Morgunblaðið - 10.05.2005, Qupperneq 2

HÖFUÐSTÖÐVAR Kaupþings
banka munu rúmlega tvöfaldast að
stærð þegar nýtt hús við Borgartún
17 rís. Þegar er byrjað að rífa hús
sem stendur á lóðinni, en þar er
áætlað að reisa 4.400 fermetra bygg-
ingu sem mun tengjast núverandi
höfuðstöðvum bankans í Borgartúni
19.
Núverandi höfuðstöðvar bankans
eru um 4.000 fermetrar að stærð og
verða þær því um 8.400 fermetrar
þegar nýbyggingin er risin, auk
1.700 fermetra bílageymslu. Ásgeir
Ásgeirsson, arkitekt hjá Tark arki-
tektum, segir að nýbyggingin verði
nokkurs konar viðbygging við Borg-
artún 19 og eftir að hún er risin verði
þetta eitt hús sem teljist standa við
Borgartún 19.
Nýja húsið verður á fjórum hæð-
um og með tveggja hæða bíla-
geymslu neðanjarðar, segir Sigurð-
ur Guðmundsson, forstöðumaður
eignastýringar Kaupþings banka.
Hann segir að reiknað sé með því að
það taki um þrjá mánuði að rífa húsið
sem nú stendur við Borgartún 17 og
grafa grunn fyrir nýju húsi, og hafist
verði handa við að reisa nýja húsið
um leið og það gamla hafi vikið.
Ekki hægt að nýta húsið
Í Borgartúni 17 voru áður verk-
fræðistofur og arkitektastofa, en
húsið, sem var byggt fyrir um 27 ár-
um, þótti ekki henta undir starfsemi
Kaupþings banka. Upphaflega var
hugmyndin sú að tengja húsið sem
nú stendur við Borgartún 17 við
Borgartún 19 með glerskála, og
byggja 1.000 fermetra bílakjallara
þar undir.
Nú hefur verið fallið frá því og
segir Sigurður að komið hafi í ljós að
húsið hafi ekki uppfyllt kröfurnar
sem gerðar séu. „Það [húsið] er barn
síns tíma þar eru of litlar lofthæðir
til þess að hægt sé að koma fyrir loft-
ræstingu og öðru þess háttar sem
þarf í húsnæði í dag. Það var því ekki
um annað að ræða en að fjarlægja
það.“
Nýtt hús fyrir höfuðstöðvarnar
Morgunblaðið/Árni Torfason
Húsið við Borgartún 17 víkur fyrir stækkuðum höfuðstöðvum Kaupings
banka.
Þessi tölvugerða mynd sýnir hvernig nýjar höfuðstöðvar Kaupþings banka gætu litið út, séð frá Borgartúni.
Eftir Brján Jónasson
brjann@mbl.is
2 ÞRIÐJUDAGUR 10. MAÍ 2005 MORGUNBLAÐIÐ
FRÉTTIR
SLYS VIÐ KÁRAHNJÚKA
Fjórir menn sluppu lítið slasaðir
eftir að hafa fallið níu og ellefu
metra með vinnupöllum við Kára-
hnjúkastíflu í gær. Í fyrstu var talið
að tveir mannanna hefðu slasast al-
varlega og voru þeir fluttir með
sjúkraflugi á gjörgæsludeild Land-
spítalans. Þar kom í ljós við skoðun
að hvorugur þeirra var alvarlega
slasaður.
Minntust sigursins
Vladímír Pútín Rússlandsforseti,
George W. Bush Bandaríkjaforseti
