Morgunblaðið - 21.05.2005, Qupperneq 26

26 LAUGARDAGUR 21. MAÍ 2005 MORGUNBLAÐIÐ
MINNSTAÐUR
Sumarfatnaður
Mikið úrval
Krónunni, 2. hæð, sími 462 3505,
Hafnarstræti 97, 600 Akureyri.
Opið laugardaga kl. 10-16
SLYSAVARNAFÉLAGIÐ Lands-
björg er þessa dagana að hrinda af
stað þjóðarátaki – söfnun meðal al-
mennings til kaupa á þremur björg-
unarskipum af Arun-gerð frá Eng-
landi. Með kaupum þeirra skipa má
segja að hringnum sé lokað en þá
verða björgunarskip af bestu gerð
komin á allar stærri hafnir landsins,
mynda þétt öryggisnet og veita sæ-
farendum stóraukið öryggi. Þetta
kom fram á fimmta landsþingi Slysa-
varnafélagsins Landsbjargar, sem
sett var í Íþóttahöllinni á Akureyri í
gær en því lýkur eftir hádegi í dag.
Arun-björgunarskipin sem keypt
hafa verið undanfarið frá Englandi
eru mun stærri og öflugri en eldri
bátar björgunarsveitanna. Þeir búa
yfir meiri ganghraða, geta siglt
gegnum krappari öldur, eru vel út-
búnir og þykja á allan hátt hinn besti
kostur. Þau þrjú skip sem keypt
verða í framhaldi af þessu átaki,
munu leysa af hólmi eldri skip á
Siglufirði, Patreksfirði og Vopna-
firði.
Til kaupanna vantar félagið tugi
milljóna króna en hvert skip kostar
12–14 milljónir króna og því er von-
ast eftir góðum viðbrögðum lands-
manna. Eftir kaupin verða 14 öflug
björgunarskip í kringum landið en
fyrir eru skip í Hafnarfirði, Reykja-
vík, á Rifi, Ísafirði, Skagaströnd,
Raufarhöfn, Neskaupstað, Höfn í
Hornafirði, Vestmannaeyjum,
Grindavík og Sandgerði.
Á landsþinginu var skrifað undir
samstarfssamning Landhelgisgæslu
Íslands, Slysavarnafélagsins Lands-
bjargar og dómsmálaráðuneytis og
einnig var skrifað undir samning
milli Landsbjargar og dómsmála-
ráðuneytisins.
Fimm björgunarskip
Ráðgert er að fimm björgunarskip
verði í Akureyrarhöfn í tengslum við
þingið, auk varðskips Landhelgis-
gæslunnar og Sæbjargar, en um
borð er Slysavarnaskóli sjómanna. Í
dag verður almenningi gefinn kostur
á að fara í siglingu út á fjörðinn með
Sæbjörgu. Þyrla Gæslunnar verður
til staðar og mun taka þátt í björg-
unaræfingu Slysavarnafélagsins
Landsbjargar á Pollinum. Ætlunin
er að Björn Bjarnason dómsmála-
ráðherra sígi úr þyrlunni niður í eitt
björgunarskipanna. Björgunarskip
Slysavarnafélagsins Landsbjargar
verða til sýnis sem og varðskipið og
Sæbjörg. Fleira verður til gamans
gert, m.a. þrautabraut Útivistarskól-
ans og tækjasýning við höfnina.
Fimmta landsþing Slysavarnafélagsins Landsbjargar haldið á Akureyri
Þjóðarátak til kaupa á
þremur björgunarskipum
Morgunblaðið/Kristján
Samningur Gerog Lárusson, forstjóri Landhelgisgæslunnar, Björn
Bjarnason dómsmálaráðherra og Sigurgeir Guðmundsson, formaður
Slysavarnafélagsins Landsbjargar, skrifuðu undir samstarfssamning við
upphaf fimmta landsþings Landsbjargar á Akureyri í gær.
AKUREYRI
Skákmót | Hörkukeppni var á
minningarmóti um Gunnlaug Guð-
mundsson en úrslitin réðust í bráða-
bana. Gunnlaugur, sem lést á síðasta
ári, var m.a. í stjórn Skákfélags
Akureyrar í átta ár, þar af þrjú ár
sem formaður félagsins. Gylfi Þór-
hallsson og Ólafur Kristjánsson háðu
harða keppni um fyrsta sætið en þeir
urðu jafnir og efstir með 11,5 vinn-
inga af 13 mögulegum en Gylfi hafði
betur í bráðabana. Ágúst Bragi
Björnsson varð þriðji með 10 vinn-
inga. Fjölskylda Gunnlaugs gaf verð-
launagripi og farandbikar til keppn-
innar sem verður haldin alls sjö
sinnum. Næsta mót hjá Skákfélagi
Akureyrar er fimmtán mínútna mót
á morgun sunnudag og hefst kl. 14.00
í KEA salnum í Sunnuhlíð.
  
