Morgunblaðið - 05.03.2005, Síða 54

54|Morgunblaðið
„Ég fékk að ráða langflestu sem boðið
verður upp á í fermingarveislunni
minni,“ segir Ásta Maack, sem fermist
12. maí í Dómkirkjunni. „Mamma bætti
við grænmetisturni, tómatpinnum og
kókosrækjum. Ég valdi lítil skinkuhorn,
kokteilpylsur, ostabakka, brauðtertu,
heitu lifrakæfuna hennar ömmu Ástu,
upprúllaðar pönnukökur frá ömmu á
Nesinu, en mér finnst kransakaka ekki
góð, frekar vil ég hnetuhröngl,“ segir
Ásta ákveðin.
Á heimili Ástu er hluti af manndóms-
vígslunni sem fermingin er að taka þátt
í undirbúningi veislunnar, svo Ásta fékk
líka að ráða borðskreytingunni og gesta-
listanum. „Ég býð fjölskyldunni og
þremur vinkonum mínum, við verðum
um 45 manns. Ef mamma fengi að ráða
kæmu miklu fleiri.“
Ásta heldur ræðu í veislunni sinni sem
annars fer mest fram við langborð í
borðstofunni þar sem allir gestirnir sitja
saman, syngja, borða og blanda geði.
„Þetta verður óskaveislan mín,“ segir
Ásta ánægð.
– En ætlarðu að hjálpa til við mat-
arundirbúninginn er nær dregur?
„Já, alveg helling. Ég get sett kokteil-
pylsur á pinna,“ segir Ásta brosandi,
„útbúið ostapinnana og jafnvel stungið
einhverju inn í ofn,“ segir hún og fer að
hlæja.
Ásta vonast til að fá japanska ferm-
ingargjöf, helst kimono, því foreldrar
hennar eru í för til Japans. Ekki að hún
ætli að fermast í honum, hún fær lán-
aðan kjól sem fékkst í Elm í fyrra og
nýja rauða flotta skó, sem mamma
hennar segir að allt annað í veislunni
miðist við, þetta verði rauð stelpuleg
veisla.
Grænmetisturninn
Þetta er baka með sloki og 4 lögum af
krydduðu grænmeti, þunnum eggjakök-
um og bráðnum osti. Hann er bestur
bakaður samdægurs en þarf að kólna að
stofuhita fyrir framreiðslu. Miðað er við
að hita mest af vökvanum úr grænmet-
inu en raða saman mismunandi bragð-
tegundum og litum til hátíðabrigða. Fyr-
ir 8 manns.
1 pk frosið smjördeig
3 rauðar paprikur
2 pokar af ferskt spínat eða 2 pk fros-
ið spínat
2 sm engiferrót
250 g ferskir sveppir
2 hvítlauksrif
4 egg
300 g rifinn frekar magur ostur
Hveitijafningur með múskati
Spínatið er soðið í 2 mín, síðan síað og
þurrkað með eldhúspappír, saxað smátt,
engiferrót rifin saman við og vökva hellt
frá.
Paprikurnar eru hreinsaðar, helming-
arnir eru ristaðir að utan undir grilli í
10 mín og stungið í plastpoka í 10 mín
til að klára suðuna. Fletta ysta hýðinu
af. Paprikurnar eru hakk-
aðar í hnífakvörn.
Sveppir eru skornir í
sneiðar og söxuð hvít-
lauksrifin steikt með þeim
í smjöri. Hellið vökvanum
af.
Sláið eggin saman með
gaffli, saltið og steikið í
tvennu lagi og lagið tvær
þunnar eggjakökur í
pönnu, um 20 sm í þver-
mál og geymið eins og
pönnukökur.
Lagið þykkan hveiti-
jafning úr 1 msk af
smjöri, 2 msk af hveiti og
1 bolla af mjólk eða soðinu af grænmet-
inu og kryddið með múskati.
Allt ofantalið má undirbúa fyrirfram.
Þá er smjördeigið flatt út og notað til að
klæða 20 sm spring-form bæði á botni
og hliðum þannig að deigið nái 1-2 sm
upp fyrir brúnir. Setjið smjörpappírsörk
innan í formið svo vökvi renni ekki niður
í ofninn.
Staflað öllu innihaldinu upp í þunnum
lögum til skiptis, t.d: lag af rifnum osti,
önnur ommelettan, helmingurinn af
spínati, jafningur, helmingur papriku-
mauks, allir sveppirnir, og afgangur í
lögum.
Lok af smjördegi er lagt yfir og turn-
inum lokað með því að klípa saman
jaðra loksins og hliðanna. Gerið nokkur
göt með hnífsoddi í þakið svo vökvi geti
gufað upp. Bakan er pensluð með eggi
og bökuð við 190°C í 50 – 60 mín eða þar
til hún er gullinbrún. Látið standa og
stífna þar til stofuhita er náð.
Hnetuhröngl
1 bolli púðursykur
rifinn börkur af 4 appelsínum og
1 sítrónu
100 g valhnetur
100 g möndluflögur
safi úr ½ appelsínu
200 g smjör
½ bolli hveiti
2 tsk kanill
½ tsk kardemomma
Deigið hnoðað og rúllað út í 2 sívalar
lengjur sem er um 2,5 sm í þvermál.
Kælt yfir nótt. Skerið í skífur um ½ sm
að þykkt.
Kökurnar renna út og tvöfaldast að
stærð og verða þunnar í jaðrana. Þær
eru bakaðar við snarpan hita (200 –
220°C) í 10–15 mín, látið jaðrana ekki
brenna. Þegar kökurnar eru teknar út
ofninum er þær látnar kólna í 20–30 sek-
úndur en síðan færðar snarlega yfir á
eitthvað sívalt, hér notum við kústsköft
sem liggja milli tveggja borða! Þær
sveigjast niður á meðan þær eru heitar
og verða eins og litlar stökkar hrjúfar
hraunslettur sem ilma af appelsínum og
karamellum.
Kókosrækjur
fjórðungur úr lárperu
hálft greipaldin
10 rækjur
2 msk ristað kókosmjöl
Greipið er skorið þvert yfir og kjötið
losað með því að bregða hnífi með fram
hverju rifi í greipinu, bæði til hliðanna
og meðfram berkinum og hnífsoddinum
lyft í átt að miðjunni. Þá lyftast bátarnir
upp úr nokkuð heilir. Greipbitunum,
rækjunum og lárperunni blandað saman
og ristuðu kókosmjöli stráð yfir. Gott er
að hafa auka kókosmjöl í skál við blönd-
una. Uppskriftin miðast við einn gest.
Morgunblaðið/Árni Sæberg
Ásta og foreldrar hennar, Finnur Árnason og María Hildur Maack, fá sér saftblöndu úr sólberjasaft, sítrónusódavatni og eplasí-
der, sem bæði börnum og fullorðnum finnst gott og fallegt að drekka.
Rautt og
stelpulegt
í stíl við
skóna
„Ávaxtasalat verður borið fram með
rósasírópi sem angar af sumri um allt
hús,“ segir María Hildur sem á heiðurinn
af sírópinu.
Grænmetisturninn góði.