Morgunblaðið - 24.02.2005, Blaðsíða 39

MORGUNBLAÐIÐ FIMMTUDAGUR 24. FEBRÚAR 2005 39
TÍU íslensk ungmenni tóku þátt í
Norðurlandamótinu í skólaskák
sem fram fór um síðustu helgi í Ósló
í Noregi. Keppt var í fimm aldurs-
flokkum eins og hefð er til. Í elsta
flokknum sem er fyrir 18–20 ára bar
Dagur Arngrímsson (2304) örugg-
lega sigur úr býtum með 5½ vinning
af 6 mögulegum. Alls voru tólf þátt-
takendur í flokknum en hinn ís-
lenski keppandinn Björn Ívar
Karlsson (2224) lauk keppni í 7.–11.
sæti með 2½ vinning. Sænski skák-
maðurinn Victor Nithander (2229)
lenti í öðru sæti með 4½ vinning.
Dagur sneri laglega á þann sænska í
innbyrðis viðureign þeirra:
(Sjá stöðumynd 1)
Eftir að hafa lent í einhverjum
erfiðleikum í byrjuninni hafði Degi
tekist u.þ.b. að jafna taflið en með
síðasta leik hvíts, 28. Hd3-f3? fékk
svartur tækifæri til að snúa taflinu
sér í vil.
28... Bxh3! 29. Dc4?
Eftir þetta verður vinningurinn
svörtum mun auðveldari. 29. Hd3
hefði verið mun gáfulegra og ekki
óhugsandi að hvítur hafi einhverja
von um að verða sér úti um mótspil.
29...Bg4! 30. Hxf6 Dxc4 31. bxc4
Kg7 32. Hxg6+
Það eru ill örlög að tapa skipta-
mun en að öðrum kosti léki svartur
Hd8-d2 og hvítur yrði manni undir.
32...hxg6 33. Ba4 He7 34. Kg2
Hd2 35. Hb1 Be3 36. Rh3 Bxh3+ 37.
Kxh3 Hxf2
Hvítur er ekki á þeim buxunum
að gefast upp svo að eina leiðin er að
máta hann!
38. a3 f5 39. exf5 gxf5 40. g4 Kf6
41. gxf5 Hh7+ 42. Kg4 Hg7+ 43.
Kh3 Bf4 44. axb4 Hh2#. Tafl-
mennska Dags á mótinu var frísk-
lega og var auðsætt að hann bar
nokkuð höfuð og herðar yfir and-
stæðinga sína. Þetta var eini meist-
aratitill Íslendinga á mótinu en
Guðmundur Kjartansson (2199) í
næstelsta flokknum, 16–17 ára, lenti
í öðru sæti með 4½ vinning. Hinn ís-
lenski keppandinn Ágúst Bragi
Björnsson (1790) fékk þrjá vinninga
og lenti í 5.–8. sæti en Finninn
Teemu Pudas (2065) vann mótið
með 5 vinninga. Gengi íslensku
keppendanna í flokki 14–15 ára var
ekki eins og best hefði verið á kosið.
Daði Ómarsson (1570) fékk 1½
vinning og lenti í ellefta sæti en
Gylfi Davíðsson (1560) fékk hálfan
vinning og lenti í tólfta og neðsta
sæti. Norski skákmaðurinn Jon
Ludvig Hammer (2273) vann flokk-
inn af öryggi með 5½ vinning. Svan-
berg Már Pálsson (1550) lenti í 5.
sæti með 3½ vinning í flokki 12–13
ára en Hjörvar Steinn Grétarsson
(1585) endaði keppni í 6.–7. sæti
með 3 vinninga. Svíinn Alfred
Krzymowski (1967) varð hlutskarp-
astur í flokknum með 5 vinninga. Í
yngsta flokknum sem er fyrir ellefu
ára og yngri lenti Einar Ólafsson í
öðru sæti með 4 vinninga. Dagur
Andri Friðgeirsson kom í humátt á
eftir með 3½ vinning og lenti í 5.–6.
sæti. Efstur í flokknum varð And-
ers Thingstad frá Noregi með 4½
vinning. Þegar litið var til þess
hversu marga vinninga keppendur
hverrar þjóðar fékk varð niðurstað-
an þessi:
1. Noregur 34 vinninga
2. Svíþjóð 33 vinninga
3.–4. Danmörk og Ísland 32
vinninga
5. Finnland 30 vinninga
6. Færeyjar 20 vinninga
Norðmenn eignuðust tvo Norður-
landameistara en Íslendingar,
Finnar og Svíar einn hver þjóð. Ár-
angur íslensku keppendanna var vel
viðunandi og ávallt ánægjulegt þeg-
ar Norðurlandameistaratitli er
landað til sögueyjunnar góðu.
