Morgunblaðið - 09.02.2005, Blaðsíða 16
16 MIÐVIKUDAGUR 9. FEBRÚAR 2005 MORGUNBLAÐIÐ
ERLENTVIÐSKIPTI/ATHAFNALÍF
CONDOLEEZZA Rice, utanríkis-
ráðherra Bandaríkjanna, leitaði eftir
sáttum við Evrópuríki í ræðu sem
hún flutti í frönskum háskóla í gær.
Rice lagði áherslu á að tími væri
kominn til að snúa baki við „deilum
fortíðarinnar“ og hefja „nýjan kafla“
í samskiptum Bandaríkjanna og
Evrópulanda.
Rice fjallaði um stefnu Banda-
ríkjastjórnar í utanríkismálum, eink-
um málefnum Evrópu, Íraks og Mið-
Austurlanda, í ræðu í stjórn-
málafræðiháskólanum Sciences Po í
París. Hún ákvað að flytja ræðuna í
Frakklandi vegna harðrar andstöðu
þarlendra stjórnvalda við innrásina í
Írak.
„Óviðunandi kyrrstaða“
í arabalöndum
Utanríkisráðherrann hvatti til við-
ræðna milli Bandaríkjanna og Evr-
ópulanda um samstarf sem byggðist
á „sameiginlegum tækifærum“, ekki
aðeins á sameiginlegum ógnum eins
og hryðjuverkastarfsemi eða út-
breiðslu kjarnavopna. „Þegar öllu er
á botninn hvolft mun sagan ekki
dæma okkur af gömlum deilum,
heldur af nýjum afrekum okkar.“
„Hvað eftir annað í sameiginlegri
sögu okkar hafa Bandaríkjamenn og
Evrópubúar náð mestum árangri, í
þágu okkar sjálfra og annarra, þegar
við höfum neitað að sætta okkur við
óviðunandi kyrrstöðu, en þess í stað
framfylgt gildum okkar í þágu frels-
is.“
Rice bætti við að „óviðunandi
kyrrstaða“ væri í arabaheiminum og
áréttaði að Bandaríkjastjórn einsetti
sér að breiða út frelsi og lýðræði.
Hún kvaðst þó gera sér grein fyrir
því að Bandaríkjamenn gætu ekki
þröngvað frelsi upp á aðrar þjóðir,
þær yrðu að vilja það sjálfar.
Rice sagði að Bandaríkjamenn
hefðu aðeins hag af samstarfi við öfl-
ugra Evrópusamband. „Það er kom-
inn tími til að snúa baki við deilum
fortíðarinnar. Nú er kominn tími til
að hefja nýjan kafla í samskiptum
okkar, nýjan kafla í bandalagi okk-
ar.“
París var sjötti viðkomustaður
Rice í fyrstu ferð hennar til Evrópu
og Mið-Austurlanda eftir að hún tók
við embætti utanríkisráðherra. Áður
hafði hún farið til Bretlands, Þýska-
lands, Póllands, Tyrklands, Ísraels,
svæða Palestínumanna og Ítalíu.
Hún fer síðan til Belgíu áður en hún
heldur aftur til Bandaríkjanna á
morgun.
Heimsóknin til Parísar er álitin
mikilvægust fyrir Rice sem er sögð
hafa látið þau orð falla árið 2003 að
Bandaríkjastjórn ætti að „refsa
Frökkum, hunsa Þjóðverja og fyr-
irgefa Rússum“ vegna andstöðu
þeirra við innrásina í Írak.
Mikil andstaða hefur verið innan
Sciences Po við utanríkisstefnu
Bandaríkjanna. Um 500 nemar við
háskólann og menntamenn hlýddu á
ræðuna og Rice svaraði síðan spurn-
ingum þeirra.
Boðar kaflaskil í sam-
skiptum við Evrópu
Condoleezza Rice hvetur til þess að Bandaríkin og
Evrópulönd snúi baki við „deilum fortíðarinnar“
París. AP, AFP.
