Morgunblaðið - 09.08.2005, Síða 4

4 ÞRIÐJUDAGUR 9. ÁGÚST 2005 MORGUNBLAÐIÐ
FRÉTTIR
Hafið samband við söluskrifstofur Icelandair eða við Fjarsölu Icelandair í síma 50 50 100
(svarað mánud. - föstud. kl. 9-17, laugard. kl. 9-17 og á sunnudögum kl. 10-16).
Ver› á mann í tvíb‡li á Maritim Hotel Frankfurt
18.-20. nóv., 20.-22. jan. og 3.-5. mars.
Innifali›: Flug, gisting, morgunver›ur, flugvallarskattar og fljónustugjöld.
www.icelandair.is/frankfurt
Frankfurt
VR orlofsávísun
Munið ferða-
ávísunina
Nú geta handhafar Vildarkorts Visa og
Icelandair notað 10.000 Vildarpunkta
sem 5.500 kr. greiðslu upp í fargjaldið.
Flug og gisting í tvær nætur
Verð frá 39.900 kr.
ÍS
LE
N
SK
A
A
U
G
LÝ
SI
N
G
A
ST
O
FA
N
/S
IA
.I
S
IC
E
29
01
3
0
8/
20
05
LÁTINN er í
Reykjavík Szymon
Kuran, fiðluleikari og
tónskáld. Hann and-
aðist á heimili sínu 6.
ágúst. Hann fæddist
16.12. 1955 í Szeligi í
Póllandi. Eftirlifandi
foreldrar hans eru
Stanislawa Kuran og
Tadeusz Kuran.
Szymon lauk einleik-
araprófi frá Tónlist-
arskólanum í Varsjá
1975. Hann lauk
MGR-gráðu í fiðluleik
frá Tónlistarakademíunni í Gdansk
1980 og prófi í fiðluleik og tón-
smíðum frá Goldsmith’s College,
University of London og National
Centre for Orchestral Studies
1984. Hann stofnaði kammersveit-
ina Polska Filharmonia Kamerlana
og spilaði með henni í 8 ár. Szymon
var konsertmeistari með Balt-
nesku fílharmóníuhljómsveitinni
1981–1983 og annar konsertmeist-
ari með Sinfóníuhljómsveit Íslands
frá 1984–2000. Hann lék einleik við
frumflutning fyrsta fiðlukonserts
eftir Karol Szymanowski hérlendis
með Sinfóníuhljómsveit Íslands
1986, og fiðlukonsert eftir Panufn-
ik 1993 einnig með Sinfóníuhljóm-
sveit Íslands og síðar aftur með
Sinfóníuhljómsveit Norðurlands.
Szymon var auk þess einn af
stofnendum djasshljómsveitarinn-
ar Súldar og einnig Kuran Swing
og var konsertmeistari með Sin-
fóníuhljómsveit Norðurlands og
með Íslensku óperunni. Hann lék
tónlist í nokkrum kvikmyndum,
Börnum náttúrunnar, Englum al-
heimsins o.fl. Eftir Szymon liggja
margar tónsmíðar og útsetningar,
m.a.: Elegia fyrir
strengi, flutt af Sinfón-
íuhljómsveit Íslands
1985, Square, flutt af
Kammersveit Reykja-
víkur 1985, Sinfónía
Consertante, D. Sjost-
akovitsj in memoriam,
frumflutt af Sinfóníu-
hljómsveit Íslands
1987, Konfrontacja,
frumflutt af hljóm-
sveitinni Súld á Musica
Nova-tónleikum 1987,
In The Light of Et-
ernity, frumflutt af
Sinfóníuhljómsveit Íslands 1991,
,,Live from Reykjavík,“ verk í
flutningi Kurankompaní, geisla-
diskur gefinn út 2000 ásamt Haf-
dísi Bjarnadóttur rafgítarleikara.
Requiem, frumflutt í Kristskirkju í
Landakoti 29. apríl 2001. Geisla-
diskur gefinn út á sama tíma með
verkunum Requiem og Post mort-
em (Elegia). Ramona prinsessa,
gefinn út 2004. Vorið 2005 voru
gerðar upptökur af nýju verki eftir
Szymon – Veni Creator. Að auki
voru gerðar upptökur með samspili
þeirra Szymons og Reynis Jónas-
sonar. Í samvinnu við Þórdísi
Björnsdóttur samdi hann tónlist
við ljóð hennar, Ást og appelsínur,
sem einnig hefur verið tekið upp.
Szymon hlaut ýmsar viðurkenn-
ingar, m.a. fyrstu verðlaun á Sacral
Music Festival í Póllandi 1978 fyrir
tónsmíð og útsetningu. Hann var
borgarlistamaður Reykjavíkur
1994. Fyrrverandi eiginkona Szym-
ons Kurans er Guðrún Theodóra
Sigurðardóttir sellóleikari. Börn
þeirra eru: Szymon Héðinn, Anna
Kolfinna og Jakob. Stjúpbarn er
Esther Talia Casey.
Andlát
SZYMON KURAN
ORKUVEITA Húsavíkur skoðar um þessar
mundir grundvöll fyrir hitaveitu í Kelduhverfi. Í
haust er fyrirhuguð jarðhitaleit í nágrenni
Skjálftavatns og í Arnarneslandi, takist að fjár-
magna verkefnið.
Leitað hefur verið eftir tilboðum í borverkið og
má reikna með að kostnaður við tvær góðar leit-
arholur (250 m–350 m) sé rúmlega 9 milljónir
króna. Orkuveita Húsavíkur hefur óskað eftir
framlagi frá Kelduneshreppi upp á 2 milljónir
króna og hefur hreppsnefnd Kelduneshrepps sam-
þykkt að leggja fram þá upphæð. Verður fjár-
magnið tekið af eigin fé hreppsins.
