Morgunblaðið - 23.08.2005, Blaðsíða 44

MORGUNBLAÐIÐ, KRINGLUNNI 1, 103 REYKJAVÍK, SÍMI 569 1100, SÍMBRÉF 569 1181, PÓSTHÓLF 3040,
ÁSKRIFT-AFGREIÐSLA 569 1122, NETFANG: RITSTJ@MBL.IS, AKUREYRI: KAUPVANGSSTRÆTI 1 ÞRIÐJUDAGUR 23. ÁGÚST 2005 VERÐ Í LAUSASÖLU 220 KR. MEÐ VSK.
Opið 8-24 alla daga
í Lágmúla og Smáratorgi
GUÐNI Gunnarsson, tvítugur Reykvík-
ingur, hefur safnað vínylplötum með
hljómsveitunum The Rolling Stones og
The Beatles frá unga aldri og á nú hverja
einustu plötu sem sveitirnar hafa sent frá
sér. Stones-safnið er öllu tilkomumeira en
Bítlasafnið, því plöturnar eru yfir 200 tals-
ins og allar í upprunalegri útgáfu.
Guðni segist ekki geta hugsað sér að
selja neina af þessum plötum, þótt margar
þeirra kunni að vera afar verðmætar. | 34
Morgunblaðið/ÞÖK
Á allt með
Stones og
Bítlunum
BÆNDUR á Hofi í Fljótsdalshéraði smöluðu af fjalli síðastliðinn laug-
ardag vegna sumarslátrunar. Voru sláturlömbin síðan flutt á sláturhús
Norðlenska á Húsavík þar sem þeim var lógað í gær.
„Þetta er fjórða sumarið sem við lógum á þessum tíma eða í kringum
miðjan ágúst,“ segir Sigurður Gylfi Björnsson, bóndi á Hofi. Hann segir
fé koma heldur vænna af fjalli í sumar en í fyrra. „Það hefur verið miklu
hagstæðari tíð hvað þetta snertir í sumar en í fyrra en þá voru miklir
þurrkar. Ég er frekar ánægður með þetta í ár,“ segir hann.
Morgunblaðið/Árni Torfason
Vænir dilkar komnir af fjalli
SÝSLUMAÐURINN í Norður-
Múlasýslu hefur nú til rannsóknar
grimmdarlegar aðfarir tveggja skot-
veiðimanna á sunnudag sem drápu
átta tamda æðarunga á friðlýstu
svæði, en fuglana hefur heim-
ilisfólkið á Fremri-Nípum í Vopna-
firði alið fyrir æðarvarp. Guðmundur
Wium Stefánsson bóndi segir þenn-
an atburð hinn nöturlegasta og í
kjölfar hans hljóti skotveiðimenn að
þurfa að athuga sinn gang rækilega.
Um var að ræða heimaalda fugla
sem áttu að byrja aðlögun sína undir
beru lofti um helgina og var sleppt út
að morgni til. Guðmundur segir
fuglana hafa verið svo gæfa að þeir
hafi nálgast mann eins og mannelsk
folöld. Um hádegisbil var hins vegar
búið að ráðast á þá og lágu átta
þeirra í valnum. Voru mennirnir að
snúa þá síðustu úr hálsliðnum þegar
heimilisfólkið kom að þeim. „Þeir
voru þá komnir með svartan plast-
poka til að troða fuglunum í,“ segir
Guðmundur. Dóttir hans og tengda-
sonur höfðu tal af mönnunum og
segir Guðmundur annan þeirra hafa
verið samvinnuþýðan. „Annar þeirra
sagðist hafa talið þetta vera endur.
Manni finnst nú að það ætti að fara
skoða þessi byssuleyfi betur ef menn
þekkja ekki æðarkollur þegar þeir fá
leyfin í hendur. Ég held að ekki sé til
það mannsbarn á Íslandi sem ekki
þekkir æðarkollu þegar það sér
hana.“
Mennirnir munu hafa verið á milli
tvítugs og þrítugs og voru yfirheyrð-
ir af lögreglu. Atburðurinn átti sér
stað á friðlýstu svæði og þess má
einnig geta að jafnvel þótt um endur
hefði verið að ræða, hefst andaveiði-
tímabilið ekki fyrr en 1. september.