AP
Condoleezza Rice flytur ræðu um utanríkisstefnu Bandaríkjastjórnar í París.
MENN velta nú vöngum yfir því á
Ítalíu og víðar hvort Jóhannes
Páll II páfi kunni að vera að hug-
leiða afsögn. Tilefnið eru ummæli
næstráðanda páfa, Angelo Sodano
kardínála, í fyrradag en þau virt-
ust til marks um að þessi mögu-
leiki væri til umræðu í Páfagarði.
Er þetta í fyrsta sinn sem hátt-
settur embættismaður í Páfagarði
ljær máls á slíku, afstaða manna
til þessa hefur alltaf verið sú að
páfar ríki þar til þeir falli frá.
Jóhannes Páll hefur legið á
sjúkrahúsi í Róm í viku og lítið er
vitað um heilsufar hans. Á mánu-
dagskvöld var Sodano kardínáli,
sem fer með samskipti Páfagarðs
við erlend ríki, spurður að því
hvort páfi hefði síðustu daga hug-
leitt afsögn.
Vakti mikla eftirtekt að Sodano
hafnaði hugmyndinni ekki alger-
lega eins og þeir, sem fylgjast
grannt með atburðum í Páfagarði,
hafa mátt venjast. „Við skulum
leyfa páfanum að eiga það við
samvisku sína,“ sagði Sodano
kardínáli aðspurður.
Ummæli hans voru til umræðu í
flestum fjölmiðlum í Róm í gær.
Sagði dagblaðið Correre della
Sera m.a. að „spurningin sem eng-
inn hefur mátt spyrja“ væri nú á
hvers manns vörum.
„Furðu lostinn“ yfir svarinu
Flest ítölsku dagblaðanna fjöll-
uðu um málið á forsíðu í gær en
vöruðust þó að gera of mikið úr
orðum Sodanos, en hann hafði áð-
ur farið fögrum orðum um störf
páfa og lýst stuðningi við hann.
La Stampa lýsti þó furðu sinni
á ummælum Sodanos. „Ætlar
páfinn að segja
af sér? Hann
getur það,
kirkjulög heim-
ila það, en hver
er skoðun nán-
ustu ráðgjafa
hans? Hvað ætl-
aðist utanrík-
isráðherra Páfa-
garðs, Angelo
Sodano kardín-
áli, fyrir með
ummælum sín-
um í gær [á
mánudag] eftir
að hann hafði
átt fund með
páfa? Einungis
að afsögn sé
möguleiki, eða
að hún sé hugs-
anlega yfirvofandi?“
Sagði blaðið að vangaveltur
sem þessar væru tilgangslausar,
margoft hefði komið fram að páfi
myndi aldrei segja af sér. Benti
það m.a. á að páfi hefði notað
tækifærið sl. sunnudag, þegar
hann blessaði lýðinn úr glugga
herbergis síns á sjúkrahúsi í
Róm, til að fullvissa kaþólikka
hvarvetna að hann væri fullfær
um að sinna störfum sínum, þrátt
fyrir veikindi.
Blaðið The Irish Independent
hafði eftir Marco Politi, sérfræð-
ingi í málum Páfagarðs, að hann
væri „furðu lostinn“ yfir svari
Sodanos en það var Politi sem
spurði Sodano spurningarinnar í
fyrrakvöld sem vakti umræðurn-
ar í gær. „Ég átti von á því að
hann myndi koma sér undan að
svara,“ sagði Politi.
Vangaveltur um að
páfi hugleiði afsögn
Angelo Sodano
Jóhannes Páll páfi
Páfagarði. AFP.
FULLVÍST þykir að Howard Dean,
fyrrum forsetaframbjóðandi, verði
kjörinn formaður bandaríska Demó-
krataflokksins.
Kjörið fer fram
á laugardag en á
mánudagskvöld
lýsti eini keppi-
nautur Deans,
Tim Roemer,
fyrrum þingmað-
ur frá Indiana, yf-
ir því að hann
hefði ákveðið að
hætta við fram-
boð. Roemer sagði að demókratar
yrðu að horfast í augu við þann „al-
gjör ósigur“ sem þeir hefðu beðið í
kosningunum vestra í nóvember.
