Morgunblaðið - 24.02.2005, Blaðsíða 49

MORGUNBLAÐIÐ FIMMTUDAGUR 24. FEBRÚAR 2005 49
MENNING
þjóðarátak um nýsköpun - námskeið á Akureyri
Á námskeiðinu er m.a. fjallað um eftirfarandi:
• Undirbúningur og stefnumótun.
• Helstu innihaldsatriði viðskiptaáætlunar.
Farið yfir helstu efnisatriði sem þarf að taka tillit til í vandaðri
viðskiptaáætlun.
• Umbúnaður og kynning viðskiptaáætlunar.
M.a. fjallað um aðferðir og tækni við að setja fram faglegar kynningar.
• Verkefni og æfingar eftir því sem tími leyfir.
Námskeið um gerð viðskiptaáætlana verður haldið í á Akureyri, mánudaginn
28. febrúar frá kl. 17:15 - 21:30. Staður: Borgir við Norðurslóð.
Fyrirlesari verður G. Ágúst Pétursson, verkefnisstjóri í Nýsköpun 2005, en auk
þess verður fulltrúi frá Íslandsbanka með stutt erindi.
Þátttökugjald er 9.500 kr. og er innifalin létt máltíð, leiðbeiningahefti um gerð
viðskiptaáætlana og önnur námsgögn.
Frestur til að skila inn
viðskiptaáætlun er
1. september 2005.
Skráning á námskeið:
www.nyskopun.is
SINFÓNÍUHLJÓMSVEIT Íslands
fær til sín sérstaka gesti á tónleikum
í kvöld, en þar er á ferðinni hinn
þýski Raschér-saxófónkvartett.
Kvartettinn mun leika konsert fyrir
fjóra saxófóna eftir tónskáldið Philip
Glass, sem samdi verkið sérstaklega
fyrir kvartettinn. Hann er ekki einn
um það, því að fleiri en 250 tónskáld
hafa samið fyrir kvartettinn allt frá
stofnun hans árið 1969. Meðlimir
hans í dag eru Bruce Weinberger,
Elliot Riley, Kenneth Coon og
Christine Rall.
Að sögn Sváfnis Sigurðarsonar,
upplýsingafulltrúa Sinfóníunnar, er
Raschèr-kvartettinn þekktur fyrir
einstaklega fallegan og samstilltan
hljóm, tæknilega fágun og kraft-
mikla túlkun á nýrri og gamalli tón-
list. „Það hefur til dæmis verið sagt
um flutning hans á umritunum á tón-
list eftir Bach að engu sé líkara en að
hljómur orgels og strengjakvartetts
bráðni þar saman.“ Þetta er önnur
heimsókn kvartettsins til landsins
en hann lék á tónleikum Sinfóníu-
hljómsveitarinnar fyrir áratug.
Annað verkið er Kárahnjúkar,
Sinfóníetta I eftir Jónas Tómasson,
sem segir verkið innblásið af ís-
lenskri náttúru og sé það að vissu
leyti saknaðaróður um land sem
hverfur undir vatn. Lokaverk tón-
leikanna er Prag-sinfónía Mozarts.
Raschér-kvartettinn kemur einn-
ig fram í Hallgrímskirkju á laugar-
daginn ásamt Mótettukórnum.
Morgunblaðið/Árni Sæberg
Raschér-saxófónkvartettinn ásamt Bernharði Wilkinson stjórnanda.
Saxófónkvartett
leikur með Sinfó
ÓPERAN Madame Butterfly eftir
Giacomo Puccini, þar sem Jón
Rúnar Arason fer með hlutverk
Benjamins Franklins Pinkertons,
hefur verið sýnd við mikla hrifn-
ingu og uppklapp áhorfenda í
óperunni í Nürnberg.
Þá hefur uppfærslan einnig feng-
ið mjög lofsamlega dóma í þýskum
dagblöðum og Jón Rúnar Arason
einnig.
