Morgunblaðið - 02.09.2005, Blaðsíða 24
24 FÖSTUDAGUR 2. SEPTEMBER 2005 MORGUNBLAÐIÐ
DAGLEGT LÍF | MATARKISTAN
Ég hef alltaf verið fyrir aðhalda matarboð og héltsérstaklega mörg þegarég bjó úti í Þýskalandi því
ég hafði gaman af því að bjóða Þjóð-
verjum í íslenskan mat,“ segir Harpa
en hún bjó ásamt manni sínum,
Kristni Ólasyni og þremur börnum
þeirra í Þýskalandi í rúm sjö ár, þau
fluttu heim til Íslands fyrir tveimur
árum.
Harpa segist alltaf hafa haft áhuga
á matargerð. „Pabbi eldaði mikið
þegar ég var barn, hann var líflegur
og áhugasamur í eldamennskunni og
sýndi manni hvernig átti að gera
matinn. Þegar ég var unglingur var
ég svo í sveit og þar var húsmóðirin
matreiðslukennari, ég lærði mikið af
henni og á ennþá uppskriftir síðan
þá.“
Hún segist alltaf hafa verið dugleg
við að safna uppskriftum. „Það er
mikill mataráhugi í fjölskyldunni
minni og skiptumst við oft á upp-
skriftum. Ég elda líka mikið upp úr
uppskriftabókum, klippi út úr blöð-
um og finn þær á Netinu.“
Laxinn lostæti
Harpa er mikið fyrir að elda rétti
úr fiski og lambakjöti. „Eftir að við
fluttum heim erum við mikið með
fiskrétti. Laxinn er reyndar í mestu
uppáhaldi hjá mér,“ segir Harpa og
bætir við að henni finnist hann eig-
inlega bara vera sælgæti.
Hún segir þá Þjóðverja sem hún
þekkir finnast íslenskur matur vera
sérstaklega góður. „Það sem þeim
finnst gaman að smakka er uppstúf
og brúnaðar kartöflur, það þekkja
þeir ekki.“
Hérna heima heldur Harpa oft
matarboð. „Fyrir hvert boð reyni ég
að finna upp á einhverju nýju, ég
skrifa alltaf niður hvað ég býð hverj-
um upp á svo ég bjóði fólki ekki í það
sama tvisvar. Ég er yfirleitt með þrí-
rétta máltíðir en stundum verða rétt-
irnir fleiri. Og svo býð ég gestunum
alltaf upp á freyðivín í fordrykk.“
Um leið og Harpa er búin að
ákveða að bjóða í mat er hún farin að
hugsa um hvað hún ætlar að bjóða
upp á og finna út hvað þurfi að leggja
mikla vinnu í undirbúninginn. „Ég
reyni að undirbúa vel fyrir matarboð
svo þetta verði sem einfaldast í snið-
inu. Það er svo leiðinlegt að geta ekki
notið matarins með gestunum og
þeim finnst líka leiðinlegt ef ég er
alltaf í eldhúsinu.“
Hörpu finnst vinnan í kringum
matarboð vera skemmtileg. „Það er
líka svo gaman þegar fólki líkar mat-
urinn vel. Stundum er svolítið
svekkjandi samt hvað fólk er fljótt að
borða matinn miðað við vinnuna sem
er lögð í hann. Því reyni ég oft að
hafa bil á milli rétta svo fólk spjalli
saman á milli og það verði ekkert
kappát.“
Karlinn þrífur, hún eldar
Uppskriftirnar sem Harpa prófar
fá dóm hjá henni og skrifar hún við
hverja og eina hvernig hún virkar.
„Þetta er svo ég sé ekki að reka mig
á sömu hlutina aftur,“ segir Harpa
en hún er ekki bara í eldamennsk-
unni því hún hefur líka gaman af því
að baka. „Ég baka mikið fyrir veislur
og slíkt, ég hef örugglega gert yfir
hundrað marsipantertur fyrir ýmsa
viðburði. Þjóðverjar verða alveg
heillaðir af íslensku nammikökunum,
þar er meira bakað og borðað af bök-
um og formkökum.“
Harpa hefur aldeilis mátt elda og
baka ofan í fjölda fólks því eitt sum-
arið út í Þýskalandi tóku þau hjónin á
móti sjötíu og tveimur gestum, frá
enda maí og fram í október, og voru
þeir hjá þeim frá einum degi og upp í
hálfan mánuð. Harpa og Kristinn eru
einmitt að fá vinafólk sitt frá Þýska-
landi í heimsókn núna á næstunni og
ætlar Harpa að halda matarboð þeim
til heiðurs. „Það hefur komið þeim
Þjóðverjum, sem dvelja hjá okkur, á
óvart hvað matarmenningin hérna er
fjölbreytt og góð. Við erum nátt-
úrulega með ofsalega gott hráefni í
kjöti og fiski.“
Harpa viðurkennir að henni hafi
fundist þýskur matur vondur fyrst er
hún flutti út, en svo vandist hún hon-
um og núna finnst henni hann góður.
