Morgunblaðið - 05.03.2005, Síða 4

4|Morgunblaðið
Sæmundur Rögnvaldsson hefur meira en
nóg að gera. „Ég hef varla tíma til að
læra. Ég æfi badminton og borðtennis og
síðan hef ég lært á trompet síðan ég var
sex ára og því fylgir tónfræði og lúðra-
sveitaræfing.“
Sæmundur er nemandi í Valhúsaskóla
og ætlar að fermast í Seltjarnarneskirkju
13. mars, eftir hádegi.
Hann er einn heima þegar hann tekur
á móti blaðamanni, sem er líklega sjaldan
því hann á þrjú systkini og mikið líf er á
heimilinu.
„Þetta er eini vikudagurinn sem ég á
frí eftir skóla og þá er ég einn heima,“
segir hann.
Guðfræði og heimspeki líkar
– Hefurðu tíma til að læra fyrir ferm-
ingarfræðsluna?
„Það er ekkert að læra. Við komum
bara til prestsins og hann spjallar við
okkur um Jesú, verkin hans og Guð, einn-
ig um kærleika og fyrirgefningu. Svo lær-
um við um lífið, erfiðar ákvarðanir og
hvernig á að fyrirgefa. Þetta er svona
smá heimspeki, enda eru guðfræði og
heimspeki mjög líkar greinar. Fyrir jól
lærðum við mest um Jesú og nú eftir jól
erum við meira að tala um heimspeki og
vinnum athyglisverð verkefni upp úr
bók.“
– Hvort er skemmtilegra?
„Mér finnst eiginlega skemmtilegra
núna. Um daginn gerðum við verkefni um
fólk var statt uppi á heiði þar sem mikill
bylur kom, og björgunarsveitin gat
bjargað öllum nema sjö manns. Við áttum
að velja fólk úr hópnum til að skilja eftir
á heiðinni. Mér fannst mjög gaman að
pæla í hverjum maður ætti að bjarga og
ekki. Sumir eins og nasistar eiga kannski
skilið að deyja. Svörin eftir hópunum
voru mjög mismunandi. Ég var mjög
ósammála einum hópnum sem vildi skilja
eftir samkynhneigðan gaur. Samfélagið
hefur þróast einhvern veginn þannig að
það eru mjög miklir fordómar gagnvart
samkynhneigðu fólki, sem ég skil ekki.
Við í mínum hóp völdum fólk eftir því
hverjir gætu mögulegast lifað af og hjálp-
að öðrum að lifa af. Sumir voru t.d. úti-
vistarmenn og aðrir verkfræðingar. Þeir
ættu einfaldara með að redda sér en hin-
ir.“
– En á einhver skilið að deyja?
„Nei, auðvitað á enginn skilið að deyja.
Samt hugsum við oft þannig. Það er held
ég einn af göllum okkar mannanna. Mað-
ur hugsar kannski að mann langi til að
einhver deyi af því að hann hefur jafnvel
myrt einhvern fjölskyldumeðlim. En ef
hann lægi svo bundinn fyrir framan
mann og maður hefði hníf í hendi, myndi
maður drepa hann? Ég held ekki. Ég
held að það sé í eðli mannsins að hugsa til
hefnda, en svo þegar á hólminn er komið
er það ekki svo einfalt. Nema maður sé
eitthvað bilaður.“
Trúir mjög mörgu í Biblíunni
– Kom þér eitthvað á óvart í ferm-
ingarfræðslunni t.d. um Jesú?
„Nja … þegar ég las Da Vinci lykilinn,
já,“ svarar Sæmundur eftir smá umhugs-
un. Það er rosalega góð bók. Ég trúi al-
veg sumu sem stendur um Jesú í bókinni,
en þetta eru mest skemmtilegar kenn-
ingar. Eftir að hafa lesið bókina vissi ég
ekki lengur hvort ég ætti að láta ferma
mig kirkjulega eða borgaralega. Sam-
kvæmt bókinni hefur Biblíunni verið
breytt á alls konar vegu.“
– Af hverju ákvaðstu svo að fermast
inn í kristna kirkju?
„Af því að ég er skírður og þegar ég fór
að hugsa málið þá er það sem stendur í
bókinni alls ekki allt satt. Svo finnst mér
ekki nógu spennandi að fermast í Há-
skólabíói.“
– Trúirðu á Guð?
„Já, ég trúi á Guð,“ segir Sæmundur
og tekur sér tíma til að hugsa. „Ég sé
hann fyrir mér sem mann með langt hvítt
skegg sem situr í hásæti,“ segir Sæ-
mundur og brosir, „stundum sé ég hann
sem einhvern anda.“
– Og skapaði hann heiminn?
