Morgunblaðið - 10.05.2005, Síða 33

MORGUNBLAÐIÐ ÞRIÐJUDAGUR 10. MAÍ 2005 33
DAGBÓK
Félag háskólakvenna var stofnað 1928 oger hluti af alþjóðlegum samtökum há-skólakvenna. Félagið hefur alla tíð ver-ið mjög lifandi félag að sögn Geirlaugar
Þorvaldsdóttur formanns félagsins. Styrkveit-
ingar eru stór hluti af starfi félagsins en auk þess
að veita íslenskum konum styrki hefur það að-
stoðað sambærileg félög erlendis sem eru illa
stödd. Veittir eru styrkir þriðja hvert ár. Fyrir
þremur árum fékk bókasafn félags háskólakvenna
í Nepal styrk en í ár fer hann á tvo staði. Fyrst má
nefna tækninámskeið fyrir konur í háskólanum í
Dakar í Síerra Leone og einnig fá ungar stúlkur í
Senegal sem hafa þurft að hætta í skóla vegna fá-
tæktar styrk.
Í félaginu eru um 400 konur. „Okkar félag er
svolítið sérstakt í alþjóðasamtökunum því félagið
er ekki eingöngu fyrir háskólakonur, heldur líka
þær, sem eru með stúdentspróf og hafa alltaf
möguleika á að bæta við menntun sína,“ segir
Geirlaug. Mottó alþjóðlegu samtakanna er að
mennta konur eða mennta heila fjölskyldu.
„Menntun kvenna skilar sér yfirleitt til annarra
fjölskyldumeðlima,“ útskýrir Geirlaug nánar.
Vorfundir félagsins hafa verið vel sóttir og
Geirlaug segir ástæðuna vera skemmtilegt yf-
irbragð þeirra og útskýrir nánar: „Fundirnir hafa
verið matar- og fræðslufundir þar sem við tökum
fyrir eitt land sem er í alþjóðlegum samtökum há-
skólakvenna, til dæmis höfum við kynnt okkur
Mexíkó og Japan. Þá hefur verið fyrirlestur um
landið, menningu þess og stöðu kvenna í því landi
og borðum mat frá viðkomandi landi.“ Annað
kvöld verður aðeins breyting á en þá verður Ís-
land tekið fyrir og íslensk myndlist verður aðal-
viðfangsefni fundarins. Tímarit félags íslenskra
háskólakvenna sem kom út í nóvember tengdist
líka list en það var að þessu sinni tileinkað nýja
samnorræna menningarhúsinu sem er staðsett á
Norðurbryggju í Kaupmannahöfn. Í blaðinu voru
viðtöl við til dæmis Vigdísi Finnbogadóttur og
Önnu Maríu Bogadóttur um húsið.
Á morgun er árlegur vorfundur félagsins og
hefst hann á því að fundargestir skoða listasafn
Hótels Holts undir leiðsögn Aðalsteins Ingólfs-
sonar listfræðings. Í boði verður góður, íslenskur
matur en gestur kvöldsins er Karólína Lár-
usdóttir myndlistarkona. „Mikil áhersla er á ís-
lenska náttúru og fólkið í landinu í myndum
Karólínu og hún tekur konur sérstaklega fyrir.
Það er því mjög áhugavert að kíkja í hugarheim
hennar,“ segir Geirlaug að lokum.
Árlegur vorfundur Félags íslenskra háskóla-
kvenna verður á morgun kl. 18. Skráning fer fram
hjá formanni félagsins.
Fundur | Félag háskólamenntaðra kvenna
Konur styrkja konur til náms

Geirlaug Þorvalds-
dóttir er formaður fé-
lags íslenskra háskóla-
kvenna.
Hún varð stúdent frá
Menntaskólanum í
Reykjavík árið 1960.
Hún lauk BA-prófi í lat-
ínu frá Háskóla Íslands
og prófi frá Leiklist-
arskóla Þjóðleikhússins
árið 1972. Geirlaug
starfaði við leiklistarstörf um árabil. Hún var
kennari við Menntaskólann við Hamrahlíð í 30
ár. Undanfarið hefur hún unnið við rekstur og
viðskipti.
60 ÁRA afmæli. Sextug er í dag,þriðjudaginn 10. maí, Kristín
María Eggertsdóttir, Starengi 28, 112
Reykjavík.
Kristín verður að heiman á afmæl-
isdaginn.
Árnaðheilla
dagbók@mbl.is
Fáum arð af sölu Símans
Í LJÓSI væntanlegrar sölu Símans,
væri vert að skoða hvernig söluverð-
ið nýtist best.
