Morgunblaðið - 10.05.2005, Síða 4
4 ÞRIÐJUDAGUR 10. MAÍ 2005 MORGUNBLAÐIÐ
FRÉTTIR
Lloret de Mar
27. maí
frá kr. 39.990
Munið Mastercard
ferðaávísunina
Heimsferðir bjóða ein-
stakt tilboð á einn vin-
sælasta áfangastað
Costa Brava strandar-
innar við Barcelona,
Lloret de Mar. Gott hótel
með góðri aðstöðu,
fallegum garði, sundlaug
og veitingastöðum.
Örstutt í golf og á strönd-
ina. Öll herbergi með
baði, sjónvarpi og síma.
Skógarhlíð 18 • sími 595 1000 • Akureyri sími 461 1099 • www.heimsferdir.is
5 nætur - fullt fæði
Verð kr. 39.990
Netverð á mann. Flug, skattar og gisting í
tvíbýli með fullu fæði á Hotel IFA í 5
nætur. Ferðir til og frá flugvelli, kr. 1.800
hvora leið.
GEISLAVIRK efni hafa lekið úr vinnslurás í
endurvinnsluverinu í Sellafield í Skotlandi. Efn-
in hafa ekki náð út í umhverfið, samkvæmt upp-
lýsingum breskra stjórnvalda, heldur eru í sér-
stökum safntönkum, sem eru gerðir til þess að
taka við leka af þessu tagi. Íslensk stjórnvöld
eru á varðbergi vegna þessa og umhverfisráð-
herra hafði samband við breska sendiherrann
hér í gærmorgun og óskaði upplýsinga um hver
væru viðbrögð breskra yfirvalda vegna þessa.
Samkvæmt upplýsingum breskra stjórnvalda
kom upp leki í vinnslurásinni í endurvinnslu-
verinu. Um 70 rúmmetrar af hágeislavirkum
vökva sem inniheldur bæði plúton og úran rann
úr röri milli tanka og í þar til gerða safntanka,
en öryggisbúnaður verksmiðjunnar gerir ráð
fyrir að svona lekar geti komið upp. Fram kem-
ur á heimasíðu Geislavarna ríkisins að geisla-
virku efnin eru úr notuðu brennsluefni sem hef-
ur verið leyst upp í saltpéturssýru, en það er
eitt skrefið í endurvinnsluferlinu. Bresk stjórn-
völd segja að engin geislavirk efni hafi borist út
í umhverfið vegna lekans og lekinn hafi heldur
ekki valdið aukinni geislun á starfsfólk endur-
vinnslustöðvarinnar.
Gert er ráð fyrir að stöðin verði lokuð næstu
mánuði, þar sem gera þarf við rörið áður en
starfsemi getur hafist á ný og orðið af flutningi
geislavirku efnanna inn í vinnslurásina á ný.
Verður að notast við fjarstýrð vélmenni við
hreinsun og viðgerðir þar sem geislunin við rör-
ið og í safntankinum er það mikil.
Alvarlegt mál
Sigríður Anna Þórðardóttir umhverfisráð-
herra sagði í samtali við Morgunblaðið í gær að
búið væri að loka verinu. Það væri mjög alvar-
legt mál þegar svona nokkuð gerðist og það
sýndi náttúrlega alvarleika málsins að stöðinni
hefði verið lokað strax og þetta hefði komið upp.
Sigríður Anna bætti því við að þetta leiddi
einnig hugann að öryggismálum í Sellafield. Í
vetur hefðu komið fréttir um að það bæri ekki
saman bókhaldi og birgðum í stöðinni. Þá hefði
hún óskað eftir skýringum frá breskum yf-
irvöldum og fengið þær upplýsingar að við nán-
ari skoðun hefði þetta misræmi ekki reynst
óeðlilegt.
„Ég verð nú að viðurkenna það að við þessar
fréttir setur að manni mikinn ugg og mér finnst
líklegt að umræðan um lokun Sellafield muni
fara af stað á ný,“ sagði Sigríður Anna.
Hún benti á að við Íslendingar hefðum haft
miklar áhyggjur af starfsemi Sellafield vegna
mengunar hafsins og gert kröfur um að tryggt
væri að engin úrgangsefni frá stöðinni færu út í
umhverfið. Verulegar lagfæringar hefðu verið
gerðar á stöðinni í þeim efnum og stórlega
dregið úr slíkri losun og krafan væri sú að allri
slíkri losun yrði hætt.