og nær 60 aðrir þjóðarleiðtogar tóku
í gær þátt í hátíðarhöldum í Moskvu
í tilefni þess að 60 ár voru liðin frá
sigrinum á herjum Þjóðverja. Lagði
Pútín í ræðu sinni áherslu á frið-
arvilja Rússa og hét því að berjast
gegn jafnt stríði með vopnum og
„köldu stríði“ milli hugmyndakerfa.
Bush kom í gær til Tbilisi í Georgíu
og sagði forseti landsins komu Bush
vera stuðning við lýðræði og sjálf-
stæði landsmanna.
Breyttar reglur um próf
Menntamálaráðherra hefur
breytt reglugerð um samræmd
stúdentspróf til bráðabirgða þannig
að nemendur geta útskrifast stúd-
entar í vor án þess að hafa þreytt
samræmt stúdentspróf í tveimur
námsgreinum. Er ástæða breyting-
arinnar sú að dæmi séu um að skrán-
ingar í prófin hafi misfarist auk þess
sem veikindi og aðrar ástæður komu
í veg fyrir að sumir nemendur gátu
tekið prófin.
Málsókn fyrir Félagsdómi
Félag íslenskra hjúkrunarfræð-
inga hefur falið framkvæmdastjóra
BHM að sækja mál fyrir Fé-
lagsdómi á hendur Heilsugæslunni í
Reykjavík vegna svonefnds umbun-
arbréfs, sem forstjóri heilsugæsl-
unnar sendi nokkrum hjúkr-
unarfræðingum á seinasta ári eftir
deilu um aksturssamninga.
Y f i r l i t
Í dag
Fréttaskýring 8 Forystugrein 22
Úr verinu 12 Viðhorf 24
Viðskipti 13 Bréf 25
Erlent 14/15 Minningar 26/29
Akureyri 17 Dagbók 32
Höfuðborgin 17 Víkverji 32
Austurland 18 Velvakandi 33
Suðurnes 18 Staður og stund 33
Landið 18 Menning 35/37
Daglegt líf 19 Ljósvakamiðlar 42
Listir 20 Veður 43
Umræðan 21/25 Staksteinar 43
* * *
Morgunblaðið Kringlunni 1, 103 Reykjavík. Sími 5691100 Innlendar fréttir frett@mbl.is Ágúst Ingi Jónsson, aðstoðarfréttaritstjóri, aij@mbl.is Sigtryggur Sigtryggsson, aðstoðarfréttaritstjóri, sisi@mbl.is Erlendar fréttir Ásgeir Sverrisson, fréttastjóri,
asv@mbl.is Viðskipti vidsk@mbl.is Agnes Bragadóttir, fréttastjóri, agnes@mbl.is Úr verinu Hjörtur Gíslason, fréttastjóri, hjgi@mbl.is Daglegt líf Guðbjörg Guðmundsdóttir, gudbjorg@mbl.is Menning menning@mbl.is Orri Páll Ormarsson, ritstjórnarfulltrúi,
orri@mbl.is Skarphéðinn Guðmundsson, skarpi@mbl.is Umræðan|Bréf til blaðsins Magnús Finnsson, fulltrúi ritstjóra, magnus@mbl.is Guðlaug Sigurðardóttir, gudlaug@mbl.is Minningar minning@mbl.is Hilmar P. Þormóðsson, Stefán Ólafsson Dagbók|Kirkju-
starf Ellý H. Gunnarsdóttir, elly@mbl.is Íþróttir sport@mbl.is Sigmundur Ó. Steinarsson, fréttastjóri, sos@mbl.is Útvarp|Sjónvarp Auður Jónsdóttir, dagskra@mbl.is mbl.is netfrett@mbl.is Guðmundur Sv. Hermannsson fréttastjóri gummi@mbl.is