Hannes lenti í 7.–36. sæti
í Cappelle la Grande
Þegar síðast var skilið við Hannes
Hlífar Stefánsson (2561) á skákmóti
í Cappelle la Grande í Frakklandi
hafði hann 5½ vinning af sjö mögu-
legum. Í lokaumferðunum tveim
mætti hann enskum skákmönnum, í
þeirri áttundu gerði hann jafntefli
við stórmeistarann Mark Hebden
(2521) og í þeirri níundu gerði hann
jafntefli við Simon Williams (2487).
Þessi úrslit þýddu að hann lauk
keppni með 6½ vinning og lenti í 7.–
36. sæti af 600 keppendum. Við nán-
ari stigaútreikninga var talið að
frammistaða hans hafi samsvarað
2603 elóskákstigum og að hann
hefði verið fimmtándi í röðinni á
mótinu en fyrirfram mátti búast við
að hann væri tuttugasti sterkasti
skákmaðurinn. Frammistaðan hef-
ur í för með sér að hann hækkar að-
eins á stigum en svo virðist sem tafl-
mennska hans hafi verið vönduð sé
mið tekið af eftirfarandi skák:
Hvítt: Hannes Hlífar Stefánsson
(2561)
Svart: Peter Velikov (2430)
1. e4 c5 2. Rf3 e6 3. d4 cxd4 4.
Rxd4 a6 5. Rc3 Dc7 6. Bd3 Rf6 7. f4
d6 8. Df3 Rbd7 9. g4 Rc5 10. g5
Rfd7 11. Bd2 b5 12. b4 Rxd3+ 13.
cxd3 Bb7
Þegar Zigurds Lanka kom hing-
að til lands í september 2002 og hélt
fyrirlestraröð um Sikileyjarvörn
kom þessi staða til skoðunar. Nem-
andi hans, Viktor Bologan, tefldi
með hvítu fallega skák árið 1994
gegn austurrískum alþjóðlegum
meistara, Nikolas Stanec en sá lék
13... Rb6 í stöðunni. Búlgarski stór-
meistarinn afræður að koma biskup
sínum strax fyrir á löngu skáklín-
unni en kemur ekki að tómum kof-
unum hjá Hannesi.
(Sjá stöðumynd 2)
14. O-O g6 15. Hac1 Dd8
Staðan ber með sér að svartur er
á eftir í liðskipan en hefur þó bisk-
upaparið og tiltölulega heilbrigða
peðastöðu. Hvítur hefur það tromp í
hendi að reiturinn á c6 sé illa varinn
og að c-línan er undir hans yfirráð-
um. Hann afræður því að hefja sókn
áður en svartur fær tóm til að þróa
menn sína.
16. Rd5! exd5 17. exd5 Bg7
17... Hc8 kom einnig til álita en
eftir 18. Rc6 Bxc6 19. dxc6 Rb8 20.
Hfe1+ Be7 21. Bc3 lítur hvíta stað-
an vel út.
18. Hfe1+ Re5?!
18... Kf8 hefði verið nærtækara
þó að færi hvíts fyrir manninn séu
mikil eftir t.d. 19. Rc6 Dc7 20. Ra5
Db6+ 21. Kf1. Engu að síður hefði
verið mun hagnýtara að þiggja
manninn þar sem í framhaldinu fær
hvítur töluvert betra tafl án þess að
þurfa að taka mikla áhættu.
19. fxe5 dxe5 20. Rc6 Bxc6 21.
Hxc6 O-O 22. Hec1 f5
(Sjá stöðumynd 3)
Til þess að viðhalda frumkvæðinu
þarf hvítur að tefla af nákvæmni.
Hannesi tekst það með þeim hætti
sem einkennir stíl hans, einfaldleika
og rökvísi.
23. Hc7! He8 24. H1c6 e4 25.
dxe4 Hxe4 26. d6! Be5 27. Dh3 h5
28. Db3+ Kh8 29. Dd5! Dg8 30. Hf7
Hd8 31. Hcc7 Bg7
31... Hxd6 gekk ekki upp vegna
32. Hh7+! Dxh7 33. Hc8+ Kg7 34.
Db7+ og hvítur mátar.