Demókrataflokkurinn hefði tapað
kosningunum í 97 af þeim 100 sýslum
Bandaríkjanna þar sem fólksfjölgun
væri örust. Fráleitt væri að stilla mál-
inu upp með þeim hætti að demókrat-
ar hefðu beðið lægri hlut í forseta-
kosningunum í Ohio-ríki. Demókrat-
ar yrðu að horfast í augu við að
repúblikanar hefðu ekki verið svo öfl-
ugir vestra frá því í byrjun liðinnar
aldar. Sjálfur teldi hann að demókrat-
ar yrðu að taka upp meira afgerandi
stefnu í öryggismálum.
Dean, sem er fyrrum ríkisstjóri
Vermont, leitaðist í fyrra við að verða
útnefndur forsetaframbjóðandi
Demókrataflokksins. Hann vann að-
eins einar forkosningar og dró sig í
hlé. Framganga hans þótti á köflum
óhefluð og trúverðugleiki hans var
dreginn í efa. Dean sýndi hins vegar
mikinn dugnað við fjáröflun sem þyk-
ir afar mikilvægur eiginleiki þegar
embætti flokksformanna í Bandaríkj-
unum eru annars vegar.
Dean
formaður
demókrata?
Washington. AP.
Howard Dean
FLUGLEIÐIR hafa gert samning
um kaup á fraktflugfélaginu Bláfugli
hf. og flutningsmiðlunarfyrirtækinu
Flugflutningum ehf.
Kaupin eru gerð með fyrirvara um
áreiðanleikakönnun og samþykki
samkeppnisyfirvalda. Kaupverð fyr-
irtækjanna nemur samtals 3,8 millj-
örðum króna, auk þess sem Flugleið-
ir yfirtaka vaxtaberandi skuldir
vegna fjármögnunar flugvéla fyrir
um 1.400 milljónir króna. Kaupverðið
er greitt með peningum og með eigin
hlutabréfum í Flugleiðum fyrir 1.350
milljónir króna. Félögin hafa vaxið
hratt að undanförnu eða um 37% á ári
síðastliðin 2 ár.
Heildarumsvif Flugleiðasamstæð-
unnar í fraktflutningum eftir þessi
kaup verða rúmlega 7 milljarðar
króna á ári, að því er fram kemur í til-
kynningu frá Flugleiðum. Þar er haft
eftir Hannesi Smárasyni, stjórnar-
formanni Flugleiða, að kaupin séu í
samræmi við þá stefnu félagsins að
leggja aukna áherslu á útrás og efla
starfsemina í frakt- og leiguflugi á al-
þjóðamarkaði. Hann segir að tals-
verðra samlegðaráhrifa fari að gæta í
flugrekstrinum strax á þessu ári.
Þá er í tilkynningunni haft eftir
Þórarni Kjartanssyni, framkvæmda-
stjóra og eins aðaleiganda Bláfugls,
að félögin verði sterkari saman og
stefnan sé sett á áframhaldandi vöxt
á alþjóðamarkaði. Þórarinn mun
áfram starfa sem framkvæmdastjóri
Bláfugls.
80% starfseminnar erlendis
Fraktflugfélagið Bláfugl rekur nú
fimm Boeing 737 fraktflugvélar og
fer 80% starfseminnar fram erlendis.
Starfsmenn Bláfugls eru nú um 50,
þar af um 30 flugmenn. Fyrirtækið
starfar að mestu samkvæmt samn-
ingum við alþjóðleg flutningsmiðlun-
ar- og fraktflugfélög, s.s. UPS, og
Cargolux, en er auk þess með eina
flugvél sem flýgur með frakt milli Ís-
lands og Evrópu.
Flugflutningar starfa á sviði flutn-
ingsmiðlunar fyrir íslensk og erlend
fyrirtæki. Félagið býður í samvinnu
við Cargolux, UPS Air Cargo og
LTU þjónustu til flestra áfangastaða
heims bæði með fraktflugi og land-
flutningum.
