Morgunblaðið - 23.08.2005, Blaðsíða 10

10 ÞRIÐJUDAGUR 23. ÁGÚST 2005 MORGUNBLAÐIÐ
FRÉTTIR
FORMAÐUR SKOTVÍS, Sigmar
B. Hauksson, segist almennt vera
fylgjandi þeim tillögum sem Um-
hverfisstofnun hefur skilað til um-
hverfisráðherra um takmarkaða
rjúpnaveiði í haust. Þó megi gera
athugasemdir við sum atriði, eink-
um lítinn kvóta á hverja skyttu.
Að höfðu samráði við Nátt-
úrufræðistofnun Íslands leggur
Umhverfisstofnun til að veiði-
tímabilið verði frá 19. október til og
með 3. desember en veiðimenn geti
ekki veitt lengur en samtals í 28
daga, samanborið við mest 69 daga
áður. Lagt er til veiðibann á sunnu-
dögum, mánudögum og þriðjudög-
um og að hver veiðimaður geti ekki
skotið fleiri en 10 til 15 fugla á
tímabilinu.
Sölubann á rjúpu og rjúpna-
afurðum er áfram í gildi en lagt er
til að hvatningarátaki verði hrundið
af stað meðal veiðimanna um að
sýna hófsemi í veiðum. Þá er tillaga
um áframhaldandi friðun rjúpunnar
á Reykjanesskaga en Umhverf-
isstofnun taldi ekki tímabært að
fallast á tillögu Náttúrufræðistofn-
unar um þriggja ára friðun á stóru
svæði á Norðausturlandi.
Tillögur Umhverfisstofnunar eru
nú til umsagnar hjá Bændasamtök-
unum, Sambandi íslenskra sveitar-
félaga, Fuglaverndarfélagi Íslands
og SKOTVÍS en Sigríður Anna
Þórðardóttir umhverfisráðherra
óskaði eftir þeim í sumar eftir
ákvörðun sína um að hefja rjúpna-
veiðar á ný. Umhverfisráðuneytið
hefur ekki tekið afstöðu til tillagn-
anna, það verður m.a. gert með
hliðsjón af athugasemdum umsagn-
araðila. Mun umhverfisráðherra
gefa út reglugerð um veiðarnar í
byrjun september.
Fyllstu varúðar verði gætt
Rjúpur hafa verið alfriðaðar und-
anfarin tvö ár en markmið með til-
lögunum nú er að gera veiðar úr
rjúpnastofninum sjálfbærar. Sam-
kvæmt tillögum Náttúrufræðistofn-
unar er veiðiþol stofnsins metið um
70 þúsund veiddir fuglar, að þeim
forsendum gefnum að varpstofninn
sé 219.674 fuglar vorið 2005 og að
veiðar bætist að fullu við nátt-
úrulega dánartíðni. Í umsögn Nátt-
úrufræðistofnunar til umhverf-
isráðuneytisins segir m.a. að
stofnunin telji brýnt að gæta fyllstu
varúðar þegar veiðar á rjúpu verði
leyfðar á ný eftir tveggja ára frið-
un. Vöxtur rjúpnastofnsins í kjölfar
friðunar sé framar vonum og því
yrði slæmt ef bakslag kæmi í við-
gang stofnsins.
Sigmar B. Hauksson segir
SKOTVÍS eiga eftir að skila sinni
umsögn en í fyrstu virðist menn
vera sammála tillögunum að mestu
leyti. Þó sé hægt að gera at-
hugasemdir við lítinn kvóta á hvern
veiðimann og hve varúðarráðstaf-
irnar séu strangar, miðað við að
veiðar hafi legið niðri í tvö ár.
Finna megi ákveðið vantraust
stjórnvalda í garð veiðimanna og
vel hafi mátt sleppa veiðibanni á til
dæmis þriðjudögum. Einnig sé
hætt við að einhverjir veiðimenn
sleppi sér og hugsi sem svo að veið-
ar verði bannaðar fljótt aftur og
safni því í sarpinn. Á þessu þurfi
vissulega að taka.
15 fuglar eiga að sleppa
„Á heildina litið getum við verið
sammála tillögunum, stofninn er í
örum vexti. Fyrirkomulagið heppn-
ast ekki nema menn séu sammála
um að trúa því. Við ættum að hafa
sóknarstýringu eins og í sjávar-
útveginum og draga úr veiðunum
þegar stofninn er í lágmarki,“ segir
Sigmar.
