Morgunblaðið - 09.02.2005, Blaðsíða 11

MORGUNBLAÐIÐ MIÐVIKUDAGUR 9. FEBRÚAR 2005 11
FRÉTTIR
ÞORGERÐUR K. Gunnarsdóttir
menntamálaráðherra tók við nýju
kennsluefni sem nefnt er SAFT
(Samfélag, fjölskylda og tækni) fyr-
ir hönd grunnskóla landsins á Al-
þjóðlega netöryggisdeginum sem
haldið var upp á í 27 löndum í gær.
Kennsluefni SAFT er unnið á
vegum Heimilis og skóla – lands-
samtaka foreldra og er hannað til
að aðstoða og styðja kennara við að
fræða nemendur um örugga og
ábyrga notkun á Netinu. Sam-
kvæmt upplýsingum Heimilis og
skóla er búist við að SAFT verði
notað í upplýsingatæknikennslu en
einnig að það nýtist við almenna
kennslu, þar sem farið er yfir þætti
á borð við leitartækni, heimilda-
gagnrýni og fleira.
Ráðherra tók við SAFT-kennslu-
efninu við hátíðlega athöfn í Hlíða-
skóla sem Heimili og skóli hafði veg
og vanda af.
Fjallað um eðli Netsins
Kennsluefni SAFT var útbúið í
samstarfi sjö aðila í fimm löndum í
SAFT-verkefninu sem unnið var
2002–2004. Starfsfólk Námsgagna-
stofnunar fór yfir íslensku útgáfuna
og verður henni dreift í möppu sem
inniheldur geisladisk með efninu
ásamt kennsluleiðbeiningum.
Kennslueiningarnar eru fimm
talsins og í stuttu máli er byrjað á
umfjöllun um Netið, eðli þess og
hvernig best sé að leita að upplýs-
ingum. Því næst er farið yfir heim-
ildagagnrýni og bent á hvað þurfi
að skoða til að vera viss um að upp-
lýsingarnar sem náð er í séu réttar
og rætt um höfundarétt. Því næst
er farið yfir hvað séu persónulegar
upplýsingar sem ekki er óhætt að
gefa upp á spjallrásum, sem og
ýmsar hættur sem þar kunna að
leynast.
Því næst er farið í heimaverkefni
sem ætlast er til að foreldrar vinni
með börnum sínum. Þar er listi með
15 heilræðum sem raða skal upp
eftir mikilvægi þeirra. Að lokum
gefur að líta myndræna framsetn-
ingu á tölvusamskiptum þar sem
börnin eru beðin um að ráðleggja
netvini um hvað gera skuli í til-
teknum aðstæðum. Lokaverkefni er
samningur um notkun Netsins sem
barnið, foreldrar og kennari skrifa
undir.
Heimili og skóli hafa einnig tekið
að sér að vinna verkefni um örugga
netnotkun barna og unglinga á Ís-
landi. Verkefnið er unnið innan
ramma Safer internet Action-áætl-
unar ESB og er samningsaðili þess
menntamálaráðuneytið sem hefur
falið Heimili og skóla að annast út-
færslu verkefnisins sem á að ljúka
1. október 2006.
Þá var í gær hleypt af stokkunum
sögusamkeppni í þátttökulöndunum
27 hjá 9–16 ára grunnskólanemum.
Tilgangur keppninnar er að fá full-
orðna og börn til að ferðast saman
um Netið og gera þar uppbyggilega
hluti jafnhliða því að örva sköp-
unargleði og ímyndunarafl.
Nýtt netkennsluefni afhent á Alþjóðlega netöryggisdeginum 8. febrúar
Börnum kennd ábyrg netnotk-
un með SAFT-kennsluefninu
Morgunblaðið/Þorkell
Þorgerður K. Gunnarsdóttir menntamálaráðherra tók við fyrsta eintaki
SAFT úr hendi Maríu Kristínar Gylfadóttur, formanns Heimilis og skóla.
