Morgunblaðið - 10.05.2005, Qupperneq 17

MORGUNBLAÐIÐ ÞRIÐJUDAGUR 10. MAÍ 2005 17
MINNSTAÐUR
AKUREYRI
AUSTURLAND
Egilsstaðir | Hitaveita Egilsstaða og
Fella og Jarðboranir hafa undirritað
samning um borun nýrrar jarðhita-
holu á núverandi virkjunarsvæði
hitaveitunnar við Urriðavatn. Í
fréttatilkynningu segir að með fram-
kvæmdinni sé Hitaveitan að bregðast
við mikilli uppbyggingu á svæðinu, en
bygging álvers á Reyðarfirði, ásamt
framkvæmdum við Kárahnjúka, hef-
ur haft mjög jákvæð áhrif á byggða-
mál á Héraði. Mikil bjartsýni ríkir á
svæðinu og nefna má að um 400 lóð-
um hefur verið úthlutað undir íbúðir
á veitusvæði hitaveitunnar. Standist
nýja holan þær væntingar sem til
hennar eru gerðar, mun Hitaveitu
Egilsstaða og Fella verða kleift að
mæta fyrirsjáanlegri aukningu á
þjónustuþörf á svæðinu auk þess að
stuðla enn frekar að öryggi í rekstri
veitunnar.
Guðmundur Davíðsson, fram-
kvæmdastjóri Hitaveitu Egilsstaða
og Fella, er ánægður með samning-
inn og væntir þess að framkvæmdin
reynist gjöful. „Það er auðvitað mjög
mikilvægt að Hitaveitan geti lagt sitt
af mörkum til þess mikla vaxtar sem
við blasir,“ segir Guðmundur. Bent S.
Einarsson, forstjóri Jarðborana, seg-
ir að það sé félaginu mikið ánægju-
efni að taka þátt í áframhaldandi nýt-
ingu jarðhita eystra með þeirri
aukningu lífsgæða, hagræði og mögu-
leikum til verðmætasköpunar sem
henni fylgja.
Íslenskar orkurannsóknir hafa val-
ið jarðhitaholunni stað og er henni
ætlað að skera nærri lóðrétt vatns-
leiðandi sprungubelti, sem liggur
undir Urriðavatni, á 900–1.000 m
dýpi. Jarðhitaholan verður staðsett á
bakka Urriðavatns og stefnuboruð
inn undir vatnið. Áætlaður verktími
er um 5 vikur og er gert ráð fyrir að
verkinu ljúki fyrir mitt sumar.
Áður hafa verið boraðar 9 jarðhita-
holur á jarðhitasvæðinu við Urriða-
vatn. Hola 1 var boruð í 116 m dýpi
árið 1963 og hola 9 í 1.841 m árið 2001.
Holur 8 og 9 eru aðalvinnsluholur
Hitaveitu Egilsstaða og Fella og hef-
ur sú fyrrnefnda gefið nægilegt magn
75°C heits vatns til að standa undir
rekstri Hitaveitunnar allt frá því hún
var boruð árið 1983 og þar til hola 9
var tengd við veitukerfið tuttugu ár-
um seinna. Vonir standa til að eftir að
nýja holan bætist við muni þessar
þrjár jarðhitaholur gera HEF kleift
að mæta hinni miklu uppbyggingu,
auk þess að stuðla að auknu rekstr-
aröryggi.
Ný jarðhitafram-
kvæmd á Héraði
Ljósmynd/ÁÓ
Samið um borun Þór Gíslason og Bent Einarsson frá Jarðborunum og
Guðmundur Davíðsson og Hrafnkell Elísson HEF.
Eskifjörður | Á dögunum var tekin fyrsta skóflu-
stungan að nýrri útisundlaug sem rísa mun á Eski-
firði sunnan við íþróttavöll bæjarins. Það voru fé-
lagar úr sunddeild Austra sem sáu um verkið ásamt
formanni deildarinnar, Gunnari Jónssyni. Stjórnaði
Guðmundur Bjarnason bæjarstjóri athöfninni sem fór
hið besta fram þrátt fyrir að veðurguðirnir væru
henni ekki hliðhollir. Bygging sundlaugarinnar fer nú
á fullt skrið en það eru Íslenskir aðalverktakar sem
byggja hana fyrir eignarhaldsfélagið Fasteign, sem
mun svo leigja Fjarðabyggð mannvirkið þegar það er
risið.