Flugleiðir
kaupa Bláfugl
Morgunblaðið/ÞÖK
Samningurinn handsalaður Þórarinn Kjartansson, framkvæmdastjóri
Bláfugls, Einar Ólafsson, stjórnarformaður Bláfugls, Hannes Smárason,
stjórnarformaður Flugleiða, og Sigurður Helgason, forstjóri Flugleiða.
VÁTRYGGINGAFÉLAG Íslands
(VÍS) hefur keypt öll hlutabréf KB
banka í Lýsingu hf., en bankinn átti
100% hlutafjár í félaginu. Kaupverð-
ið er 6,1 milljarður króna. Í tilkynn-
ingu frá KB banka segir að sölu-
hagnaður bankans sé áætlaður 3
milljarðar. Í tilkynningu frá VÍS
kemur fram að engin breyting sé
fyrirhuguð á starfsemi Lýsingar.
Lýsing hf. var stofnað árið 1986 og
voru KB banki (þá Búnaðarbanki Ís-
lands) og VÍS á meðal stofnenda.
VÍS var með fulltrúa í stjórn Lýs-
ingar til 2001 þegar Búnaðarbankinn
keypti hluti meðeigenda sinna.
Hagnaður Lýsingar á síðasta ári
nam 590 milljónum króna eftir
skatta. Heildareignir félagsins námu
34 milljörðum króna í árslok 2004 og
eigið fé 3,1 milljarði króna.
Í tilkynningu KB banka segir að
áfram verði náið samstarf á milli
Lýsingar og KB banka og að bank-
inn muni áfram fjármagna félagið að
mestu leyti. Þá segir að KB banki
muni kaupa eignarhlut Lýsingar í
fasteignafélaginu Eik fyrir 790 millj-
ónir króna, en hlutdeild Lýsingar í
hagnaði þess nam 170 milljónum
króna á árinu 2004.
Ekki hluti af kjarnastefnu
Haft er eftir Hreiðari Má Sigurðs-
syni, forstjóra KB banka, í tilkynn-
ingu bankans, að rekstur fjármögn-
unarfélags eins og Lýsingar sé ekki
hluti af kjarnastefnu KB banka og í
kjölfar tilboðs VÍS hefði verið talið
rökrétt að selja. „Við teljum verðið
mjög viðunandi og erum þess fullviss
að félagið muni eflast og dafna í eigu
VÍS. Þá teljum við að á milli VÍS og
Lýsingar séu talsvert meiri samlegð-
aráhrif en á milli bankans og Lýs-
ingar,“ segir Hreiðar Már.
VÍS kaupir Lýsingu
fyrir 6,1 milljarð
ÚTFLUTNINGSRÁÐ heldur
morgunverðarfund á Grand hóteli
í tilefni af komu viðskiptasendi-
nefndar frá Úkraínu hinn 10. febr-
úar nk. kl. 8.30–10.30. Framsögu-
menn á fundinum verða frá
Úkraínu og Íslandi og fjalla þeir
um viðskiptatækifæri, efnahags-
vöxt landsins, fjármálageirann og
samstarfsmöguleika Íslendinga
og Úkraínumanna. M.a. fjallar
Kostyantyn Malovanyy, aðalræð-
ismaður Íslands í Úkraínu, um
möguleika á tvíhliða viðskipta-
samstarfi landanna tveggja, Mar-
geir Pétursson, stjórnarformaður
MP verðbréfa, lýsir reynslu sinni
af viðskiptum í Úkraínu, dr.
Ludmila Rasputnaya, stjórnarfor-
maður Kreditprombank, fjallar
um fjármálamarkaðinn í Úkraínu
og Óli Rúnar Ástþórsson hag-
fræðingur fjallar um erlendar
fjárfestingar í Úkraínu. Fundar-
stjóri verður Jón Gunnar Zoëga,
ræðismaður Úkraínu á Íslandi.
Tækifæri í Úkraínu