„Í dag elda ég oftast á hverjum degi
hollan og góðan mat. Maðurinn minn
hefur ekki sama áhuga á mat og ég
en hann hefur áhuga á að borða hann
og honum finnst líka gaman að halda
matarboð. En hann sér um þrifin og
ég um eldamennskuna,“ segir Harpa
hin matgóða. Að lokum gefur hún
okkur uppskriftir að þeim réttum
sem hún bauð upp á í matarboði sem
þau hjónin héldu nýlega fyrir þýska
vini sína.
MATARKISTAN | Fiskur og lambakjöt eru oft á borðum í matarboðum hjá Hörpu Hallgrímsdóttur
Harpa Hallgrímsdóttir er mikil áhugamanneskja
um íslenska matargerð. Hún starfar sem leið-
sögumaður og bjó í Þýskalandi í rúm sjö ár ásamt
fjölskyldu sinni. Hún hefur haldið ófá matarboðin
og laxinn er í sérstöku uppáhaldi hjá henni.
ingveldur@mbl.is
Morgunblaðið/Sverrir
Matargestir eru alltaf sælir, glað-
ir og saddir í boðum hjá Hörpu. Frá
vinstri eru Harpa, Kristinn, Hall-
grímur Viðar sem er elsti sonur
þeirra hjóna og Traudl og Rainer
frá Bamberg í Þýskalandi sem eru
vinir þeirra.
Gratíneruð ýsa
1 kg ýsuflök
½ lítri rjómi
250 g sveppir
200 g rækjur
1 dós sveppasmurostur (250 g)
lítil dós ananasbitar (227 g)
1 poki gratínostur (200 g)
karrí, salt, pipar, sojasósa
Sveppirnir skornir í bita og
steiktir á pönnu, kryddað með
svörtum pipar. Ýsuflökin skorin í
bita og velt upp úr hveiti sem er
kryddað með salti, pipar og karríi.
Léttsteikt á pönnu og sett í eldfast
form. Blanda saman á pönnunni
rjóma, sveppaosti og sveppum, látið
sjóða og síðast sett út í ananasbitar
og rækjur. Kryddað með karríi,
salti, pipar og sojasósu. Hellt yfir
fiskinn og gratínosturinn settur yf-
ir. Bakað í ofni við 180°C, eða þar til
osturinn er orðinn gullbrúnn.
Meðlæti: Hrísgrjón og heitt hvít-
lauksbrauð. Má bæði nota sem for-
rétt og aðalrétt, uppskriftin er fyrir
6 manns sem aðalréttur.
Hunangslambalæri
Lambalæri kryddað með salti og
pipar
Kryddsósa á kjötið
4 msk. hunang
2 msk. dijonsinnep
2 tsk. rósmarín
Í ofnskúffu fer síðan
vatn
1 laukur
1–2 gulrætur
4 lárviðarlauf
nokkur svört piparkorn
Ofninn er hitaður í 200°C, lærið
er sett á grind og kryddað með salti
og pipar. Sett inn í heitan ofn í 10–
15 mín. Hráefnið í kryddsósuna
sett í pott og hitað. Ofninn lækk-
aður niður í 150°C og
kryddsósu er smurt yfir
lærið. Henni er svo smurt
yfir lærið tvisvar til þrisvar
sinnum á steikingartímanum.
Lærið þarf í kringum klukku-
stund í steikingu á hvert kíló.
Sósa: Soðið úr ofnskúffunni er
sett í pott og bakað upp, bætt við
rjóma og kjötkrafti eftir smekk.
Meðlæti: Brúnaðar kartöflur og
salat.
Marsipanterta Hörpu
300 g sykur
6 stk. egg
100 g hveiti
100 g kartöflumjöl
1½ tsk. lyftiduft
Skipt í þrjá botna og sett í 26 cm
kökuform. Bakað við 180°C.
Fylling á neðri botn
3 dl rjómi
½ dós jarðarber
6 makkarónukökur
Botninn bleyttur með jarð-
arberjasafanum. Rjóminn þeyttur,
stöppuðum jarðarberjum og muld-
um makkarónukökum
blandað saman við.
Fylling á efri botn
3 dl rjómi
½ dós perur
6 stk. after eight-súkkulaði
Botninn bleyttur með perusaf-
anum. Rjóminn þeyttur, perur og
súkkulaðið brytjað niður. Gott er að
geyma súkkulaðið í ísskáp, því þá
er auðveldara að skera það í bita.
Blandað saman við rjómann.
Þriðji botninn settur yfir og
bleyttur örlítið með perusafanum.
Síðan er 4 dl af rjóma smurt á kök-
una að utan áður en marsipanið er
sett yfir.
600 g marsipan
Hægt er að kaupa marsipanið og
láta fletja út hjá bakara. Skreytt
eftir vild með berjum og súkkulaði.
Best er að setja á kökuna daginn
áður en hún er borin fram.
Hunangslæri,
ýsuréttur og
marsipanterta
Morgunblaðið/Sverrir
Gaman ef fólki
líkar maturinn vel
Harpa Hallgrímsdóttir er mikið fyrir að halda matarboð og tekur oft tarnir
í þeim. Hún býður aðallega upp á íslenska rétti sem hún útfærir á eigin veg.