Íslenskir aðalverktakar buðu 328.583.628 kr. í
verkið, sem var undir kostnaðarmati. Heildarstærð
byggingar er 876 fermetrar og sundlaugargarðs 1.565
fermetrar. Í sundlaugargarði er 25 metra sundlaug
með fjórum brautum, vaðlaug, tveir heitir pottar,
þrjár mismunandi rennibrautir og gufubað. Þá er í
húsinu gert ráð fyrir líkamsræktaraðstöðu, aukabún-
ingsklefum fyrir íþróttaleikvang og vallargeymslu
auk rýmis fyrir veitingar, afgreiðslu og búningsklefa
sundlaugar. Sundlaugargarður verður hellulagður en
grasflatir fjærst laugarhúsinu. Mannvirkið var hann-
að af Verkfræðistofu Sigurðar Thoroddsen hf.
Sundlaugarstunga á Eskifirði
Afstöðumynd af nýrri sundlaug á Eskifirði.Morgunblaðið/Steinunn Ásmundsdóttir
Hátíðleg hagléljastund Krakkar úr sunddeild Austra taka ásamt
Gunnari Jónssyni, skóflustungu að nýrri 25 m langri sundlaug við
fótboltavöllinn á Eskifirði.
Fáskrúðsfjörður | Kirkjudagur eldri borgara á Suður-
fjörðum var á uppstigningardag í Stöðvarfjarð-
arkirkju. Sóknarpresturinn, séra Gunnlaugur Stef-
ánsson, messaði. Eftir messu var boðið upp á
kaffiveitingar í safnaðarheimilinu á vegum Ung-
mennafélagsins Súlunnar á Stöðvarfirði. Þar komu
nokkrir nemendur Tónlistarskólans á Stöðvarfirði
ásamt kennara sínum, Valdimar Mássyni, og
skemmtu með hljóðfæraleik við góðar undirtektir.
Kirkjudagur eldri borgara er orðinn árviss og haldinn
til skiptis í kirkjunum á Fáskrúðsfirði, Stöðvarfirði og
í Heydalakirkju.
Morgunblaðið/Albert Kemp
Ljúfir tónar Katrín Ragna Jóhannsdóttir tónlistar-
skólanemi og Valdimar Másson.
Tónelskir Fáskrúðsfirðingar
HEIMILD hefur verið veitt fyrir því
að hefjast handa við hönnun
á svonefndum fjórða áfanga ný-
byggingar við Háskólann á Akur-
eyri.
Um er að ræða tveggja hæða
byggingu, um 2.000 fermetra að
stærð, sem kemur í beinu framhaldi
af nýjustu byggingum við háskólann.
Þar verða fyrirlestrasalir, kennslu-
stofur og fjölnota rými auk þess sem
þar verður háskólatorg og þá er
einnig gert ráð fyrir bílastæðum.
Þorsteinn Gunnarsson, rektor Há-
skólans á Akureyri, sagði að vonir
stæðu til að unnt yrði að bjóða bygg-
inguna út í byrjun næsta árs „og ef
vel gengur ættum við geta tekið
hana í notkun haustið 2007“, sagði
Þorsteinn.
Hann sagði væntanlega byggingu
bæta mjög alla aðstöðu við háskól-
ann, en það hefði háð starfseminni
mjög til þess að engir fyrirlestrasalir
væru fyrir hendi fyrir stóra náms-
hópa. „Við höfum verið í vandræðum
með stóru hópana og þurft að skipta
þeim upp,“ sagði Þorsteinn. Þannig
myndi hin nýja bygging bæta mjög
aðstöðu til kennslu við háskólann.
„Þetta er líka áfangi á þeirri leið að
færa alla starfsemina á háskóla-
svæðið við Sólborg,“ sagði Þor-
steinn. Einnig mun aðstaða fyrir
kennara og starfsmenn batna með
tilkomu nýja hússins.
Nýbygging við Háskólann á Akureyri
Heimilt að hanna
fjórða áfangann
SKAUTAHÖLLIN á Akureyri ið-
aði af lífi um helgina en þar fór
fram alþjóðlegt mót í krullu, Ice
Cup 2005. Alls mættu 16 lið til
leiks, 11 frá Íslandi, 10 frá Ak-
ureyri og eitt úr Reykjavík, þrjú
lið frá Bandaríkjunum, eitt lið frá
Kanada og annað frá Bretlandi og
voru keppendur um 70 talsins.
