Morgunblaðið - 23.08.2005, Page 6

6 ÞRIÐJUDAGUR 23. ÁGÚST 2005 MORGUNBLAÐIÐ
FRÉTTIR
GUÐLAUGUR Þór Þórðarson,
borgarfulltrúi Sjálfstæðisflokksins,
hefur í samvinnu við teiknistofuna
Nexus gert tillögu að skipulagi
Miklatúns, en í henni er gert ráð fyr-
ir að í garðinum verði leiksvið og
tónleikapallur, bátapollur og skauta-
svell, boltavellir, gæsluvöllur, hjóla-
brettasvæði, golfflöt, tennisvellir og
bíótjald. Guðlaugur hyggst leggja
tillöguna fyrir skipulagsráð Reykja-
víkurborgar, til samþykktar eða
synjunar. Hann segir að tillagan sé
byggð á hönnun Reynis Vilhjálms-
sonar landslagsarkitekts sem upp-
haflega hannaði Miklatún.
Guðlaugur segir að að hans frum-
kvæði hafi verið skipaður vinnuhóp-
ur í júní 2001 til þess að fara yfir
garðana í borginni, með það fyrir
augum að huga að betri nýtingu
þeirra. Vinna hópsins hafi farið vel
af stað en á þessu kjörtímabili hafi
ekkert gerst. Síðan hafi Dagur B.
Eggertsson, borgarfulltrúi R-
listans, komið fram með gamla til-
lögu um kaffihús í Hljómskálagarð-
inum.
Aðalatriðið að nýta garðinn
Guðlaugur segir að hann hafi því
ákveðið að gera sínar eigin tillögur
um nýtingu Miklatúns. Hugmyndin
sé sú að garðurinn nýtist öllum; allir
eigi að geta fundið þar eitthvað við
sitt hæfi. „Tillögurnar eru byggðar á
hugmyndum Reynis Vilhjálmssonar
sem hannaði garðinn árið 1965, en
garðurinn var aldrei kláraður, hann
er rétt fokheldur.“
Guðlaugur segir garðinn bjóða
upp á ýmsa möguleika; þar sé þegar
frábært listasafn, Kjarvalsstaðir og
gott kaffihús. Þá starfsemi eigi að
vera hægt að tengja annarri starf-
semi. Auk þess segir hann að garð-
inn mætti nýta á mismunandi hátt
eftir árstíðum, s.s. með skautasvelli
á veturna en bátapolli á sumrin.
Guðlaugur ætlar, eins og áður
sagði, að leggja þessar tillögur fyrir
skipulagsráð borgarinnar á miðviku-
dag. „Ef aðrir hafa einhverjar betri
hugmyndir um garðinn er það sárs-
aukalaust af minni hálfu,“ segir
hann. „Aðalatriðið er að nýta þessa
perlu sem ég tel að garðurinn sé.“
Leggur fram tillögu
um nýtingu Miklatúns
Áhersla lögð á að allir finni þar eitthvað við sitt hæfi
Eftir Örnu Schram
arna@mbl.is
NEYSLA á skelfiski sem hefur ver-
ið tíndur að sumri eða hausti getur
verið varasöm en á þeim árstíma er
mikið um eitraða þörunga í sjónum.
Skelfiskur, þ.m.t. kræklingar, not-
ar þörungana sem fæðu og ber því
eitrið í sér án þess að verða sjálfum
meint af.
Í framhaldi af umfjöllun Frétta-
blaðsins í gær þar sem Úlfar Ey-
steinsson segir að besti tími til
kræklingatínslu sé nú runninn upp
sendi Umhverfisstofnun frá sér
fréttatilkynningu þar sem það er
ítrekað að besti tíminn til skel-
fisktínslu sé á veturna og vorin.
Grímur Ólafsson, sérfræðingur á
matvælasviði hjá Umhverf-
isstofnun, segir að þegar magn eit-
urþörunga í hafinu sé yfir ákveðnu
marki sé veruleg hætta á að skel-
fiskur sé óhæfur til neyslu. Haf-
rannsóknastofnun hefur vaktað
magn svifþörunga á nokkrum stöð-
um en magn eitraðra þörunga get-
ur verið yfir hættumörkum frá maí
og fram í október.
Grímur segir að um þrenns kon-
ar eiturefni sé að ræða en algeng-
ast hér á landi er svonefnt DSP-efni
sem getur valdið magakveisu. PSP
hefur einnig fundist í sjó hér á landi
en það getur valdið tímabundinni
lömun og m.a. lamað öndunarfæri
og jafnvel leitt til dauða. Þriðja teg-
undin, ASP, hefur ekki fundist við
strendur Íslands en það er tauga-
eitur sem getur valdið minnisleysi.
