Morgunblaðið - 21.05.2005, Síða 6

UPPLÝSINGAR um skattamál fólks
sem hefur tekjur í fleiri en einu Norð-
urlandana urðu aðgengilegri en áður í
gær, en þá opnuðu fjármálaráðherrar
Norðurlandanna nýjan vef um
skattamál, á fundi sínum í fjármála-
ráðuneyti Danmerkur.
Vefurinn er unninn að miklu leyti
hér á landi, og hefur hugbúnaðardeild
Ríkisskattstjóra haft ákveðna forystu
við hönnun vefjarins, sem er vistaður
hér á landi á vefslóðinni www.nord-
isketax.net. Vefurinn er samstarfs-
verkefni ríkisskattstjóraembætta
allra Norðurlandanna, og auðveldar
fólki sem þarf að huga að skattamál-
um í öðru Norðurlandi en heimaland-
inu alla upplýsingaöflun, segir Geir
H. Haarde, fjármálaráðherra.
„Það má segja að þetta sé liður í
verkefni sem Paul Schlüter, fyrrver-
andi forsætisráðherra Danmerkur,
var falið að vinna, og miðar að því að
reyna að útrýma öllum tálmunum
sem enn eru fyrir hendi fyrir venju-
lega borgara í samskiptum eða við-
skiptum yfir landamærin milli Norð-
urlandanna,“ segir Geir.
Mikil vinna hefur verið við að koma
þessum vef í gagnið, og kostnaður við
það metinn á um 14 milljónir króna
sem dreifist á þjóðirnar fimm. Þar er
þó ekki meðtalinn kostnaður vegna
vinnu sem innt var af hendi í vinnu-
tíma starfsmanna embættanna. Fyr-
irsjáanlegt er að talsverð vinna verði
við að uppfæra síðuna, enda er vef-
urinn á tungumálum allra Norður-
landanna auk ensku, og þarf því að
gera hverja breytingu á öllum tungu-
málunum sex.
Góð reynsla af rafrænni
stjórnsýslu
Geir segir að sú reynsla af raf-
rænni stjórnsýslu sem til sé hjá Rík-
isskattstjóra, m.a. vegna rafrænna
skila á skattframtali, hafi gert það að
verkum að ákveðið var að verkið yrði
að mestu unnið hér á landi „Ég er
mjög ánægður með að okkar embætti
heima hefur haft þessa forystu, og
staðið sig mjög vel í því,“ segir Geir.
Á fundi norrænu fjármálaráðherr-
anna í gær voru til umræðu hefð-
bundin samstarfsmálefni ráð-
herranna, og var rætt ítarlega um
stöðu og horfur í efnahagsmálum og
skattabreytingar í löndunum. Í gær
var einnig haldinn fyrsti fundur ráð-
herraráðs Norræna fjárfestingar-
bankans eftir að Eistar, Lettar og
Litháar gerðust aðilar að bankanum.
Gerð var grein fyrir afkomu bankans
2004, sem var mjög góð, og framtíð-
arhorfum. Geir H. Haarde lætur af
formennsku í ráðinu 1. júní og við tek-
ur Bent Bentsen, efnahagsráðherra
Dana.
Fjármálaráðherrar Norðurlandanna
opnuðu vef um skattamál
Unninn að stórum
hluta hér á landi
Geir Haarde er hér í hópi fjármálaráðherra Norðurlandanna í gær.
Eftir Brján Jónasson
brjann@mbl.is
 Meira á mbl.is | itarefni
6 LAUGARDAGUR 21. MAÍ 2005 MORGUNBLAÐIÐ
FRÉTTIR
Landskeppni Nýmiðlunarverðlauna Sameinuðu þjóðanna 2005
Nýmiðlunarhátíð
í dag í Öskju
Hátíðin er öllum opin
og aðgangur er ókeypis
Vegleg nýmiðlunarhátíð er haldin í dag í Öskju, náttúrufræði-
húsi Háskóla Íslands, frá kl. 13:00 til 18:00. Þar gefst fólki
einstakt tækifæri til að kynna sér bestu afurðir nýmiðlunar-
fyrirtækja um þessar mundir.