Listkynning | Kynning á verkum
eftir Sveinbjörgu Hallgrímsdóttur
stendur nú yfir í Listfléttunni í
miðbæ Akureyrar. Hún vinnur eink-
um í grafík, sker út tréristur í kross-
við og handþrykkir á handgerðan
japanskan ríspappír, en einnig fín-
gerðar grafíkmyndir sem hún rispar
í koparplötur. Náttúran og veðráttan
á Íslandi eru aðal áhrifamáttar henn-
ar, en hægt er að kynna sér verk
hennar á vefnum www.svartfugl.is.
Ályktun | Stjórn Kaupfélags Ey-
firðinga samþykkti ályktun um stór-
iðju- og samgöngumál á fundi sínum
í vikunni, þar sem fram kemur að
stjórn félagsins lýsir vilja til að taka
þátt í samstarfi um undirbúning að
uppbyggingu stóriðju á Norður-
landi. Stjórn KEA áréttar mikilvægi
samstarfs á milli byggðarlaga varð-
andi staðarval. Stjórnin bendir á
mikilvægi þess að bæta samgöngur
á Norðausturlandi þannig að stærri
atvinnusvæði njóti ávinnings af at-
vinnuuppbyggingu og hvetur til þess
að framkvæmdir verði hafnar við
gerð Vaðlaheiðarganga.
  
Fyrirlestur | Hörður Geirsson
heldur fyrirlestur á Amtsbókasafn-
inu á Akureyri í dag kl. 13.30 um
ljósmyndir Gunnlaugs P. Kristins-
sonar en Minjasafnið á Akureyri
opnaði nýverið sýningu á myndum
hans, „Myndir úr lífi mínu“.
Í fyrirlestrinum mun Hörður í
máli og myndum fjalla um Gunnlaug
sem ljósmyndara. Myndefnið er afar
fjölbreytt. Gunnlaugur byrjaði að
taka myndir um 1950 og skráði um-
hverfi sitt með myndavélinni þegar
uppbygging Akureyrar var sem
mest og ásýnd bæjarins tók miklum
breytingum. Hann var dugmikill
starfsmaður KEA og tók margar
myndir af starfsemi þess. Í allmörg
ár festi Gunnlaugur einnig á filmu
hátíðastundir í lífi bæjarbúa í margs
konar veisluhöldum.
  
BORGARÍSJAKINN sem verið hefur inni á
Eyjafirði síðustu viku, er nú kominn suður að
Hauganesi, um 400 metra frá landi. Töluvert
hefur brotnað úr jakanum síðustu daga og þá
sérstaklega í gær „en það er þó nóg eftir enn,“
sagði Árni Halldórsson á Hauganesi í samtali
við Morgunblaðið. Árni sagði að jakinn væri við
það að vera strand en þó á hægri leið suður
fjörðinn. Hann sagði að ef jakinn héldi áfram
inn fjörðinn væri ástæða fyrir menn að hafa
áhyggjur. Á botni fjarðarins væri rafmagns-
kapall frá Hauganesi yfir til Grenivíkur, sjó-
inntak fyrir fiskeldi og hinar margfrægu hvera-
strýtur. „Ef jakinn fer inn fyrir Hjalteyri er
mönnum óhætt að hafa áhyggjur, því ef hann
lendir á hverastrýtunum skemmir hann þær.
Hann þarf þó að færast suður um 10 sjómílur til
að það gerist,“ sagði Árni.
Borgarísjakinn á hægri suðurleið
Morgunblaðið/Kristján
Tignarlegur borgarískakinn í Eyjafirðinum er nú kominn suður undir Hauganes en myndin var tekin yfir íbúðabyggðina á Árskógssandi í gær.
Ólafsfjörður | Nýr grunnskóli
tekur til starfa í Ólafsfirði frá og
með næsta skólaári. Hinn nýi
skóli verður til við sameiningu
Barnaskóla Ólafsfjarðar og Gagn-
fræðaskóla Ólafsfjarðar.
Nemendur verða 160 og um 30
manna starfslið. Starfsstöðvar
verða tvær, á yngra og eldra stigi.
Staða skólastjóra hins nýja skóla
hefur verið auglýst laus til um-
sóknar og einnig staða aðstoðar-
skólastjóra. Þá hefur staða skóla-
stjóra Tónskóla Ólafsfjarðar
einnig verið auglýst laus til um-
sóknar til eins árs, skólaárið 2005–
2006. Nemendur Tónskólans eru
70–80 og kennarar 6–7. Umsókn-
arfrestur um þessar stöður er til
27. maí nk.
Nýr grunnskóli tekur
til starfa á Ólafsfirði
Myndlist | Kristín Sigurðardóttir
opnar útskriftarsýningu á verkum
sínum á Óseyri 6b á Akureyri í dag
og verður sýningin opin í dag og á
morgun frá kl. 14–18. Kristín hefur
stundað nám í Myndlistarskóla Arn-
ar Inga en á sýningunni eru verk
sem unnin hafa verið á síðustu
þremur árum með blandaðri tækni
en lokaverkefni hennar var m.a. að
opinbera fjögur leyndarmál. Allir
eru velkomnir en þó sérstaklega þeir
sem kunna að þegja yfir leyndarmál-
um, eins og segir í fréttatilkynningu.
  
Fréttasíminn
904 1100