til þess að til-
greina neyðina og því kom óskil-
greint neyðarkall frá skipinu.
Skipverjarnir fimm, sem björg-
uðust þegar Jökulfellið sökk 56 sjó-
mílur norðaustur af Færeyjum,
höfðu allir náð að klæða sig í flot-
galla áður en þeir fóru í sjóinn.
Samkvæmt upplýsingum björgun-
armiðstöðvarinnar voru lík skip-
verja sem fundust í gær ekki í full-
aðhnepptum flotgöllum.
Skipbrotsmennirnir sem komust
lífs af voru fluttir um borð í danska
varðskipið Vædderen. Að sögn
Djóna Weihe, stjórnanda Björgun-
armiðstöðvarinnar í Færeyjum, fór
einn skipverjann strax að aðstoða
við leitina í fyrrinótt og annaðist
samskipti við rússneskan togara
sem tók þátt í leitarstörfunum í
gær.
TF-SYN aðstoðaði við leitina
Claus Thornberg, framkvæmda-
stjóri Tesma-félagsins í Danmörku,
sem hefur með höndum tæknilegan
rekstur skipsins og mönnun þess,
segir að haft hafi verið samband við
ættingja áhafnarinnar í gær og að
félagið geri sitt besta til að styðja
þá á þessari erfiðu sorgarstundu.
Þá segir hann að skipverjunum sem
björguðust um borð í Vædderen
hafi í gær verið boðin áfallahjálp
um borð.
Jökulfell var í flutningum fyrir
Samskip á leið til Reyðarfjarðar.
Upp úr kl. þrjú í fyrrinótt til-
kynnti björgunarstjórnstöðin í
Þórshöfn í Færeyjum að ekki hefðu
fundist fleiri skipverjar á lífi en
þeir fimm sem tókst að bjarga fyrir
miðnætti. Fjögur leitarskip voru þá
á svæðinu. Þyrlur fóru aftur af stað
í birtingu til leitar og TF-SYN,
flugvél Landhelgisgæslunnar, fór
einnig til leitar kl. 8:30 í gærmorg-
un og var komin á svæðið kl. 10:10.
Tveir menn frá Flugbjörgunar-
sveitinni voru með í för til aðstoðar
við leitina á svæðinu.
Umfangsmikil leit stóð yfir á
svæðinu fram eftir gærdeginum
eða þar til veður versnaði. Auk
Vædderen og flugvélar Landhelg-
isgæslunnar voru færeysku varð-
skipin, Brimil og Tjaldrið, við leit-
ina, auk fleiri færeyskra skipa,
færeysk og dönsk þyrla, rússnesk-
ur togari og norskur línubátur.
Um kl. 11 höfðu þrjú lík fundist
og voru þau færð um borð í fær-
eyska varðskipið Tjaldrið. Skömmu
síðar fannst svo eitt lík til viðbótar.
2.000 tonn af stáli vegna fram-
kvæmdanna á Austurlandi
Jökulfellið var á leið frá Liepaja í
Lettlandi til Reyðarfjarðar og
Reykjavíkur með um 2.000 tonn af
stáli um borð, sem skipa átti á land
á Austfjörðum vegna stórfram-
kvæmdanna þar. Einnig voru m.a. í
skipinu gámar á dekki.
Skipið hefur verið í leigu Sam-
skipa í um eitt ár og reynst vel skv.
upplýsingum félagsins.
Jökulfell er smíðað í Danmörku
1989. Er það frystiskip ásamt með
að flytja almennan farm og hefur
3.200 tonna flutningsgetu. Skipið er
skráð á eynni Mön. Það er í eigu
K/S DIFKO Nord en skipafélagið
Tesma er tæknilegur rekstraraðili
skipsins og hefur annast mönnun
þess.
Ekki liggur fyrir hvort farið
verður fram á sjópróf skv. upplýs-
ingum Samskipa en fulltrúar sjó-
slysarannsókna frá Mön voru
væntanlegir til Færeyja í gær-
kvöldi.
Lík fjögurra
manna fundust
í gær en tveggja
er enn saknað
Einn skipbrotsmanna hóf strax að að-
stoða við leitina um borð í Vædderen