Hvort 15 rjúpur dugi í jólamatinn
fyrir stóra fjölskyldu segir Sigmar
að það ætti að sleppa. Fullvaxnir
karlmenn borði yfirleitt tvær rjúp-
ur og konan og börnin eina hvert.
Kvótinn sé þó óþarflega lítill, þarfir
manna séu misjafnar. Sumir þurfi
að skjóta 25 rjúpur, aðrir bara sex.
Sigmar segist ekki reikna með
öðru en að umhverfisráðherra fari
að tillögum Umhverfisstofnunar,
verði umsagnir almennt jákvæðar.
Umhverfisstofnun leggur til takmarkaðar rjúpnaveiðar í haust
Formaður SKOT-
VÍS almennt fylgj-
andi tillögunum
Morgunblaðið/Ingó
Útlit er fyrir að rjúpnaveiði hefjist aftur í haust. Lagt er til að hver veiði-
maður geti ekki skotið fleiri en 10 til 15 fugla. (Myndin er úr myndasafni.)
Eftir Björn Jóhann Björnsson
bjb@mbl.is
Í DAG eru liðnar sex vikur frá
því að svörum var heitið frá rík-
isstjóraembættinu í Texas við
ítrekuðum beiðnum og óskum
stuðningsmanna Arons Pálma
Ágústssonar og hans sjálfs um
langþráð frelsi og heimfararleyfi
til Íslands. Þetta kemur fram í
tilkynningu frá stuðningshópi
Arons Pálma, sem hefur sætt
refsivist í Bandaríkjunum í
meira en 8 ár, eða frá 13 ára
aldri, og á eftir að afplána um 2
ár af dómnum.
Knut S. Johnsson, lögfræð-
ingur, mun í dag ræða við lög-
fræðing ríkisstjórans fyrir hönd
stuðningshópsins. Áður boðaðrar
ákvörðunar Rick Perry, rík-
isstjóra í Texas, ætti því að vera
að vænta innan skamms.
Aron Pálmi fékk nú fyrir helgi
margumbeðna og langþráða
heimild til að stunda nám við
skóla í Beaumont í Texas, þar
sem honum hefur verið gert að
dvelja í stofufangelsi með mjög
skert athafnafrelsi undanfarin
2,5 ár. Eftir margítrekaðar
beiðnir þar um kom skilorðs-
fulltrúi Arons þessu til leiðar.
Aron hefur lokið inntöku-
prófum og hefur þegar hafið
nám. Hann fær að dvelja í skól-
anum frá því snemma á morgn-
ana til klukkan 19 á kvöldin og
hefur meðal annars internet-
samband og er kominn með
tölvupóstfang. Einnig hefur hann
aðgang að sundlaug skólans og
tækjasal svo segja má að gíf-
urleg breyting til hins betra hafi
skyndilega orðið á högum hans.
Engu að síður þráir hann það
heitast að fá að hverfa sem fyrst
heim til Íslands, segir í tilkynn-
ingunni.
Ákvörðunar
í máli Arons
Pálma beðið
ÓÁNÆGJU gætir meðal sjúklinga á
Kleppsspítala og aðstandenda
þeirra, vegna skertrar þjónustu
strætisvagna við spítalann með nýja
leiðakerfinu. Margir sjúklingar og
starfsmenn spítalans nota vagnana
og eru mjög óánægðir með stöðu
mála. Strætisvagnabiðstöð hefur
verið þarna um áratuga skeið.
Anna Friðbergs Kristjánsdóttir á
geðfatlaða dóttur sem fer í endur-
hæfingu á Kleppi á hverjum morgni
og segir hún að ef sjúklingar mæti
ekki í endurhæfingu eigi þeir eðli-
lega á hættu að missa pláss sín á
spítalanum.
„Það er verið að ráðast að verst
stadda hópnum í samfélaginu og
þetta er mismunun þjóðfélagshópa,“
segir Anna. „Það ríkja miklir for-
dómar og tillitsleysi í garð geðfatl-
aðra.“ Anna er mjög ósátt og nefnir
að frá núverandi göngustöð sé engin
gangbraut, svo ganga þurfi á grasi
eða á götunni til þess að komast að
Kleppi frá næstu biðstöð. Gönguleið-
in verði því hálfófær þegar fari að
frysta.
Anna bendir á að fæstir öryrkjar
hafi efni á einkabílum. Þá séu ferðir
með strætisvögnum oft hluti af end-
urhæfingu, en sumir geti misst
kjarkinn þurfi þeir að fara langa leið
að biðstöð. Þá finnist mörgum erfitt
að þola umferðarhávaða eða standa á
ljósum þar sem þeim finnist allir
horfa á sig.