Áhugaverður valkostur
Katrín Eymundsdóttir, oddviti Keldunes-
hrepps, fagnar þessum áformum. „Það hefur fund-
ist heitt vatn á söndunum í Öxarfirði og aðallega
austan árinnar,“ segir Katrín. Íslenskar orkurann-
sóknir gerðu viðnámsmælingar (T.E.M.-mæling-
ar) vestan Jökulsár á síðasta ári og sýndu þær að
sögn Katrínar mjög stórt lághitasvæði fyrir botni
Öxarfjarðar sem áhugavert væri að bora í og nýta í
hitaveitu. „Orkuveita Húsavíkur hefur sýnt þessu
áhuga og fengið styrk hjá Orkusjóði til að fara í
boranir. Það stendur nú til að bora tvær holur.“
Katrín segir að hitaveita myndi tvímælalaust
hafa jákvæð áhrif á búskilyrði á svæðinu. „Síðan
erum við með þjóðgarðinn í Jökulsárgljúfrum, en
þar væri gríðarlega gott mál ef kæmi hitaveita,“
segir Katrín. „Þangað koma um 100.000 manns á
sumri og því væri mjög gott fyrir þjóðgarðinn að fá
hitaveitu. Hann yrði trúlega stærsti notandinn í
sveitinni. En þetta er allt á tilraunastigi. Það er
eftir að bora og kanna hvort við séum svo heppin
að hitta á vatnið, en þetta er líklegra en ekki.“
Orkuveita Húsavíkur hyggst bora eftir heitu vatni fyrir hitaveitu í Kelduhverfi
Búbót fyrir samfélag-
ið og þjóðgarðinn
Morgunblaðið/Brynjar Gauti
Hljóðaklettar við Ásbyrgi. Í þjóðgarðinn í Jökulsárgljúfrum koma um 100.000 manns á ári.
SÉRSTÖK akrein fyrir strætisvagna eftir Miklubraut verður tekin í notkun
á næstu dögum. Akreinin hefur verið rauðmáluð en hún hefst á móts við
Kringluna og liggur í vesturátt alveg að Lönguhlíð. Ásgeir Eiríksson, fram-
kvæmdastjóri Strætó bs., segir að í samkomulagi sem var gert við stofnun
Strætó hafi m.a. verið talað um mikilvægi þess að auka og efla forgang fyr-
ir strætisvagna í umferðinni.
„Það er yfirlýst stefna sveitarfélaganna að greiða leið strætisvagna,“
segir Ásgeir og bætir við að nú hafi verið kjörið tækifæri til þess í tengslum
við endurskipulagningu gatnamóta Kringlumýrarbrautar og Miklubraut-
ar.
Ásgeir segir einnig að tillögur hafi verið lagðar fyrir borgarráð um að
setja sérstaka strætóakrein í báðar áttir eftir Lækjargötunni frá Austur-
stræti og að Vonarstræti. Þær verði líklega afgreiddar á næsta borgarráðs-
fundi. „Við keyrum núna Lækjargötuna í báðar áttir en með nýju leiðakerfi
hættum við að aka um Aðalstræti og Hafnarstrætisendastöðin var lögð af,“
útskýrir Ásgeir.
Einnig hefur verið rætt hvort strætisvagnar eigi að fá frekari forgang
um Hverfisgötu en engar tillögur hafa verið lagðar fram. Ásgeir segir þó
að þegar lagst verði í endurbætur á Hverfisgötunni muni Strætó bs. leggja
á það ríka áherslu að tekið verði tillit til strætisvagna enda eru margir far-
þegar sem fara þessa leið.
Morgunblaðið/Sverrir
Strætisvagnar munu brátt aka eftir sérakrein vestur Miklubraut. Tillögur eru um að setja strætóakrein í Lækjargötu.
Sérakrein fyrir
strætó á Miklubraut
FJÖLDI þeirra stangveiðimanna
sem hafa farið utan til veiða á vegum
Stangveiðifélagsins Lax-á á þessu ári
er í kringum 140. Þar af eru um 25 Ís-
lendingar og er það svipaður fjöldi og
árið áður. Hins vegar er áætlað að um
350 veiðimenn fari utan á vegum fyr-
irtækisins á næsta ári en eftirspurnin
eftir ferðum sem þessum hefur aukist
ár frá ári, að sögn Hörpu Hlínar Þórð-
ardóttur, framkvæmdastjóra sölu-
sviðs hjá Lax-á.
„Erlendir veiðimenn sem koma
hingað til lands á vegum fyrirtækisins
eru í meirihluta þeirra sem nýta sér
þjónustuna en fjöldi íslenskra veiði-
manna í þessum ferðum hefur þó ver-
ið að aukast,“ að sögn Hörpu en á
meðal þeirra landa sem Lax-á býður
veiðiferðir til eru Argentína, Rúss-
land og Skotland en einnig er boðið
upp á ferðir til Kúbu og Bahama-eyja.
„Ástæðan fyrir að við hófum að
bjóða upp á erlend veiðisvæði var eft-
irspurn okkar föstu viðskiptavina eft-
ir veiði utan veiðitíma hér á landi. Nú
teljum við okkur vera vel í stakk búin
að fara að sinna þessu af fullum krafti
en við höfum fengið til liðs við okkur
danskan reynslubolta, Steffen Juhl,
sem hefur skipulagt ferðir til Rúss-
lands í fjölda ára. Nú þegar höfum við
bókað fjölda fólks til Rússlands og
það er fyrirséð að 2006 verður algjört
metár hjá okkur í fjölda bókana á er-
lendu veiðisvæðin.“
Metásókn
í erlend
veiðisvæði