TENGLAR
.....................................................
www.saft.is
FORSÆTISNEFND Vestnorræna
ráðsins hefur samþykkt að ráða
Þórð Þórarinsson framkvæmda-
stjóra ráðsins frá
og með 15. febr-
úar nk.
Þórður Þór-
arinsson er 37
ára og hefur
undanfarin tvö
ár starfað fyrir
upplýsingadeild
Norðurlandaráðs
og Norrænu ráð-
herranefnd-
arinnar. Hann hefur lokið BA-prófi
í stjórnmálafræði frá Kaupmanna-
hafnarháskóla og vinnur nú að
lokaritgerð til meistaraprófs frá
sama skóla. Þórður tekur við starf-
inu af Ernst S. Olsen, sem verið hef-
ur framkvæmdastjóri undanfarin
fjögur ár.
Nýr fram-
kvæmdastjóri
Vestnorræna
ráðsins
Þórður
Þórarinsson
Í TILEFNI af öskudeginum er
börnum boðið frítt í Smárabíó í dag
kl. 13 á meðan húsrúm leyfir. Sýnd-
ar verða nokkrar barnamyndir sem
hægt er að velja á milli. Myndirnar
sem sýndar verða eru; Grettir, Búi
og Símon, Pétur Pan og Dogeball.
Fram að bíósýningunni geta börnin
fengið andlitsmálun í boði No-
Name-skólans.
Börnum boðið
í Smárabíó
ÍSLENSKA óperan og Landsbank-
inn hafa gert með sér samstarfs-
samning um fjárstuðning bankans
við uppsetningu Óperunnar á verk-
inu Tosca eftir Puccini, sem verður
frumsýnt á föstudaginn, 11. febr-
úar. Bjarni Daníelsson óperustjóri
og Halldór J. Kristjánsson banka-
stjóri innsigluðu samninginn á
blaðamannafundi í gær.
Bjarni vill ekki tjá sig um stærð
samningsins, enda sé erfitt að meta
fjárhæðina. „Samningurinn er
þannig samansettur. Hann gerir
ráð fyrir fjárframlagi bankans og
mótframlagi okkar í formi kynn-
ingar, en inni í honum er líka kynn-
ing á Óperunni sem Landsbankinn
stendur fyrir, í auglýsingum frá
sér. Það er nýtt fyrir okkur,“ segir
hann.
Framlög að aukast
Spurður um þýðingu samnings-
ins fyrir Íslensku óperuna segir
Bjarni hana vera geysimikla. „Það
er í rauninni lykilatriði í rekstri
Óperunnar, að hafa gott samstarf
við önnur fyrirtæki atvinnulífsins.
Íslenska óperan er sjálfseignar-
stofnun sem varð til að frumkvæði
tónlistarfólks, með stuðningi at-
vinnulífsins, og frá byrjun hefur
verið gert ráð fyrir því að framlög
fyrirtækja nemi um 10% af rekstr-
artekjum Óperunnar,“ segir hann.
„Við höfum kannski ekki náð því
hlutfalli að undanförnu, en umræða
um kostunarsamstarf hefur verið á
fljúgandi ferð síðustu ár og við er-
um vongóð um að ná þessu hlutfalli
senn.“
Bjarni segir að samningum af
þessu tagi hafi fækkað mjög veru-
lega, en þeir hafi stækkað að sama
skapi. „Fyrir fimm árum vorum við
með 40–50 litla samninga, sem
gengu í reynd út á að senda gíró-
seðla einu sinni á ári. Síðan hefur
þetta færst yfir í formlega samn-
inga, þar sem fjallað er um framlag
og mótframlag. Ég hygg að við
séum komin niður í tíu slíka,“ segir
Bjarni.