Þegar nýja leiðakerfið var tekið í
gagnið benti Anna á skerta þjónustu
við spítalann og segir að meðal ann-
ars hafi hann vantað á lista á heima-
síðu strætó, www.bus.is, þar sem
hægt sé að velja ýmsa áfangastaði
innan leiðakerfisins. Úr þessu hefur
þó verið bætt og er spítalinn nú kom-
inn á listann.
„Mér finnst þetta mjög alvarlegt
mál og margir geðfatlaðir eiga erfitt
með að ganga langar leiðir vegna
hinna ýmsu fylgikvilla geðfötlunar,“
segir Anna. „Lífsgæði geðfatlaðra
eru afar lítil og það er mikil niður-
læging að þeir gleymast í skipulagn-
ingu nýs leiðakerfis Strætó bs. Þeir
sem alltaf nota strætó og eiga engra
annarra kosta völ eiga ekki að vera
settir til hliðar. Það er nóg um for-
dóma í þessu þjóðfélagi þótt borg-
aryfirvöld fari ekki að standa þar
fremst í flokki.“
Uppsetning biðstöðvar
er erfiðleikum bundinn
Ásgeir Eiríksson, framkvæmda-
stjóri Strætó, segir að vagnar hafi
áður gengið um Kleppsveg en að nú
sé keyrt eftir Sæbrautinni. Þar á
milli séu einungis nokkrir metrar.
Hann segir að biðstöð vanti við
Klepp en uppsetning hennar hafi
verið erfiðleikum bundin þar sem lít-
ið pláss sé meðfram götunni og auk
þess hafi verið ráðgerðar breytingar
á Kleppsvegi og Sæbraut, en þeim
hafi verið frestað.
„Við höfum núna gert ráðstafanir
og það verður komin biðstöð við
Klepp innan nokkurra vikna,“ segir
Ásgeir. „Hún verður raunar aðeins
nær spítalanum en sú sem var þarna
áður.“
Ásgeir segir að aðstaðan við Klepp
sé ekki viðunandi eins og hún er, en
forgangsatriði sé að bæta þar úr.
Skert þjónusta við Kleppsspítala með nýju leiðakerfi hjá Strætó
Morgunblaðið/Halldór Kolbeins
Sjúklingar og aðstandendur
ósáttir en Strætó lofar úrbótum
Eftir Hrund Þórsdóttur
hrund@mbl.is
KJARTAN Hauksson róðrarkappi
á árabátnum Frelsi vonaðist í gær
til að geta haldið áfram í dag
þriðjudag, för sinni frá Stokkseyri
þar sem hann hefur verið veð-
urtepptur frá því í síðustu viku.
Fyrir liggur að róa fyrir Reykja-
nesið áleiðis til Reykjavíkur. Kom-
ist Kjartan út frá Stokkseyri í
dag, ætti hann að geta lokið
hringróðri sínum á miðvikudag
eða fimmtudag.
Til stóð að hann reri síðasta
spölinn um helgina til að hann
gæti komið til Reykjavíkur á
sunnudag en þær vonir urðu að
engu vegna veðurs.
Að sögn Kjartans var haugasjór
úti fyrir Stokkseyri í gær og
þurftu jafnvel fiskibátar að vera í
vari, hvað þá opnir árabátar eins
og Frelsi.
Á leið hans í sumar hafa safnast
3,1 milljón kr. í Hjálparliðasjóð
Sjálfsbjargar.
Kjartan bíður
enn á Stokkseyri
LÖGREGLAN á Selfossi tók loft-
skammbyssu af unglingspilti í Þor-
lákshöfn í síðustu viku en hann
hafði verið að skjóta úr byssunni á
skilti og ljósastaura. Ekki hlaust
tjón af en lögreglan skorar á for-
eldra að fylgjast vel með hvort
börn þeirra hafi undir höndum
loftbyssur og ef svo er að taka
þær úr umferð og koma í veg fyr-
ir slys.
Innflutningur á ólöglegum loft-
skotvopnum hefur verið mikið
vandamál undanfarin ár en eink-
um kemur fólk með þær heim frá
Spáni. Á þessu ári hefur Toll-
gæslan á Keflavíkurflugvelli tekið
um 50 byssur af fólki og sektar
hvern og einn um 5 þúsund kr.
fyrir brot á vopnalögum. Loft-
byssur eru stórhættuleg vopn en
dæmi er um börn niður í 10 ára
gömul með slík vopn undir hönd-
um.
Loftbyssa
tekin af dreng