Morgunblaðið - 02.09.2005, Blaðsíða 6

6 FÖSTUDAGUR 2. SEPTEMBER 2005 MORGUNBLAÐIÐ
FRÉTTIR
ÞORBJÖRG Helga Vigfúsdóttir
hefur ákveðið að bjóða sig fram í
4. sæti á lista sjálfstæðismanna til
borgarstjórnar í Reykjavík.
Þorbjörg kveðst vilja leggja
áherslu á menntamál, málefni
aldraðra og skattamál á vettvangi
borgarstjórnar, hljóti hún braut-
argengi í prófkjörinu. Hún er
menntuð á sviði uppeldis- og
menntunarfræða og lauk MA prófi
í námssálfræði frá háskólanum í
Washington.
Þorbjörg starfar sem ráðgjafi
menntamálaráðherra í menntamál-
um. Hún hóf þátttöku í starfi
Sjálfstæðisflokksins fyrir fjórum
árum, eftir að hún kom heim frá
námi, og er nú 1. varaformaður
SUS.
Þorbjörg segist vilja vinna að
því að menntakerfi borgarinnar,
þ.e. leikskólar og grunnskólar, sé
fjölbreytt og bjóði upp á valkosti.
Það eigi að vera metnaðarfullt og
bjóða upp á skapandi skólaum-
hverfi. „Mér finnst að hlutverk
borgarstjórnar sé að skapa frelsi
fyrir skólastjórnendur og kennara
til að móta skólastefnu. Kjörnir
fulltrúar eiga að
sjá um að setja
gæðaviðmið, en
leyfa hinum fag-
menntuðu að
sinna störfum
sínum,“ sagði
Þorbjörg. Hún
telur þörf á að
tengja skólana
betur lífinu í
hverfunum,
mynda t.d. tengsl við eldri borg-
ara, foreldra nemenda og íþrótta-
félögin. Íþróttamiðstöðvarnar geti
t.d. orðið mun virkari en nú er í
frístundastarfi og daggæslu eftir
að skóladegi lýkur.
Þorbjörg segir að sér þyki
ótækt hve litla athygli málefni
aldraðra í Reykjavík hafa fengið
undanfarið. Hún kveðst vilja að
öllum öldruðum sé tryggt val um
þá þjónustu sem borgin veitir, t.d.
á sviði félags- og hjúkrunarþjón-
ustu. „Það hefur ekki verið byggt
hjúkrunarheimili í Reykjavík í
mörg ár.
Afþreying og námskeið fyrir
aldraða á vegum borgarinnar eru
gamaldags. Þar er þörf á miklu
meiri sköpunargleði og að færa
námskeiðin nær nútímanum.“
Þorbjörg vill lækka fasteigna-
skattinn. „Bæði hefur R-listinn
hækkað fasteignagjöldin og svo
hafa þau hækkað sjálfkrafa vegna
hækkunar á fasteignaverði í
Reykjavík. Eldra fólk, sem nýlega
hefur fagnað afnámi eignarskatts,
horfir nú fram á hækkun fast-
eignaskatta. Yngra fólkið skuldar
kannski 90-100% í húsnæðinu sínu
og er að greiða mjög há fasteigna-
gjöld. Ég vil að Reykjavík bjóði
lægri fasteignagjöld en önnur
sveitarfélög. Fasteignagjöld nema
ekki nema 10% af tekjum borg-
arinnar og lækkun þeirra er góður
leikur í samkeppninni um nýja
íbúa.“
Þorbjörg Helga Vigfúsdótt-
ir býður sig fram í 4. sæti
Þorbjörg Helga
BORGARSTJÓRNARFLOKKAR
R-listans og sjálfstæðismanna fá
sömu meðaleinkunn fyrir frammi-
stöðu sína á kjörtímabilinu í könnun
Félagsvísindastofnunar Háskóla Ís-
lands fyrir Morgunblaðið. Þeir fá
báðir meðaleinkunnina 5,2. F-listinn
fær meðaleinkunnina 3,9.
Þátttakendur í könnuninni voru
beðnir um að meta frammistöðu
þeirra flokka og lista sem nú eiga
sæti í borgarstjórn og voru því
spurðir eftirfarandi spurningar: „Nú
ætla ég að biðja þig að gefa þeim
flokkum eða lista sem sitja í borg-
arstjórn einkunn á kvarðanum núll
til tíu fyrir frammistöðu sína almennt
á núverandi kjörtímabili?“ Með-
aleinkunn R- listans og D-listans var
5,2 eins og áður sagði og með-
aleinkunn F-listans 3,9.
Einkunnagjöfin var þó mismun-
andi eftir því hvað fólk ætlaði að
kjósa. R-listinn fékk t.d. 7,2 í með-
aleinkunn hjá þeim sem ætla að
kjósa Samfylkinguna, 6,2 hjá þeim
sem ætla að kjósa Vinstrihreyf-
inguna – grænt framboð og 5,9 hjá
þeim sem ætla að kjósa Framsókn-
arflokkinn. Þeir sem ætla að kjósa
Sjálfstæðisflokkinn gáfu R-listanum
hins vegar að meðaltali fjóra í ein-
kunn fyrir frammistöðu á kjör-
tímabilinu.
D-listi sjálfstæðismanna fékk 6,8 í
meðaleinkunn hjá þeim sem ætla að
kjósa Sjálfstæðisflokkinn en á bilinu
3,8 til 5,1 hjá þeim sem ætla að kjósa
aðra flokka.
F-listinn fékk 7 í meðaleinkunn hjá
þeim sem ætla að kjósa Frjálslynda
flokkinn, en á bilinu 3,2 til 5,1 hjá
þeim sem ætla að kjósa aðra flokka.
Konur gefa R-listanum hærri ein-
kunn fyrir frammistöðu en karlar, en
dæmið snýst við þegar kemur að D-
listanum. Karlar og konur gefa F-
listanum hins vegar svipaða einkunn.
Könnun Félagsvísindastofnunar
var gerð dagana 25. til 29. ágúst.
Stuðst var við 800 manna slembiúr-
tak úr þjóðskrá sem náði til Reykvík-
inga á aldrinum 18 til 80 ára. Alls 532
svöruðu könnuninni og var brúttó-
svarhlutfall því 66,3%.
Þjóðmálakönnun Félagsvísindastofnunar HÍ fyrir Morgunblaðið
R- og D-listi fá sömu meðal-
einkunn fyrir frammistöðu