Færri en stærri
stuðningsaðilar
Hann segir að Óperan sé alltaf
opin fyrir fleiri samningum af
þessu tagi, „en hins vegar verður
að taka tillit til þess, að þótt starf-
semi okkar sé töluvert umfangs-
mikil erum við ekki í fréttum á
hverjum degi. Við viljum gjarnan
að það séu færri en stærri stuðn-
ingsaðilar, því þá fá allir meira út
úr samstarfinu en ella. Í svona
samningagerð felst gífurleg vinna
og eins er ákveðin hætta á að stuðn-
ingsaðilinn týnist, ef upptalningin
er of löng.“
Undanfarið misseri hefur Óperan
gert kostunarsamninga um einstök
verkefni, frekar en starfsemina í
heild. „Það hefur að mörgu leyti
skilað okkur betri árangri en hitt,
en óskir kostunaraðilanna eru allt-
af mismunandi,“ segir hann.
Morgunblaðið/Jim Smart
Rætt um sönginn að lokinni undirskrift: Halldór J. Kristjánsson, Björgólfur Guðmundsson, Viggó Ásgeirsson,
markaðsstjóri Landsbankans, Bjarni Daníelsson og sjálf Tosca sem leikin er af Elínu Ósk Óskarsdóttur.
Landsbankinn og Íslenska óperan gera með sér sam-
starfssamning um stuðning við uppsetningu á Toscu
Lykilatriði í rekstri
Íslensku óperunnar
KRISTÍN Snæfells höfundur
bókarinnar Sporin í sandinum,
sem út kom fyrir jólin 2003, af-
henti í gær forsvarsfólki Dyngj-
unnar, áfangaheimilis fyrir kon-
ur sem lokið hafa áfengis-
meðferð, 800 þúsund krónur að
gjöf, en peningarnir eru ágóði af
sölu bókarinnar. „Þær trúðu
bara ekki sínum eigin augum, að
þetta hefði komið út úr bók sem
ég gaf út sjálf og skrifaði sjálf
og gerði sjálf og fékk þetta allt á
krít,“ segir Kristín um viðtök-
urnar, þegar hún afhenti pen-
ingana í gær.
Kristín var upphafsmaður að
stofnun Dyngjunnar. „Ég
hringdi upphaflega í fjórar kon-
ur og spurði hvort þær vildu
koma með mér í þetta.“
Félagið var stofnað 1. mars
1987 og hét þá Líknarfélagið
K.O.N.A.N. Í júní sama ár
ákvað borgarráð að kaupa hús
undir starfsemi félagsins. Fyrir
valinu varð hús í Snekkjuvogi
þar sem heimilið er enn til húsa,
en starfsemin hófst í apríl 1988.
Í húsinu er aðstaða fyrir 14
konur sem dvelja þar frá þrem-
ur upp í níu mánuði. Hver
þeirra greiðir húsaleigu og fyrir
hálft fæði á meðan á dvölinni
stendur, auk þess sem ýmsir að-
ilar hafa í gegnum tíðina styrkt
starfsemina með framlögum.
Alls hafa 750 konur leitað til
Dyngjunnar frá því heimilið tók
til starfa.
Að sögn Kristínar er þó nokk-
uð af útistandandi greiðsluseðl-
um sem sendir voru fólki með
bókinni Sporin í sandinum og
vill hún brýna fyrir fólki sem
hefur týnt eða gleymt seðlinum
að hægt er að greiða fyrir bók-
ina í Minningarsjóð Dagmeyjar,
nefndur eftir langömmu hennar,
sem stofnaður var í kringum út-
gáfu bókarinnar. Reikningurinn
er í KB bamka nr. 313, höfuðbók
26 og reikningsnúmerið 3770.
Þá geta áhugasamir pantað
bókina á heimasíðunni, www.-
kristinsnaefells.com.
Gaf 800 þúsund
til Dyngjunnar
Morgunblaðið/Þorkell
Kristín Snæfells afhendir Eddu V. Guðmundsdóttur, forstöðukonu
Dyngjunnar, körfu fulla af tvö og fimm þúsund króna seðlum og
blómum. Hluti stjórnar Dyngjunnar fylgist með.