Þannig skrifar NZ Feuilleton að
undir stjórn Kerstin Mahler Pöhler
sé Pinkerton eins
og sjálfumglatt
og ólífsreynt
barn; hann
bregði hinni
framandi menn-
ingu utan yfir
einkennisbúning-
inn eins og
skikkju.
Jón Rúnar
Arason leiki þennan tilfinningaríka
stirðbusa með rómantísku ívafi og
nái hápunkti sínum í söngnum í ást-
ardúettnum í enda fyrsta þáttar
óperunnar.
Abendzeitung segir Jón Rúnar
Arason í hlutverki Pinkertons
gjarna vilja fara yfir í kossa og
faðmlög að lokinni giftingarserem-
óníunni en geti á trúverðugan hátt
fullvissað aðra um að það hafi hann
ekki haft í huga, grófkorna rödd
Jóns Rúnars hans hjálpi honum að
renna saman við persónu Pinker-
tons.
Jón Rúnar Arason fær góða dóma
fyrir Madame Butterfly í Þýskalandi
Jón Rúnar Arason
SÝNING norsku listakonunnar
Tonje Strøm, Næturhöfuð, sem nú
stendur yfir í Norræna húsinu,
fjallar um þjáningu, morðæði og
harmleik sem stríð valda, svo ég vitni
í greinagerð Gro Kraft um verk lista-
konunnar. Uppistaða sýningarinnar
eru málverk. Hráir litir, grátónaðir
út í svart, smurt með krafti á pappír
og plötur sem sumar hverjar eru
tættar og rifnar eða hanga skakkar
og bognar á veggnum. Þetta er
„pönkað“ málverk. Dálítið einhæft
malerískt séð enda eins og holdgerv-
ingur nýja expressjónismans, sem
mér hefur nú ekki þótt eldast sérlega
vel. Ekki ósvipað og pönkið. Þeir sem
lifðu það af fást nú við fágaðri tónlist
þótt pönkið hafi á sínum tíma verið
frábært. Nýi expressjónisminn lenti í
raun í sömu krísu. Hráleikinn sem
einkenndi málverkið snemma á ní-
unda áratugnum var einfaldlega of
takmarkaður og þegar á leið komu
fram klisjur innan myndmálsins. Má
láta slíkar klisjur pirra sig í nokkrum
af málverkum Tonje, en það má líka
vel horfa framhjá þeim því málið
snýst frekar um að skapa heildar-
mynd með málverkunum en að mað-
ur laðist að einstökum myndum.
Maður kemur inn og við blasir mál-
verk með orðunum Natt hoder (Næt-
urhöfuð) og við hlið þess er stórt mál-
verk á viðarplötu þar sem mótar fyrir
barnshöfði. Á gólfinu fyrir framan
þau er svo opinn ferningur með visn-
uðum blómum og fötum innanborðs.
Þessi verk virka sem altari sýningar-
innar eða þungamiðja hennar og út
frá þeim mótast svo heildin. Það síg-
ur vissulega einhver stríðsdrungi á
mann á sýningunni, dauði og þjáning.
En það hefur með undirliggjandi til-
finningu að gera en ekki skýrt mynd-
efni og maður getur þ.a.l. sett tilfinn-
inguna í hvaða samhengi sem er. Að
því leytinu er sýningin vel heppnuð.
Morgunblaðið/Árni Sæberg
Frá sýningu norsku listakonunnar Tonje Strøm, Næturhöfuð, sem stendur yfir þessa dagana í Norræna húsinu.
Stríðsmyndir
MYNDLIST
Norræna húsið
Opið alla daga nema mánudaga kl. 12–
17. Sýningu lýkur 6. mars.
Tonje Strøm
Jón B.K. Ransu
MARGT ungt fólk vill tjá sig um
sjálft sig í nútímanum, um samtíma
sinn, umhverfi og annað fólk. Margir
vilja getað hlegið að fullorðinsbrölt-
inu í sjálfu sér en vilja líka staldra
við og hlusta eftir sannleikanum.
