Morgunblaðið - 24.02.2005, Blaðsíða 19

MORGUNBLAÐIÐ FIMMTUDAGUR 24. FEBRÚAR 2005 19
MINNSTAÐUR


á Grenivík.
Verður að hafa
bíl til umráða
Upplýsingar gefur
Ólöf Engilberts-
dóttir í síma
569 1376.

Blaðbera vantar
á Eyrarlandsveg
og Skólastíg
Upplýsingar
í síma 461 1600
Blaðburður verður að hefjast um leið og blaðið kemur í bæinn
UMHVERFISRÁÐ úthlutaði á fundi sínum í gær
byggingarrétti á alls fimm reitum í Naustahverfi II,
undir samtals 135 íbúðir. Eftir er að úthluta bygg-
ingarrétti á tveimur reitum í þessum áfanga hverf-
isins, undir samtals 105 íbúðir og verður það gert
síðar. Þá er stefnt að því að úthluta á árinu lóðum í
Naustahverfi undir 195 íbúðir til viðbótar, í einbýli
og fjölbýli, eða samtals 435 íbúðir. Mikil uppbygg-
ing á sér stað í hverfinu og þar spretta íbúðarhús
upp hvert af öðru. Því til viðbótar hefur verið út-
hlutað lóðum undir 160 íbúðir í Naustahverfi I sem
framkvæmdir eru enn ekki hafnar við.
Alls bárust tólf umsóknir um byggingarréttinn
sem úhlutað var í gær. „Það fengu færri en vildu en
þessi mikli áhugi kom ekki á óvart,“ sagði Bjarni
Reykjalín, skipulags- og byggingafulltrúi Akureyr-
arbæjar. Þeir sem fengu reiti nú voru verktakafyr-
irtækin Hyrna, P. Alfreðsson, Gullströnd, Trétak
og Timbra. „Við úthlutum reitunum til verktaka,
sem hafa nú fjórar vikur til að vinna að skipulagi
þeirra, en um þann þátt sjá þeir sjálfir,“ sagði
Bjarni.
Á öðrum reitanna sem ekki var úthlutað í gær er
mikið jarðvegsdýpi og eins er þar gert ráð fyrir
fimm hæða húsi og telur Bjarni að þessi atriði hafi
haft áhrif á litla ásókn í reitinn en hvað hinn varðar
kom ein umsókn til vara. „Við ákváðum því að
geyma þessa reiti eitthvað áfram og sjá hvað setur,“
sagði Bjarni.
Naustahverfi II afmarkast vestan við núverandi
byggingasvæði í fyrsta áfanga hverfisins og svæði
austan golfvallarins að Jaðri. Uppbygging í Nausta-
hverfi hófst árið 2003, í maí það ár var fyrsta skóflu-
stunga tekin að fyrsta íbúðarhúsinu en áður hafði
verið ráðist í byggingu leikskóla í hverfinu. Áætl-
anir ganga út á að Naustahverfi byggist upp á um
15 árum og þar muni verða 6–8 þúsund íbúar í full-
byggðu hverfi.
Vegna mikillar eftirspurnar verður að flýta
gatnagerðarframkvæmdum í hverfinu, en áætlað er
að þær verði boðnar út í byrjun sumars og að lóð-
irnar á reitunum sem úhlutað var í gær verði bygg-
ingarhæfar á komandi hausti.
En það er víðar en í Naustahverfi sem áhugi er
fyrir að byggja. Við Baldurshaga er ráðgert að
byggja 40 nýjar íbúðir í fjölbýli og 15 við Mýrarveg.
Þá er búið er að veita lóðir undir samtals 28 íbúðir
við Akursíðu, Lindarsíðu og Arnarsíðu en fram-
kvæmdir ekki hafnar og þá hafa verktakar til um-
ráða 20 lóðir annars staðar í bænum. Hér því um að
ræða lóðir undir samtals 700 íbúðir. Þessu til við-
bótar er svo stefnt að því að byggja þríburaturna á
Sjallareitnum svokallaða, með 150–170 íbúðum. Að
jafnaði hafa um 150–180 íbúðir verið byggðar á ári á
Akureyri á síðastliðnum þremur árum.
Mikil ásókn hefur verið í lóðir í Giljahverfi og á
einungis eftir að úthluta örfáum lóðum þar, þá hefur
öllum lóðum sem til eru í Klettaborg verið úthlutað.
„Sem betur fer er mikil eftirspurn eftir því að fá að
byggja hér í bænum og það er greinilegt að mikil
bjartsýni ríkir meðal verktaka,“ sagði Kristján Þór
Júlíusson bæjarstjóri.
Byggingarrétti undir 135 íbúðir í Naustahverfi úthlutað
Stefnt að úthlutun á lóð-
um undir 435 íbúðir í ár
Morgunblaðið/Kristján
Fasteignir Íbúðarhúsnæði sprettur upp eins og gorkúlur í Naustahverfi. Veðurguðirnir eru hliðholl-
ir húsbyggjendum þessa dagana og þessir ágætu menn, sem voru að vinna við raðhús við Hamratún,
gátu verið léttklæddir uppi á þaki.
AKUREYRI
Atvinnuleysi um 4% | Meðal-
fjöldi atvinnulausra á Norðurlandi í
janúar var 525 eða 4% en var 3,7% í
desember sl. Atvinnulausum á Norð-
urlandi eystra fjölgaði um 23 milli
mánaða. Atvinnulausum körlum