Sellafield lokað vegna
leka á geislavirkum efnum
Íslensk stjórnvöld
á varðbergi
Eftir Hjálmar Jónsson
hjalmar@mbl.is
Reuters
ÍSLENSKA sjónvarpsfélagið ætlar
að opna nýja sjónvarpsstöð sem ein-
göngu verður helguð enska bolt-
anum. Undanfarið ár hefur félagið
sýnt enska boltann í opinni dagskrá
á Skjá einum en með þessari breyt-
ingu verður tekið upp áskriftar-
gjald.
Að sögn Snorra Más Skúlasonar,
verkefnisstjóra enska boltans á Skjá
einum, verður stöðin send út í gegn-
um breiðbandið en þá geta áskrif-
endur valið milli allt að fjögurra
leikja á sama tíma en margir hafa
þurft að sætta sig við að missa af
leik með sínu liði vegna þess að ann-
ar leikur er á dagskrá. Snorri segir
að fólk sem ekki nær breiðbandinu
geti orðið áskrifendur í gegnum
ADSL tengingu en að hans sögn er
Síminn að vinna að því að auka og
bæta aðgengi að ADSL.
„Það er reiknað með að 93%
landsmanna geti strax í haust fylgst
með enska boltanum í gegnum þessi
kerfi. Það er rétt rúmlega það sem
við erum með í dreifingu á Skjá ein-
um í dag.“
Snorri segir að viðtökur við enska
boltanum á Skjá einum hafi verið
gríðarlega góðar og að dæmi séu
um að fólk hringi og bjóðist til að
borga eitthvað fyrir þjónustuna.
„Það var alveg fyrirsjáanlegt þegar
Skjár einn fékk enska boltann að
hann færi fyrr eða síðar í læsta dag-
skrá, kostnaðarins vegna. Þetta er
feikilega dýrt efni en við viljum gera
þetta vel,“ segir Snorri sem telur þó
ekki að Skjár einn hafi tapað á því
að bjóða enska boltann í opinni dag-
skrá heldur hafi það komið nokkurn
veginn út á sléttu.
Ætla að vera ódýrari en Sýn
Snorri bendir á að enski boltinn
hafi stundum stangast á við annað
vinsælt efni á Skjá einum en að nú
verði það vandamál úr sögunni og
fólk sem engan áhuga hefur á fót-
bolta getur horft óáreitt á sína eft-
irlætisþætti. „Við stefnum að því að
hafa ítarlega fréttaskýringarþætti
um ensku úrvalsdeildina og þá þarf
ekki að taka tillit til hefðbundinnar
dagskrár venjulegra sjónvarps-
stöðva,“ segir Snorri og áréttar að
áskriftargjöldum verði stillt í hóf.
„Það er ekki búið að negla það
endanlega niður en við horfum á
það að vera töluvert langt fyrir neð-
an Sýn og það sem tíðkast á áskrift-
arstöðvum. Við verðum náttúrlega
eingöngu með enska boltann en ef
við myndum bjóða upp á aðrar
íþróttir hefði það aukinn kostnað í
för með sér. Við viljum halda kostn-
aðinum eins mikið niðri og hægt
er,“ segir Snorri.
Áhugasömum tilvonandi áskrif-
endum er bent á að skrá sig á
heimasíðu Skjás eins til að tryggja
sér aðgang að stöðinni. Veffangið
er: http://www.s1.is.
Sérstök stöð fyrir ensku
knattspyrnuna næsta vetur
Útsendingar í gegnum breiðbandið eða með ADSL
NÍU af hverjum tíu Íslendingum
eiga farsíma en hins vegar veit innan
við fimmtungur þeirra hvað mínútan
í farsímtali kostar. Enn færri vita
hvað það kostar að hringja á milli
síma hjá farsímafyrirtækjunum
tveimur, Símanum og Og Vodafone.
Þetta kemur fram í nýrri könnun
sem IMG Gallup gerði fyrir Póst- og
fjarskiptastofnun í apríl.
55% senda sjaldan
eða aldrei SMS-skilaboð
Í könnuninni kom einnig í ljós að
tiltölulega fáir skipta um GSM þjón-
ustuaðila, en einungis tæplega 16%
aðspurðra höfðu gert það á síðustu
tveimur árum. Þá telur tæplega
helmingur símnotenda upplýsingar
frá fjarskiptafyrirtækjum flóknar.
