Morgunblaðið - 03.04.2005, Síða 40

40 SUNNUDAGUR 3. APRÍL 2005 MORGUNBLAÐIÐ
MINNINGAR
✝ Arnar ÖnfjörðBjörgvinsson
fæddist á Akureyri
11. apríl 1943. Hann
lést á líknardeild LSH
20. mars síðastliðinn.
Foreldrar hans voru
Björgvin Friðrik
Björgvinsson, klæð-
skeri frá Flateyri, f.
3.6. 1920, d. 9.7. 1978,
og Arnfríður Jóns-
dóttir frá Dalvík, f.
15.8. 1921, d. 3.11.
1998. Arnar var 12
ára þegar hann flutt-
ist ásamt foreldrum og systkinum
til Reykjavíkur. Systkini Arnars
eru þrjú: Jón Elvar, Guðbjörg og
Ágúst.
Arnar eignaðist fimm börn. Þau
eru: Björgvin, f. 3.11. 1963; Krist-
björg, f. 18.6. 1965; og
Sigrún, f. 4.8. 1966.
Arnar kvæntist 11.
september 1966 Ásu
Jóhannsdóttur frá
Skagaströnd. Þau
skildu. Synir þeirra
eru Arnar Jóhann, f.
4.1. 1967, og Jón, f.
5.9. 1970. Arnar eign-
aðist fjórtán barna-
börn.
Arnar vann ýmis
störf, m.a. hjá Slátur-
félagi Suðurlands í
Austurveri til margra
ára, á sjó hjá Landhelgisgæslunni
og á fraktskipum, var bílstjóri hjá
H. Ben. – Nóa-Síríusi. Hann var
sjúklingur síðustu árin.
Útför Arnars var gerð frá Dóm-
kirkjunni 31. mars síðastliðinn.
Elsku pabbi minn, hetjan mín, það
er svo erfitt að setjast niður og skrifa
til þín, því ég er svo ósáttur við að þú
sért farinn frá okkur, það var svo
mikið líf eftir í þér. Það var líka svo
margt sem við áttum eftir að ræða
um, ég átti svo margt eftir að spyrja
þig um, ég var einfaldlega engan veg-
inn tilbúinn að sleppa þér frá mér. En
þú gafst mér svo ótrúlega mikið þenn-
an stutta tíma sem þú barðist hetju-
lega gegn þessum hræðilega ógnvaldi
sem tók þig frá okkur að lokum. Það
var aldrei að heyra á þér að þú ætlaðir
að láta undan, þú vissir alveg hvað þú
þurftir að gera til að buga hann, eins
og við töluðum um nokkrum sinnum,
og það var einfaldlega að vera þú
sjálfur … jákvæður, opinn, glaður og
bjartsýnn og alls ekki að leggjast í
þunglyndi og sjálfsmeðaumkun. Þú
lengdir svo sannarlega tímann þinn
og gafst manninum með ljáinn langt
nef lengi vel, þú komst okkur öllum á
óvart, fjölskyldunni, læknunum og
hjúkrunarfólkinu. Það var svo gott að
koma til þín, það var svo góður andi
allt í kringum þig að maður gleymdi
alveg stað og stund. Um leið og ég
labbaði inn til þín, þá var ekkert ann-
að í heiminum til nema það sem var
innan þeirra veggja, það var eins og
að vera Palli einn í heiminum, en með
þeirri undantekningu að það var ann-
ar Palli á staðnum, nefnilega þú, og
alltaf tókstu á móti mér með breiðu
brosi og byrjaðir alltaf á að segja: „Já,
fáðu þér nú kaffið góða og taktu einn
bolla fyrir mig í leiðinni, 2 skeiðar
sykur og smá mjólk.“ Þessu var svo
skolað niður með nokkrum (mörgum)
Dajm-molum, að sjálfsögðu, og svo
töluðum við um allt milli himins og
jarðar. Ég komst meðal annars að því
af hverju þú héldir með Ferrari en
ekki MacLaren, eins og við bræðurn-
ir, og það átti rætur að rekja til þess
tíma sem þú vannst hjá H. Ben og
ákveðins olíumerkis sem tengdist því
fyrirtæki.
