Morgunblaðið - 02.09.2005, Blaðsíða 1

STOFNAÐ 1913 236 . TBL. 93. ÁRG. FÖSTUDAGUR 2. SEPTEMBER 2005 PRENTSMIÐJA MORGUNBLAÐSINS mbl.is
Metsölubók
hefst á Íslandi
Fjórtán ára gamall Skoti geysist
fram á ritvöllinn | Menning
Bílar og Íþróttir í dag
Bílar | Léttur og öflugur Opel Speedster
Keppni í spóli

Þolakstur
Vel heppnaður Kia Rio Íþróttir | Lengja þarf spark-
tíðina
Armstrong ósáttur við Frakka
Guðjón stjóri mánaðarins
TUGIR þúsunda manna biðu þess í gær að
komast burt frá New Orleans en ástandið í
borginni versnar með degi hverjum. Skortir
þar mat, vatn og rafmagn og síðan bætist við,
að vopnaðir glæpaflokkar fara ránshendi um
sum hverfi. Stefnt er að því, að á næstu dögum
verði um 30.000 hermenn komnir til aðstoðar
og flestir í Louisiana og Mississippi.
Unnið var að því í gær að flytja um 25.000
manns, sem leitað höfðu skjóls í Superdome-
leikvanginum í New Orleans, í Astrodome-
leikvanginn í Houston í Texas en auk þess
hóps höfðust tugþúsundir manna við í háhýs-
um og hótelum borgarinnar meðan fellibyl-
urinn gekk yfir. Beið þetta fólk eftir því í gær
að komast burt og sumt ekki vel á sig komið.
Fréttamenn sögðu í gær, að í stórri ráð-
stefnuhöll, sem notuð var eftir að Superdome
yfirfylltist af fólki, væru þúsundir manna, alls-
lausar og hrópandi á hjálp. Sums staðar hefði
mátt sjá látið fólk. Ray Nagin, borgarstjóri í
New Orleans, sagði í gær, að algert neyðar-
ástand ríkti í ráðstefnuhöllinni enda vistir
þrotnar. Sagði hann, að þúsundir manna hefð-
ust við úti fyrir henni, gamalt fólk og sjúkt og
barnafjölskyldur.
Er ástandið um sumt farið að minna á flótta-
mannavanda, sem Bandaríkjamenn og aðrir
Vesturlandamenn hafa hingað til aðeins
kynnst á sjónvarpsskjánum.
Staðfest manntjón í Mississippi var í gær
komið vel á þriðja hundraðið og hækkaði talan
stöðugt og Nagin, borgarstjóri í New Orleans,
ítrekaði, að líklega hefðu þúsundir manna far-
ist í borginni. Margra er saknað, meðal ann-
arra söngvarans Fats Dominos.
George W. Bush, forseti Bandaríkjanna,
ætlar að koma til hamfarasvæðanna í dag og
hann hefur beðið forsetana fyrrverandi,
George Bush, föður sinn, og Bill Clinton, að
leggja sitt af mörkum til hjálparstarfsins.
Nokkur stórblöð í Bandaríkjunum gagnrýndu
í gær Bush forseta fyrir andvaraleysi og sein
viðbrögð í þessu mikla máli.
Um 4.000 þjóðvarðliðar fengu í gær það
verkefni að halda uppi lögum og reglu í New
Orleans en í sumum hverfum var óöldin svo
mikil, að hún truflaði björgunarstarfið.
Í gær var skýrt frá því, að birgðir af þotu-
eldsneyti hefðu minnkað allmikið og þá rauk
upp verð á bensíni í sumum Suðurríkjanna.
Fór það allt upp í sex dollara gallonið en til
jafnaðar er það nokkuð innan við þrjá dollara í
Bandaríkjunum.
Vaxandi neyð í New Orleans
 Hermönnum beitt gegn óaldarflokkum
 Bandaríkin glíma við flóttamannavanda
Reuters
Grátandi barn í fanginu á lögreglukonu. Því
var nýbúið að bjarga úr umflotnu húsi.