fjölgaði um 15 og var 3,3% í janúar
en 3% í desember. Fjöldi atvinnu-
lausra kvenna jókst um 8 og var 5%
en 4,6% í desember. Á Húsavík voru
57 skráðir atvinnulausir í lok janúar.
Utan Húsavíkur í Þingeyjarsýslum
voru 53 skráðir atvinnulausir. Í
heildina eru því 110 manns á at-
vinnuleysisskrá á svæðinu að því er
fram kemur á vef stéttarfélaganna í
Þingeyjarsýslu. Þar kemur einnig
fram að á Akureyri voru 342 skráðir
atvinnulausir á sama tíma.
Landnám í Vesturheimi | Fjallað
verður um landnám Íslendinga í
Vesturheimi á námskeiði í Deiglunni
á Akureyri á laugardag, 26. febrúar,
frá kl. 10–16. Námskeiðið er á veg-
um Þjóðræknisfélags Íslands sem
hefur haft að meginverkefni að efla
og auka samskipti okkar við skyld-
menni okkar í Norður-Ameríku.
„Námskeið Jónasar Þór miðla í senn
mikilvægum fróðleik um merkan og
áhugaverðan þátt í sögu okkar og
eru vel fallin til að undirbúa þá sem
ferðast vilja síðar um landnáms-
svæði Íslendinga í Vesturheimi,“
segir í frétt um námskeiðið en enn er
hægt að bæta við þátttakendum.
Fiskmarkaður | Dr. Eyjólfur Guð-
mundsson flytur erindi í Borga-
spjalli auðlindadeildar Háskólans á
Akureyri kl. 12 á föstudag, 25. febr-
úar í kaffiteríu Borga, rannsókna-
húss HA. Þar fjallar hann um
Tsukiji, stærsta fiskmarkað í heimi,
en hann er í Tókýó í Japan og þang-
að hélt Eyjólfur síðastliðið sumar.
Fjallað verður um sögu markaðar-
ins, skipulag og hefðir auk þess sem
sýndar verða myndir frá uppboðum
og þeim vörum sem í boði eru.
Eyjólfur Guðmundsson er lektor í
fiskihagfræði við auðlindadeild Há-
skólans á Akureyri.
Fíkniefnamisferli | Lögreglan á
Akureyri handtók tvo menn á þrí-
tugsaldri sl. þriðjudag vegna gruns
um þjófnað og ætlað fíkniefnamis-
ferli. Við húsleit heima hjá öðrum
þeirra fundust um 40 grömm af
kannabisefnum en heima hjá hinum
um 20 grömm af hassi, samkvæmt
upplýsingum frá Daníel Snorrasyni
lögreglufulltrúa. Þá lagði lögreglan
hald á hnífa og önnur ólögleg vopn.
Einnig fannst þýfi sem talið er að sé
úr innbroti. Rannsókn málsins er að
mestu lokið og var mönnunum
sleppt að loknum yfirheyrslum í
gær.
Heimspekitorg | Þorsteinn Gylfa-
son flytur fyrirlestur á heim-
spekitorgi í dag, fimmtudaginn 24.
febrúar, kl. 16.30 í stofu L101 Sól-
borg og nefnist hann: Hvað eru
tákn?
Í erindi sínu veltir Þorsteinn því
fyrir sér hvað tákn séu og hvaða
hlutir geti með góðu móti talist til
þeirra.
Nemar sýna | Nemendur í fag-
urlistadeild Myndlistaskólans
opna sýningu í Kompunni í Kaup-
vangsstræti 10 á föstudag, 25.
febrúar, kl. 17.
Sýningin er fjölbreytt og sýnd
verða verk af ýmsum toga; mynd-
bandsverk, hljóðverk, málverk,
textaverk, skúlptúrar, ljósmyndir,
teikningar, teiknimynd og inn-
setning. Þetta er afrakstur verk-
efnavinnu undir handleiðslu
Hlyns Hallssonar myndlista-
manns.
Sýningin verður opin um
helgina, frá kl. 14 til 18 báða dag-
ana.
Tilboð | Tilboð hafa verið opnuð í
verkið „Naustahverfi áfangi 2B“ en
alls bárust fjögur tilboð í það.
Framkvæmdaráð hefur sam-
þykkt að gengið verði til samninga
við lægstbjóðanda, Finn ehf., sem
bauð rúmlega 11,1 milljónir króna.
Önnur tilboð voru frá G. Hjálm-
arssyni, tæplega 12,5 milljónir
króna, GV Gröfum, 13,0 milljónir
króna og Dalverki sem bauð tæp-
lega 19,5 milljónir króna. Kostn-
aðaráætlun hljóðaði upp á rúmlega
14,3 milljónir króna.
Verkið felst í að byggja Vörðutún
í Naustahverfi.
Húsnæði | Á fundi stjórnar Fast-
eigna Akureyrarbæjar var lögð
fram ósk um viðræður við félagið
frá stjórnarformanni Símennt-
unarmiðstöðvar Eyjafjarðar,
Símeyjar, um framlengingu á
leigusamningi þeirra í Þórsstíg 4.
Akureyrarbær á aðild að við-
ræðum við erlenda aðila um stað-
setningu álþynnuverksmiðju í bæn-
um og hefur komið til tals að sú
starfsemi verði í húsnæðinu að
Þórsstíg 4. Stjórnin samþykkir því
að þar til niðurstöður þeirra við-
ræðna liggja fyrir sé ekki unnt að
gera annað en ótímabundna leigu-
samninga.