„Það eru miklar pælingar í þessu. Ég
veit ekki hvort ég trúi því. Það er eins og
með svo margt annað, þá stundum trúir
maður því og svo allt einu skiptir maður
um skoðun.“
– Trúir þú flestu sem stendur í Biblí-
unni?
„Það er ekki hægt að trúa alveg öllu,
en samt mjög mörgu. Það eru hins vegar
til mörg guðspjöll sem ættu að vera í
Biblíunni. En maður veit aldrei fyrir víst
hvað vantar í Biblíuna.“
– Finnst þér þú sjá lífið öðrum augum
eftir fermingarfræðsluna?
„Já, það er mikið af hlutum sem ég
pæli öðruvísi í núna, þótt ég opinberi það
kannski ekki alltaf. En það er svo mikið
sem ég er að hugsa og pæla.“
Gaman að syngja
og lesa þykkar bækur
– Muntu gera eitthvað við fermingar-
athöfnina?
„Nei, ég held ekki, en allir þurfa að að-
stoða einu sinni við messu, og ég las ný-
lega upp ritningargrein í útvarpsmessu
ásamt vini mínum. Það var alveg gaman.
Það var búið að finna flottan texta handa
okkur, því það hefði orðið of mikið vesen
að fara að velja úr allri Biblíunni, það er
of mikið efni.“
– Já, Biblían er þykk.
„Það er gaman að lesa þykkar bækur.
Ég er að lesa Hringadróttinssögu í annað
skipti núna.“
– Ætlarðu að lesa Biblíuna einhvern
tímann?
„Ja, ég veit það ekki. Ég get ekki ekki
sagt til um hvað ég ætla að gera í fram-
tíðinni.
– Ertu búinn að ákveða hvað þú ætlar
að verða þegar þú ert orðinn stór?
„Það er svo margt sem kemur til
greina.“
– Tónlistarmaður?
„Já, og nú er ég t.d. að taka þátt í Sam-
fés. Ég söng Don’t Worry Be Happy eftir
Bobby McFarren án nokkurs undirleiks
og fékk mjög góðar undirtektir og komst
í úrslit. Svo er ég að fara að taka þátt í
uppfærslu á söngleiknum Moulin Rouge.
Ég veit ekki enn hvaða hlutverk ég fæ, en
ég veit að ég fæ hlutverk,“ segir Sæ-
mundur sem er alvanur að koma fram og
skemmta fólki.
– Kvíðir þú fyrir úrslitakvöldinu?
„Nei, það verður bara eins og á undan-
úrslitunum. Ég kveið mjög mikið fyrir
þegar ég var að bíða eftir því að stíga á
svið, en svo var það bara æðislegt. Allir
klöppuðu með og það var rosa gaman.“
– Finnst þér þú orðinn fullorðinn?
„Nei, ekki alveg. Maður verður bara
fullorðinn á vissu stigi. Maður verður full-
orðinn innan í sér á misjöfnum aldri.
Sumir í áttunda bekk og aðrir ekki fyrr
en þeir verða sextán ára eða jafnvel eldri.
Maður getur aldrei vitað hvenær maður
verður fullorðinn.“
– Hefurðu pælt mikið í öðrum trúar-
brögðum?
„Ég veit heilmikið um önnur trúar-
brögð. Einu sinni var ég með æði fyrir
búddisma, og las nokkrar bækur um
hann. Það er mjög áhugavert að lesa um
annað en það sem við trúum. Svo hafði ég
einnig mikinn áhuga á ásatrú, en ég hef
hins vegar aldrei hugsað mér að skipta
um trú. Ég vildi bara kynna mér önnur
trúarbrögð.“
– Hver vegna finnst þér flestir krakkar
vera að fermast?
„Af því að þau langar til þess. Ég held
að mjög fáir séu að láta ferma sig fyrir
pakkana, kannski einhverjir en mjög fá-
ir,“ svarar Sæmundur hiklaust.
– En verður ekki gaman að fá pakka?
„Jú, það er alltaf gaman að fá pakka,
en það er ekki það sem fermingin snýst
um. Ekki frekar en jólin snúast um pakk-
ana eða páskarnir um páskaegg.“
– Hvað viltu fá út úr fermingunni?
„Ekkert meira en að fermast og stað-
festa mína trú,“ segir Sæmundur að lok-
um og er áreiðanlega farinn að æfa sig á
trompetið eða búinn að sökkva sér ofan í
þykka bók um leið og blaðamaðurinn
hverfur út um dyrnar.
Mikið að pæla og hugsa
Sæmundur hefur lesið um Jesú í Da Vinci lyklinum, kynnt sér búddisma og
ásatrú. „Ég vil fermast og staðfesta mína trú,“ segir hann.
Morgunblaðið/Árni Sæberg