Morgunblaðið - 05.03.2005, Qupperneq 46

46|Morgunblaðið
„Annars gefst ekki tími fyrir ljósmynd-
arann að vinna með einstaklinginn. Best er
að koma svona hálfum mánuði fyrir ferm-
ingardaginn, og vera þá kominn með
myndirnar í veislunni. Ég legg áherslu á
að krakkarnir fái myndir sem þeim finnst
flottar og sýna hver þau eru. Þá finnst
þeim líka gaman að sýna myndirnar og
það er upplagt fyrir þá að nota þær til að
brjóta ísinn við einhverja frænku sem þau
þekkja lítið sem ekkert. Svo er líka sniðugt
að hafa mynd í ramma hjá gestabókinni.“
Eðlilegri fermingarmyndir
Sissa segir að margt hafi breyst í ferm-
ingarmyndatökum á undanförnum árum
og nú séu ekki nema tvö eða þrjú ferm-
ingarbörn á ári sem vilji láta mynda sig í
kyrtlinum.
„Flestir láta sér nægja að vera í kyrtl-
inum á hópmyndinni í kirkjunni. Þau vilja
láta mynda fermingarfötin, og koma síðan
með tvenn önnur föt eins og venjuleg
skólaföt og jafnvel ballföt.
Flest hafa þann háttinn á að þau fara í
prufugreiðslu og svo til ljósmyndarans, og
þannig geta fermingarmyndirnar verið til-
búnar á fermingardaginn sem þeim finnst
mjög skemmtilegt. Ef greiðslurnar eru of
miklar tek ég þær eitthvað niður eftir að
búið er að mynda þau í fermingarfötunum.
Það kemur ekki nógu vel út að vera í galla-
buxum og bol með uppsett hár,“ útskýrir
Sissa brosandi.
Myndir sem
brjóta ís
„Það er mjög gott að vera búinn að taka fermingar-
myndirnar fyrirfram því það er í nógu að snúast á
fermingardaginn sjálfan,“ segir Sissa ljósmyndari og
talar af reynslu.