32. Db7 De8
(Sjá stöðumynd 4)
Það er óvenjulegt að sjá þreföld-
un á sjöundu reitaröðinni en hvítur
lætur hana af hendi svo að svartur
nái ekki spili og þráskák meðfram
e-línunni.
33. Hfe7! Hxe7 34. Hxe7 Dg8 35.
Dc7 Bd4+ 36. Kf1 Hf8 37. d7 Dd5
38. Ke2 Ba1 39. He8 Dg2+ 40. Kd1
og svartur gafst upp enda leiða
frekari skákir hans með drottning-
unni til einskis. Þessi skák sýnir
hversu vel Hannes getur telft og af-
bragðs skilning hans á skáklistinni.
Kollegi hans, Þröstur Þórhallsson
(2455), lauk keppni með 6 vinninga
og lenti í 59. sæti. Fyrirfram mátti
búast við að hann lenti í 68. sæti en
frammistaða hans samsvaraði 2442
stigum. Félagi Þrastar, Magnús
Kristinsson (1430) fékk 3½ vinning
og lenti í 491. sæti.
Stefán endaði í 4. sæti.
Stefán Kristjánsson lauk keppni í
fyrsta laugardagsmótinu í Búda-
pest með 7 vinninga af 12 mögu-
legum. Hann lenti í 4. sæti en ung-
versku skákmennirnir Tibor
Fogarasi (2442) og Viktor Erdos
(2453) urðu efstir og jafnir með 8
vinninga af 12 mögulegum. Árangur
Stefáns samsvarar 2467 stigum og
hækkar hann um 8 stig.
Dagur Norðurlandameistari
SKÁK
Ósló
18.–20. febrúar 2005
NORÐURLANDAMEISTARAMÓT
Í SKÓLASKÁK
HELGI ÁSS GRÉTARSSON
Stöðumynd 1 – Nithander – Dagur. Stöðumynd 2 – Hannes – Velikov.
Stöðumynd 3 – Hannes – Velikov. Stöðumynd 4 – Hannes – Velikov.
daggi@internet.is
Dagur
Arngrímsson
Hannes Hlífar
Stefánsson
BRIDSHÁTÍÐ lauk sl. mánu-
dagskvöld með glæsilegum sigri
sveitar Garða og véla ehf. Sveitin
hafði þá leitt mótið lengi og þar sem
spilað var með Monrad-fyrirkomu-
lagi spilaði sveitin ætíð við efstu
sveitirnar. Sveitarforinginn, Símon
Símonarson, er reyndar enginn ný-
græðingur í brids. Hann spilaði í ára-
raðir í landsliðinu lengst af með Jóni
Ásbjörnssyni og enn í dag er kennd
við þá félaga sagnvenja svokölluð
Tarta en hérlendis alltaf nefnd Jón
og Símon.
Í sigursveitinni spiluðu auk Sím-
onar þeir Rúnar Magnússon, Frið-
jón Þórhallsson, Sigfús Örn Árnason
og Stefán Guðjohnsen, margfaldur
Íslandsmeistari, sem spilaði tvo
fyrstu leikina en hefur að mestu
hætt keppni á stærri mótum.
Í öðru og þriðja sæti urðu banda-
rískar sveitir en þar spiluðu nokkrir
heimsþekktir spilarar og atvinnu-
menn í brids. Þá ber að geta árang-
urs sveitar Málningar sem endaði í
fimmta sæti og skorti aðeins 3 stig í
þriðja sætið en lokastaðan varð ann-
ars þessi:
Garðar og vélar 198
Sveit Simon Gillis 192
Sveit Steve Garner 178
Sveit Ralph Katz 176
Málning hf. 175
Skeljungur 173
Sparisjóður Siglufjarðar 172
Eins og áður sagði voru margir
heimsþekktir spilarar meðal þátt-
takenda. Þar á meðal Bretinn Tony
Forrester sem hefir komið nokkrum
sinnum á hátíðina sem nú var haldin í
24. sinn. Var hreint ótrúlegt að sjá
þennan þekkta spilara spila á einu af
neðstu borðunum í lokaumferðun-
um.