Dagskrá:
16:00
Verðlaunaafhending í landskeppninni
14:00 - 15:30
Stuttar kynningar á þeim öllum í samfelldri dagskrá
13:00 - 18:00
Nýmiðlunarsýning með 15 vef- og margmiðlunarverkefnum
Í LJÓSI þess að líkurnar á að skráð
fyrirtæki á bandaríska markaðnum
fái á sig hópmálssókn eru taldar vera
um 1 á móti 50 á hverju ári þóttu það í
sjálfu sér ekki stórfréttir fyrir de-
CODE, móðurfélag Íslenskrar erfða-
greiningar, að fyrirtækið skyldi
lenda í hópmálssókn seinni hluta síð-
asta árs að mati Tanyu Zharov, lög-
fræðings ÍE. Hún segir að fæstum
hópmálssóknum á hendur fyrirtækj-
um skráðum á bandarískum hluta-
bréfamarkaði ljúki með dómi. Í 80%
tilvika ljúki aðilar málum með sátt.
Um 19% málanna er vísað frá dómi
annaðhvort með ákvörðun dómara
eða að ósk stefnenda, eins og í tilviki
málssóknanna á hendur deCODE.
Eingöngu 2% málanna enda með
dómi að loknum málflutningi.
Eins og kunnugt er var það lög-
mannsstofan Lerach Coughlin Stoia
Geller Rudman & Robbins LLP sem
hóf undirbúning hópmálssóknar
gegn deCODE og stjórnendum þess í
september 2004 en féll frá málinu nú í
vikunni fyrir hönd umbjóðenda
sinna.
Eðlilegar skýringar
á gengislækkun
En hver var ástæða þess að fallið
varfrá málssókn? Tanya bendir á að
ákveðin tegund
lögmannsstofa
sérhæfi sig í að
stefna fyrirtækj-
um fyrir hönd
hluthafa á þeim
grundvelli að
gengislækkun á
hlutabréfum
stefnda sé með
einhverjum hætti
sök fyrirtækis eða stjórnenda þess.
Oftast eigi gengislækkanirnar þó sín-
ar eðlilegu skýringar á sveiflukennd-
um markaði. „Þessar lögmannsstofur
sjá hagnaðarvon í svona hópmáls-
sóknum sem hefjast með því að einn
lítill hluthafi er fenginn til að stefna
málinu inn og í kjölfarið er auglýst
eftir fleirum,“ segir Tanya.
„Nú hafa stefnendur og lögmenn
þeirra hins vegar einhliða ákveðið að
fella niður málið. Líklega hafa þeir
séð að engin ástæða væri til að halda
málinu áfram enda er fyrirtækið í
fullum rekstri og gengur vel. Upp-
haflegt tilefni málanna var líklega
tengt skiptum á endurskoðendum
hjá félaginu og var reynt að gera þau
skipti tortryggileg. Stefnendur hafa
væntanlega séð nýjasta ársreikning
fyrirtækisins sem birtur var í mars
sl. Ársreikningurinn var með fyrir-
varalausri áritun endurskoðanda
sem fyrr auk þess sem við höfum ný-
lega farið í gegnum nýja tegund af
endurskoðun á grundvelli Sarbanes-
Oxley laga. Þau kveða m.a. á um
mjög strangt innra eftirlit hjá fyrir-
tækjum og úttekt endurskoðanda á
því. Ég geri því ráð fyrir að stefn-
endur hafi lesið ársreikninginn og
áttað sig á því að ekki var eftir neinu
að slægjast hjá okkar fyrirtæki.
Sennilega hefur því verið ódýrara
fyrir þá að hætta við málið en að
halda áfram með það.“
Vilja fremur borga en verja sig
Tanya segir að ástæða hins háa
hlutfalls sátta í málum af þessu tagi
sé sú að jafnvel þótt fyrirtæki séu
með allt sitt á hreinu en lendi engu að
síður í þessari tegund af málssókn,
vilji þau eða tryggingarfélög þeirra
stundum frekar greiða sáttafé til að
ljúka málinu en að standa í að verja
sig fyrir dómi. Þetta þyki ekki mikið
tiltökumál og sé langt í frá óvanalegt í
bandarískum viðskiptum. „Fyrirtæki
kjósa þannig að greiða rúllugjaldið til
að losna við málarekstur þótt þau séu
algerlega með hreina samvisku. Góðu
fréttirnar fyrir okkur er að okkar
málaferli leystust af sjálfu sér með
einhliða ákvörðun stefnendanna.“
Fallið frá málssókn á hendur deCODE í Bandaríkjunum
Ekki eftir neinu að
slægjast fyrir stefnendur
Tanya Zharov
Rafvirkjar vilja stofna atvinnumálafélag í Skagafirði
Þótti nóg komið af sinnu-
leysi sveitarfélagsins
haldinn á Kaffi Krók á Sauðár-
króki fimmtudagskvöldið 26. maí.