 




 


 
 



  

 

  

 


 


 !

"
# 

  

  
  $ 

 
 

%&' (

 )***



 


 





   
 


GAMLIR rafgeymar, ruslapokar
með málningarafgangi, pakkningar
utan af húsgögnum, plasthlífar innan
úr brettum og bílum, bunki af Frétta-
blaðinu og tugir herðatrjáa í hrúgu.
Lýsingin minnir kannski helst á
öskuhaug en svo er þó ekki því svona
lýsti vegfarandi um Öskjuhlíðina því
sem fyrir augu bar í einni helstu úti-
vistarperlu Reykvíkinga.
Vegfarandinn segist ganga reglu-
lega um Öskjuhlíð og að honum of-
bjóði umgengnin. Þar séu ónýtir grill-
bakkar, alls konar rusl og dæmi um
að fólk sturti úr öskubökkum. „Þetta
er svo í fimm mínútna fjarlægð frá
Perlunni sem er einn af þeim stöðum
sem flestir útlendingar heimsækja,“
sagði vegfarandinn áhyggjufullur en
það er augljóst að Íslendingar geta
ekki verið stoltir af umgengninni á
þessum vinsæla útvistarstað.Morgunblaðið/Árni Torfason
Öskjuhlíð
eða ösku-
haugur?
MANNBJÖRG varð þegar skyndi-
legur leki kom að vélbátnum Ásdísi
Ólöfu SI 23 í fyrrinótt. Tveir menn
voru um borð og komust þeir í björg-
unarbát og var bjargað af björgunar-
bátnum Sigurvon nokkru síðar, sem
einnig tókst að draga Ásdísi Ólöfu til
hafnar marandi í hálfu kafi.
Ókunnugt er um orsakir slyssins.
Málsatvik eru þau að klukkan
tæplega tvö í fyrrinótt kom neyðar-
kall í gegnum kerfi sjálfvirku til-
kynningarskyldunnar frá Ásdísi
Ólöfu sem var að línuveiðum um átta
sjómílur norðvestur af Siglunesi, eða
um tíu sjómílna fjarlægð frá Siglu-
firði. Reynt var að ná sambandi við
bátinn en án árangurs og var þá
björgunarbátur frá Siglufirði kallað-
ur út, svo og þyrla Landhelgisgæsl-
unnar og haft samband við nær-
stadda báta. Línubáturinn Óskar,
sem staddur var á Skagafirði, fór
strax áleiðis á staðinn.
Gott veður var og sjólaust þegar
slysið varð. Verið var að draga lín-
una þegar lekinn kom að bátnum.
Um klukkutíma eftir að tilkynn-
ingin barst tilkynnti áhöfn björgun-
arbátsins að hún sæi neyðarblys og
skömmu síðar var báðum mönnun-
um bjargað um borð í bátinn úr
gúmmíbjörgunarbátnum. Þá maraði
Ásdís Ólöf í hálfu kafi. Taug var
komið í bátinn og ákveðið að freista
þess að taka hann í tog. Komst
björgunarbáturinn heilu og höldnu
til Siglufjarðar með mennina og bát-
inn í togi um áttaleytið í gærmorgun.
Tveir björguðust
er línubátur sökk





 

 



 


  
 
 


 
  
  





 
 

LÖGREGLAN í Reykjavík leitar
tveggja stúlkna, Steinunnar Dóru
Jónasdóttur og Lovísu Jónsdóttur.
Ekkert hefur spurst til þeirra frá því
síðastliðinn fimmtudag er þær hurfu
frá meðferðarheimilinu Stuðlum,
samkvæmt upplýsingum lögreglu.
Steinunn Dóra er fædd árið 1990
og er til heimilis í Garðabæ. Hún er
grannvaxin, um 160 cm á hæð, dökk-
hærð og með millisítt hár. Hún var
klædd í svarta peysu, gallabuxur og
íþróttaskó þegar síðast var vitað.
Lovísa er fædd 1989 og er til
heimilis í Reykjanesbæ. Hún er
grannvaxin, 163 cm á hæð og með
liðað ljóst hár. Hún var klædd bláum
gallabuxum og svörum hettujakka.
Þeir sem vita um ferðir stúlkn-
anna eru beðnir um að gera lögreglu
viðvart í síma 444 1100.
Lögregla leitar
tveggja stúlkna