Margir vilja leggja vegi, byggja
brýr, bora göng, reisa sjúkrahús,
eða bara mála bæinn rauðan. Hverj-
um finnst sinn fífill fagur. Sá fífill
sem ég hrífst einna mest af er sá að
nýta hverja einustu krónu í að
greiða hluta af erlendum skuldum
ríkissjóðs. Það þarf ekki greiða
vaxtagjöld af uppgreiddum lánum.
Ef til vill mætti þá skoða hvort nýta
mætti þau spöruðu gjöld.
Ég hef auðvitað fífil fyrir þá
summu líka … borga upp enn meira
af erlendu lánunum.
Haraldur Baldursson,
tæknifræðingur.
Það læra börnin
sem fyrir þeim er haft
HVERN langar að kalla sig helv…
hálfvita? Þetta var ég kallaður
heima hjá mér af þriggja ára dóttur
minni nýlega. Svo núna í vikunni var
mér sagt að drulla mér í burtu. Mér
sýnist því að dóttir mín sé að ná allri
auglýsingunni frá Umferðarráði því
ekki lærir hún þetta heima hjá sér.
Þá er hægt að segja að þessi auglýs-
ing sé til að vekja athygli á því
hvernig á ekki að haga sér. Ég hef
reynt að segja dóttur minni það og
skýra það út fyrir henni að þessi
auglýsing sé til að kenna fólki hvern-
ig ekki á að haga sér en greinilega
án árangurs. Niðurstaða mín er því
að þessi auglýsing frá Umferðarráði
sé fyrir neðan allar hellur. Umferð-
arráð hlýtur að geta vakið athygli á
sínum málstað með öðrum hætti.
Mér finnst því að Umferðarráð verði
að fara að taka sér tak í stað þess að
vera í stríði við almenning vegna
vafasamra auglýsinga. Auglýsingar
Umferðarráðs síðustu vikur eru
þeim ekki til framdráttar. Það læra
börnin sem fyrir þeim er haft.
SM.
Aukin fátækt
ÉG var á ferðalagi um Litháen um
tíma og varð vitni að því að fólk kom
með mat og föt í pokum og lagði við
ruslagáma. Því næst kom tötrum
klætt fólk, tók pokana, settist niður
og skipti matvælum o.fl. á milli sín.
Auk þess sá ég oft fátækt fólk leit-
andi í ruslagámum, tína spýtur og
alls konar rusl sem hægt var að
brenna til að halda á sér hita. Fá-
tækt hefur því miður aukist hér á Ís-
landi og fólk stendur í biðröðun við
hjálparstofnanir, sem áður fyrr
þekktist ekki. Ef ekkert verður að
gert til þess að vinna gegn aukinni
fátækt hér gæti svo farið að það sem
ég varð vitni að í Litháen verði því
miður að veruleika hér.
Halli.
Hættum við framboð
til öryggisráðs SÞ
MIG langar til að hvetja utanrík-
isráðherra til að hætta við framboð
til öryggisráðs Sameinuðu þjóðanna.
Ég vinn á fjölmennum vinnustað
þar sem þetta hefur talsvert verið
rætt, og það finnst varla nokkur
maður sem er þessu fylgjandi. Hygg
ég að því sé líkt farið víðar í þjóð-
félaginu.
Tryggvi.
Leitar að Herberti
ÉG ER að leita að manni sem heitir
Herbert og kom fram í sjónvarps-
viðtali hjá Eiríki Jónssyni fyrir 11
árum. Ef Herbert sér þessar línur er
hann vinsamlegast beðinn að hringja
í síma 899-9955.
Velvakandi
Svarað í síma 5691100 frá 10–12
og 13–15 | velvakandi@mbl.is
1. e4 e5 2. Rf3 Rc6 3. Bc4 Rf6 4. d3 Be7
5. 0-0 d6 6. c3 0-0 7. He1 Ra5 8. Bb5 a6
9. Ba4 b5 10. Bc2 c5 11. Rbd2 Rc6 12.
Rf1 He8 13. h3 h6 14. a4 Be6 15. d4
cxd4 16. cxd4 exd4 17. Rxd4 Rxd4 18.
Dxd4 Hc8 19. Re3 d5 20. exd5 Rxd5 21.
Dd3 Rf6 22. axb5 axb5 23. Dxb5 Bc5
24. Ba4 Bd7 25. Df1 Bxa4 26. Hxa4 Re4
27. Hd1 Db6 28. Hc4 De6 29. b3 Ha8
30. b4 Bb6 31. Hc2 Ha1 32. Kh1 f5 33.
b5
Staðan kom upp á Azura-at-
skákmótinu sem lauk fyrir skömmu í
Brussel í Belgíu. Arkadij Naiditsch
(2626) hafði svart gegn Alexandre
Dgebuadze (2.534). 33. ... Hxc1! 34.
Hdxc1 Bxe3 35. He1 35. fxe3 hefði ekki
gengið upp þar sem svartur hefði unnið
hvítu drottninguna eftir 35...Rg3+.