Viggó segir við Morgunblaðið að
þeim Gísla hafi þótt nóg komið af
sinnuleysi sveitarfélagsins í at-
vinnumálum. Brýn þörf hafi verið
á að blása til sóknar í atvinnu-
málum.
„Okkur finnst það óásættanlegt
ef sveitarstjórnin ætlar að setja
Skatastaðavirkjun inn á aðalskipu-
lag Skagafjarðar, þar sem Lands-
virkjun verður veittur virkjunar-
rétturinn, og þar með Reykja-
víkurborg og Akureyringum. Við
erum áhugamenn um að byggja
Skagafjörð upp sem búsældarlegt
hérað. Okkur finnst ekki réttlæt-
anlegt að flytja orkuna úr Skaga-
firði eitthvað annað og láta okkur
sitja eftir með sárt ennið. Við vilj-
um spyrna við fæti og sjá hvað við
getum gert,“ segir Viggó. Spurður
hvort þetta félag muni sjálft
standa að einhverjum framkvæmd-
um segir hann hugsunina ekki
vera á þeim nótum, heldur fyrst og
fremst að halda orkunni í Skaga-
firði. Möguleiki sé á að félagið ger-
ist hluthafi í einhverju verkefni.
TVEIR rafvirkjar á Sauðárkróki,
Viggó Jónsson og Gísli Sigurðsson,
höfðu frumkvæði að því að efna til
undirbúningsfundar um stofnun
þverpólitísks félags um atvinnumál
í Skagafirði, með áherslu á að
virkjun fallvatna í Skagafirði yrði
notuð í heimahéraði. Til fundarins
á þriðjudagskvöld mættu framá-
menn úr flestum greinum atvinnu-
lífs í Skagafirði, m.a. Þórólfur
Gíslason, kaupfélagsstjóri Kaup-
félags Skagfirðinga. Héraðsfrétta-
blaðið Feykir greindi frá þessu.
Stofnfundur félagsins verður
HIN árlega álfasala SÁÁ stendur yfir nú um helgina og
gefst landsmönnum kostur á að kaupa álfa við helstu
verslanir um land allt. Um 300 manns leggja verkefninu
lið í ár. Að sögn Guðmundar Arnar Jóhannssonar hjá
SÁÁ hefur salan farið vel af stað en fyrstur til að kaupa
álf í ár var Björgólfur Guðmundsson, stjórnarformaður
Landsbankans og fyrrverandi formaður samtakanna.
Álfurinn sem boðinn er til sölu í ár er hinn svonefndi
Ávaxtaálfur en á ári hverju kemur nýr álfur og segir
Guðmundur að margir hafi safnað öllum álfunum sem
seldir hafi verið, en þetta er sextánda árið í röð sem sam-
tökin selja álfana. Margt ungt fólk tekur þátt í fjáröfl-
uninni og segir Guðmundur samtökin eiga mikla sam-
vinnu við ungliðafélög og fá þannig unga fólkið í lið með
sér. Auk þess að bjóða álfinn til sölu við verslanir segir
Guðmundur að verði gengið í hús á kvöldin og fólki boð-
ið að kaupa álfinn, sem kostar 1.000 krónur. Ágóðinn af
sölunni er mikilvæg tekjulind fyrir unglingadeild sam-
takanna og skilaði salan um 18 milljónum króna í fyrra
þegar um 23–24 þúsund álfar seldust. Að sögn Guð-
mundar er að sjálfsögðu stefnt að því að gera betur nú
og er hann þakklátur fyrir stuðning landsmanna.
Ávaxtaálfurinn til sölu í ár
Morgunblaðið/Árni Torfason
Um 300 manns taka þátt í álfasölu SÁÁ um helgina