Eftir harða keppni fór svo að lok-
um að kanadíska liðið Margarita
Canada sigraði eftir góðan úrslita-
leik gegn besta liði Íslands, Fimm-
tíuplús, úrslitin 8-6. Skytturnar
frá Akureyri urðu í þriðja sæti
eftir nauman sigur í æsispennandi
viðureign við Mammútana frá Ak-
ureyri, 6-5.
Það var krulludeild Skauta-
félags Akureyrar sem stóð fyrir
mótinu en mótið var nú haldið í
annað sinn.
Morgunblaðið/Kristján
Sópað af krafti Sigurður Sæmundsson og Gunnlaugur Búi Gunnlaugsson,
liðsmenn Norðan 12 frá Akureyri, sópa svellið af miklum móð.
Einbeitt á svip Akureyringurinn
Rebekka Sigurðardóttir hefur bú-
ið í Kanada í tæpan áratug en
hún var mætt á krullumótið og
keppti sem gestaspilari með
heimaliðinu Örnunum.
Kanadískur sigur
á krullumótinu
Listadagar verða í tengslum við
„List án landamæra“ í Hæfing-
arstöðinni við Skógarlund dagana
11. maí og 12. maí kl. 9.30 til 11.
Samvinna mun verða á milli
listamanna og notenda þjónustu
Hæfingarstöðvarinnar báða dag-
ana.
Á miðvikudaginn mun textíl-
listakonan Guðrún Hadda
Bjarnadóttir heimsækja Hæfing-
arstöðina og vinna með notend-
um. Á fimmtudaginn mun mynd-
listarmaðurinn Guðmundur
Ármann Sigurjónsson svo koma
og vinna að sama skapi með not-
endum.
Af þessu tilefni eru allir vel-
komnir í Hæfingarstöðina til að
fylgjast með þessu samstarfi.
Listsköpun er einn af þáttum
starfs Hæfingarstöðvarinnar.
Fyrir einu og hálfu ári tóku not-
endur þátt í sýningu með hópi
fatlaðs fólks alls staðar af á land-
inu. Sú sýning var haldin í
Reykjavík. Sýning verka sem
unnin voru í Hæfingarstöð var í
Deiglunni á Akureyri á svipuðum
tíma. Voru þessar sýningar báðar
í tengslum við List án landamæra.
Stefnt er að sýningu í desem-
ber á þessu ári, í tengslum við dag
fatlaðra.
List án landamæra
STYRKJUM úr Háskólasjóði
KEA hefur verið úthlutað, en
alls bárust 19 umsóknir, sam-
tals að upphæð 16,5 milljónir
króna. Til úthlutunar nú voru
5 milljónir og voru 10 verk-
efni styrkt. Hæsta styrkinn
að þessu sinni fengu þrír
starfsmenn auðlindadeildar,
1,5 milljónir til rannsókna á
hverastrýtum í Eyjafirði. Þá
voru m.a. styrkt verkefni um
notkun lífvirkra efna í lúðu-
eldi, fóður í vetni, þátt
vinnsluminnis í hreyfanlegu
umhverfi, tengsl fyrirbura-
fæðinga og tannholdsbólgu,
gerð margmiðlunarvefjar um
menningar- og atvinnusögu
Eyjafjarðar og fjölnýtingu
jarðhita.
Tíu
styrkir
Stjórn Hollvinafélags | Á fram-
haldsstofnfundi Hollvinafélags
Iðnaðarsafnsins sem haldinn var
fyrir skömmu var kosin stjórn.
Hana skipa Jón Arnþórsson.
Margrét H. Marvinsdóttir, Krist-
inn Arnþórsson, Hjörleifur Hall-
gríms, og Þorsteinn E. Arnórsson
sem kosinn var formaður félags-
ins.
Ákveðið var að vera ekki með
árgjald í félaginu en óska þess í
stað eftir frjálsum framlögum til
félagsins.
Þeir sem vilja teljast til stofn-
félaga Hollvinafélagsins geta gert
það með því að leggja inn á
reikning Hollvinafélagsins í Ís-
landsbanka fyrir 1. júní nk.
Reikningsnúmerið er 0565-14-
605970 kt. 430505-1650.