35... Bb6 36. Kg1 De5 37. Dc4+ Kh7
38. Hee2 Hd8 39. Hc1 Df4 40. Hce1
Bxf2+ og hvítur gafst upp.
SKÁK
Umsjón Helgi ÁssGrétarsson
Svartur á leik.
Með kveðju.
Grétar, sími 696 1126.
Árni Stefánsson viðskiptafræðingur
og lögg. fasteignasali
FASTEIGNASALAN
GIMLI GRENSÁSVEGI 13, SÍMI 570 4800 - FAX 570 4810
Traust þjónusta í 20 ár
www.gimli.is - ww.mbl.is/gimli
FOSSVOGUR – GERÐIN,
ÍBÚÐ ÓSKAST
Mér hefur verið falið að leita eftir
3ja-4ra herbergja íbúð í Fossvogi eða
Gerðunum fyrir ákveðinn kaupanda.
Um ríflegan afhendingartíma getur
verið að ræða.
Áhugasamir vinsamlegast hafi
samband og ég mun fúslega
veita nánari upplýsingar.
Laugavegi 170, 2. hæð.
Opið virka daga kl. 8-17.
Sími 552 1400 ● Fax 552 1405
www.fold.is ● fold@fold.is
Þjónustusími eftir lokun er 694 1401.
Bæjargil - Einbýli -
210 Garðabæ
Viðar Böðvarsson, viðskiptafr. og lögg. fasteignasali.
Vandað ca 193 fm einbýli á tveimur hæðum, staðsett á rólegum
stað í Bæjargili. Á neðri hæð eru stofur, eldhús m. nýlegri fallegri
innréttingu, gestasnyrting og þvottahús. Á efri hæð eru 4 svefnher-
bergi, gott sjónvarpshol og baðherbergi. Geymsluris yfir húsinu.
Innbyggður bílskúr. Stór vel skipulögð lóð. Vandað hús á góðum
stað. Verð 44 millj. 6426
Sumarhús - Lóubraut 5 - Flúðum
Bústaðurinn, sem er 77 fm að stærð, skiptist
þannig: Aðalrými 54 fm sem er með 2 rúm-
góðum svefnherbergjum, baði, samliggjandi
stofu og eldhúsi, manngengt 20 fm svefnloft
og 3 fm geymsla. Inntak fyrir heitt og kalt
vatn verður í geymslu og einnig verður kom-
ið fyrir rotþró. Bústaðurinn stendur á sex
steyptum veggjum á púða. Hann er tilbúinn til innréttinga og gólfefna, en hægt er að skila
honum lengra komnum. Hann stendur á leigulóð með 50 ára samning, leigan er ca 30.000
á ári. Verð 10,0 millj. í núverandi ástandi en fullbúin 13. millj 109036
VÍS-kórinn heldur
sína árlegu vor-
tónleika í Seltjarnar-
neskirkju annað
kvöld.
Flutt verður mess-
an Misa Criolla eftir
argentínska tón-
skáldið Ariel Ram-
irez. Einnig verða á
efnisskránni lög frá
Kúbu, Venezúela og
víðar. Einsöngvari í
messunni er Snorri
Wium.
Einnig syngja
nokkrir kórfélagar
ýmis minni einsöngs-
hlutverk.
Söngfólkinu til fulltingis er sex
manna hljómsveit, sem saman-
stendur af þrem slagverksleik-
urum, sembal, kontrabassa og
charango-gítar, og er þetta senni-
lega í fyrsta sinn sem þessi suður-
amerísk-ættaði gítar hljómar á
tónleikum hér á landi.
Misa Criolla hefur notið mikilla
vinsælda um allan heim frá því
hún var frumflutt í Buenos Aires
árið 1964. Hún var
fyrst flutt í Evrópu,
nánar tiltekið í Hol-
landi árið 1965. Allir
messutextarnir eru á
tungumáli uppruna-
landsins, spænsku, og
þykir það nokkuð
sérstætt, þar eð lang-
oftast eru þessir
textar á latínu, sér-
ílagi í þeim löndum
sem aðhyllast kaþ-
ólska kristni.
Með þessum tón-
leikum lýkur öðru
starfsári VÍS-kórsins.
Langflestir meðlimir
kórsins eru starfsmenn Vátrygg-
ingafélags Íslands, og lætur nærri
að um fimmtungur starfsmanna
þess í Reykjavík syngi með kórn-
um. Formaður kórsins og að-
alhvatamaður að stofnun hans er
Ingibjörg Ólafsdóttir.
Tónleikarnir hefjast kl. 20 á
miðvikudagskvöldið. Miðasala er
við innganginn.
Stjórnandi VÍS-kórsins er Björn
Thorarensen.
VÍS-kórinn í Sel-
tjarnarneskirkju
Snorri Wium