Morgunblaðið - 09.02.2005, Blaðsíða 21

MORGUNBLAÐIÐ MIÐVIKUDAGUR 9. FEBRÚAR 2005 21
DAGLEGT LÍF
Útsala
Allt að 70% afsláttur
ÖSSUR HF
Innanlandsdeild
Suðurlandsbraut 34
108 Reykjavík
sími 515 2360
www.ossur.is
R
íðum heim til Hóla, Fljúga hvítu
fiðrildin, Ugla sat á kvisti, Ein
ég sit og sauma, Fagur fiskur í
sjó og Leit ég litla mús eru allt
gamlar og góðar þulur, sem
láta kunnuglega í eyru enda hafa þær gengið
mann fram af manni. Í ungbarnaleikfimi
Hreyfilands, sem er til húsa í húsnæði
Hreyfigreiningar, Höfðabakka 9, er mikið
sungið og er þá gjarnan gripið til þessara
söngva. Foreldrarnir syngja á meðan skyn-
færi litlu krílanna eru á fullum dampi við að
nema hljóð og hreyfingar allt í kringum sig.
Hreyfiland býður upp á líkamsþjálfun fyr-
ir börn allt frá fósturskeiði og fram til sex
ára aldurs eða frá meðgöngu og fram til
grunnskólaaldurs með virkri þátttöku for-
eldra fram til þriggja ára aldurs. Nám-
skeiðin njóta orðið mikilla vinsælda og er
fullbókað á þau flest. Hönnuður námskeið-
anna er ungverski líkamsræktarþjálfarinn
Krisztina G. Agueda, sem búsett er hér-
lendis ásamt spænskum eiginmanni og
tveimur börnum þeirra, 2 og 4 ára. Krisztina
hefur kennt líkamsþjálfun í 14 ár og starfaði
í upphafi sem leikfimikennari barna á leik-
skólaaldri en færði sig svo yfir í þol- og
eróbikþjálfun. Eftir að hún eignaðist sjálf
börn, prófaði hún sig áfram með æfingar
fyrir börnin. Í framhaldi af því varð Hreyfi-
landið til.
Fyrstu þrjú árin skipta sköpum
Krisztina segir að engum blöðum sé um það
að fletta að fyrstu þrjú æviárin skipti sköp-
um í lífi barna. Hvert tímaskeið færi barninu
mismunandi þroskaverkefni og geti þeir for-
eldrar, sem gera sér grein fyrir þessu, örvað
þroskann með leikjum og hreyfingum. Nauð-
synlegt er að vita hvaða leikir komi að best-
um notum hverju sinni og það læri foreldrar
m.a. á námskeiðunum. „Börn skynja um-
hverfi sitt á sérstakan hátt. Þau snerta,
stinga upp í sig, sjúga eða gleypa, láta aug-
un hvarfla og skoða. Á þessum meðfæddu og
lífsnauðsynlegu eiginleikum byggir barnið
andlegan þroska sinn. Smátt og smátt fer
það að tengja saman reynslu af ólíkum toga
og mannast sem því nemur. Því fjölbreyttari
sem reynslan er, því skjótari er hinn andlegi
og líkamlegi þáttur.
Krisztina segir að staðhæft sé að tónlist
og leikfimi gegni þýðingarmiklu hlutverki í
viðgangi heilans og hafi jákvæð áhrif bæði á
námshæfileika og félagsþroska barna. Sann-
ast hafi til að mynda að hreyfimeðferð í
frumbernsku geti haft góð áhrif á lestrar- og
skriftarhæfileika síðar meir.
„Mannsheilinn skiptist í tvö heilahvel, sem
tengjast um rúmlega 200 milljón taugaþræði.
Í báðum heilahvelum eru taugafrumur, sem
má þjálfa til ákveðinna verkefna. Þó heila-
hvelin hafi svo til sams konar byggingu,
gegna þau mismunandi hlutverkum, en til að
tenging og jafnvægi ríki milli heilahvelanna,
þarf að örva starfsemi beggja jafn mikið.
Þær aðferðir, sem ég hef tileinkað mér, hafa
m.a. verið notaðar til að örva börn, sem hlot-
ið hafa heilaskaða með góðum árangri. En
aðalatriðið er að kenna foreldrum aðferðir til
að örva og hvetja börnin sín til dáða því við
þurfum alls ekki að óttast það að ofgera
barninu með of miklu áreiti.“
 BÖRN | Tónlist og leikfimi styðja námshæfileika og félagsþroska
Mömmur og pabbar sitja á
gólfinu með litlu krílin sín fyrir
framan sig. Íþróttakennarinn
Krisztina G. Agueda stýrir
ferðinni og enginn er í minnsta
vafa um að fyrstu árin í lífi
hvers barns séu mikilvægust á
þroskaferlinum.
join@mbl.is
Líkamsræktarþjálfarinn Krisztina G. Agueda útskýrir skriðtækni
barna fyrir foreldrum og leiðir til að örva rétt skrið.
Einn lítill, tveir litlir, þrír litlir fingur …
Nauðsynlegar magaæfingar fyrir
þroska ungbarnanna.
Traust mömmuhandtak er nú
betra en allt annað.
Börnin snerta, stinga upp í sig, sjúga eða gleypa, láta augun hvarfla og skoða.
Ungviðið þarf örvun
Morgunblaðið/Golli
Hann Oddur Auðunsson, sem nú er aðeins ellefu viknagamall, var orðinn svolítið þreyttur eftir leikfiminaog vildi því bara sofa í örmum móður sinnar, Mar-
grétar Sveinbjörnsdóttur, að afloknum tímanum. Oddur
mætir með mömmu sinni í leikfimina þrisvar í viku núorðið
og skemmta þau sér konunglega saman.
„Þetta er ofsalega gaman. Oddur byrjaði átta vikna gam-
all og í fyrstu fannst mér hann fullungur að koma í svona
mikið áreiti eftir að hafa meira og minna verið heima í ró-
legheitunum. Hér er allt fullt af krökkum, mömmum og mik-
il músík. Hann varð svolítið úrillur. En ég get svo sannar-
lega sagt að hann Oddur minn sefur aldrei betur en eftir
leikfimitímana þó hann sofi ekkert mjög lengi annars. Þegar
við komum heim úr leikfiminni og hann hefur fengið sopann
sinn, þá er minn maður barasta eins og rotaður selur í fjóra
til fimm tíma á eftir,“ segir Margrét og bætir við að hún
mæli óhikað og eindregið með Hreyfilandi við hvern sem
heyra vill.
Margrét Sveinbjörnsdóttir
í leikfimi með syninum
Oddi Auðunssyni.
Rosalega gaman