Í tvímenningnum sem lauk á laug-
ardagskvöld röðuðu útlendingarnir
sér fljótlega í efstu sætin og gáfu þau
ekkert eftir þar til yfir lauk. Aðeins
þrjú íslensk pör komust í tíu efstu
sætin en þar spiluðu Sævar Þor-
björnsson og Karl Sigurhjartarson
best okkar manna og enduðu í þriðja
sæti skammt frá pörunum sem náðu
toppsætunum. Sigurvegarar urðu
Daninn Lars Blakset og Svíinn Pet-
er Fredin, skemmtilegir spilarar en
Lars var að koma í ellefta sinn á
Bridshátíð og farinn að þekkja
sagnstíl landans nokkuð vel.
Lokastaða efstu paranna í tví-
menningnum:
Lars Blakset – Peter Fredin 892
Olav Ellestad – Björnar Halderaker 854
Sævar Þorbjörnss. – Karl Sigurhj. 827
Rune Hauge – Tor Hellnes 687
Steve Garner – Howard Weinstein 637
Fred Moen – Ingvar Erga 550
Erik Saalesminde – Jan Petter Svends. 510
Geoff Hampson – Curtis Cheek 510
Páll Þórsson – Kjartan Ásmundsson 493
Hrólfur Hjaltason – Ásgeir Ásbjörnss. 479
Þá voru veitt verðlaun heldri spil-
ara og þau fengu þekktir Bretar,
Silverstone og Dixon. Hæsta
kvennaparið var íslenskt þær Hrafn-
hildur Skúladóttir og Soffía Daníels-
dóttir og efsta parið sem karl og
kona skipuðu var Sigurður Sverris-
son og Hjördís Eyþórsdóttir ættuð
úr Sandgerði en hefir búið í Banda-
ríkjunum í fjölda ára og er atvinnu-
maður í brids.
Í lokin er vert að skoða spil úr 9.
umferð sveitakeppninnar og fylgjast
með sigurvegurunum í tvímenningn-
um þeim Lars og Peter. Sagt er að
Peter Fredin leggi alltaf mikið á
stöðuna og hér má sjá stíl þeirra.
Áttum er snúið til hagræðingar og
nokkuð frjálslega farið með smáspil-
in sem engu skipta.
Norður
♠G104
♥Á54
♦6
♣ÁK9765
Suður
♠Á98652
♥54
♦ÁG83
♣D
Suður hóf sagnir á tveimur spöðum
sem lofaði sexlit og 10–13 punktum.
Norður sagði 4 tígla og sýndi stuttlit
í tígli og spaðastuðning. Fredin í suð-
ur spurði þá um ása með 4 gröndum
og sagði 6 spaða þegar Blakset sagð-
ist eiga tvo.
Útspil andstöðunnar var hjarta og
nú fengu spilararnir fimm mínútna
hvíld sem Peter Fredin sagnhafi gaf
þeim vegna íhugunar. Ljóst er að
laufaliturinn verður að liggja 3-3 hjá
andstöðunni og Peter var fljótur að
spila eftir hugsunina. Hann drap út-
spilið með ás, spilaði laufi á drottn-
ingu, tók tígulás, trompaði tígul, tók
laufkóng og henti hjarta heima,
trompaði hjarta, trompaði tígul í
borði og tók laufaás og henti síðasta
tíglinum. Nú átti sagnhafi Á9865 í
spaða eftir á hendi og spilaði spaða-
gosanum úr borði. Austur setti lítið
og Fredin stakk upp ás. Þar með
tapaði hann spilinu þar sem hjónin í
spaða voru þriðju fyrir framan ásinn.
Góð hugsun en bæði gat annað
mannspilið verið blankt eða liturinn
2-2 hjá andstöðunni.
Keppnisstjórar í mótinu voru
Björgvin Már Kristinsson og Aron
Þorfinnsson. Mótsstjóri var Elín
Bjarnadóttir. Kristján B. Snorrason,
forseti Bridssambandsins, afhenti
verðlaun í mótslok ásamt hótelstjór-
anum á Loftleiðum frú Hildi Ómars-
dóttur.
Íslenskur sigur
í sveitakeppni
á Bridshátíð
Morgunblaðið/Arnór Ragnarsson
Sveit Garða og véla sigraði í sveitakeppninni á 24. Bridshátíð sem lauk nýliðinn mánudag. Frá vinstri: Rúnar
Magnússon, Sigfús Örn Árnason, Símon Símonarson og Friðjón Þórhallsson.
BRIDS
Umsjón Arnór G.
Ragnarsson