Morgunblaðið - 05.03.2005, Side 22

22|Morgunblaðið
„STÓRIR glampandi, fallegir steinar einkenna skart-
gripatískuna í ár,“ segir Axel Eiríksson, sem rekur skart-
gripaverslun í Mjóddinni. Hann segir margar steinategundir
koma til greina, meðal annars svonefnda cirkonia-steina.
Slíkir steinar séu mun ódýrari en demantar, en auðvitað
standi demantar alltaf fyrir sínu.
Axel segir t.d. hringa með stórum steinum vinsæla. „Stein-
arnir eru alltaf að verða stærri frekar en hitt,“ segir hann.
Einnig þyki flott að hafa litla steina meðfram stóra stein-
inum. Spurður út í litina segir hann: „Bleiki liturinn er ráð-
andi þessa stundina, t.d. ljósbleikur. Einnig er mikið um aðra
ljósa liti, s.s. ljósbláan og hvítan.“
Hann segir ekki bara vinsælt að hafa steina á hringum,
heldur einnig á armböndum, á eyrnalokkum og á háls-
menum. Þannig sé t.d. mikið um hálsmen með krossa og
hjörtu alsett glitrandi steinum.
Ekki megi heldur gleyma úrunum. „Nú er í tísku að hafa
steina allan hringinn í kringum skífuna,“ segir hann. Úrin
eru þannig ekki bara úr heldur einnig áberandi og flottir
skartgripir.
Axel segir að þessi tíska eigi við um alla aldurshópa
kvenna; fermingardömurnar, mömmurnar og ömmurnar.
En hvað um karlana, ganga þeir ekki með skartgripi?
„Jú,“ svarar hann. „Karlar kaupa sér herrahringi og arm-
bönd. Síðustu árin hefur til dæmis verið vinsælt meðal þeirra
að kaupa armbönd úr stáli eða silfri, þó auðvitað sé alltaf
miklu, miklu meira um það að konur gangi með skartgripi.“
Morgunblaðið/Golli
Stórir og
glampandi steinar
Eddufelli 2 – Bæjarlind 6
s. 557 1730 – s. 554 7030
Opið mán.-fös. frá kl. 10-18 – lau. frá kl. 10-16
Glæsilegur
fatnaður fyrir
ferminguna