Þessar síðustu vikur sem ég náði að
upplifa með þér hafa verið einhverjar
mínu bestu stundir, stundir sem ég
hef sárt saknað allt mitt líf, en ég veit
að ég á eftir að búa lengi að þeim …
þessum yndislegu stundum sem þú
gafst mér og miðlaðir til mín visku
bæði meðvitað sem og ómeðvitað. Ég
sé lífið í dag í allt öðru ljósi en ég
gerði, ég sé núna hver forgangsröðin
á að vera og hversu mikilvæg fjöl-
skyldan er og það er þér að þakka,
elsku pabbi minn. Ég veit ég kem
ekki til með að þurfa að hafa áhyggjur
af þér þegar þú kemst á loka-áfanga-
staðinn, því þar bíða Björgvin afi og
Arna amma.
Elsku Gugga frænka, hin hetjan
mín, þú varst stoð hans og stytta alla
tíð, frændur mínir góðu Nonni og
Gústi, ég votta ykkur mína dýpstu
samúð og sömuleiðis systkinum mínu
kæru, Kiddý, Sigrúnu, Arnari og Jóni
og öllum barnabörnunum hans
pabba,14 að tölu.
Mig langar að lokum að þakka öllu
starfsfólki líknardeildarinnar fyrir
þess frábæra og óeigingjarna starf og
hversu yndisleg þið voruð við pabba,
hann talaði margoft um það.
Ég kveð þig þá, elsku pabbi minn, í
hinsta sinn, en ég vil að þú vitir að ég
elska þig og sakna þín svo mikið. Þú
munt alltaf eiga stóran stað í hjarta
mínu og ég veit að þú átt eftir að
fylgja mér í hverju skrefi í framtíð-
inni.
Blessuð sé minning þín, yndislegi
pabbi minn,
Þinn sonur
Björgvin.
Nú hefur pabbi yfirgefið þennan
heim eftir ósigur í baráttunni við
krabbamein. Ég minnist hans sem ró-
legs og dagfarsprúðs manns sem var
gott að heimsækja og tala við.
Við bræðurnir áttum heima á
Skagaströnd og fórum stundum til
pabba í heimsókn til Reykjavíkur.
Það var svo gaman því hann gaf sér
tíma að koma í tindátaleik og leika við
okkur. Hann vann um tíma hjá Nóa-
Síríusi og það var nú stuð þegar hann
sendi okkur kassa af góðgæti norður.
Svo minnist ég einnig þess að aðal-
spenningurinn var að opna jólapakka
frá pabba því hann gaf svo spennandi
gjafir. Ég á enn tölvuspil sem hann
gaf mér og í fermingargjöf fékk ég
segulband og í því var spóla sem hann
hafði talað inn á.
Pabbi átti ekki auðvelda ævi en
hann hafði alltaf tíma til að spjalla við
mig og hann var alltaf með á hreinu
hvenær fólkið hans átti afmæli hvort
sem það voru börn, tengdabörn eða
barnabörn.
Pabbi átti kisu sem hann kallaði
Pjakk, stórskrýtinn kött, en Pjakkur
faldi sig alltaf í smástund bakvið
gluggatjöldin áður en hann leyfði
manni að klappa sér.
Til marks um það hvað hann vildi
ekki valda öðrum ama þá vildi hann
ekki láta okkur fjölskylduna vita
hversu veikur hann væri fyrst um
sinn því honum fannst við hafa gengið
í gegnum nóg, og svo var hann alltaf
bara hress á spítalanum. Hann lá síð-
ustu vikurnar á líknardeild Kópavogs
þar sem frábært hjúkrunarfólk hugs-
aði um hann. Hann var alltaf með
bros á vör þegar við heimsóttum hann
þangað og bar ekki á því að hann væri
þjakaður af krabbameini. 19. mars sl.