       

 
  
 
 






 
 

   
  
  !" 
#  $%&%'%
% 
( "
 

  !"  
)* 
( "
 
   
  !  "
 
 !   "


   



 

  


  




  
MÁLEFNI starfskvenna gæsluvalla
Reykjavíkurborgar voru rædd í
borgarráði í gær, en rekstri gæslu-
vallanna var hætt
og störf
kvennanna lögð
niður frá og með
gærdeginum.
Stefán Jón Haf-
stein, formaður
borgarráðs, segir
að mál flestra
gæslukvennanna
séu leyst eða
muni leysast á
næstu dögum.
Hann harmar, í tilkynningu til fjöl-
miðla, missagnir um starfslokin, og
segir að starfsmennirnir hafi notið
ívilnana við starfslok umfram það
sem samningar segja til um. Stefán
bendir á að uppsagnarbréf hafi ekki
verið afhent fyrr en 1. september, en
ef ekki hefði átt að ívilna starfsmönn-
um hefði uppsagnarbréf verið afhent
fyrir 1. mars, og því ekki komið til
greiðslna eftir 1. september. Sú að-
ferð að miða uppsagnarfrest við 1.
september hafi því fært starfskonun-
um möguleika á launum í 3-6 mánuði
eftir að starfið var lagt niður, án þess
að til kæmi vinnuskylda á móti.
Öllum boðin sambærileg störf
Ennfremur segir Stefán að öllum
starfskonunum 22 hafi verið boðin
sambærileg störf, eins og skylda sé
þegar störf á vegum Reykjavíkur-
borgar eru lögð niður. „Það er fágætt
og heyrir til undantekninga á íslensk-
um vinnumarkaði að starfsmaður,
sem hefur fengið boð um annað starf
við hæfi, geti við þær aðstæður hafn-
að starfstilboði og ákveðið í staðinn
að gera starfslokasamning um launa-
greiðslur í 3-6 mánuði án vinnuskyldu
á móti. Þetta gildir eigi að síður um
starfsmenn gæsluvalla,“ segir í til-
kynningu Stefáns.
Að lokum bendir hann á að til und-
antekninga heyri að vinnuveitandi
geri óformlegt samkomulag við stétt-
arfélag um að starfsmaður sem hefur
störf á félagssvæði annars stéttar-
félags geti áfram verið í sínu gamla
stéttarfélagi og lífeyrissjóði, sem hafi
þó verið gert í þessu tilviki. Gæslu-
konur bentu einmitt á að ekki hefði
gengið að fá skriflegt loforð um þetta,
en ef það fáist ekki þurfi þær sem
hefji störf á leikskólum að byrja að
vinna sig upp frá grunni, enda leið-
beinendur á leikskólum í Eflingu en
gæslukonurnar í Starfsmannafélagi
Reykjavíkurborgar.
Fulltrúar Sjálfstæðisflokks bók-
uðu í borgarráði í gær að þeir hörm-
uðu þá meðferð sem gæslukonur
hefðu sætt af hálfu borgaryfirvalda,
og eins og forystukonur gæslu-
kvennanna hefðu bent á hefðu borg-
aryfirvöld ekki staðið við fyrirheit um
gerð starfslokasamninga.