Tæp 70% sögðust vera með GSM
kort hjá Símanum og tæp 32% hjá
Og Vodafone. Höfðu hlutföllin nán-
ast ekkert breyst frá könnun fyrir
ári síðan. Þá sögðust 80,8% kaupa
þjónustu fyrir heimilissímann hjá
Símanum og 15,3% hjá Og Vodafone.
Fram kom að 25% sögðust aldrei
senda SMS skilaboð úr GSM síma og
30,3% sögðust gera það sjaldnar en
einu sinni í viku. Mikill minnihluti
svarenda sagðist vita hvað símtalið
kostar en þeir sem gátu svarað því
og voru með heimilissíma hjá Síman-
um sögðu mánaðarlegt grunngjald
vera 1.707 kr. Viðskiptavinir Og
Vodafone sögðu grunngjald heimilis-
símans hjá sér vera 1.542 kr.
Meðalkostnaður vegna
farsíma 6.536 kr. á mánuði
Alls 83,1% heimila eru með net-
tengingu skv. könnuninni. 75,4%
þeirra sögðust vera með ADSL teng-
ingu.
Heildarkostnaður heimila vegna
farsímanotkunar er að meðaltali
6.536 kr. á mánuði skv. niðurstöðum
könnunarinnar. Heildarkostnaður
vegna netnotkunar er að meðaltali
4.032 kr. og vegna heimilissímanotk-
unar að meðaltali 5.153 kr. á mánuði.
Könnunin náði til tæplega 1.300
manns á aldrinum 16–75 ára á land-
inu öllu. Svarhlutfall var rúmlega
62%.
Fæstir vita hversu
mikið farsíma-
samtalið kostar
!
"
!"
#
$ %
& '% %
$ %
(#)*"
"
(#)*"
+*
"
,--+ "*
.
/
0 ' " $ 1.
2 /1 - 3.4" 3 " .
" .
"
ÓLAFUR E. Magnússonar, faðir
Jóns Ólafssonar, íslenska öryggis-
varðarins sem særðist í sprengju-
árás í Bagdad á laugardag, segir að
sonur sinn hafi slasast mjög lítið, að-
eins hlotið brunasár á hendi og
skrámur í andliti þegar árás var gerð
á bílalest sem hann var í. „Jón
hringdi sjálfur í okkur eftir
sprengjuárásina á laugardag. Hann
sagði fréttir af árásinni koma fljót-
lega í fjölmiðlum og vildi hann láta
okkur vita að hann hafi særst mjög
lítið,“ sagði Ólafur.
Jón og fjórir samstarfsmenn hans
óku bíl sem var í bílalest þegar tveir
menn komu aðvífandi á sínum bíln-
um hvor og sprengdu sig í loft upp.
Sex létust í árásinni og um 30 slös-
uðust. Starfsmenn öryggisþjónust-
unnar slösuðust hins vegar lítið og
fengu að fara fljótlega heim að lok-
inni læknisskoðun. Hryðjuverka-
samtökin al-Qaeda lýstu ábyrgð á
árásinni á hendur sér en sú yfirlýs-
ing hefur þó ekki verið staðfest.
Að sögn Ólafs hefur Jón starfað
við öryggisgæslu í meira en áratug
og auk þess þjálfað menn til slíkra
starfa. Hann hafi farið til Íraks fyrir
um einu og hálfu ári síðan og starfað
þar á vegum verktakafyrirtækisins
CTU Consulting. Jón gætir banda-
rískra ríkisborgara sem ferðast um
landið og hvíli mikil leynd yfir ferð-
um hans og starfi. Hann lætur for-
eldra sína þó vita reglulega af sér.
Ólafur segir að hálfgert fréttabann
hafi verið sett á Jón og samstarfs-
menn hans meðan verið sé að fara yf-
ir atburðarrásina.
Lét foreldra
sína vita af
árásinni
Jón Ólafsson á vettvangi sprengju-
árásarinnar í Írak á sunnudag.
Morgunblaðið/Einar Falur
Áhangendur enska boltans þurfa að
borga fyrir að sjá leiki næsta vetur.
Eftir Höllu Gunnarsdóttur
halla@mbl.is