Morgunblaðið - 09.02.2005, Blaðsíða 44

MORGUNBLAÐIÐ, KRINGLUNNI 1, 103 REYKJAVÍK, SÍMI 569 1100, SÍMBRÉF 569 1181, PÓSTHÓLF 3040,
ÁSKRIFT-AFGREIÐSLA 569 1122, NETFANG: RITSTJ@MBL.IS, AKUREYRI: KAUPVANGSSTRÆTI 1 MIÐVIKUDAGUR 9. FEBRÚAR 2005 VERÐ Í LAUSASÖLU 220 KR. MEÐ VSK.
NÝFALLINN snjór lá yfir kirkjugörðum
Reykjavíkur í gær og jók á friðsældina sem
þar ríkir. Starfsmenn kirkjugarðanna voru að
snyrta í kringum leiði, t.d. klippa runna.
Greinar trjánna voru eins og sjá má hvítar
undan snjónum sem á þær féll í logninu og
ekkert hljóð heyrðist, nema í vélknúnu
verkfæri sem notað er við að saga trjágrein-
arnar af.
Morgunblaðið/ÞÖK
Trén snyrt í nýföllnum snjó
BRANDUGLA heimsótti íbúa í húsi við Sil-
ungakvísl í vikunni og sat dágóða stund á
veröndinni. Ævar Petersen, fuglafræð-
ingur hjá Náttúrufræðistofnun, segir ekki
óalgengt að branduglur bregði sér í bæ-
inn. Hann segir að líkt og aðrir ránfuglar
sitji þær oft á sama stað langtímum saman
á meðan þær eru að melta matinn eða á
höttunum eftir nýrri bráð.
Ævar segist nýverið hafa heyrt af ann-
arri branduglu í borginni, sú sat á vél-
arhlíf á bíl í Breiðholti heillengi.
Branduglustofninn er ekki stór hér á
landi, um 200 pör, að sögn Ævars. Fuglinn
verpti fyrst hér fyrir um öld og er nú að
mestu staðfugl. Uppáhaldsfæða brand-
uglunnar er mýs og smáfuglar.
Morgunblaðið/Árni Torfason
Brandugla
í bæjarferð
ÁKVEÐIÐ hefur verið að gera tilraun með
tímabundin vistaskipti ríkisstarfsmanna,
en það felur í sér að ríkisstarfsmenn geta
farið tímabundið milli ráðuneyta og rík-
isstofnana, en snúa að því loknu til baka til
fyrra starfs síns. Er út frá því gengið að
samkomulag sé um flutninginn af hálfu
starfsmannsins og þeirrar ríkisstofnunar
sem hann fer til.
Fjögur ráðuneyti og stofnanir á vegum
þeirra taka þátt í tilrauninni, sem gert er
ráð fyrir að standi yfir næstu 2–3 árin, en
að þeim tíma loknum verður farið yfir
reynsluna af því hvernig til hafi tekist og
teknar ákvarðanir um framhaldið. Ráðu-
neytin eru iðnaðarráðuneytið, fjármála-
ráðuneytið, menntamálaráðuneytið og
dómsmálaráðuneytið og undirstofnanir
þeirra. Þannig getur til að mynda mennta-
skólakennari farið að vinna tímabundið á
skattstofunni svo dæmi sé tekið, sam-
kvæmt upplýsingum Ragnheiðar Árnadótt-
ur, aðstoðarmanns fjármálaráðherra.
Hámark eitt ár
Reglur um auglýsingu starfa gera það að
verkum að óbreyttu að vistaskiptin geta að
hámarki staðið yfir í eitt ár. Bæði starfs-
menn og stjórnendur geta haft frumkvæði
að vistaskiptunum og gert er ráð fyrir al-
mennt að starfsmaður hafi verið í þrjú ár í
starfi sínu áður en hann getur farið fram á
vistaskipti.
Sérstakur samráðshópur ofangreindra
ráðuneyta hefur verið settur á laggirnar til
að tryggja sem best framgang verkefnis-
ins, en hlutverk hans er að vera sameig-
inlegur vettvangur á meðan á tilrauninni
stendur.
Tilraun með
tímabundin
vistaskipti
ríkisstarfs-
manna
HALLDÓR Ásgrímsson for-
sætisráðherra sagði á viðskipta-
þingi Verslunarráðs Íslands í
gær að Landsími Íslands yrði
seldur í einu lagi, þ.e. að grunn-
net Símans verði ekki skilið frá
fyrirtækinu. Halldór sagði um-
ræðuna um aðskilnað grunnnets-
ins frá Símanum ekki nýja af
nálinni, hún hefði einnig átt sér
stað í fyrra söluferli fyrirtæk-
isins fyrir þremur árum.
„Síðan þá liggur fyrir heimild
Alþingis um að selja fyrirtækið
óskipt. Það er hið pólitíska um-
boð, það er óbreytt og eftir því
er unnið,“ sagði Halldór.