Umhverfisstofnun beinir því til
fólks sem hyggur á kræklingatínslu
að fylgjast með á heimasíðu stofn-
unarinnar þar sem nýjustu upplýs-
ingar um niðurstöður talninga á
eiturþörungum er að finna.
Skelfiskur getur verið
varasamur vegna eitrunar
Morgunblaðið/Sverrir
PERSÓNUVERND hefur úrskurð-
að að notkun falinnar myndavélar í
karlaklefa líkamsræktarstöðvarinn-
ar Lauga í Laugardal hafi verið ólög-
mæt. Vöktun með leynd geti aldrei
farið fram nema með úrskurði dóm-
ara eða samkvæmt sérstakri laga-
heimild. Persónuvernd telur brotið
vera alvarlegt þar sem fólk megi
vænta þess að njóta einkalífsréttar í
búningsklefum. Var myndavélin sett
upp af starfsmönnum Lauga til að
upplýsa þjófnað sem ítrekað hafði
átt sér stað í klefanum.
Lögfræðideild lögreglunnar í
Reykjavík hafði samband við Per-
sónuvernd vegna upptökunnar, sem
lögð var fram sem gagn í málinu.
Óskaði lögreglan álits Persónu-
verndar á lögmæti upptökunnar.
Björn Leifsson, eigandi Lauga,
segist í samtali við Morgunblaðið
hafa verið vel meðvitaður um að upp-
takan hafi verið ólögmæt. Þetta hafi
hins vegar verið talin eina leiðin til
að upplýsa kerfisbundinn þjófnað
sem hafði átt sér stað úr skápum í
búningsklefanum yfir nokkuð langt
tímabil. Starfsmenn Lauga hafi legið
undir grun og Björn segist hafa vilj-
að útkljá málið með öllum ráðum.
Lögreglan hafi meira að segja sagt
að þetta væri eina leiðin. Of langan
tíma hefði tekið að fá dómsúrskurð
og álitsgjöf frá Persónuvernd hefði
verið fyrirséð. Þjófurinn hafi fundist,
hann verið ákærður og málið væri úr
sögunni að hans mati.
Einangrað tilvik
„Þetta er í eina skiptið sem svona
vél hefur verið sett upp og við gerum
þetta ekki aftur, enda um mjög ein-
angrað tilvik að ræða,“ segir Björn
og ítrekar að myndavélinni hafi að-
eins verið beint að ákveðnum skáp-
um og engin nekt komið fram í upp-
tökum. Vélin hafi verið í sinni vörslu
og upptakan einungis notuð til að
upplýsa þjófnaðinn. Þetta hafi verið
kerfisbundinn þjófnaður, eingöngu
peningum hafi verið stolið, engum
öðrum verðmætum.
Persónuvernd telur það engum
vafa undirorpið að lögreglu hefði
verið heimilt að framkvæma þessa
rafrænu vöktun með leynd á grund-
velli dómsúrskurðar.
Lögregla sagði
þetta einu leiðina til
að upplýsa þjófnað
Persónuvernd telur falda myndavél í
líkamsræktarstöð vera alvarlegt brot
 Meira á mbl.is/itarefni
PERSÓNUVERND hefur jafnframt
úrskurðað að notkun eftirlits-
myndavéla innan veggja heimavist-
ar Fjölbrautaskóla Norðurlands
vestra á Sauðárkróki hafi verið
óheimil. Er skólanum gert að
stöðva notkunina fyrir 1. sept-
ember næstkomandi.
Íbúi á heimavistinni leitaði til
Persónuverndar um hvort notkun
vélanna bryti í bága við lög. Vett-
vangsrannsókn Persónuverndar
leiddi í ljós að notaðar voru 16
myndavélar á 80–100 manna
heimavist, á svæðum í nánum
tengslum við heimili nemenda. Per-
sónuvernd tekur fram að vöktun í
öryggis- og eignavörsluskyni sé al-
mennt lögmæt en í þessu tilviki hafi
hún farið í bága við kröfur laga um
meðalhóf, einkum í ljósi fjölda og
staðsetningar upptökuvélanna.
Persónuvernd telur skólann ná
markmiðum um öryggisvöktun
með því að setja myndavélar upp í
anddyri og utandyra vistarinnar,
þannig að myndir náist eingöngu af
þeim sem inn á heimavistina fara.
Upptaka innan
heimavistar óheimil