MR-ingar hafa nú sett upp leikrit frá
1997 sem fjallar um ung brúðhjón,
leikrit sem gerir góðlátlegt grín að
samtímanum og alveg sérstaklega
að því sem sumir kalla eftirlíkingu af
bandarísku brúðkaupsstandi. Sýn-
ingin er nákvæm og falleg með áber-
andi heildarsvip og í aðalhlutverk-
unum eru sterkir leikarar.
Valur Freyr Einarsson leikstjóri á
greinilega erindi sem leikstjóri en
það sést helst á því að heildarbragur
sýningarinnar er jafn og nákvæmur
og hefur hann auk þess náð heil-
miklu út úr leikurunum. Það er ekki
oft sem hægt er að tímasetja inn-
komur og atriðaskipti jafn vel og
hann hefur gert, sérstaklega ekki í
verki sem er byggt upp á mörgum
stuttum atriðum og hraða og þar
sem leikhópurinn telur tugi manns.
Til viðbótar er ekki heiglum hent að
fara svo ört milli tímaskeiða sem
raun ber vitni. Sviðið í Tjarnarbíói
er lítið en Valur hefur nýtt það vel
og salinn að auki. Þess er ekki getið í
leikskrá hver hannar leikmyndina
en hún er mjög skemmtileg og ein-
föld þar sem hún hjálpar leikurunum
að njóta sín betur og er notuð í lokin
til þess að koma
áhorfendum á
óvart. Lýsingin
er einnig órjúfan-
legur hluti af leik-
myndinni. Bún-
ingarnir eru í
sama stíl, léttir
og skemmtilegir,
í rómantískum og
glaðlegum litum.
Einnig er vel til
fundið að skreyta anddyrið eins og
brúðkaupssal og hafa eins konar for-
leik að sýningunni þar.
Því miður er ekkert skrifað um
leikritið sjálft og höfundinn í fallegri
leikskránni en það vill alltof oft
brenna við hjá framhaldsskólaleik-
félögum að útlit leikskrár er á kostn-
að innihaldsins. Það þarf að útskýra
fyrir áhorfendum hvernig svona
leikrit hefur orðið til. Þetta er
spunaverk frá 1997 sem Árni Ibsen
samdi fyrir Nemendaleikhúsið í
samvinnu við Hafnarfjarðarleik-
húsið. Verkið varð vinsælt þá, ekki
síst vegna þess að þá voru hin stór-
brotnu brúðkaup að verða svo vin-
sæl með öllum þeim undirbúningi
sem fylgdi, þar með talin steggja- og
gæsapartí með tilheyrandi fylleríum
sem gerð eru góð skil í verkinu. Vin-
sældir sýningarinnar fyrir átta árum
voru þó einnig vegna þess að leik-
ararnir mótuðu sínar persónur sjálf-
ir að miklu leyti en margar þeirra
eru eftirminnilegar. Hjá Herranótt
gerist það þess vegna nú að allar
aukapersónurnar verða nokkuð lit-
lausar, sennilega af því að leikarana
vantar forsendur til að vinna með.
Þetta er þó smáatriði, það má hafa
reglulega gaman af sýningunni af
því að hún er bæði falleg og fjörug.
LEIKLIST
Herranótt
Höfundur: Árni Ibsen. Leikstjóri: Valur
Freyr Einarsson. Ljósahönnun: Jón Þor-
geir Kristjánsson. Búningahönnun: Edda
Ívarsdóttir og fleiri. Tónlistarflutningur:
Ragnar Jón Ragnarsson.
Frumsýning í Tjarnarbíói 14. febrúar
2005.
Að eilífu
Hrund Ólafsdóttir
Valur Freyr
Einarsson