Að sögn Halldórs eru veigamikil rök fyrir
því að selja Símann í einu lagi. Í fyrsta lagi
hafa langflest ríki Evrópu einkavætt fjar-
skiptafyrirtæki og hvergi hefur grunnnet
verið aðskilið. Í öðru lagi myndi aðskilnaður
skapa aukna óvissu um sölu
Símans og draga úr verðmæti
hans.
Í þriðja lagi þurfa rekstrarað-
ilar grunnnetsins sífellt að að-
lagast aukinni þróun og kröfum
og að mati Halldórs er líklegra
að þjónustufyrirtæki sem á allt
sitt undir neytandanum bregðist
skjótar við en ríkið.
Í fjórða lagi gerir lagaum-
hverfið á Íslandi, líkt og annars
staðar í Evrópu, ráð fyrir sam-
keppni í rekstri grunnneta. Rík-
ið á ekki að standa í samkeppni í
rekstri fjarskiptaneta.
Í fimmta lagi á lagaumhverfið
að tryggja keppinautum Símans greiðan
aðgang að grunnnetinu á sama verði og Sím-
inn greiðir. Löggjöfin hér á landi er í sam-
ræmi við þá löggjöf sem ríkir í Evrópu.
Eftirlitsaðilar hér á landi hafa úrræði til þess
að grípa inn í ef með þarf að sögn Halldórs.
Í máli Halldórs kom fram að undirbún-
ingur á sölu Símans gengur vel og eru for-
sendur fyrir að hægt verði að ráðast í sölu
hans á vormánuðum. Markaðsaðstæður nú
eru hagstæðar og er að hans sögn mikill
áhugi á fyrirtækinu meðal fjárfesta.
Útrás lýsir heimóttarskap
Björgólfur Thor Björgólfsson sagði í ræðu
sinni á viðskiptaþinginu að sú viðleitni að
kalla tilraunir íslenskra fyrirtækja til þess að
stækka markað sinn erlendis útrás lýsti
heimóttarskap.
„Þetta sjónarhorn er ástæðulaus tvíhyggja
eyjarskeggja þar sem okkur er stillt upp
gegn þeim,“ sagði Björgólfur Thor og sagði
það hvorki vera útrás né innrás þegar íslensk
fyrirtæki leituðu nýrra markaða, það væri
einfaldlega eðlileg framrás.
Forsætisráðherra á viðskiptaþingi Verslunarráðs um grunnnet Símans
Aðskilnaður myndi skapa
aukna óvissu um sölu Símans
 Íhuga breytingar/10
Halldór Ásgrímsson
STJÓRNIR Lífeyrissjóðs lækna
og Almenna lífeyrissjóðsins hafa
undirritað viljayfirlýsingu um að
stefna að sameiningu sjóðanna frá
og með 1. júlí næstkomandi. Þá
hafa stjórnir Samvinnulífeyris-
sjóðsins og Lífeyrissjóðsins Líf-
iðnar gert með sér samkomulag
um að kanna möguleika á samein-
ingu sjóðanna.
Í bréfi til sjóðfélaga í Lífeyris-
sjóði lækna og í Almenna lífeyr-
issjóðnum segir að tilgangurinn
með sameiningu sjóðanna sé að
lækka kostnað og auka áhættu-
dreifingu. Sameinaður sjóður
verði 6. stærsti lífeyrissjóður í
landinu með um 24 þúsund sjóð-
félaga og heildareignir um 51
milljarð króna.
Í tilkynningu frá Samvinnulíf-
eyrissjóðnum og Lífiðn segir að til-
gangur hugsanlegrar sameiningar
sé að auka hagkvæmni í rekstri og
bæta þjónustu við sjóðfélaga og
launagreiðendur, ásamt því að efla
eignastýringu og viðhalda sterkri
tryggingastöðu. Ætla megi að
heildareignir sameinaðs sjóðs
nemi 50–55 milljörðum króna.
Áður hefur verið greint frá því
að unnið sé að því að kanna mögu-
leika á sameiningu Lífeyrissjóðs
sjómanna og Framsýnar, annars
vegar, og Lífeyrissjóðs Suður-
lands og Suðurnesja, hins vegar.
Margeir R. Daníelsson, fram-
kvæmdastjóri Samvinnulífeyris-
sjóðsins, sagði í samtali við Morg-
unblaðið að ætla megi að þetta sé
bara byrjunin á sameiningarferli
innan lífeyrissjóðakerfisins.
Lífeyrissjóðir ræða sameiningu
HLUTFALL kvenna í stjórnum fyr-
irtækja sem skráð eru á hlutabréfa-
markaði hefur ekkert breyst frá
árinu 2003. Þá voru rúmlega 5%
stjórnarmanna konur og er það
óbreytt. Í stjórnum tólf af stærstu
lífeyrissjóðum landsins er hlutfall
kvenna 19% þó svo að mikill meiri-
hluti sjóðfélaga í stærstu sjóðunum
sé konur. Kom þetta fram á fundi
fjögurra fagfélaga kvenna í gær.
Enn fáar kon-
ur í stjórnun
 Konur/15