Í bókun fulltrúa Frjálslynda
flokksins vegna málsins segir að
gæta þurfi sanngirni í samningum við
starfsfólk gæsluvalla vegna lokunar
þeirra, um sé að ræða kvennastétt í
umönnunarstarfi sem hafi þjónað
borgarbúum vel um áratugaskeið, og
það þurfi að sýna í verki að slíkt sé
metið að verðleikum.
Í svari Reykjavíkurlistans kemur
fram að í öllu hafi verið staðið við fyr-
irheit um ívilnandi starfslokakjör og
unnið að málinu öllu í nánu samráði
og fullkomnu samkomulagi við stétt-
arfélag starfsmannanna.
Málefni starfsmanna á gæsluvöllum í Reykjavík voru rædd í borgarráði í gær
Mál flestra leyst eða að leysast
Stefán Jón
Hafstein
FUNDUR verður haldinn í kjara-
deilu SFR, Stéttarfélags í almanna-
þjónustu, við Samtök fyrirtækja í
heilbrigðisþjónustu (SFH) næstkom-
andi þriðjudag. Launanefnd SFH
semur fyrir hönd Hrafnistu í Reykja-
vík og Hafnarfirði, Víðines og Vífils-
staði, Skógarbæ, Sunnuhlíð, Grund,
Ás, SÁÁ, Sjálfsbjargarheimilið,
HNLFÍ.
Fundur var haldinn með deiluað-
ilum hjá ríkissáttasemjara í gær. Þar
kynntu fulltrúar SFR samninganefnd
SFH ályktun sem félagsfundur SFR.
Í ályktuninni var stjórn SFR falið að
hefja undirbúning atkvæðagreiðslu
um verkfallsboðun, að því er segir á
heimasíðu SFR.
Kristján Sigurðsson, sem fer fyrir
samninganefnd SFH, telur að lítið
beri á milli deiluaðila. Í samtali við
Morgunblaðið í gær sagði hann að
SFH myndi skoða málið yfir helgina
fyrir fundinn á þriðjudag. Kristján
kvaðst vera bjartsýnn á að deilan
leystist farsællega og var hann von-
góður um að komist yrði hjá verkfalli.
Jens Andrésson, formaður SFR,
sagði að á samningafundinum í gær
hafi verið farið yfir stöðuna. Hann
sagði að jákvæður tónn hafi verið í
viðsemjendum á fundinum. Engu að
síður myndi SFR halda áfram að und-
irbúa boðun verkfalls. „Vonandi
sjáum við til sólar yfir helgina.“
Kjaradeila SFR og SFH
Lítið ber á
milli samn-
ingsaðila
STARFSMANNAFÉLAG
Akraness hefur samþykkt að
efna til atkvæðagreiðslu um
verkfall starfsmanna bæjarins.
Tillaga þessa efnis var sam-
þykkt samhljóða á félagsfundi.
Atkvæðagreiðslan verður í
byrjun næstu viku. Verði nið-
urstaðan úr henni að boðað
skuli til verkfalls tekur það 15
daga frá boðun að verkfallið
skellur á. Skelli verkfallið á
mun það hafa víðtæk áhrif á
þjónustustofnanir bæjarfélags-
ins, en það tekur m.a. til starfs-
manna skóla, leikskóla, dvalar-
heimilis aldraðra og
íþróttamannvirkja.
Greiða at-
kvæði um
verkfall