Eftir Svein Sigurðsson
svs@mbl.is
 Bush heitir | 18
SÆNSKA stjórnin stefnir að því, að árið 2012
verði allir nýir bílar með búnað, sem kemur í
veg fyrir, að drukkinn maður geti ekið þeim.
Ulrica Messing, samgönguráðherra Svíþjóð-
ar, skýrði frá þessu í grein, sem hún skrifaði í
Göteborgs-Posten, en þar kemur fram, að ætl-
unin sé að setja búnaðinn í strætisvagna og
aðra stóra bíla nokkru fyrr.
Búnaðurinn er mjög einfaldur og kemur í
veg fyrir, að unnt sé að ræsa bílvélina ef áfeng-
ismagn í andardrætti ökumanns er of mikið.
Messing sagði, að á hverjum einasta degi ækju
um 15.000 Svíar bíl undir áhrifum.
Sturla Böðvarsson samgönguráðherra sagði
í viðtali við Morgunblaðið, að á fundi sam-
gönguráðherra Norðurlanda í Vejle fyrr í vik-
unni hefði þetta mál verið til umræðu og einnig
annar búnaður, sem varar ökumenn við, fari
þeir of hratt. Sagði hann engar ákvarðanir
hafa verið teknar hér en mikilvægt væri að
fylgjast vel með og vera samferða hinum
Norðurlandaþjóðunum í þessum efnum. | 4
Áfengislás
í bíla 2012
Dubai. AFP. | Ayman al-Zawahiri, næstæðsti
maður al-Qaeda-hryðjuverkasamtakanna, lýsti
í gær yfir ábyrgð þeirra á hryðjuverkunum í
London 7. júlí síðastliðinn. Kom þetta fram á
myndbandi, sem sýnt var í sjónvarpsstöðinni
Al-Jazeera.
Á myndbandinu sést einnig Mohammad
Sidique Khan, einn hryðjuverkamannanna í
London, réttlæta hryðjuverkin en hann og al-
Zawahiri kenndu stefnu Tony Blairs, forsætis-
ráðherra Bretlands, um þau. Hótaði al-Zawah-
iri fleiri árásum á vestræn ríki.
Al-Qaeda
segjast ábyrg
Reuters
Sundurtættur strætisvagn í London 7. júlí.
„ÉG VAR mjög heppinn að hljóta ekki höfuð-
högg þegar ég lenti,“ segir Björn Hafsteinsson
vagnstjóri hjá Strætó bs um strætisvagnsslysið
á mótum Laugavegar og Kringlumýrarbrautar
þann 19. ágúst sem varð til þess að hann missti
báða fætur. Vagninn sem Björn ók lenti í harka-
legum árekstri við vörubíl á gatnamótunum.
Björn hefur legið á Landspítalanum undanfar-
inn hálfan mánuð og er nú á leið í endurhæfingu
á gervifótum. Í slysinu missti Björn samstundis
annan fótinn neðan við hné en hinn fóturinn var
tekinn af honum á Landspítalanum. Björn
missti aldrei meðvitund eftir sjálft slysið.
„Þarna sat ég í götunni með stúfinn í hendinni
og var að hugsa um að fá mér smók! Fólk dreif
að til að aðstoða mig stórslasaðan en ég rak alla
burtu og bað þá að athuga með farþegana. Mér
fannst ég ekki vera mikið slasaður og fann ekki
fyrir miklum sársauka,“ segir hann.
Morgunblaðið/Árni Sæberg
Í slysinu missti Björn Hafsteinsson vagnstjóri samstundis annan fótinn neðan við hné en hinn fóturinn var tekinn af honum á Landspítalanum.
„Þarna sat ég í götunni
með stúfinn í hendinni“
 Heppinn að hljóta ekki | 4
♦♦♦