Afabörnin horfðu á
Guðmundur segir fuglana hafa
beðið sín í fjörunni eftir fóðurgjöf
þegar skotið var á þá. Það sem telst
hvað alvarlegast er að afabörn hans
horfðu á atburðinn. „Þetta var held-
ur nöturlegt,“ segir hann. „Ég held
að skotveiðimenn verði að vanda sig
betur ef þeir ætla að ná upp þokka-
legum móral eftir svona æfingar.
Þetta er algerlega glórulaust.
Barnabörnin mín sem hafa verið að
dunda sér við að gefa ungunum
hérna heima, horfðu á þessar aðfar-
ir.“
Veiðimenn drápu lúsgæfa æðarunga fyrir framan nefið á heimilisfólkinu á Fremri-Nípum
„Nöturlegar aðfarir“
Eftir Örlyg Stein Sigurjónsson
orsi@mbl.is
Ljósmynd/Ólafía Herborg
Æðarungarnir átta enduðu lífdagana í höndum veiðimanna.
FYRSTU fjárréttir haustsins
verða um næstu helgi þegar rétt-
að verður í Hlíðarrétt og Bald-
ursheimsrétt í Mývatnssveit.
Helgina á eftir verður svo réttað
á nokkrum stöðum.
Sumarslátrun hefur staðið yfir
víða um land undanfarnar vikur.
Ólafur R. Dýrmundsson, ráðu-
nautur hjá Búnaðarsambandinu,
segir að samkvæmt öllum fregn-
um sem hann hafi komi fé heldur
vænt af fjalli að þessu sinni.
„Það er líka mjög gleðilegt í
sauðfjárræktinni að nú eru í
fyrsta skipti í mjög langan tíma
engar birgðir að ráði af lamba-
kjöti í landinu. Nú geta menn
hætt að tala um kjötfjall í sauð-
fjárræktinni. Það er í fyrsta skipti
nú í ár sem er að komast á æski-
legt jafnvægi á milli framboðs og
eftirspurnar,“ segir hann. Að
sögn Ólafs þarf að leita marga
áratugi aftur í tímann til að finna
hliðstæðu þessa. Hann bendir á
að framleiðslustýringin sem verið
hefur í sauðfjárræktinni frá 1980
hafi áreiðanlega skilað árangri. „Í
öðru lagi er markaðsstaðan betri
en áður var. Það er greinilegt að
salan er betri og ég held að fólk
kunni enn betur að meta þessar
afurðir. Svo má ekki gleyma því
að margir bændur hafa hætt bú-
skap og fjárbúum hefur því fækk-
að mikið,“ segir hann. Ólafur
bendir einnig á að útflutningur á
lambakjöti hefur aukist á nýjan
leik á allra seinustu árum.
„Það ríkir meiri bjartsýni í
sauðfjárræktinni á þessu hausti
en verið hefur oft áður,“ segir
Ólafur.
Fyrstu fjárréttir haustsins verða í Mývatnssveit um næstu helgi
„Meiri bjartsýni ríkir
í sauðfjárræktinni“
VÍÐTÆK leit stendur yfir að hollensku
skútunni Daisy en sl. laugrdag barst neyð-
arkall í gegnum gervitungl frá neyðarbauju
um 100 sjómílur austnorðaustur af Hvarfi á
Grænlandi eða 530 sjómílur frá Keflavík. Í
fyrstu var talið að neyðarkallið væri ekki
raunverulegt þar sem ekkert annað kall
barst.
Í framhaldinu reyndu starfsmenn vakt-
stöðvar siglinga og stjórnstöðvar Land-
helgisgæslunnar að finna upplýsingar frá
framleiðanda neyðarbaujunnar en það
tókst ekki fyrr en í gærmorgun. Þá kom í
ljós að baujan hafði verið seld í hollensku
skútuna Daisy en talið er að á henni sé
þýskur skipstjóri og einn eða tveir aðrir í
áhöfn. Neyðarbaujan er sögð vera með
sleppibúnaði sem gerir það að verkum að
hún flýtur upp á yfirborðið og heldur áfram
að senda út neyðarköll eftir að skip sekkur.
Lítið er vita um ferðir skútunnar nema að
hún hafi látið úr höfn á vesturströnd Græn-
lands 16. eða 17. ágúst sl. og var förinni
heitið til Reykjavíkur.
Þyrla frá Grænlandi fór til leitar í gær,
Nimrod-vél frá breska flughernum var þar
við leit þegar Morgunblaðið fór í prentun
seint í gærkvöld og áætlað er að senda flug-
vél Flugmálastjórnar til leitar í dag.
Víðtæk leit
að skútu frá
Hollandi