átti hann yndislegan dag, hann fékk
mikið af heimsóknum, börn, systkini
og móðursystur hans náðu að koma.
Hann spjallaði um formúluna við
strákana sína og var bara kátur.
Morguninn eftir lést hann.
Megir þú hvíla í friði, elsku pabbi.
Jón Arnarsson og fjölskylda.
Elsku afi, þú fórst alltof snemma
frá okkur. Það hefði verið gaman að
heimsækja ykkur Pjakk áfram.
Nú ert þú orðinn engill sem gætir
okkar allra, afabarnanna þinna. Við
komum til þín stuttu áður en þú fórst
og kvöddum þig. En við héldum að við
mundum koma til þín aftur. Nú líður
þér vonandi betur. Við biðjum góðan
Guð að gæta þín. Kær kveðja frá okk-
ur öllum hérna heima. Bless, elsku
afi.
Alexander Ingi og Arna Sigríður.
Elsku Arnar bróðir. Mikið er sárt
og erfitt að þú skulir vera farinn frá
okkur. Krabbameinið hafði betur þó
að þú byðir því byrginn og ætlaðir
ekki að gefast upp fyrir þeim sjúk-
dómi. Þú sagðist vera á líknardeild-
inni til að safna kröftum til þess að
berjast við þennan óvin aftur og ná
kröftum á ný. Þó svo á fundum með
læknunum væri búið að segja okkur
að þú færir ekki heim varstu alltaf á
leiðinni heim á þitt fallega nýja heim-
ili og til Pjakks.
Þú ert nú kominn heim í faðm for-
eldra okkar. Þú varst einfari og ekki
mikið fyrir mannamót eða fjölskyldu-
veislur en það breyttist hjá þér síð-
ustu árin þín eftir erfiðan öldugang í
þínu lífi. Þú varst kominn á lygnan
sjó, sáttur og ánægður.
Síðustu árin eyddir þú ávallt að-
fangadagskvöldi hjá mér og strákun-
um mínum. Síðustu jól voru sérstak-
lega minnisstæð. Þér lá ekkert á
heim, það var fjölmennt hér og barna-
börnin með. Þér fannst svo gaman í
öllu pakkaflóðinu, Jóhann Arnar,
ömmustrákur minn og góður vinur
þinn, las á pakkana og hann var svo
stoltur með að hafa valið húfuna sem
hann gaf þér í jólagjöf. Hann gaf þér
hana svo þér yrði ekki kalt á höfðinu
því vegna lyfjagjafar var ekkert hár á
höfðinu á þér en það fór þér mjög vel
og þú varst mjög ánægður með það
útlit.
Í jólagjöf fékk ég alltaf fallegar
englastyttur frá þér en þessi jól fékk
ég einn alveg sérstakan. Þú hafðir
pantað sérvalinn páfagauk sem að
sjálfsögðu fékk strax nafnið Engill.
Þú hringdir yfirleitt um hádegi og
svo aftur fyrir svefn. Þá sagðir þú allt-
af: „Hvað segið þið, englarnir mínir?“
Eftir að þú veiktist fórum við tvisv-
ar til þrisvar í viku í útréttingar eða
bara bíltúr á bílnum mínum. Það er
tómlegt að keyra núna án þín. Þegar
ég var að heimsækja þig á líknar-
deildina varstu farinn að heilsa áður
en ég kom inn: „Hæ, stóri engillinn
minn, ég sá grænu hettuna keyra
framhjá glugganum.“
Á þínum yngri árum keyrðir þú á
rauðum gljábónuðum bíl sem var
kallaður á rúntinum þá „Rauða hætt-
an“.
Þú varst strákunum mínum góður
vinur, þegar þeir voru litlir og þú skil-
inn við hana Ásu þína og hún flutt
norður með strákana, fórst þú til sjós
á varðskip og þegar þú komst í land
fóruð þið pabbi með þá í bíltúr sem
endaði yfirleitt niðri í Nauthólsvík.
Þar tókst þú myndir af þeim príl-
andi í gömlum herflugvélum.
Þér fæddist 14. barnabarnið síðast-
liðið haust sem heitir Arna Sigríður
Arnarsdóttir og hún lá oft í fanginu á
þér á líknardeildinni og kroppaði í
skeggið á þér og hjalaði.
Þú varst stoltur og montinn og ekki
síst með nafnið.
Þínar síðustu vikur varstu umvaf-
inn heimsóknum frá börnum þínum
og barnabörnum og ekki síst ,,nunn-
unum“ þínum eins og þú kallaðir þær
Köllu og Habbý, móðursystur okkar.
Þakka þér, Arnar minn, fyrir allt
og ekki síst símtalið laugardagskvöld-
ið áður enn þú kvaddir. Guð blessi
minningu þína, kæri bróðir.
Englakveðja.
Guðbjörg systir og fjölskylda.
ARNAR ÖNFJÖRÐ
BJÖRGVINSSON
Ástkær eiginkona mín, móðir, tengdamóðir og
amma,
ERNA SIGURÐARDÓTTIR,
Sjávargrund 6a,
Garðabæ,
lést á Landspítalanum við Hringbraut
miðvikudaginn 30. mars.
Hún verður jarðsungin frá Fossvogskirkju
mánudaginn 4. apríl kl. 11.00.
Blóm og kransar vinsamlega afþakkaðir en þeim, sem vilja minnast
hennar, er bent á krabbameinsdeild 11E Landspítala við Hringbraut eða
CP félagið, www.cp.is.
Jón Ívarsson,
Ívar Þór Jónsson, Þóra Sigríður Karlsdóttir,
Eva Rut Jónsdóttir,
Ómar Örn Jónsson, Elfa Dögg S. Leifsdóttir
og ömmubörn.
Faðir okkar, tengdafaðir, afi og langafi,
SVERRIR GUÐMUNDUR MEYVANTSSON,
Hrafnistu,
Reykjavík,
lést á Landspítala Fossvogi þriðjudaginn
22. mars.
Útförin hefur farið fram í kyrrþey að ósk hins
látna.
Fyrir hönd aðstandenda,
Hreggviður S. Sverrisson,
Sigríður Sverrisdóttir,
Vilhelm Sverrisson.
Ástkær móðir okkar, tengdamóðir, amma og
systir,
LÓA STEFÁNSDÓTTIR
frá Akureyri,
til heimilis í Vancouver,
BC, Kanada,
lést mánudaginn 21. mars.
Útförin hefur farið fram.
Agnes Aðalgeirsdóttir, Hersteinn Brynjúlfsson,
Elín Sigurdsson, David Traynor,
Ian Sigurdsson, Katherine Sigurdsson
og barnabörn,
Jón A. Stefánsson,
Ásgrímur Stefánsson,
Sigurlaug Stefánsdóttir,
Guðrún Þ. Stefánsdóttir,
Magðalena Stefánsdóttir,
Jensey Stefánsdóttir,
Elín Stefánsdóttir
og fjölskyldur.
Eiginmaður minn, faðir okkar, tengdafaðir, afi
og langafi,
JÓNAS B. JÓNSSON
fyrrv. fræðslustjóri í Reykjavík,
lést á Landspítalanum Landakoti aðfaranótt
föstudagsins 1. apríl.
Guðrún Ö. Stephensen,
Jón Torfi Jónasson, Bryndís Ísaksdóttir,
Ögmundur Jónasson, Valgerður Andrésdóttir,
Ingibjörg Jónasdóttir, Guðmundur Gíslason,
Björn Jónasson, Elísabet Guðbjörnsdóttir,
barnabörn og barnabarnabörn.
Ástkær móðir okkar,
JÓNA WAAGE,
er látin.
Sigríður og Lydía.
Sími 551 3485 • Fax 551 3645
Áratuga reynsla í umsjón útfara
Önnumst alla þætti
Davíð Osvaldsson
útfararstjóri
Sími 896 8284
Eyþór Eðvarðsson
útfararstjóri
Sími 892 5057
Vaktsími allan sólarhringinn